29.6 C
Sri Lanka
2 October,2022

කම්කරු නඩු 16,000ක් මහේස්ත්‍රාත් උසාවිවල

Must read

■ ඉඳුවර බණ්ඩාර


රටපුරා පිහිටා ඇති මහේස්ත්‍රාත් අධිකරණ 80ක පමණ ප්‍රමාණයක කම්කරු ආරවුල්වලට අදාල නඩු 16,000ක් පමණ පවරා ඇතැයි අනාවරණය වේ.


මේ බව අනාවරණය වී ඇත්තේ ජුනි 10 දින රැස්වූ කම්කරු හා විදේශ රැකියා කටයුතු පිළිබඳ උපදේශක කාරක සභාවේදීය. එම කාරක සභාව එදින රැස්වී ඇත්තේ කාර්මික ආරවුල් විශේෂ විධිවිධාන පනත් කෙටුම්පත සම්බන්ධයෙන් සාකච්ඡා කිරීමටය.


මෙසේ අධික නඩු ප්‍රමාණයක් මහේස්ත්‍රාත් අධිකරණවල ගොඩගැසීම හේතුවෙන් අගතියට පත්වන පාර්ශවයට සාධාරණයක් ඉටුකර ගැනීමට විශාල කාලයක් වැයවීම සැළකිල්ලට ගෙන රටපුරා ස්ථාපිත කම්කරු විනිශ්චය සභා 37 වෙත එම නඩු කටයුතු පැවරීමට පනත් කෙටුම්පතෙන් සිදුවන බව සාකච්ඡාවට ලක්වී ඇත.


සේවකයින්ගේ සේවය අවසන් කිරීම සම්බන්ධයෙන් වූ නඩු පමණක් මේ වනවිට කම්කරු විනිශ්චය සභාවලට යොමු කෙරෙන අතර මීට පෙර කාර්මික ආරවුල් සම්බන්ධයෙන් වූ අනෙකුත් නඩුද කම්කරු විනිශ්චය සභාවල විනිශ්චය කර තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි