No menu items!
29.7 C
Sri Lanka
29 March,2024

සංගක්කාර පැහැදිලි කළ යුතු දේවල්

Must read

සීගිරිය ප්‍රදේශයේ ඉඩමක් මිලදී ගැනීම සම්බන්ධයෙන් තමාට හා තම බිරිඳට එල්ලවී ඇති චෝදනා ගැන සියලු මාධ්‍ය වෙත පැහැදිලි කිරීමක් සිදුකරන බව හිටපු ප්‍රවීණ ක්‍රිකට් ක්‍රීඩක කුමාර සංගක්කාර පවසා ඇත. ඒ එම සිද්ධිය සම්බන්ධයෙන් මාධ්‍ය ඔහුගෙන් කළ විමසීමකදීය.
මෙම ප්‍රකාශයට පෙරද මෙම සිද්ධිය සම්බන්ධයෙන් කුමාර සංගක්කාර නිකුත් කළා යැයි සඳහන් ලිපි දෙකක් සමාජ මාධ්‍ය ඇතුළු මාධ්‍යවල පලවූ අතර ඉන් එකක් වූයේ සංගක්කාර මහතාගේ හා ඔහුගේ බිරිඳගේ නමින් ඉඩම් කොමසාරිස් ජෙනරාල්වරයාට යැවූ ලිපියකි. අනෙක් ලිපිය වූයේ ඉඩම් කොමසාරිස් ජෙනරාල්වරයා ඊට පිළිතුරු වශයෙන් එවන ලද එකක්ය.
සංගක්කාර යුවලගේ ලිපියෙන් කියන්නේ එම ලිපියේ සඳහන් ඉඩම් කැබලි තුන සියලු බැඳීම්වලින් තොර බවට වූ පිරිසිඳු විශ්වාසයෙන් යුතුව මිලදී ගත් බවත්, නමුත් ලැබුණු පැවරුම් ඔප්පු පරීක්ෂා කිරීමේදී පෙනී ගියේ ඒවා රජයට අයත් ඒවා බවත්, ඔවුන් ඉදිරිපත් කර ඇති නීත්‍යනුකූල තොරතුරු වැරදි ලෙස භාවිත කර ඇති බවත්ය. එම නිසා එම ඔප්පු අවලංගු කරන ලෙස ඒ මගින් ඉල්ලා ඇත.
වගකිවයුතු පුරවැසියකු ලෙස කර ඇති එම ඉල්ලීම ගැන ස්තූති කරන බවත්, ඒ ගැන දඹුල්ල ප්‍රාදේශීය ලේකම්වරයා සමඟ සාකච්ඡා කරන බවත් ඉඩම් කොමසාරිස් ජෙනරාල්වරයාගේ පිළිතුරු ලිපියේ සඳහන්ය.
මෙහිදී පැනනඟින ප්‍රශ්න කිහිපයක් තිබේ. එකක් සංගක්කාර මහතා මුලින්ම දඹුල්ල ප්‍රාදේශීය ලේකම්වරයාට කතා කරන්නේ එම ඉඩම් ආයෝජකයකු සමඟ සංවර්ධනයට අනුමැතිය ලබා ගැනීමට වීමය. ඒ පිළිබඳ සොයා බැලීමෙන් පසු අඩු ආදායම්ලාභීන්ගේ දීමනා පත්‍ර ඉඩමක් ඔහු ලබාගෙන ඇත්තේ කෙසේදැයි ප්‍රාදේශීය ලේකම්වරයා ප්‍රශ්න කර එය විශාල චංචාවක් බව පැවසීමෙන් පසු ඉඩම් කොමසාරිස් ජෙනරාල්වරයාට ලිපියක් යැවීම සංගක්කාර සිදුකර ඇත. නීතියද හදාරා ඇති සංගක්කාර ඉඩම් මිලදී ගැනීමට පෙර එය රජයේ ඉඩම්ද, නැතහොත් පෞද්ගලික ඉඩම්ද යන්න සොයා බලා නැතිද? ඉඩම පිළිබඳ ලියවිලි ලැබුණු පසුව එය කියවා බලා නැතිද?
ඉඩමක් මිලදී ගැනීමේදී ඒ ගැන සිය නීතිඥයා හෝ නොතාරිස්වරයා මගින් සොයා බැලීම සාමාන්‍ය පුද්ගලයන් පවා සිදුකරන්නකි. එම ලිපියේ සඳහන් ඔවුන්ගේ වැරදි ලෙස භාවිතා කර ඇති ලියවිලි මොනවාදැයි සංගක්කාර පැහැදිලි කළ යුතු අතර පෞද්ගලික ඉඩමක් මිලදී ගැනීමකදී එම ලියවිලි ඊට පෙර කාට හෝ ලබාදිය යුතු ඒවාද යන්නද ඔහු පැහැදිලි කළ යුතුය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි