දූෂණය නැමැති චෝදනාව යටතේ අල්ලස් හෝ දූෂණ විමර්ෂන කොමිෂන් සභාව මඟින් මහාධිකරණයේ නඩු පවරා තිබුණු හිටපු අමාත්ය එස්.එම්. චන්ද්රසේන මහතාට ජුලි 02 වන දින කොළඹ මහාධිකරණ විනිසුරු රවින්ද්ර ප්රේමරත්න මහතා ඉදිරියේ අධි චෝදනා භාර දී ඇත.
ඒ 2014 වර්ෂයේ ජනවාරි 1 වැනිදා සහ 2014 දෙසැම්බර් 31 වැනිදා දක්වා කාලසීමාව තුළ අනුරාධපුර දිස්ත්රික්කයේ දිළිඳු ගොවීන්ට සහනදායි මිලට ලබා දීම රජයේ වියදමින් ගෙන්වන ලද බඩ ඉරිඟු බීජ කිලෝ ග්රෑම් 36,000ක් දිස්ත්රික් ලේකම් කාර්යාලයේ සේවය කරමින් සිටි ක්රම සම්පාදන අධ්යක්ෂ ඇතුළු නිලධාරීන්ට බලපෑම් කර දේශපාලන වාසි ලබා ගැනීම සඳහා සිය දේශපාලන හිතවතුන් අතර බෙදාදීම තුළින් දූෂණය නමැති වරද සිදුකළ බවට චෝදනා ගොනු කරමින් අල්ලස් කොමිෂන් සභාව විසින් හිටපු අමාත්යවරයාට එරෙහිව අදාල නඩුව ගොනු කර තිබුණි.
අධිචෝදනා භාර දීමෙන් අනතුරුව එස්.එම්. චන්ද්රසේන මහතාව රුපියල් පනස් දහසක මුදල් ඇපයක් සහ ලක්ෂ 10 බැඟින් වූ ශරීර ඇප 2ක් මත මුදා හැරිමට නියෝග කර ඇති අතර අදාල නඩුව යළි ජුලි මස 22 වැනිදා කැඳවීමටද නියම කර ඇත.
