20.4 C
Sri Lanka
2 October,2022

අදානිට විදුලි ව්‍යාපෘති

Must read

මෙගවොට් 500ක සුළං හා සූර්යබල ව්‍යාපෘති මන්නාරම හා පුනරීන් ප්‍රදේශවල ක්‍රියාත්මක කිරීමට ඉන්දියාවේ අදානි සමූහය ඉදිරිපත් කළ යෝජනාවක් ගැන ඉදිරි කටයුතු කිරීමට අවශ්‍ය පියවර ගන්නා ලෙස මුදල් අමාත්‍යාංශ ලේකම්වරයාට විදුලිබල මණ්ඩල සභාපති එම්එම්සී පර්ඩිනැන්ඩෝ දැනුම් දී ඇත.

ඒ මුදල් අමාත්‍යාංශ ලේකම් එස්ආර් ආටිගලට එම ව්‍යාපෘතිය සම්බන්ධයෙන් ඉන්දීය අදානි සමාගම ලංවිම සභාපතිවරයාටද පිටපතක් සහිතව යොමුකළ දැනුම්දීමකට ප්‍රතිචාර වශයෙන් නොවැම්බර් 25 දින සහිතවය.


ඒ අනුව විදුලිබල මණ්ඩල සභාපතිවරයා සඳහන් කරන්නේ මෙම ව්‍යාපෘතිය ආයෝජන මණ්ඩල ව්‍යාපෘතියක් වශයෙන් ක්‍රියාත්මක කිරීම සඳහා අවබෝධතා ගිවිසුමක් ගිවිසුමක් අත්සන් කිරීමට කටයුතු කරන ලෙසය.


මෙම ව්‍යාපෘතිය සම්බන්ධයෙන් ජනාධිපතිවරයාගේ උපදෙස් අනුව අදානි සමූහයේ නියෝජිතයන් සමඟ ව්‍යාපෘතියට අයත් ප්‍රදේශ පරික්ෂා කිරීමක් සිදුවූ බවද අදානි නියෝජිතයන් ඒ සම්බන්ධයෙන් සෑහීමට පත්වී ආයෝජනය සඳහා කැමැත්ත පලකළ බවද, මේ සම්බන්ධයෙන් අරලියගහ මන්දිරයේදී අගමැතිවරයා සමඟ සාකච්ඡා කළ බවද, සෘජු විදේශ ආයෝජනයක් වන මෙය ඉන්දීය හා ශ්‍රී ලංකා ආණ්ඩුව අතර සිදුවන්නක් බවද එහි සඳහන් කර තිබේ. එමෙන්ම 2021 නොවැම්බර් 16 දින ජනාධිපති කාර්යාලයේ ජනාධිපතිවරයාගේ ප්‍රධානත්වයෙන් පැවති සුනිත්‍ය බලශක්තිය සම්බන්ධ සාකච්ඡාවේදී මේ සම්බන්ධයෙන් දැනුම් දුන් බවත් එහි වැඩිදුරටත් සඳහන් වේ. ලංවිම සභාපතිවරයාගේ එම ලිපියේ පිටපත් විදුලිබල ඇමති ගාමිණී ලොකුගේ, අමාත්‍ය නාමල් රාජපක්ෂ, රාජ්‍ය අමාත්‍ය දුමින්ද දිසානායක, අගමැති ලේකම්, විදුලි බල අමාත්‍යාංශ ලේකම් හා ආයෝජන මණ්ඩල සභාපතිවරයාට යොමුකර තිබේ.


මේ සම්බන්ධයෙන් ඉන්දීය අදානි සමූහය නොවැම්බර් 17 දින සහිතව මුදල් අමාත්‍යාංශ ලේකම්වරයාට දැනුම් දී ඇති අතර එහි පිටපත් ජනාධිපති ගෝඨාභය රාජපක්ෂට, මුදල් ඇමතිවරයාට, ලංවිම සභාපතිවරයාට හා ආයෝජන මණ්ඩල සභාපතිවරයාට යොමුකර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි