21.5 C
Sri Lanka
6 October,2022

වරාය ඉඩමක් විකිණීමට යයි

Must read

ශ්‍රී ලංකා වරාය අධිකාරියට අයත් මහර ගල්වල ප්‍රදේශයේ ඇති හෙක්ටයාර 8ක විශාලත්වයකින් යුත් ඉඩමෙන් කොටසක් මිශ්‍ර සංවර්ධන ව්‍යාපෘතියක් සඳහා එම ඉඩම් අයිතිය විකිණීමේ පදනම මත ආයෝජකයෙකුට ලබාදීම සඳහා ඔක්තෝබර් 18 වැනිදා පැවති කැබිනට් මණ්ඩලයේදී අනුමැතිය හිමිවී ඇත.


වරාය හා නාවික අමාත්‍ය රෝහිත අබේගුණවර්ධන ඊට අදාළ කැබිනට් යෝජනාව ඔක්තෝබර් 11 දින අංක පචිරැච)ාරැ2021රැ01රැ27 යටතේ කැබිනට් මණ්ඩලයට ඉදිරිපත් කර ඇත. ඒ මගින් වරාය හා නාවික අමාත්‍ය රෝහිත අබේගුණවර්ධන කැබිනට් මණ්ඩලයෙන් අවසර ඉල්ලා ඇත්තේ දැනට කොළඹ බ්ලුමැන්ඩල් ප්‍රදේශයේ ඇති වරාය අධිකාරියේ සේවක නිවාස එම ස්ථානයෙන් ඉවත්කර මහර ගල්වල ඉඩමේ ඉදිකරන නිල නිවාසවල ස්ථාපිත කිරීමටත්, එම නිවාස ඉදිකිරීම් කරන ආයෝජකයාට මිශ්‍ර සංවර්ධන ව්‍යාපෘතියක් වශයෙන් එම මහර ඉඩමේ ඉතිරි කොටස අයිතිය විකිණීමේ පහසුකම් සහිත අයිතිය යටතේ ලබාදීමටත්, එම යෝජනාව සඳහා ඉල්ලීම් කැඳවීමටත් හා ඒ සඳහා සාකච්ඡා සම්මුති කමිටුවක් පත් කිරීමටත්ය.


මෙම යෝජනාව සම්බන්ධයෙන් මුදල් අමාත්‍ය බැසිල් රාජපක්ෂ ඔක්තෝබර් 17 දින සහිතව නිරීක්ෂණයක් ඉදිරිපත් කර ඇති අතර ඒ බව සඳහන් වන්නේ වරාය හා නාවික අමාත්‍යාංශයේ අධ්‍යක්ෂ, සංවර්ධන එච් ආර් සිරිනාම ඔක්තෝබර් 28 දින සහිතව ශ්‍රී ලංකා වරාය අධිකාරියේ සභාපතිවරයා අමතා යවන ලිපියකය. එම ලිපිය මගින් වරාය අධිකාරියේ සභාපතිවරයාගෙන් ඉල්ලා ඇත්තේ ව්‍යාපෘතිය ක්‍රියාත්මක කිරීමට ව්‍යාපෘති කමිටුව පත්කිරීම සඳහා පුද්ගලයින් නම් කරන ලෙස හා සාකච්ඡා කමිටුවට ඉදිරිපත් කිරීම සඳහා ව්‍යාපෘති වාර්තාව ලබාදෙන ලෙසය.

අමාත්‍ය රෝහිත අබේගුණවර්ධනගේ කැබිනට් පත්‍රිකාවේ සඳහන් වන්නේ නේවාසික, සංස්කෘතිකමය, ආයතනික යන විනෝදාස්වාදාත්මක පහසුකම්වලින් සමන්විත මිශ්‍ර සංවර්ධන ව්‍යාපෘතියක් මහර ගල්වල ඉඩම තුළ නිර්මාණය වන බවත්, බ්ලුමැන්ඩල් නිල නිවාස හා වරාය ක්‍රීඩා සංකීර්ණය එහි ප්‍රතිස්ථාපනය වනු ඇති බවත්ය. ඒ යටතේ නිල නිවාස 450ත් 550ත් අතර ප්‍රමාණයක් එහි ඉදිවනු ඇති බවත්ය. එම නිල නිවාස මිශ්‍ර සංවර්ධන ව්‍යාපෘති ආයෝජකයා ඉදිකරනු ලබන බවත්, ඒ සඳහා වූ පිරිවැය එම ආයෝජකයාට ලබාදෙන ඉඩමේ රජයේ තක්සේරු වටිනාකම මත ගණනය කර හිලව් කරගනු ඇති බවත්ය.


මේ සම්බන්ධයෙන් කළ විමසීමකදී ඉඩම් අමාත්‍යංශයේ හිටපු ලේකම්වරයකු වූ අශෝක පීරිස් මහතා පැවසුවේ රජයේ ඉඩම් සම්බන්ධයෙන් ඇති පනත් අනුව කිසිඳු ඉඩමක් සින්නක්කරව කිසිවකුට ලබාදිය නොහැකි බවත්, ලබාදෙනවා නම් ලබාදිය හැක්කේ බදු පදනම යටතේ බවත්ය. මේ ආකාරයට සින්නක්කරව රජයේ ඉඩම් ලබාදීම සම්බන්ධයෙන් අධිකරණය හමුවේ අභියෝග කළ හැකි බවද ඔහු පැවසීය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි