හිටපු ජනාධිපති ගෝඨාභය රාජපක්ෂගේ පෞද්ගලික ලේකම්වරයා ලෙස කටයුතු කළ සුගීශ්වර බණ්ඩාර මහතාව ජූලි 8 දක්වා යළි රක්ෂිත බන්ධනාගාරගත කරන ලෙස කොළඹ කොටුව මහේස්ත්රාත් පසන් අමරසේන ජුලි 01 වන දින නියෝගයක් නිකුත් කර ඇත.
සුගීෂ්වර මහතා වෙනුවෙන් ජනාධිපති නීතිඥ නලින්ද ඉන්දතිස්ස ගොනු කළ ඇප ඉල්ලීමද ජූලි 8 දින කැඳවා එදින ඒ පිළිබඳ නියෝගය ප්රකාශයට පත් කරන බව මහේස්ත්රාත්වරයා දැනුම් දී ඇත.
අධිකරණය හමුවේ කරුණු දක්වමින් මධ්යම දූෂණ විමර්ශන කාර්යාංශයේ නිලධාරීන් පවසා ඇත්තේ 2026 ජූනි 12 දින ලැබුණු පැමිණිල්ලක් මත විමර්ශනය ආරම්භ කළ බවත් ඒ අනුව සිදු කළ විමර්ශනවලින් අනතුරුව සැකකරු අත්අඩංගුවට ගෙන අධිකරණයට ඉදිරිපත් කළ බවත්ය.
විමර්ශන අනුව 2022 වසරේ හිටපු ජනාධිපතිවරයාගේ පෞද්ගලික ලේකම්වරයා ලෙස සේවය කරන අතරතුර ජනාධිපති ලේකම් කාර්යාලයේ ව්යාපෘති අධ්යක්ෂවරයකු ලෙසද එකවර කටයුතු කරමින් ජනාධිපති වැය ශීර්ෂය යටතේ තනතුරු දෙකටම වැටුප් ලබාගෙන ඇති බවට තොරතුරු අනාවරණය වී ඇති බවය.
තවද එම තනතුරු දරමින් සිටියදී රජයේ වාහන අවභාවිත කිරීම සහ දේශපාලන කටයුතු සඳහා රජයේ සේවකයන් යොදාගෙන ඇති බවටද තොරතුරු අනාවරණය වී ඇති අතර ඒ සම්බන්ධයෙන්ද විමර්ශන තවදුරටත් ක්රියාත්මක බව මධ්යම දූෂණ විමර්ශන කාර්යාංශය අධිකරණයට දැනුම් දී ඇත.
