No menu items!
30.5 C
Sri Lanka
25 June,2024

රෝහිතගේ එන්තරවාසිය තවම ලැබුණේ නෑ – හඳුන්නෙත්ති

Must read

පාර්ලිමේන්තු මන්ත්‍රී රෝහිත අබේගුණවර්ධන දූෂිත පුද්ගලයෙක් යැයි ප්‍රකාශ කිරීම සම්බන්ධයෙන් ජාතික ජන බලවේගයේ පාර්ලිමේන්තු මන්ත්‍රී විජිත හේරත්ට එරෙහිව එවනවා යැයි කී එන්තරවාසිය මෙතෙක් ලැබී නැති බව ජාතික ජන බලවේගයේ විධායක කමිටු සාමාජික සුනිල් හඳුන්නෙත්ති ප්‍රකාශ කළේය.

ඔහු මේ බව ප්‍රකාශ කළේ රෝහිත අබේගුණවර්ධන මන්ත්‍රීවරයා එන්තරවාසියක් එවන බවට කළ ප්‍රකාශය පිළිබඳව අප කළ විමසීමේ දීය.

රෝහිත අබේගුණවර්ධන මන්ත්‍රීවරයා එවන බව කියූ එන්තරවාසිය ලැබෙන තෙක් තම පක්ෂය ඉතාමත් කැමැත්තෙන් බලා සිටින බවත් එම එන්තරවාසියට පිළිතුරු යවා ඔහු හොරෙක් බව අධිකරණයේදීම ඔප්පු කිරීම සඳහා සූදානමෙන් සිටින බවත් සුනිල් හඳුන්නෙත්ති මහතා වැඩිදුරටත් පැවසීය. රෝහිත අබේගුණවර්ධන මහතා එන්තරවාසියක් යවන බව ප්‍රකාශ කළේ මාර්තු 17 වන දිනය.

මාර්තු 14 දින අයිඑම්එෆ් නියෝජිතයින් හා ජාතික ජන බලවේගය අතර පැවති හමුවේ දී අයිඑම්එෆ් නියෝජිතයිනට කෝප් කමිටුවට පත් වී ඇත්තේ හොරෙක් බව දැනුවත් කළ බව අයිඑම්එෆ් හමුව පිළිබඳ දැනුවත් කිරීමේ මාධ්‍ය සාකච්ඡාවේ දී පාර්ලිමේන්තු මන්ත්‍රී විජිත හේරත් ප්‍රකාශ කළේය. රෝහිත අබේගුණවර්ධන මන්ත්‍රීවරයා විසින් විජිත හේරත් මන්ත්‍රීවරයාට එන්තරවාසි එවන බව පැවසුවේ එම ප්‍රකාශය පදනම් කර ගනිමිනි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි