කංචන විජේසේකර මහතා විදුලිබල හා බලශක්ති අමාත්යවරයා ලෙස කටයුතු කළ කාලසීමාවේ දී මෙරටට ගල්අඟුරු ආනයනය කිරීමේදී සිදුව ඇතැයි පවසන මූල්ය අක්රමිකතාවක් සම්බන්ධයෙන් විධිමත් පරීක්ෂණයක් ආරම්භ කරන ලෙස ඉල්ලමින් ජාතික ජන බලවේගයේ ගම්පහ දිස්ත්රික් පාර්ලිමේන්තු මන්ත්රී නීතිඥ උපුල් අබේවික්රම සහ පාර්ලිමේන්තු මන්ත්රී ස්ටෙෆන් ප්රනාන්දු යන මහත්වරුන් විසින් මැයි 19 දින ගල්අඟුරු සම්බන්ධ ජනාධිපති විමර්ශන කොමිෂන් සභාව වෙත පැමිණිල්ලක් භාරදී ඇත.
පැමිණිල්ල භාරදීමෙන් අනතුරුව මාධ්ය වෙත අදහස් දක්වමින් අබේවික්රම මහතා සඳහන් කළේ හිටපු ජනාධිපති රනිල් වික්රමසිංහ මහතාගේ පාලන සමයේ බලශක්ති අමාත්යවරයා ලෙස කටයුතු කළ කංචන විජේසේකර මහතා ප්රසම්පාදන ක්රියාවලියෙන් බැහැරව ගල්අඟුරු ආනයනය කිරීමට කටයුතු කර ඇති බවත් එම කාලයේ ගල්අඟුරු සැපයීම සඳහා කැඳවා තිබූ ටෙන්ඩර් ක්රියාවලියේ අවම ලංසුව ඉදිරිපත් කර සුදුසුකම් ලබා ඇත්තේ ආදිත්යා නම් සමාගමක් නමුත් පසුව කැබිනට් තීරණයක් මත ප්රසම්පාදන ක්රියාවලිය සම්පූර්ණ කර නොතිබූ ෆොටෙන්සියා සමාගම වෙත ගල්අඟුරු සැපයීමේ ඇණවුම ලබාදීමට හිටපු විෂය භාර අමාත්යවරයා පියවර ගෙන ඇති බවයි.
ප්රසම්පාදන ක්රියාවලිය සම්පූර්ණ නොකළ සමාගමකට මෙවැනි විශාල වටිනාකමකින් යුත් ටෙන්ඩරයක් ලබාදීම පිටුපස බරපතළ දූෂණයක් හෝ මූල්ය වංචාවක් සිදුව ඇති බවට සාධාරණ සැකයක් පවතින බවත් මන්ත්රීවරුන් පැවසීය.
ජනාධිපති අනුර කුමාර දිසානායක විසින් පත්කළ මෙම විශේෂ විමර්ශන කොමිසම ශ්රේෂ්ඨාධිකරණ විනිසුරු ගිහාන් කුලතුංග මහතාගේ සභාපතිත්වයෙන් ක්රියාත්මක වන අතර 2016 ජනවාරි 1 සිට 2026 අප්රේල් 16 දක්වා කාලසීමාවේ සිදුවූ ප්රසම්පාදන ක්රියාදාම සහ මූල්ය ගනුදෙනු සම්බන්ධයෙන් පුළුල් විමර්ශනයක් සිදුකිරීමට නියමිතය.
