No menu items!
21.8 C
Sri Lanka
28 March,2024

ඥානසාර හිමිගේ ප්‍රකාශය ගැන පරීක්ෂණ නොකෙරේ නම් නිල වශයෙන් ඉල්ලීමක් කරනවා-
සිරිල් ගාමිණි පියතුමා

Must read

■ ප්‍රියාශා හෙට්ටිහේවා

ඉදිරියේදී එල්ල විය හැකි අන්තවාදී ප්‍රහාරයක් සම්බන්ධයෙන් ගලගොඩඅත්තේ ඥානසාර හිමි හිරු ටීවී ‘සලකුණ‘ වැඩසටහනේදී ප්‍රසිද්ධියේ කළ ප්‍රකාශය පිළිබඳ පරීක්ෂණයක් කිරීම පොලිසියේ වගකීම බවත් පරීක්ෂණයක් නොකෙරෙන්නේ නම් නිල වශයෙන් ඉල්ලීමක් පොලිසියෙන් කරන බවත් පාස්කු ඉරුදින ප්‍රහාරය පිළිබඳ ජාතික කතෝලික ප්‍රකාශක කමිටුවේ සාමාජික සිරිල් ගාමිණී පියතුමා පවසයි.


ඥානසාර හිමි කළ ප්‍රකාශය සත්‍යක් ද, අසත්‍යක් ද යන්න පිළිබඳව සොයා බැලීම පොලිසිය කළ යුතුව ඇතැයි සිරිල් ගාමිණී පියතුමා ‘අනිද්දා‘ සමග පැවසීය.
”හාමුදුරුවෝ කියනවනම් තොරතුරු ඔක්කොම තියෙනවා කියල හොයල බලන්න ඕනනේ. පාස්කු ප්‍රහාරයේත් ඕකනේ වුණේ. තොරතුරු ඔක්කොම ඇවිල්ලා ඒවා පිළිබඳව කටයුතු කළේ නැතිකම,” යැයි පියතුමා ප්‍රකාශ කළේය.


ඥානසාර හිමි කළ ප්‍රකාශය පිළිබඳ පරීක්ෂණ කරන ලෙස ඉල්ලා සිටියේ මාධ්‍ය හමුවකදී බවත් එලෙස කළ ඉල්ලීම අනුව පරීක්ෂණ ආරම්භ කරනු ඇතැයි අපේක්ෂාවෙන් බලා සිටි බවත් සිරිල් ගාමිණී පියතුමා පැවසීය.


පියතුමා පැවසුවේ, මාධ්‍ය හමුවේදී සහ මාධ්‍ය නිවේදන මගින් කළ ඉල්ලීමට ප්‍රතිචාරයක් නොමැති බව පෙනෙන බැවින් නිල වශයෙන් ඉල්ලීමක් කිරීමට සිදුවන බවය.


අදාළ ප්‍රකාශය සම්බන්ධයෙන් කොළඹ අගරදගුරු පදවිය නිවේදනයක් නිකුත් කරමින් සඳහන් කළේ, තවත් ප්‍රහාරයක් එල්ලවීම වළක්වා ගැනීම සඳහා පියවර ගැනීමට පුළුල් පරීක්ෂණයක් සිදු කිරීම පොලිස්පතිවරයාගේ වගකීමක් බවය.


මේ අතර පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී නිහාල් තල්දූවගෙන් අප අද (සැප්තැම්බර් 22) කළ විමසීමකදී ඔහු ප්‍රකාශ කළේ, අදාළ ප්‍රකාශය පිළිබඳ විමර්ශනයක් සිදු කරන බවට දැනුවත් කිරීමක් තමාට මෙතෙක් ලැබී නොමැති බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි