26.6 C
Sri Lanka
30 September,2022

ආණ්ඩුවට සහාය දෙන්න විමල් පිළේ සාකච්ඡා

Must read

ආණ්ඩුවේ ප්‍රතිපත්තිවලට විරෝධය නොදක්වා සහයෝගය දෙන ආකාරය පිළිබඳ සාකච්ඡා කිරීම සඳහා ආණ්ඩුව නියෝජනය කරන කුඩා පක්ෂවල නායකයන්ගේ රැස්වීමක් නැවත පාර්ලිමේන්තුව රැස් වන දිනයේ පැවැත්වීමට නියමිත බව අනිද්දා වෙත අදහස් දැක්වූ ආණ්ඩුවේ පක්ෂ නායකයෙකු කීය.

රසායනික පොහොර තහනම් කිරීමේ තීන්දුව පිළිබඳ තම පක්ෂවලින් ඉදිරිපත් කරන යෝජනා පිළිබඳ සාකච්ඡා කිරීමට එහිදී බලාපොරොත්තු වන බව ඔහු කීය.

ආණ්ඩුව මෑත කාලයේ ඉදිරිපත් කළ ප්‍රධාන ප්‍රතිපත්තිමය තීන්දුවලට තම පක්ෂ සහයෝගය දැක්වූ බවත් ඉදිරියේදී ඉදිරිපත් කරන ප්‍රධාන යෝජනාවලටද සහයෝගය ලැබෙන බවත් ඔහු කීය. කෙසේ වෙතත් එම යෝජනා ක්‍රියාත්මක කිරීම වෙනුවෙන් එම පක්ෂවල යෝජනා ඉදිරිපත් කරන බවත් ඔහු පැවසීය.

අවසන් වරට පාර්ලිමේන්තුව රැස් වූ මැයි 20 දිනයේද එම පක්ෂවල නායකයන් රැස් වූ බව එම නායකයා කීය. පළාත් සභා මැතිවරණය සහ පළාත් සභා මැතිවරණ පනතට සංශෝධන සිදු කිරීම දින නියමයක් නැතිව කල් ගොස් ඇති නිසා ආණ්ඩුවට විරුද්ධ වීමට හේතුවක් නොමැති බව එම නායකයා වැඩිදුරටත් පැවසීය.

මීට පෙර 20 වැනි සංශෝධනය, වරාය නැගෙනහිර පර්යන්තයේ ආයෝජනය සඳහා ඉන්දියාවේ අදානි සමාගමට ඉඩ ලබා දීම ආදී ප්‍රතිපත්තිමය තීන්දුවලට එරෙහිව එම පක්ෂ එක්ව මැදිහත්වීම් කර තිබුණි. පළාත් සභා පනත සංශෝධනය සඳහා පොදුජන පෙරමුණ පාර්ශ්වයෙන් ඉදිරිපත් කළ යෝජනාවලට එම පක්ෂ විරෝධය දැක්වූ අතර පළාත් සභා පනත පිළිබඳ සාකච්ඡා කිරීම සඳහා අගමැති මහින්ද රාජපක්ෂගේ ප්‍රධානත්වයෙන් පැවැත්වූ රැස්වීම් දෙකකට සහභාගී වීමද ප්‍රතික්ෂේප කර තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි