පසුගිය වසර දෙකක කාලයේදී යුද හමුදාවේ 27000ක පිරිසක් සේවය අතහැර ගොස් ඇතැයි මන්ත්‍රී ඩලස් අලහප්පෙරුම නොවැම්බර් 23 දින පාර්ලිමේන්තුවේදී ප්‍රකාශ කර ඇත.
යුද්ධ කාලයේදී පවා එවැනි තත්වයක් නොතිබූ බව ඔහු විශ්වාස කරන බවද, වර්තමානයේ කුමන හෝ ගැටලුවක් තිබෙන බැවින් එයට වහා ආමන්ත්‍රණය කළ යුතු බවද ඔහු කියා ඇත.
මහජන ආරක්ෂක අමාත්‍යාංශයේ වැය ශීර්ෂය පිළිබඳ විවාදයට එක්වෙමින් ඔහු වැඩිදුරටත් කියා ඇත්තේ දින හතලිහක් තිස්සේ යුද හමුදාවට දෙවෙනියෙකු නැති බවත්, එය යුද හමුදා ඉතිහාසයේ පළමුවරට සිදුවී ඇති දෙයක් බවත්, එසේ ප්‍රමාදයක් ඇති වූයේ ඇයිද යන්න නොදන්නා බවත් හා ඒ නිසා හමුදාව තුළ ගැටලු මතුවී ඇති බවත්ය.
එසේම මහජන ආරක්ෂාව සම්බන්ධයෙන් බරපතළ ගැටලුවක් ඇතිවී තිබෙන බව හා අවිශ්වාසයක් මතුවී තිබෙන බවත්, රට තුළ මාසයකට මනුෂ්‍ය ඝාතන 50ක් සිදුවන බව හා එය පැය දාහතරක කාලයකට එක ඝාතනයක් බවද ඔහු කියා ඇත.
