ශ‍්‍රීලංකා නිදහස් පක්ෂය පොදු ජන පෙරමුණ සමග එකතුවීමට විරුද්ධ ශ‍්‍රීලනීප ආසන සංවිධායකයින් කණ්ඩායමක් හිටපු ජනාධිපති චන්ද්‍රිකා බණ්ඩාරණායකගේ මැදිහත්වීමෙන් එක්සත් ජාතික පෙරමුණේ නායකයින් සමග සාකච්ඡුා කරමින් ඇතැයි අනිද්දා වෙත වාර්තා වේ.
මේ පිළිබඳව අදහස් දැක්වූ ශ‍්‍රීලනීපයේ ප‍්‍රබලයෙක් පැවසූවේ චන්ද්‍රිකා බණ්ඩාරණායක මැතිනිය සහ මංගල සමරවීර මහතා අතර මෙම සාකච්ඡුා සිදුවෙමින් ඇති බවයි. මේ පිළිබඳව අදහස් දැක්වූ එජාප අමාත්‍යවරයෙක් ප‍්‍රකාශ කළේ මෙම පිරිස සජිත් පාර්ශවය වෙත එක්කරගැනීම ඉක්මන් නොවන්නේ එක්සත් ජාතික පක්ෂය ප‍්‍රමුඛව ගොඩනගන්නට සාකච්ඡුා කරන සන්ධානය තවමත් ගොඩනගන්නට බැරිවීම නිසා බවය. මෙම ශ්රීලනිප කණ්ඩායම ඉතාමත් ඉක්මනින් නිල වශයෙන් සජිත් පේ‍්‍රමදාස මහතා සමග නුදුරු දිනයකදී එක්වෙනු ඇතැයි ඒ මහතා ප‍්‍රකාශ කළේය. මේ අතර ශ‍්‍රීලනිපය පොදුජන පෙරමුණ සමග එකතුවීම පිළිබඳව සිය අප‍්‍රසාදය පළ කරමින් චන්ද්‍රිකා බණ්ඩාරණායක මහත්මිය දයාසිරි ජයසේකර මහතාට ලිපියක් යොමුකර ඇති බව සමාජ මාධ්‍ය වාර්තා කරයි. එහිදී චන්ද්‍රිකා බණ්ඩාරණායක මහත්මිය පවසන්නී මෙම සන්ධානගතවීමට විරුද්ධ බොහෝ පක්ෂ සාමාජිකයින් පිරිසක් තමන් සමග ශ‍්‍රීලංකා නිදහස් පක්ෂය රැුකගැනීමට කටයුතු කරන බවය
මංජු කස්තුරිආරච්චි
