No menu items!
21.8 C
Sri Lanka
28 March,2024

වැලිසර සිට නිවාඩු ගිය අයට නැවත එන්නැයි කෙටි පණිවුඩ

Must read

වැලිසර නාවික හමුදා කඳවුරේ 30 දෙනෙකුට රෝගය ආසාදනය වූ බව තහවුරු වීමෙන් පසුව, එම කඳවුරේ සිට නිවාඩු ලබා නිවෙස්වලට ගිය සෙබළුන්, නිලධාරීන් ඇතුළු සියලූදෙනාට නැවත පැමිණෙන ලෙස දන්වමින් කෙටි පණිවුඩ යවා ඇතැයි දැනගන්නට ලැබේ.

පොළොන්නරුව ප‍්‍රදේශයෙන් හමුවූ ආසාදිතයාද එලෙස නිවාඩු ලබා ගිය වැලිසර නාවික හමුදා කඳවුරේ නාවික සෙබළෙකි.

අපේ‍්‍රල් 22 රාත‍්‍රිය වන විට වැලිසර නාවික හමුදා කඳවුරේ තවත් රෝගීන් සිටීදැයි හඳුනාගැනීම සඳහා සිදුකළ පරීක්ෂණවලින් ආසාදිතයන් 30 දෙනෙකු හමුවී ඇත.

වැලිසර නාවික හමුදා කඳවුරේ කඳවුරු 4ක් නිරෝධායනයට ලක් කර තිබේ. ශ‍්‍රී ලංකා නාවික නෞකා මහසෙන්, ශ‍්‍රී ලංකා නාවික නෞකා ගැමුණු, ශ‍්‍රී ලංකා නාවික නෞකා තක්ෂිලා, ශ‍්‍රී ලංකා නාවික නෞකා ලංකා යන කඳවුරු හතර එලෙස නිරෝධායනයට ලක් කර ඇත. මෙම කඳවුරු හතරේ 3000ක පමණ පිරිසක් සිටින බව වාර්තා වේ.

ඊට අමතරව එම ප‍්‍රදේශයේ පවුල් පදිංචිව සිටින නිල නිවාස ඇති අතර එම නිල නිවාසවල 500ක පමණ පිරිසක් සිටින බව වාර්තා වේ. එම සියලූ කලාප නිරෝධායනයට ලක් කර ඇත.

ත‍්‍රිකුණාමලයේත් සැකයක්

ඊට අමතරව ති‍්‍රකුණාමලය නාවික හා සාගරික විද්‍යා පීඨයේ ඉංග‍්‍රීසි උපදේශකයෙකු පිළියන්දල ප‍්‍රදේශයෙන් හමුවූ කොවිඞ්-19 ආසාදිත මාළු වෙළෙන්දා ඇසුරු කර ඇතැයි සැකයක් මතුව තිබේ.

පුහුණු විද්‍යා පීඨයෙහි පුහුණු පාසල් 15ක් ඇති බවත්, එක් පාසලක සිසුන් 60ක පමණ සංඛ්‍යාවක් සිටින බවත් වාර්තා වේ. ඔවුන් එකම භෝජනාගාරයක් පාවිච්චි කරන බව වැඩිදුරටත් වාර්තා වෙයි. මේ වන විට එම පාසල් 15ම නිරෝධායනයට ලක් කර ඇත.

මෙම විද්‍යා පීඨයේ පරිපාලන නිලධාරීන්ද ඇතුළුව 2000ක පමණ පිරිසක් සිටින බව වාර්තා වේ.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි