No menu items!
20.9 C
Sri Lanka
28 March,2024

කිතුනුවාගේ දේශපාලනය කුමක් විය යුතුද?

Must read

  • ‘කිතුනුවන්ගේ දේශපාලනය කුමක් විය යුතුද’ යන්නට සැබෑ ක්‍රිස්තියානි දේව ධර්මය තුළ පිහිටා පිළිතුරක් ගොනු කරමු.

■ කිතුසර කණ්ඩායම

‘කාදිනල්වරයාගේ හා මෙරට කතෝලික ජන කොටසේ දේශපාලනය කෙසේ විය යුතුද?’
මැයෙන් සිරිල් එf`ඩ්රමුල්ල මහතා විසින් 2020.12.27 අනිද්දා පුවත්පතට ලියන ලද ලිපිය කාලීන සාකච්ඡාවක් පොදු මාධ්‍යයකින් (කිතුනු නොවන) ඉදිරියට ගෙනයාමට අවස්ථාවක් කර ගැනීම මෙරටේ පොදු දේශපාලනයටද වැදගත් යැයි සිතන නිසා මෙය ලියමු.
ආරම්භයේදීම එf`ඩ්රමුල්ල මහතාගේ ලිපියේ මාතෘකාවේ සීමා මායිම් පුළුල් කර අපගේ සාකච්ඡාව ස්ථානගත කරමු.
1. කාදිනල්වරයා වෙනුවට කාදිනල්වරයා ඇතුළු කිතුනු ගිහි පැවිදි නායකත්වයක්
2. කතෝලික ජන කොටස වෙනුවට කතෝලිකද ඇතුළත් කිතුනු ජනතාවගෙන් දේශපාලනය ලෙසත් නායකයන්ගේ දේශපාලනය හා ජනතාවගේ දේශපාලනය දෙකක් නොව එකක්ම විය යුතු නිසා කිතුනුවන්ගේ දේශපාලනය ලෙස මාතෘකාව පුළුල් කරමු.
අපගේ වියමනට පෙර තවත් එක් ප්‍රශ්නයක් පැහැදිලි කරගත යුතු බව සිතමු. එනම් කිතුනුවන්ට දේශපාලනය කැපද? කිතුනු පැවිද්දන්ට හා පූජකයන්ට රදගුරුවරුන්ට කාදිනල්වරුන්ට පාප්තුමාට දේශපාලනය කැපද? යන ප්‍රශ්නයයි.
තවමත් යම් පිරිසක් මේ ප්‍රශ්නයට පිළිතුර ලෙස පූජක පැවිද්දන් දේශපාලනය නොකළ යුතුය යන අදහසේ සිටිති. එහෙත් ඉතා පැහැදිලි ලෙස ‘දේශපාලන කැපවීම දයා සේවාව ඉහළින්ම කළ හැකි මාවත බව’ කතෝලික සමාජ දර්ශනය මෙන්ම ලෝක ක්‍රිස්තියානි සභා සමුළු ඉගැන්වීම් මගින් ද තහවුරු කර අවසානය. එසේ නොවුණද උප්පන්න සහතිකයේ සිට රාජ්‍යයට මිනිසා බැඳෙන වර්තමාන ලෝක යථාර්ථය තුළ දේශපාලනයෙන් බැහැර කිසිවක්ම නැත.
දැන් එf`ඩ්රමුල්ල මහතා නගන ප්‍රශ්නයට අප විසින් විස්තාරණය කරන ලද පුළුල් බව තුළ සිට ‘කිතුනුවන්ගේ දේශපාලනය කුමක් විය යුතුද’ යන්නට සැබෑ ක්‍රිස්තියානි දේව ධර්මය තුළ පිහිටා පිළිතුරක් ගොනු කරමු.
කිතුනුවන්ගේ දේශපාලනය ජේසුගේ දූත කාර්යය, දැක්ම, ශුද්ධ බයිබලීය දැක්ම වර්තමාන සංදර්භය තුළ ක්‍රියාත්මක කිරීමේ දේශපාලනය විය යුතුය.
අපි ඒ පිළිතුර දැන් මඳක් විස්තාරණය කරමු.
■ කිතුනුවන්ගේ දේශපාලනය සම්භාව්‍ය අරුතින් ලොව පිළිගත් ශිෂ්ට සම්පන්න ප්‍රඥා සම්පන්න විමුක්තිවාදී දේශපාලනය විය යුතුය.
■ කිතුනුවන්ගේ දේශපාලනය පෘථිවියේත් මානව වර්ගයාගේත් තිරසර නිදහස් විමුක්ති පැවැත්ම තහවුරු කරන, ඒ මෙහෙවර සඳහා සේවය කිරීමට බලය භාවිත කරන දේශපාලනය විය යුතුය.
■ කිතුනුවන්ගේ දේශපාලනය ‘ලාභය’ වෙනුවට ‘ප්‍රේමය’ මුල් කරගත් දේශපාලනය විය යුතුය.
■ කිතුනුවන්ගේ දේශපාලනය මේ ලොව තුළ දේව පාලනයක් හෙවත් ප්‍රේමයේ පාලනයක් පවත්වාගෙන යාම සඳහා වන දේශපාලනය විය යුතුය.
■ කිතුනුවන්ගේ දේශපාලනය වාර්ගික, ආගමික, සංස්කෘතික, ලිංගික වෙනස්කොට සැලකීමෙන් තොර සමානාත්මතාව මත පදනම් වූ ආර්ථීක දේශපාලන සමාජ ක්‍රමයක් ගොඩනැගීමේ හා පවත්වා ගැනීමේ දේශපාලනය විය යුතුය.
■ කිතුනුවන්ගේ දේශපාලනය ජෛව විවිධත්වය පමණක් නොව වාර්ගික, ආගමික, භාෂාමය, සංස්කෘතිකමය, ලිංගිකමය ආදි විවිධත්වයන් ප්‍රමාණාත්මක සුළුතර බහුතර බව මත පදනම් නොවී පිළිගන්නා, අගය කරන, ආරක්ෂා කරන ඒ විවිධ වූ සියල්ලන්ගේ ස්වයං තීරණ අයිතියත් සමගරුත්වයක් සහාභාගිත්වත් දායකත්වයත් එක සේ පිළිගන්නා දේශපාලනය විය යුතුය.
■ කිතුනුවන්ගේ දේශපාලනය තමන්ද ඇතුළු සියලු ජන කොටස්වල ඇති අගතිගාමී තත්වයක් ස්වයං විවේචනයට හා විවේචනයට ලක් කරන සෑම ජන ප්‍රජාවක්ම, නිරන්තරයෙන් ආත්ම සෝදිසියක යෙදෙමින් නිවැරදි වීමේ, වර්ධනය වීමේ ගමනක යෙදිය යුතුය බව පිළිගන්නා හා ඊට යොමු කරන දේශපාලනය විය යුතුය..
■ කිතුනුවන්ගේ දේශපාලනය සියලු මිනිසුන්ගේ ජීවත්වීමට අදාළව ආර්ථික දේශපාලනික සංස්කෘතික සමාජීය පාරිසරික අයිතින් පිළිගන්නා මිනිසුන්ගේ පමණක් නොව ගහකොළ ඇළ දොල සතා සිව්පාවාගේ පවා හිමිකම් තහවුරු කරන දේශපාලනය විය යුතුය.
■ කිතුනුවන්ගේ දේශපාලනය දරිද්‍රයා, පීඩිතයා තෝරා ගන්නා පීඩිතයාගේ පැත්තේ සිට ගන්නා, පීඩිත මිනිසුන්ගේ, ගැහැනුන්ගේ, ජාතින්ගේ, ලිංගිකයන්ගේ පමණක් නොව පීඩිත සොබාදහම් පැත්තේ සිට කරන දේශපාලනය විය යුතුය.
■ කිතුනුවන්ගේ දේශපාලනය පීඩකයා තණ්හාවෙන් මුදන, පීඩිතයා දරිද්‍රතාවෙන් මුදන සොබාදහම සූරාකෑමෙන් මුදන දේශපාලනය විය යුතුය.
■ කිතුවන්ගේ දේශපාලනය කිසියම් එක් දෘෂ්ටිවාදයක වහල්භාවයට පත් නොවූ ධාර්මික (ආගමික නොවේ) සාරාර්ථයන්ද වර්තමානය වන විට පොදු මානව උරුමයක් බවට පත්ව ඇති තව දුරටත් සංවර්ධනය වන මාක්ස්වාදය, ලිබරල්වාදය, මානව හිමිකම් ආදි දියුණු දර්ශනයන්ගේ සාරාර්ථයන්ගෙන්ද පෝෂණය ලබමින් වෙනස් වෙමින් ඉදිරියට යන දේශපාලනය විය යුතුය. ■ කිතුනුවන්ගේ දේශපාලනය ව්‍යාජ දේශ ප්‍රේමයෙන්ද ව්‍යාජ විශ්වාන්තරවාදයෙන් මිදුණු, මිනිසා පය ගසා සිටින භූමියෙන් උරුම වූ පාරම්පරික මිථ්‍යා මත නොවන ඥාන සම්භාරයෙන්ද විශ්වීය ගෝලීය විiාවන්ගෙන්ද පෝෂිත ඥාන සම්භාරයන්ගෙන්ද පෝෂණය වන දේශපාලනයයි.
■ කිතුනුවන්ගේ දේශපාලනය පෞද්ගලික නිදහසට ගරු කරන නිෂ්පාදන මාධ්‍යයේ පොදු අයිතිය සුරක්ෂිත කරන දේශපාලනය විය යුතුය.
■ කිතුනුවන්ගේ දේශපාලනය ජාතිවාදී ආගම්වාදී දේශපාලනය නොවිය යුතුය.
■ කිතුනුවන්ගේ දේශපාලනය තමාගේ පෞද්ගලික උන්නතිකාමය උදෙසා හෝ තම ප්‍රජාවේ සභාවේ වත්කම්, වරප්‍රසාද ආරක්ෂා කර ගැනීම සඳහා උපයෝගීතාවාදී ලෙස වර්ගවාදී ජාතිවාදී අධිකාරිවාදී හෝ වෙනත් ඕනැම දේශපාලනයකට නියමින් හෝ අනියමින් සහය පළ කරන දේශපාලනයක් නොවිය යුතුය.
■ කිතුනුවන්ගේ දේශපාලනය ජේසුස්ගේ කොන්දේසි විරහිත, වෛර කරන්නාටද ප්‍රේම කරන ප්‍රේමය මත පදනම් වූවක් මිස තම ජාතියේ, තම ආගමේ නොවන අනෙකාට සිදුවූ විශාල අසාධාරණකම් ඉදිරියේ මුනිවත රකිමින් සිට තම ප්‍රජාවට සිදුවන අසාධාරණයක් ඉදිරියේ පමණක් සාධාරණය ඉල්ලා කෙරෙන දේශපාලනයක් නොවිය යුතුය.
■ කිතුනුවාගේ දේශපාලනය තම ප්‍රජාවේ ඡන්ද ගොඩ බොරුව, වංචාව, දූෂණය, මිනිමැරීම ඇතුළු දස පනතම කඩ කළ බව, කඩ කරන බව හොඳින් දන්නා පවිටු දේශපාලනයකට හරවන දේව විරෝධී දේශපාලනයක් නොවිය යුතුය.
■ ගෝලීය හා දේශීය බලලෝභී දේශපාලනය න්‍යාය පත්‍රවලට නියමින් හා අනියමින් සේවය කරන ගෝලීය හෝ දේශීය පවිටු දේශපාලනයෙන් වරදාන ලබාගන්නා දේශපාලනයක් නොවිය යුතුය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි