අනුරාධපුරයේ බාලවයස්කාර දැරියක් බරපතළ ලෙස අපයෝජනයට ලක්කිරීමේ සිද්ධියට අදාළ විමර්ශනවල ප්රගතිය සම්බන්ධයෙන් පාර්ලිමේන්තු මන්ත්රීවරියන්ගේ සංසදය පැවැත්වූ රැස්වීමක් වාර්තා කිරීමේ සිද්ධියක් මුල්කරගෙන බී.බී.සී. සිංහල සේවයේ සංස්කාරකවරිය සහ මාධ්යවේදීන් කිහිපදෙනෙකු ජූලි 23 වැනිදා පස්වරු 2.00ට පාර්ලිමේන්තු වරප්රසාද කමිටුව හමුවට කැඳවා ඇති බව වාර්තාවේ.
අදාළ සිද්ධිය සම්බන්ධයෙන් චෝදනා එල්ල වී සිටින පල්ලේගම හේමරතන හිමියන්ට එරෙහිව සිදුකෙරෙන විමර්ශනවල වත්මන් ප්රගතිය සමාලෝචනය කිරීම සඳහා පාර්ලිමේන්තු මන්ත්රීවරියන්ගේ සංසදය 2026 ජූනි 5 වැනිදා රැස්වී තිබූ අතර එම රැස්වීම සම්බන්ධයෙන් විශේෂාංගයක් බීබිසි සිංහල වෙබ් අඩවියේ පළ කිරීම මෙම කැඳවීමට හේතු වී ඇත.
පාර්ලිමේන්තු මන්ත්රීවරියන්ගේ සංසදය නිල ව්යවස්ථාපිත පාර්ලිමේන්තු කාරක සභාවක් නොවන පසුබිමක එම රැස්වීම වාර්තා කළ මාධ්යවේදීන් පාර්ලිමේන්තු වරප්රසාද කමිටුව හමුවට මෙසේ කැඳවා ඇත.
