20.5 C
Sri Lanka
19 August,2022

මාර්ග බාධකවලින් හමුදාව කැඳවීම සැකයට

Must read

රටපුරා ඇඳිරි නීතිය පැනවීමෙන් පසු මාර්ග බාධක කටයුතු සඳහා කැඳවා සිටි යුද හමුදා සාමාජිකයින්ට එම රාජකාරිවලින් ඉවත් වන ලෙස මැයි 11 වැනිදා රාත්‍රී 10ට පමණ හදිසි දැනුම්දීමක් ලැබී තිබේ.


යුද හමුදා ආරක්ෂක සේනා මූලස්ථානය බටහිර මගින් මෙම දැනුම්දීම කර ඇති අතර ඒ මගින් කියා ඇත්තේ යළි පසුදා (මැයි 12 දින) පාන්දර 4ට මාර්ග බාධක රාජකාරිවලට පැමිණෙන ලෙසය. මෙසේ ඇඳිරි නීති රාජකාරිවලින් පැය හයකට ආසන්න කාලයක් යුද හමුදා සාමාජිකයින් ඉවත් කළේ ඇයිද යන්න මේ වනවිට එසේ රාජකාරි සඳහා යෙදවූ හමුදා සාමාජිකයින්ට ප්‍රශ්නයක් වී ඇති අතර එසේ හමුදාව මාර්ග බාධක රාජකාරියෙන් ඉවත් කළේ කිසියම් පිරිසකට කඩාකප්පල්කාරී ක්‍රියාවකට ඉඩදෙන්නද යන්න ඔවුන්ගේ සැකයට හේතු වී ඇත.

මෙම තොරතුරු ලැබීමෙන් පසු මැයි 11 වැනිදා රාත්‍රියේ අප කළ නිරීක්ෂණයේදී තහවුරු වූයේද හමුදාව මාර්ග බාධකවලින් ඉවත් වී යළි පසුදා පාන්දර මාර්ග බාධක රාජකාරීවලට පැමිණි අයුරුය.


මෙසේ මාර්ග බාධක රාජකාරියේ යොදවා සිටි හමුදා සාමාජිකයින් පැය කිහිපයකට කැඳවුයේ ඇයිද යන්න හමුදා මාධ්‍ය ප්‍රකාශක බි්‍රගේඩියර් නිලන්ත ප්‍රේමරත්නගෙන් කළ විමසීමේදී ඔහු පෙරළා ප්‍රශ්න කළේ එවැන්නක් අප කියන්නේ කෙසේද යන්නය. එම තත්වය අප නිරීක්ෂණය කළා යැයි ඔහුට පැවසූ විට ඔහු යළි කීවේ අප ඇඳිරි නීතිය කඩකර ඇති බවය. එවිට අප පැවසුවේ ඇඳිරි නීතිය කඩකිරීමක් සිදුකර නැති බවත් වාර්තා කිරීමේ රාජකාරි කටයුතුවල නිරත වී සිටි බවත්ය. කෙසේ වෙතත් ඔහු අවසන් වශයෙන් පැවසුවේ ඒ සම්බන්ධයෙන් සොයා බලා පිළිතුරක් ලබාදෙන බවය. එහෙත් පුවත්පත මුද්‍රණයට යන තෙක් ඔහු පිළිතුරු ලබාදීමක් සිදුකළේ නැත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි