No menu items!
26.1 C
Sri Lanka
28 March,2024

අත්‍යවශ්‍ය සේවා නම් කරයි
වරාය, ඉන්ධන, සෞඛ්‍ය හා තැපැල් ඒ අතර

Must read

■ ඉඳුවර බණ්ඩාර


අත්‍යවශ්‍ය මහජන සේවා පනත යටතේ ලැබී ඇති බලතල අනුව ජනාධිපතිවරයා ප්‍රකාශයට පත්කළ අත්‍යවශ්‍ය සේවාවන්ට අදාළ අගෝස්තු 30 දින දරන අංක 2243/4 අති විශේෂ ගැසට් පත්‍රය මේ වනවිට ප්‍රකාශයට පත්වී තිබේ.


ඒ අනුව වරාය අධිකාරියට අයත් සියලුම කටයුතු, පෙට්‍රෝලියම් නිෂ්පාදනයට හා ද්‍රව වායුවලට අදාල සියලු කටයුතු, නැව්වලින් ඉන්ධන ගොඩබෑම හා ප්‍රවාහනයට අදාල සියලු කටයුතු, දුම්රිය දෙපාර්තමේන්තුව හා ගමනාගමන මණ්ඩලය සිදුකරන ප්‍රවාහන කටයුතු සහ එම පොදු සේවාවන් පවත්වාගෙන යෑමට අදාල සියලු කටයුතු අත්‍යවශ්‍ය කටයුතු වශයෙන් නම්කර තිබේ.


දිස්ත්‍රික් ලේකම් කාර්යාලවල හා ප්‍රාදේශීය ලේකම් කාර්යාලවල ක්ෂේත්‍ර නිලධාරීන් සහ ග්‍රාම නිලධාරීන්, සමෘද්ධි සංවර්ධන නිලධාරීන්, කෘෂි පර්යේෂණ සහකාර ඇතුළු සියලු ක්ෂේත්‍ර නිලධාරීන්ගේ කටයුතු, ශ්‍රී ලංකා මහා බැංකුව ඇතුළුව සියලු රාජ්‍ය බැංකු හා රක්ෂණ සේවා කටයුතු, පළාත් පාලන ආයතනවල කටයුතුද අත්‍යවශ්‍ය කටයුතු ලෙස නම්කර තිබේ.


මීට අමතරව සීමාසහිත ලංකා සතොස, සමුපකාර තොග වෙළඳ සංස්ථාව, ආහාර කොමසාරිස් දෙපාර්තමේන්තුව, සමූපකාර සංවර්ධන දෙපාර්තමේන්තුව, සමූපකාර සමිති හා වී අලෙවි මණ්ඩලය, සීමාසහිත ලංකා සීනි පුද්ගලික සමාගම ඉටුකරනු ලබන කටයුතු වෙනුවෙන් අවශ්‍ය වන්නාවූ සියලුම සේවාවන්, වැඩ හෝ ඕනෑම ආකාරයක ශ්‍රම දායකත්වයන් අත්‍යවශ්‍ය සේවාවන් ලෙස නම්කර තිබේ.


පළාත් සභා යටතේ වන සියලුම රජයේ කාර්යාල කටයුතු, සෞඛ්‍ය සේවයට අදාල කටයුතු හා තැපෑලට අදාල ලිපි, පාර්සල්, ඖෂධ බෙදා හැරීම හා මුදල් හුවමාරුවට අදාල සියලු කටයුතුද අත්‍යවශ්‍ය කටයුතු ලෙස නම්කර තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි