දෙමළ ජාතික සන්ධානය ලෙස ආර් සම්බන්ධන් මහතා නායකත්වය දරන ඉලංගෙයි තමිල් අරසු පක්ෂය සමඟ කටයුතු කරන පක්ෂ ඉන් ඉවත් වීමට තීරණය කර ඇතැයි වාර්තාවේ.
එසේ ඉවත් වීමට තීරණය කර ඇත්තේ සෙල්වම් අඩෙයික්කලනාදන්ගේ නායකත්වයයෙන් යුත් ටෙලෝ, ආර් සිද්ධාර්ථන්ගේ නායකත්වයෙන් යුත් ප්ලොට් හා සුරේෂ් ප්රේමචන්ද්රන්ගේ නායකත්වයෙන් යුත් ඊපීආර්එල්එෆ් යන පක්ෂයි.
එසේ ඉවත් වන පක්ෂ දෙමළ ජාතික සන්ධානයට අයත් නැති ගජේන්ද්ර කුමාර් පොන්නම්බලම්ගේ දෙමළ කොංග්රසය හා සීවී විග්නේශ්වරම්ගේ පක්ෂය යන උතුරේ පක්ෂ සමඟ ඉදිරි මැතිවරණ සඳහා ඉදිරිපත් වීමට නව දේශපාලන සන්ධානයක් පිහිටුවීමට නියමිත බවද තවදුරටත් වාර්තාවේ.
