No menu items!
19.6 C
Sri Lanka
29 March,2024

පුරුද්ද

Must read

කළුකඩෙන් ලබාගත් විදේශ විනිමය මගින් පසුගිය යුද සමයේදී උතුරු කොරියාවෙන් ආයුධ මිලදී ගත් බවට මුදල් අමාත්‍ය බැසිල් රාජපක්ෂ කර ඇති ප්‍රකාශය මේ වනවිට දැඩි ආන්දෝලනයකට ලක්වී ඇති අතර ඒ පිළිබඳව විදෙස් මාධ්‍ය පවා අවධානය යොමු කරන්නට පටන්ගෙන තිබේ.


බැසිල් රාජපක්ෂ මහතා දිවයින ඉරිදා සංග්‍රහය සමඟ පැවැත්වූ සම්මුඛ සාකච්ඡාවකදී එම අදහස් පළකර ඇති අතර ‘බුෂ් මාස්ටර් ගන් එකට පතුරම් ගත්තේ කොහොමද’ යන්නට පිළිතුරු දෙමින් කළුකඩෙන් ලබාගත් විදේශ මුදල්වලින් ආයුධ ලබාගත් ආකාරය පැහැදිලි කර ඇත.


එම සම්මුඛ සාකච්ඡාවේදී ඔහු වැඩිදුරටත් කළුකඩ විදේශ මුදල් සම්බන්ධයෙන් සඳහන් කර ඇත්තේ ඛනිජ තෙල් නැව්වලට මුදල් ගෙවීම සඳහාද එසේ ලබාගත් මුදල් භාවිත කළ බවය. විදේශ මුදල් හුවමාරු කිරීම් සිදුකරන එම කළුකඩ මුදලාලිලාට කතාකර ඔවුන් ළඟ ඇති මුදල් ගෙන්වාගෙන එම විදේශ මුදල් පියවීම් කළ බවද ඔහු තවදුරටත් කියා ඇත.


බැසිල් රාජපක්ෂ මහතාගේ එම ප්‍රකාශවල බරපතළකම ගැන දන්නා විදේශ අමාත්‍ය මහාචාර්ය පීරිස් එම කතාව ඇත්තක් නොවන බව කියන්නට උත්සහ දරා ඇති අතර ඔහු මාධ්‍යයට කියා ඇත්තේ බැසිල් රාජපක්ෂ මහතාගෙන් ඔහු ඒ ගැන විමසූ බව හා එවැන්නක් නොකියූ බව බැසිල් රාජපක්ෂ මහතා පිළිතුරු ලබාදුන් බවය.


අමාත්‍ය ජීඑල් පීරිස් එසේ එම ඇත්ත බොරුව කරන්නට උත්සාහ කළත් මේ වනවිටත් හෙළිදරව් වී ඇත්තේ විකිලීස් විසින් අනාවරණය කරන ලද කේබල් පණිවිඩවල ශ්‍රී ලංකාව උතුරු කොරියාවෙන් මෙන්ම ඉරානයෙන්ද එම යුද සමයේ ආයුධ මිලදී ගෙන ඇති බව සඳහන් වන බවයි.

එම කටයුතු එම සමයේ ස්ථාපිත කරන ලද රජයේ ආයුධ ගෙන්වීමේ සමාගම වන ලංකා ලොජිස්ටික් ඇන්ඩ් ටෙක්නොලොජීස් සමාගම මගින් කර ඇති බවයි.


මේ අතර එසමයේ යුද හමුදාපතිවරයා වශයෙන් කටයුතු කළ සරත් ෆොන්සේකා මහතා බැසිල් රාජපක්ෂ මහතාගේ අදහස් දැක්වීම ගැන ප්‍රතිචාර දක්වමින් ප්‍රකාශ කර ඇත්තේ එසමයේ උතුරු කොරියාවෙන් ආයුධ මිලදී ගැනීමක් නොකළ බවය.


බැසිල් රාජපක්ෂ මහතා කියන ආකාරයට ආයුධ ගත්තේ නම් මේ අවස්ථාවේ ජාත්‍යන්තරයට කෙසේ වෙතත් අපට පැන නඟින ප්‍රශ්නය වන්නේ එම ආයුධ කිනම් රටකින් ගත්තාද නැද්ද යන්න නොවේ. කියා තිබෙන ආකාරයට කළුකඩෙන් මුදල් ගෙන රජයකට විදේශ ගනුදෙනු කළ හැකිද යන්නය. එසේම විදේශ මුදල් මේ ආකාරයට ගැනීමේදී ඒවා ලබා ගන්නේ කාගෙන්ද යන්න සටහන් නොවී එම ගනුදෙනු කළ හැකිද යන්නය. ඒ ආකාරයට විදේශ මුදල් ලබාගැනීම සඳහා ගෙවිය යුතු මුදල බැංකු මගින් විදේශ මුදල් ලබාගැනීමේදී ගෙවන මුදලට වැඩි අගයක් ගන්නා බැවින් එම වැඩි අගය ගෙව්වේ කෙසේද යන්නය.


මෙම ආන්දෝලනාත්මක ප්‍රකාශය මගින් පෙනෙන්නේ කළුකඩ ගනුදෙනු යන්න බැසිල් රාජපක්ෂලාගේ පුරුද්ද බවය.


එහෙත් එම පුරුද්ද රාජ්‍යයේ ගනුදෙනුවලට අදාළ කර ගැනීම සම්බන්ධයෙන් නම් ඔවුන්ගේ පාලනයක් යටතේ දැන් සිදුනොවෙතත් අනාගතයේ හෝ විධිමත් පරීක්ෂණයක් සිදුකළ යුතුමය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි