20.9 C
Sri Lanka
2 October,2022

කෝටි 15,000ක ආදායමක් හොයන්න, අවම කාණ්ඩයේ විදුලි ගාස්තු සියයට 533කින් වැඩි කරන්න යයි

Must read

දැනට ක්‍රියාත්මක විදුලි ඒකක 0 සිට 30 දක්වා වූ අවම කාණ්ඩයේ විදුලි ගාස්තු සියයට 533 කින් වැඩි කිරීම ඇතුලත් විදුලි බල මණ්ඩලයේ වාර්ෂික ආදායම රුපියල් කෝටි 15,000 කින් වැඩි කිරීමේ යෝජනා ශ්‍රී ලංකා මහජන උපයෝගිතා කොමිසමට ඉදිරිපත් කර ඇත.


මේ වනවිට විදුලි බල මණ්ඩලයේ වාර්ෂික ආදායම රුපියල් කෝටි 28,400 ක් වන අතර මෙම විදුලි ගාස්තු වැඩි කිරීමේ යෝජනාව අනුව එම ආදායම රුපියල් කෝටි 43,400 දක්වා වැඩිකර ගැනීමට නියමිතය.


එම යෝජනා අනුව ඒකක 31-60 අතර කාණ්ඩයේ විදුලි ගාස්තුව සියයට 650 කින්ද, ඒකක 61-90 අතර කාණ්ඩයේ විදුලි ගාස්තුව සියයට 175 කින්ද, ඒකක 91-120 අතර කාණ්ඩයේ විදුලි ගාස්තුව සියයට 80 කින්ද, ඒකක 121-180 අතර කාණ්ඩයේ විදුලි ගාස්තුව සියයට 50 කින්ද, ඒකක 180 වැඩි කාණ්ඩයේ විදුලි ගාස්තුව සියයට 25 කින්ද වැඩි කිරීමට අනුමැතිය ඉල්ලා ඇත.


දැනට ඒකක 30 දක්වා කාණ්ඩයේ ඒකකයක ගාස්තුව රුපියල් 2.50ක් වන අතර ඒකක 31-60 දක්වා කාණ්ඩයේ ඒකකයක ගාස්තුව රුපියල් 4.85කි. ඒකක 61-90 කාණ්ඩයේ ඒකකයක ගාස්තුව රුපියල් 10ක් වන අතර ඒකක 91-120 කාණ්ඩයේ ඒකකයක ගාස්තුව රුපියල් 29.75කි. ඒකක 121-180 අතර කාණ්ඩයේ ඒකකයක ගාස්තුව රුපියල් 32ක් වන අතර ඒකක 180 ට වැඩ් කාණ්ඩයේ ඒකකයක ගාස්තුව රුපියල් 45කි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි