19.5 C
Sri Lanka
27 September,2022

මිලියන 644ක බේත් සිස්ටම් වැඩ නෑ

Must read

■ අමන්දිකා කුරේ


රුපියල් මිලියන 644ක් වැය කරමින් නිර්මාණය කළ රාජ්‍ය ඖෂධ නීතිගත සංස්ථාවේ පරිගණක පද්ධතිය අවශ්‍ය අන්දමින් කියා නොකරන බවට පොදු ව්‍යාපාර පිළිබඳ කාරක සභාවේදී (කෝප් කමිටුවේදී) හෙළි විය.


රාජ්‍ය ඖෂධ නීතිගත සංස්ථාවේ වැඩබලන සභාපති ඩී.එස්. සමරසිංහ කෝප් කමිටුව හමුවේ පිළිතුරු දෙමින් පැවසුවේ එම පද්ධතිය හරහා ඇතැම් කාර්යයන් කිරීමට නොහැකි බවයි.
එම නිසා මෙහෙයුම් අංශයක් යටතේ එම දත්ත හා ඖෂධ ඇණවුම් කිරීමට අදාල කාලයන් පිළිබඳව දත්ත වෙනම පවත්වාගෙන යන බව පැවසූ අතර කෝප් කමිටුවේ සාමාජිකයන් පෙන්වා දුන්නේ එය නීත්‍යනුකූල නොවන බවයි.


මෙපමණ මුදලක් වැය කර අවශ්‍ය කාර්යයන් සිදු කිරීමට නොහැකි නම් එය අපරාධයක් බව කෝප් කමිටුවේ සභාපති මහාචාර්ය චරිත හේරත් සහ එම කමිටුවේ සාමාජික ආචාර්ය හර්ෂ ද සිල්වා අදහස් පළකළහ.


මෙම පරිගණක පද්ධතිය නිර්මාණය කර තිබෙන්නේ ඊ-විස් කන්ට්‍රැක්ට් නැමැති සමාගමක් විසින් වන අතර එම පද්ධතිය ක්‍රියාත්මක කරවීමට මසකට මිලියන 5 බැගින් වසරකට මිලියන 60ක් ගෙවන බවද කෝප් කමිටුවේදි හෙළි විය.


ඖෂධ ඇණවුම් කිරීමට ද මෙම පද්ධතිවල පවතින ප්‍රමාදය සහ දෝෂ බලපාන බව කෝප් කමිටුවට ඉදිර්පත් කර ඇති විගණකාධිපති වාර්තාවේ සඳහන් ය.


ඖෂධ ආනයනය සඳහා ඉන්දීය ණය ආධාර යටතේ ඩොලර් මිලියන 200ක් ද, ලෝක බැංකු ආධාර යටතේ ඩොලර් මිලියන 73ක් ද ආසියානු සංවර්ධන බැංකුවෙන් ඩොලර් මිලියන 666ක් ද ලැබී තිබියදී තවමත් අවශ්‍ය ඖෂධ ගෙන්වා නැත්තේ ඇයිදැයි කෝප් කමිටු සභාපති මහාචාර්ය චරිත හේරත් ප්‍රශ්න කළේ ය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි