No menu items!
22.5 C
Sri Lanka
19 May,2024

2023 සුරා බදු රුපියල් බිලියන 1.1ක් තවම අයකරගෙන නෑ

Must read

2023 වසරට අදාළව මත්පැන් නිෂ්පාදකයින්ගෙන් අයවිය යුතු හිඟ බදු මුදල් ප්‍රමාණය රුපියල් බිලියන 1.1ක් බව ක්‍රම හා විධි පිළිබද කාරක සභාවේදී අනාවරණය වී ඇත.

ඒ අනුව එම හිඟ බදු මුදල් ජූනි 30 වැනිදා වනවිට අයකර ගැනීමට කටයුතු කරන ලෙස ක්‍රම හා විධි පිළිබඳ කාරක සභාව විසින් සුරාබදු දෙපාර්තමේන්තුවට නියෝගයක් නිකුත් කර ඇත.
බදු නොගෙවන මත්පැන් නිෂ්පාදකයින්ගෙන් බලපත්‍ර බදු ගෙවන තෙක් තාවකාලිකව අත්හිටුවීමට ගෙනතිබු කාරක සභා නියෝගය නොසලකා හැර කටයුතු කිරීම පිළිබඳව මෙහිදී කාරක සභාපතිවරයා සුරාබදු දෙපාර්තමේන්තුවෙන් විමසා ඇති අතර එහිදී ඔවුන් ප්‍රකාශ කර ඇත්තේ මත්පැන් නිෂ්පාදකයින්ගේ බලපත්‍ර අහෝසි නොකොට අදාළ හිඟ බදු මුදල් වාරික වශයෙන් අයකර ගැනීමේ ක්‍රමවේදයක් සකස් කර ඇති බවය. එම ක්‍රමවේදය පිළිබඳව සෑහීමකට පත්විය නොහැකි බැවින් ජූනි 30 වැනිදා වන විට හිඟ බදු මුදල් අයකර ගැනීමට කටයුතු කරන්න යැයි මෙහිදී කාරක සභාව නියෝග ලබාදී ඇත.

පාර්ලිමේන්තුවේ ක්‍රම හා විධි පිළිබඳ කාරක සභාව පසුගිය 24දා එහි සභාපති පාඨලී චම්පික රණවකගේ ප්‍රධානත්වයෙන් පාර්ලිමේන්තුවේ දී රැස්විය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි