No menu items!
19.6 C
Sri Lanka
29 March,2024

ජනාධිපති මාධ්‍ය අංශ නිවේදනයේ සඳහන් දේවල් ගැසට්ටුවේ නෑ
මේජර් ජෙනරාල් නිවුන්හැල්ල අත්‍යවශ්‍ය සේවා කොමසාරිස් ලෙසත් පත්කර නෑ

Must read

වී, සහල් හා සීනි යන ආහාර ද්‍රව්‍ය මිල පාලනය සඳහා, තොග සඟවා ගැනීම් පාලනය සඳහා සහ එම ද්‍රව්‍ය බෙදා හැරීම සඳහා මේජර් ජෙනරාල් එම්ඩීඑස්පී නිවුන්හැල්ල අත්‍යවශ්‍ය සේවා කොමසාරිස් ජනරාල්වරයා වශයෙන් පත්කර ඇති බව ජනාධිපති මාධ්‍ය අංශය නිවේදනය කළද ඒ සම්බන්ධයෙන් නිකුත් කර ඇති අති විශේෂ ගැසට් පත්‍රයේ එවැනි පත් කිරීමක් ගැන හෝ අනිකුත් කරුණු ගැන සඳහන් වන්නේ නැත.


ඒ සම්බන්ධයෙන් ජනාධිපතිවරයාගේ ප්‍රකාශනයක් ලෙස ජනාධිපති ලේකම් ආචාර්ය පීබී ජයසුන්දර අගොස්තු 30 දින අංක 2243/1 දරන අති විශේෂ ගැසට් පත්‍රය ප්‍රකාශයට පත්කර ඇති අතර එහි සඳහන් වන්නේ ‘(40 වන අධිකාරය වූ) මහජන ආරක්ෂක ආඥාපනතේ 2 වැනි වගන්තියෙන් මා වෙත පැවරී ඇති බලතල ප්‍රකාර ඒ ආඥාපනතේ සස වන කොටසේ විධිවිධාන බලාත්මක කරමින් එහි 5 වන වගන්තියේ විධිවිධාන ප්‍රකාර සකස්කරන ලද, අත්‍යවශ්‍ය ආහාර සැපයීම සඳහා වන හදිසි නීති රෙගුලාසි ශ්‍රී ලංකාව මුළුල්ලේම දෙදහස් විසි එකක් වූ අගෝස්තු මස 30 දින මේ මොහොතේ සිට ක්‍රියාත්මක වියයුතු යැයි මේ ප්‍රකාශනයෙන් ප්‍රකාශ කරමි.’ යනුවෙන්ය.


ජනාධිපති මාධ්‍ය අංශ නිවේදනයේ සඳහන් වූයේ සාමාන්‍ය ජන ජීවිතය යථා පරිදි පවත්වාගෙන යෑම සඳහා අවශ්‍ය වන්නාවු වී, සහල් හා සීනි ඇතුළු අනෙකුත් පාරිභෝගික ද්‍රව්‍ය බෙදා හැරීම සම්බන්ධීකරණය සඳහා අත්‍යවශ්‍ය සේවා කොමසාරිස් ජනරාල් වශයෙන් මේජර් ජෙනරාල් එම්ඩීඑස්පී නිවුන්හැල්ල පත්කර ඇති බවය.


එමෙන්ම ඊට අදාලව ජනාධිපති මාධ්‍ය අංශයේ නිවේදනයේ සඳහන් වන්නේ ‘වී, සහල් හා සීනි ඇතුළු අත්‍යවශ්‍ය ආහාර තොග සැඟවීම, අධික මිල ගණන් අය කිරීම මගින් පාරිභෝගික ජනතාව අපහසුතාවයට පත්කරන වෙළඳපොල අක්‍රමිකතා වැළැක්වීම සඳහා රජයේ සහතික මිලට හෝ රේගුවේදී ආනයනය කරන ලද මිල ගණන් පදනම් කරගෙන වී, සහල් හා සීනි ඇතුළු අත්‍යවශ්‍ය ආහාර තොග මිලදී ගෙන ජනතාවට සාධාරණ මිල ගණන්වලට ලබා දීමට බලයලත් නිලධාරීන් කටයුතු කිරීමටත්, රාජ්‍ය බැංකුවලින් තොග මිලදී ගැනීමට ලබාදී ඇති ණය, ණය ලබාගත් අයගෙන් අයකර ගැනීමටත් හැකිවන පරිදි මෙය ක්‍රියාත්මක කෙරේ.’ යනුවෙන්ය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි