27.6 C
Sri Lanka
28 September,2022

කෝටි ගණනක විදුලි බිල
ගෙවා නැත්තේ කෙහෙළිය

Must read

■ අමන්දිකා කුරේ


පසුගිය වසරේ දෙසැම්බර් 21 දක්වා පදිංචි රජයේ නිවස වෙනුවෙන් එක්කෝටි විසි ලක්ෂ පනස් හය දහස් අටසිය තුනයි සත අසූ තුනක විදුලි බිල් ගෙවා නැත්තේ සෞඛ්‍ය ඇමති කෙහෙළිය රඹුක්වැල්ල බව ඒ සම්බන්ධයෙන් ලංකා විදුලි බල මණ්ඩලය යවා ඇති ලිපිය අනුව අනාවරණය වේ.


මෙම මුදල කඩිනමින් ගෙවන ලෙසට ඉල්ලා ලංකා විදුලි බල මණ්ඩලය විසින් ජනවාරි 11 වන දින ඇමතිවරයාට ලිපියක් යොමු කර තිබෙන අතර බිල්පත් ගෙවීම ප්‍රමාද වීමට අදාල දඩමුදල්, අධිභාර බදු කිසිවක් මෙම ගාස්තුවට ඇතුළත් නොවන බවද එම ලිපියේ සඳහන් වේ.


400/53, සරණ පාර ලිපිනයේ පිහිටා ඇති අමාත්‍යවරයාගේ මෙම නිවස රාජ්‍ය ඉංජිනේරු සංස්ථාවට අයත් නිල නිවසක් බවත් එහි මීට පෙර රැඳී සිටියේ යුද හමුදාපති ජනරාල් ශවේන්ද්‍ර සිල්වා බවත් මේ සම්බන්ධයෙන් කළ විමසීමකදී ලංකා විදුලි සේවක සංගමයේ රන්ජන් ජයලාල් මහතා පවසයි.ජනරාල් ශවේන්ද්‍ර සිල්වා රැඳී සිටි කාලයේ විදුලි බිල්පත් ගෙවා ඇති බවත් ඉන්පසු අමාත්‍යවරයා පැමිණි පසු ගෙවා නොමැති බිල්පත්වල එකතුව මෙතරම් මුදලක් වී ඇති බවත් ඔහු පෙන්වා දෙයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි