No menu items!
29.7 C
Sri Lanka
29 March,2024

නිරෝධායන ඇඳිරි නීතියට ප‍්‍රශ්න පත‍්‍රයක්

Must read

රාජ්‍ය නොවන සංවිධාන හා මානව හිමිකම් ක‍්‍රියාකාරීන් යැයි පවසන කණ්ඩායම් රටේ පවත්නා ඇඳිරි නීතිය නීත්‍යනුකූල නොවන අසාධාරණ ක‍්‍රියාමාර්ගයක් බවට ගෙනගිය දුර්මතය ගම්පහ මහේස්ත‍්‍රාත් අධිකරණය දුන් තීන්දුව අනුව දුරුව ගිය බව නියෝජ්‍ය පොලිස්පති අජිත් රෝහණ ප‍්‍රකාශ කර ඇත.

මැයි 12 වැනිදා පොලිස් මූලස්ථානයේදී පැවති ප‍්‍රවෘත්ති සාකච්ඡාවකදී ඔහු ඒ බව ප‍්‍රකාශ කළ බව මාධ්‍ය වාර්තා කර ඇත.

ඇඳිරි නීතිය ක‍්‍රියාත්මක කිරීමට අදාළ නිර්ණායක අධ්‍යයනය කර සෞඛ්‍ය සේවා අධ්‍යක්ෂ ජෙනරාල්වරයා වැඩබලන පොලිස්පතිවරයාට නිර්දේශ එවන බවත්, ඒ අනුව ඇඳිරි නීතිය ක‍්‍රියාත්මක කරන ආකාරය පිළිබඳව පණිවිඩය සකස් කර ¥රකථන මාර්ග යෙන් ජනාධිපති මාධ්‍ය අංශයට දැනුම් දෙන බවත්, ජනාධිපති මාධ්‍ය අංශයෙන් ඒ අනුව ඇඳිරි නීතිය ක‍්‍රියාත්මක කිරීම හෝ ලිහිල් කිරීම ගැන නිවේදන නිකුත් කරන බවත් නියෝජ්‍ය පොලිස්පති අජිත් රෝහණ එහිදී කියා ඇත.

නිරෝධායන ආඥාපනතට අනුව සෞඛ්‍ය සේවා අධ්‍යක්ෂ ජෙනරාල්වරයා දුන් රෙගුලාසි මත මාර්තු 18 දා සිට රටේ පවත්නා ඇඳිරි නීතිය ගම්පහ මහේස්ත‍්‍රාත් අධිකරණය දුන් තීන්දුව අනුව නීත්‍යනුකූල වූ බවද අජිත් රෝහණ මහතා වැඩිදුරටත් කියා ඇත.

නියෝජ්‍ය පොලිස්පතිවරයාගේ මෙම ප‍්‍රකාශය සම්බන්ධයෙන් පැන නඟින ප‍්‍රශ්න කිහිපයක්ම ඇත. එකක් මානව හිමිකම් ක‍්‍රියාධරයන් හා සංවිධාන පිළිබඳව ඔහු කර ඇති අවඥා සහගත ප‍්‍රකාශයය.

අජිත් රෝහණ මහතා දැනගත යුත්තේ මිනිසුන්ගේ නිදහස හා අයිතිවාසිකම් මේ තාක් දුරට රට තුළ ස්ථාපිත වී ඇත්තේ මානව හිමිකම් ක‍්‍රියාධරයන්ගේ හා සංවිධානවල ක‍්‍රියාකාරිත්වය නිසා බවය. කොටින්ම පොලීසියට දේශපාලන අතකොළු නොවී බලපෑම්වලින් තොරව රාජකාරි කිරීමේ හැකියාව ලබාදුන් පොලිස් කොමිසම වැනි ව්‍යූහයන් ඇතිවුයේ අජිත් රෝහණ මහතා අවඥාවට ලක් කරන මානව හිමිකම් ක‍්‍රියාකාරීන්ගේ හා සංවිධානවල ක‍්‍රියාකාරීත්වය නිසා බවය.

අජිත් රෝහණ මහතාට පොලීසිය සම්බන්ධයෙන්ම කරුණක් මතක් කර දීමට කැමැත්තෙමු. ශ‍්‍රී ලංකා පොලීසිය යටතේ පවතින, ශ‍්‍රී ලංකා පොලීසියේ නිලධාරීන් සේවය කරන රාජ්‍ය බුද්ධි සේවයේ ප‍්‍රධානියා ලෙස සක‍්‍රිය හමුදා නිලධාරියෙකු වන බි‍්‍රගේඩියර් සුරේෂ් සලේ ජනාධිතිවරයා විසින් පත් කරනු ලැබීය. සිවිල් දෙපාර්තමේන්තුවට කරන ලද එම නීති විරෝධී පත්කිරීම සම්බන්ධයෙන් අජිත් රෝහණ මහතාට හෝ පොලීසියේ කිසිවෙකුට හෝ කිසිවක් කීමට කොන්දක් තිබුණේ නැත.

සිවිල් ක‍්‍රියාකාරීන් ඇඳිරිනීති තත්වයන් කඩ කරන ලෙස ජනතාවට කීවේ නැත. ඔවුන් ප‍්‍රශ්න කළේ එහි නීත්‍යනුකූලභාවයය. එය වරදක් නොවේ. අජිත් රෝහණලා මෙන් දැන් අනීතියට ඉඩ දුනහොත් එය අනාගතයේ නීතිය බවට පත්වීම වැළැක්වීම මේ හ`ඩ නැඟීම්වල අර්ථයය. අප කීවේ අ`ඩුව තියාගෙන අත පුච්චාගන්න එපා කියාය. නීත්‍යනුකූල ඇඳිරි නීතියක් පනවන ලෙසය. අජිත් රෝහණලා මෙන් කාගේ හෝ සපත්තුවකට සරිලන ලෙස මහජනයාගේ කකුල් කැපීමට උත්සාහ කිරීම නොවේ.

මුලින් ඇඳිරි නීතිය හෝ පොලිස් ඇඳිරි නීතිය යැයි කියූ අජිත් රෝහණ මහතා ඉන්පසු නිරෝධායන ඇඳිරි නීතියට මාරු වූයේ ඇඳිරි නීතිය අභියෝග යට ලක්වීමෙන් පසුය.

ඇඳිරි නීතිය මුලින්ම ප‍්‍රකාශයට පත්කළේ මාර්තු 18 වැනිදාය. ඒ වන විට කොවිඞ්-19 වෛරස තත්වය නිරෝධායන හා රෝග වැළැක්වීමේ ආඥාපනත යටතේ නිරෝධායනීය රෝගයක් ලෙස නම්කර තිබුණේ නැත. එම නම් කිරීම සෞඛ්‍ය ඇමතිනි පවිත‍්‍රා වන්නිආරච්චි කළේ මාර්තු 20 දින අතිවිශේෂ ගැසට් පත‍්‍රයක් මගින්ය.

ඊටත් අමතරව සෞඛ්‍ය සේවා අධ්‍යක්ෂ ජෙනරාල් වෛද්‍ය අනිල් ජාසිංහ නිරෝධායන හා රෝග වැළැක්වීමේ ආඥාපනත යටතේ නිසි බලධාරියා ලෙස ප‍්‍රකාශයට පත්කරනු ලබන්නේ මාර්තු 25 දින අතිවිශේෂ ගැසට් පත‍්‍රයක් මගින්ය.

එහි සෞඛ්‍ය සේවා අධ්‍යක්ෂ ජෙනරාල්වරයා පමණක් නොව නිසි බලධාරීහු රැසක් සිටිති. ඒ කිසිවකුට ඇඳිරි නීතිය පැනවීමේ බලයවත්, ඔවුන් පැවරූ බලය වෙනත් පුද්ගලයන්ට පැවරීමේ බලයවත් ලබාදී නැත. බලය දී ඇත්තේ ‘රෝගී ප‍්‍රදේශයක්’ නම් කිරීම සඳහා පමණය.

මේ සියල්ලම පසෙක තැබුවත් මාර්තු 18 දින සිට මාර්තු 25 දින දක්වා පැනවූ ඇඳිරි නීතියට කිව හැකි නම කුමක්දැයි අපි අජිත් රෝහණ මහතාගෙ න් අසමු.x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි