කොළඔ ජාතික රෝහලේ මුදල් ගෙවා ප‍්‍රතිකාර ලබා ගන්නා වාට්ටු භාරව සිටි මේට‍්‍රන්වරියකට කොවිඞ් 19 ආසාදනය වී ඇති බව වාර්තා වේ.
කොරෝනා මර්ධන ජාතික මෙහෙයුම් මධ්‍යස්ථානයේ මාධ්‍ය ප‍්‍රකාශක ලූතිනන් කර්නල් හෙට්ටිආරච්චි මහතා අප කළ විමසීමකදී ඒ් බව තහවුරු කළේය.
අදාල මේට්රන්වරිය වාට්ටු 20 ක් පමණ භාරව සේවය කරන බවත් අදාල මේට්රන්වරිය මැයි 04 වන දින පීසීආර් පරික්ෂණ සදහා යොමු කර ඇති බවත් එහිදි ඇයට කොවිඞ් ආසාදනය වී ඇතැයි තහවුරු වී ඇති බවත් වාර්තා වේ.
මෙම තත්වය පිළිබඳව අදහස් දක්වමින් රජයේ හෙද නිලධාරීන්ගේ සංගමයේ සභාපති සමන් රත්නප‍්‍රිය ප‍්‍රකාශ කළේ ඇය යටතේ හෙද නිලධාරිනියන් 300 කට ආසන්න පිරිසක් සේවය කළ බැවින් මේ වන විට එම හෙද නිලධාරිනියන්ගේ සෞඛ්‍ය තත්වය පිළිබඳව අවධානමක් උද්ගත වී ඇති බවත් එබැවින් එම හෙද නිලධාරිනියන්ව පීසීආර් පරීක්ෂණ සිදු කරන්න යැයි සෞඛ්‍ය අමාත්‍යංශයෙන් තම සංගමය ඉල්ලීමක් කළ බවත්ය.
කොරෝනා මර්ධන ජාතික මෙහෙයුම් මධ්‍යස්ථානයේ මාධ්‍ය ප‍්‍රකාශක ලූතිනන් කර්නල් හෙට්ටිආරච්චි මහතා පැවසුවේ ඇය සමඟ සේවය කළ හෙද නිලධාරිනියන් පිළිබඳ දත්ත තවමත් ලැබී නොමැති බවත් ඉදිරියේදී ඔවුන්ව පීසීආර් පරීක්ෂණයට යොමු කරන බවත්ය.
