19.5 C
Sri Lanka
27 September,2022

අධිභාරයට එරෙහිව වෘත්තීය සමිති පෙරට

Must read

අයවැය යෝජනාවක් අනුව මුදල් ඇමති බැසිල් රාජපක්ෂ ඉදිරිපත් කර ඇති සියයට 25ක් වූ අධිභාර බද්ද සේවක අර්ථසාධක අරමුදල ඇතුළු සේවක අරමුදල්වලින් කපා ගැනීමට එරෙහිව ගත යුතු ඉදිරි ක්‍රියාමාර්ග ගැන තීරණය කිරීම සඳහා ඊට විරුද්ධ වෘත්තීය සමිති එක් වේදිකාවකට කැඳවීමට තීරණය කර ඇත.


එම තීරණය ගෙන ඇත්තේ ඒ සම්බන්ධයෙන් පෙබරවාරි 10 වැනිදා ප්‍රධාන වෘත්තීය සමිති කිහිපයක් රැස්වී කළ සාකච්ඡාවකින් අනතුරුවය.


ඒ අනුව එම බද්දට එරෙහි සියලු වෘත්තීය සමිති පෙබරවාරි 18 වැනිදා සවස 3ට කොළඹ කොළඹ මහජන පුස්තකාලයට කැඳවීමට තීරණය කර ඇත.


ජාතික කම්කරු උපදේශක සභාව නියෝජනය කරන වෘත්තීය සමිති ඇතුළු තවත් වෘත්තීය සමිති කිහිපයක් සේවක අරථසාධක අරමුදල ඇතුළු සේවක අරමුදල්වලින් සියයට 25ක අධිභාරයක් අයකර ගැනීමට එරෙහිව පෙබරවාරි 10 දින රාජගිරියේ පිහිටි ශ්‍රී ලංකා නිදහස් සේවක සංගම් කාර්යාලයේදී මාධ්‍ය සාකච්ඡාවක් පැවැත්වූ අතර එයට ශ්‍රී ලංකා නිදහස් සේවක සංගමය, නිදහස් වෙළඳ කලාප සහ පොදු සේවා සේවක සංගමය, අන්තර් සමාගම් සේවක සංගමය, ලංකා වෘත්තීය සමිති සම්මේලනය, නැෂනල් යූනියන් ඔෆ් සී ෆෙයාරස් ශ්‍රී ලංකා, ලංකා වතු සේවා සංගමය, සීඑම්යූ, එක්සත් කම්කරු සම්මේලනය, ලංකා බැංකු සේවක සංගමය, ජාතික සේවක සංගමය හා ලංකා ජාතික වතු කම්කරු සංගමය යන වෘත්තීය සමිති සහභාගි වී තිබේ. ශ්‍රී ලංකා නිදහස් පක්ෂය, ජනතා විමුක්ති පෙරමුණ, එක්සත් ජාතික පක්ෂය, කොමියුනිස්ට් පක්ෂය යන පක්ෂවල වෘත්තීය සමිති මෙන්ම විවිධ ක්ෂේත්‍රවල ස්වාධීන වෘත්තීය සමිති එම මාධ්‍ය හමුවට ඒ අනුව එක්වී තිබේ.


පෙබරවාරි 18 වැනිදා කොළඹ මහජන පුස්තකාල ශ්‍රවණාගාරයේ පැවැත්වෙන වෘත්තීය සමිති

කැඳවීමට විවිධ දේශපාලන පක්ෂවලට අයත් මෙන්ම ස්වාධීන වෘත්තීය සමිති රැසක් එක්වීමට නියමිත බව වාර්තාවේ.
මෙම අධිභාර බද්දට එරෙහිව අදහස් දැක්වීම සඳහා පොදු දේපල හා මානව හිමිකම් සුරැකීමේ මධ්‍යස්ථානය යටතේ ගොනුවී සිටින වෘත්තීය සමිති සහ සංවිධාන 20ක් පෙබරවාරි 11 දින ලංකා බැංකු සේවක සංගම් මූලස්ථානයේදී මාධ්‍ය හමුවක් පැවැත්වීමට නියමිතව තිබුණි.
කම්කරු අමාත්‍ය නිමල් සිරිපාල ද සිල්වා මාධ්‍යවලට මෙන්ම පාර්ලිමේන්තුවේද ප්‍රකාශ කර තිබුණේ ඊපීඑෆ් හා ඊටීඑෆ් අරමුදල්වලින් එවැනි අධිභාර බද්දක් ගෙවීමට ඔහු සූදානම් නැති බව හා ඒ සම්බන්ධයෙන් දේශීය ආදායම් දෙපාර්තමේන්තුවට ඔහු දැනුම් දීමක් කර ඇති බවයි. මෙම අරමුදල් ආයෝජනයෙන් ලබන මුදල් ආදායමක් ලෙස නොසැලකිය යුතු බවද ඔහු කියා ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි