20.9 C
Sri Lanka
3 October,2022

21, 19 තරම් ප්‍රබල නෑ විපක්ෂයේ පක්ෂ කියයි

Must read

■ අමන්දිකා කුරේ


යෝජිත 21 වන ව්‍යවස්ථා සංශෝධනයේ ඇති ප්‍රතිපාදන 19 වන ව්‍යවස්ථා සංශෝධනයේ ඇති ප්‍රතිපාදන තරම් බලපෑම් සහගත ඒවා නොවන බවට විපක්ෂය නියෝජනය කරන සමගි ජන බලවේගය, දමිළ ජාතික සංධානය සහ ශ්‍රී ලංකා මුස්ලිම් කොංග්‍රසය පවසයි.


අප කළ විමසීමක දී සමගි ජන බලවේගයේ මහ ලේකම් පාර්ලිමේන්තු මන්ත්‍රී රංජිත් මද්දුම බණ්ඩාර පැවසුවේ මෙම යෝජිත ව්‍යවස්ථා සංශෝධනයේ ඇති සංශෝධන 19 වැනි ව්‍යවස්ථා සංශෝධනයේ තරම් ප්‍රබල ඒවා නොවන බවයි.


ඒ නිසා තම පක්ෂය යෝජනා කළ ව්‍යවස්ථා සංශෝධනය ගෙන ඒම වඩාත් යෝග්‍ය බව ඔහු පැවසුවේ ය.


ශ්‍රී ලංකා මුස්ලිම් කොංග්‍රසයේ ලේකම් නීතිඥ නිශාම් කාරියප්පර් පෙන්වා දෙන්නේ මේ හරහා ජනාධිපතිවරයාගේ විධායක බලතල ප්‍රමාණවත් අන්දමින් කප්පාදු කිරීමට සහ ව්‍යවස්ථාදායකයට අවශ්‍ය බලය ලබා දීමට තරම් ප්‍රමාණවත් ප්‍රතිපාදන ඇතුලත් වී නොමැති බවයි.

කැබිනට්ටුව හරහා ගෙන එන මේ සංශෝධනය බැසිල් රාජපක්ෂ ඇතුළු ආණ්ඩුවේ ප්‍රබලයන් ආරක්ෂා කිරීමට ගෙන එන්නක්දැයි දැඩි සැකයක් පවතින බව ඔහු පෙන්වා දෙයි.


19 වැනි ව්‍යවස්ථා සංශෝධනය බලාත්මක කරන ඕනෑම පාර්ශවයකට සිය සහයෝගය හිමිවන බව පෙන්වා දුන් කාරියප්පර් මහතා වැඩිදුරටත් පැවසුවේ මෙම ව්‍යවස්ථා සංශෝධනයේ ප්‍රතිපාදන 19 වැනි ව්‍යවස්ථා සංශෝධනයටත් වඩා අඩු මට්ටමක පවතින බවයි.


දමිළ ජාතික සන්ධානයේ මාධ්‍ය ප්‍රකාශක නීතීඥ එම්.ඒ සුමන්තිරන් ද පැවසුවේ යෝජිත ව්‍යවස්ථා සංශෝධනයේ ඇති ප්‍රතිපාදන ජනාධිපතිවරයාගේ විධායක බලතල අඩු කිරීමට ප්‍රමාණවත් නොවන බවයි. ජනාධිපතිවරයාට ඇමතිධූර දැරීමට ඇති හැකියාව මෙම ව්‍යවස්ථා සංශෝධනයෙන් ඉවත් නොවන බව නිසාම් කාරියප්පර් හා එම්ඒ සුමන්තිරන් යන දෙදෙනාම පෙන්වා දුන් අතර මෙම ව්‍යවස්ථා සංශෝධනය මේ වන විට සිය පක්ෂ විසින් අධ්‍යනය කරමින් පවතින බව ප්‍රකාශ කළහ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි