ගල් අඟුරු ආනයන ක්රියාවලියේදී සිදුව ඇතැයි කියන අක්රමිකතා සම්බන්ධයෙන් විමර්ශනය කරන ජනාධිපති විමර්ශන කොමිෂන් සභාව හමුවේ හිටපු බලශක්ති අමාත්ය ඉංජිනේරු කුමාර ජයකොඩි ජුනි 30 වන දින පැය දෙකකට ආසන්න කාලයක් ප්රකාශයක් ලබාදී ඇති බව වාර්තා වේ.
කොමිෂන් සභාවේ නිල කැඳවීමකට අනුව ජයකොඩි මහතා අදාල ප්රකාශය ලබා දී ඇති අතර ගල් අඟුරු ආනයන ගනුදෙනු සහ ඒවාට අදාළ ප්රසම්පාදන ක්රියාවලිය සම්බන්ධයෙන් කරුණු දක්වා ඇත.
2024 නොවැම්බර් 18 දින බලශක්ති අමාත්ය ධුරයට පත් වූ කුමාර ජයකොඩි ස්වාධීන විමර්ශනයකට ඉඩ සැලසීම සඳහා 2026 අප්රේල් 17 දින එම ධුරයෙන් ඉල්ලා අස් වූ බව නිවේදනයක් හරහා ප්රකාශ කර තිබිණි.
ජනාධිපති අනුර කුමාර දිසානායක විසින් මෙම ජනාධිපති විමර්ශන කොමිෂන් සභාව පත් කළ අතර එම කොමිෂන් සභාවේ සභාපතිත්වය ශ්රේෂ්ඨාධිකරණ විනිසුරු ගිහාන් කුලතුංග දරන අතර අභියාචනාධිකරණ විනිසුරු ආදිත්ය පටබැඳිගේ සහ මහාධිකරණ විනිසුරු සංජීව සෝමරත්න එහි සෙසු සාමාජිකයෝ වෙති.
කොමිෂන් සභාව මේ වන විට වත්මන් බලශක්ති අමාත්යාංශ ලේකම්වරයා, හිටපු අමාත්යාංශ ලේකම්වරුන් සහ ජ්යෙෂ්ඨ නිලධාරීන් ඇතුළු පුද්ගලයන් 60කට අධික සංඛ්යාවකගෙන් ප්රකාශ සටහන් කරගෙන ඇති අතර
2009 වසරේ සිට මේ දක්වා සිදු වූ ගල් අඟුරු ආනයන ගනුදෙනු සම්බන්ධයෙන් එල්ල වී ඇති අක්රමිකතා මෙම විමර්ශනයට ඇතුළත් වන අතර සාක්ෂි විභාගය නිල වශයෙන් ජූලි 3 වැනිදා ආරම්භ කිරීමට නියමිතය.
චෝදනා ලද බාල ගල් අඟුරු ආනයන සම්බන්ධයෙන් ශ්රී ලංකා මහජන උපගෙයා්ගිතා කොමිෂන් සභාව නිකුත් කළ වාර්තාවේ සඳහන් වන්නේ මතභේදයට තුඩුදුන් ගල් අඟුරු තොග නවයකින් ගෙන්වා ඇති බාල ගුණාත්මකභාවයෙන් යුත් ගල් අඟුරු හේතුවෙන් රජයට රුපියල් බිලියන 8.49ක පමණ අලාභයක් සිදුව ඇති බවය.
