No menu items!
29.7 C
Sri Lanka
29 March,2024

ආණ්ඩුව ප‍්‍රශ්නවලට විසඳුමක් නෙවෙයි. ආණ්ඩුවයි ප‍්‍රශ්නය

Must read


පැරණි සෝවියට් සමුහාණ්ඩුවෙන් වෙන්වී ස්වාධීන රාජ්‍යයක් වූ යුක්රේනයේ ජනතාව තමන්ගේ නවතම ජනාධිපති ලෙස තෝරා පත්කරගත්තේ, එරට ජනප‍්‍රිය විකට නළුවෙකු වන 41 හැවිරිදි වොලෝද්මීර් සෙලෙන්ස්කි . යුක්රේන පේ‍්‍රක්ෂකයන් අතර ජනප‍්‍රිය වූ ‘ජනතාවගේ සේවකයා’ කියන ටෙලි මාලා නාටකයේ, ඔහු ජනාධිපති අපේක්ෂකයකු වී තරග වදින වසිල් හොලොබොරෝද්කෝ නම් ඉතිහාස ගුරුවරයෙකුගේ චරිතයට පණ පොවනවා.


මේ ප‍්‍රබන්ධ කතාවට අනුව, ඔහුගේ ශිෂ්‍යයෙකු විසින් රූගත කර අන්තර්ජාලයට මුදාහැරි වීඩියෝවක් වයිරසයක් සේ යුක්රේන ජනතාව අතර ජනප‍්‍රිය වෙනවා. ඒ වීඩියෝවේ තිබෙන්නේ, මේ ගුරුවරයා පවතින පාලන තන්ත‍්‍රයේ චෞරෝන්මාදය විවේචනය කරමින් බැන වදින දර්ශනයක්. පවතින ආණ්ඩුව කෙරෙහි පිළිකුලින් සිටින ඡුන්දදායකයන්, ඔහුට ඡුන්දය දී ජනාධිපති ලෙස පත්කරගන්නවා. මේ ප‍්‍රබන්ධයයි, ඇත්ත යුක්රේන මැතිවරණ යේදී යථාර්ථයක් වෙන්නේ. සෙලෙන්ස්කිව ජනාධිපතිවරණය සඳහා යොමුකරවන්නේ මේ ප‍්‍රබන්ධ චරිතය රඟපෑමෙන් ඔහු ලද ජනප‍්‍රියත්වයයි.

ඇත්ත මැතිවරණ වේදිකාවේ ද සෙලෙන්ස්කි පවතින පාලන තන්ත‍්‍රය විවේචනය කරමින්, ¥ෂණය අවසන් කරන බවට, යුක්රේන වැසියන්ගේ ජීවන තත්වය ඉහළ නංවන බවට සහ යුක්රේනයේ ප‍්‍රතිරූපය අන්තර් ජාතික ලෙස ඉහළ නංවන බවට පොරොන්දු වෙමිනුයි තම මැතිවරණ ව්‍යාපාරය ගෙනයන්නේ. දේශපාලනයට ආධුනික මේ තරුණ (වයස 41* අපේක්ෂකයා සමස්ත ඡුන්ද සංඛ්‍යාවෙන් සියයට 73ක් ලබාගෙන එරට ජනාධිපති වෙනවා.
වංචාවෙන් ¥ෂණයෙන් පිරුණු පවතින ආණ්ඩුව වෙනස් කළ යුතු සහ කරන බවට පොරොන්දු වෙමින් ජනතා සිත් තුළ ප‍්‍රබන්ධ වීරයෙකු වන පාසල් ගුරුවරයාගේ භූමිකාව පණ පොවන සෙලෙන්ස්කි, ඇත්ත ලෝකයේ ඒ පොරොන්දු ඉටුකරන කරන නොකරන බව ගැන සහතිකයක් දීමට තවම ඉක්මන් වැඩියි. ජනාධිපති ලෙස පදවිප‍්‍රාප්ත වන උත්සවයේ, 1981 ඇමෙරිකානු ජනාධිපති වූ හොලිවුඞ් නළු වීරයා, රොනල්ඞ් රේගන් තම දිවුරුම් දීමේ උත්සවයේ කළ කතාවක්ම උපුටා දක්වමින් සෙලෙන්ස්කි කියන්නේත්,
‘ආණ්ඩුව අපේ ප‍්‍රශ්නවලට විසඳුමක් නෙවෙයි. ආණ්ඩුවයි ප‍්‍රශ්නය!’ කියලයි. බලයට පත්වී ඔහු කළ පළමු රාජකාරිය ආණ්ඩුව විසුරුවා හැරීම. හැබැයි ඒ ව්‍යවස්ථා විරෝධීව නෙවෙයි. ව්‍යවස්ථානුකූලව.!


යුක්රේන ජනතාවට දැනට කළ හැක්කේ මේ ප‍්‍රබන්ධ වීරයා තම බලාපොරොත්තු ඉටු කරනු ඇතැයි බලාපොරොත්තු දල්වාගෙන බලා සිටීම පමණයි.


නපුරට එරෙහිව සටන්කර ජනතා බලාපොරොත්තු ඉටුකරන චිත‍්‍රපට වීරයන් ආසියානු දේශපාලනය තුළ දුලබ නැහැ. තමිල්නාඩුවේ හිටපු මහා ඇමති එම්.ජී. රාමචන්ද්‍රන් (එම්ජීආර්* එහෙම කෙනෙක්. ජනතාව වෙනුවෙන් සියලූ දුෂ්ට බලවේග සමඟ සටන් කර ජයගන්නා වීරයෙකු ලෙස තිරයේ කළ භූමිකා නිසාම ‘ජනතාවගේ රජා ලෙස එම්ජීආර් විරුදාවලි ලැබුවා. ඔහුගේ පක්ෂයේ අනුප‍්‍රාප්තික නායිකාව වුණු, මෑතකදී මියගිය තමිල්නාඩු මහා ඇමතිනී ජයලලිතා එම්ජීආර්ගේ තිරයේ පෙම්වතියක්. මේ දෙදෙනාම දේශපාලන ජීවිතයේදී නම් තිරයේ මෙන් සුදුම සුදු චරිත නෙවෙයි.

ලංකාවේත්, විජය කුමාරතුංග සිය තිරයේ ජනප‍්‍රියත්වය දේශපාලනය සඳහා ආයෝජනය කළ කෙනෙක්. වාසනාවට හෝ අවාසනාවට බලයට එන්න කලින්, ඔහුට වෙඩි කා මිය යන්නට සිදුවුණා. ඉම්රාන් ඛාන්, පකිස්තානයට ක‍්‍රිකට් ලෝක කුසලානය දිනා දුන් නායකයා. ක‍්‍රිකට් උමතුවෙන් පෙළෙන පකිස්තාන ජනතාව, ඉම්රාන් දේශපාලනයට පිවිස වසර ගණනාවකට පසු තම නායකයා ලෙස තෝරා පත්කරගත්තා. 1992 ලෝක කුසලානය දිනාගැනීමෙන් පස්සේ ක‍්‍රිකට් ක‍්‍රීඩාවෙන් සමුගත් ඉම්රාන්, 1996දී තමන්ගේම දේශපාලන පක්ෂයක් පිහිටුවා ගත්තා ‘යුක්තිය සඳහා වූ පකිස්තානු ව්‍යාපාරය’ (පීටීඅයි නමින්.

සාම්ප‍්‍රදායික දේශපාලන පක්ෂවල අකටයුතුකම්වලින් හෙම්බත්ව සිටි පකිස්තානු ජනතාවට වුවමනා වී තිබුණේ සැබෑම වෙනසක්. 2018දී ඉම්රාන්ගේ පීටීඅයි පක්ෂය පකිස්තානු මහමැතිවරණය ජයගත්තේ විශාල බහුතර ආසන සංඛ්‍යාවක් දිනා ගනිමින්.


යුක්රේන ජනාධිපති සෙලෙන්ස්කි, රාජ්‍ය කාර්යාලවල තම පින්ත=ර එල්ලන්නට එපා, ඒ වෙනුවට එම කාර්යාලවල නිලධාරීන්ගේ දරුවන්ගේ පින්තූර එල්ලන ලෙසත් රාජකාරී තීරණ ගන්නාවිට ඔවුන් දෙස බලා තීරණ ගන්නා ලෙසත් ඉල්ලා සිටියා. ඉම්රාන් ඛාන්ද, ගුවන් යානයක පිරිමැසුම් පන්තියේ * සාමාන්‍ය මගීන් සමඟ ගමන් කරන ඡුයාරූපයක් සමාජ ජාලා අතර සංසරණය වුණා. අපේ ජනාධිපතිතුමාත් කෙහෙල්කොලේ ඔතාගන ආ බත් එකක් ලෙහාගන පැත්තකට වෙලා තනියම කාපු කාලයක් තිබ්බා. පිරිමැසුම් පංතියේ ම නොවුණත් ගුවන් යානයක ව්‍යාපාර පන්තියේ සාමාන්‍ය මගීන් සමඟ වාඩි වෙලා යන පින්තූර අපි දැක්කා. රාජ්‍ය නායකයෙකු තම නිල කාලය පටන්ගැන්මේ දී මේවාගේ සිත්ගන්නා ක‍්‍රියාවල යෙදෙනු අසන්නට සහ දකින්නට ලැබෙනවා.


සෙලෙන්ස්කි පත්වෙනකොට යුක්රේනයේ තත්වයත්, ලංකාවේ අප දැන් අත්විඳින තත්වයත් අතර වෙනසක් නැහැ. සමහර විට අපේ තත්වය යුක්රේනයේ තත්වයට වඩා දරුණුයි. අවාසනාවට ලංකාවේ රූපවාහිනී නාලිකාවක සෙලෙන්ස්කි රඟපෑ ‘ජනතාවගේ සේවකයා’ වැනි වෘතාන්ත ටෙලිනාට්‍යයක් අපට බලන්න නැහැ. ඒත් ටෙලිනාට්‍යම නොවුණත් අප මේ දිනවල ඇති තරම් දේශපාලන ප‍්‍රහසන නම් රූපවාහිනියේ නරඹමින් ඉන්නවා.
යුක්රේනයේ පේ‍්‍රක්ෂකයන්, ප‍්‍රබන්ධ වෘත්තාන්තයක් ඇත්ත දේශපාලන ක‍්‍රියාවලියකට හරවාගෙන දේශපාලන පෙරළියක් කළා. ඒ, එම ප‍්‍රබන්ධ කතාවේ කතානායකයා තම රටේ ජනාධිපති කරගනිමින්. ලංකාවේ රූපවාහිනී ඇතුළේ අපේ ජනමාධ්‍ය කරමින් ඉන්නේ වෙනස් අභ්‍යාසයක්.

අපේ ජනමාධ්‍යවල ඇත්ත ප‍්‍රවෘත්ති ලෙස අප නරඹමින් ඉන්නේ රංගගත කරන ලද ජවනිකා. පාස්කු ප‍්‍රහාරයෙන් පසු ඒවා බොහොමයක් මහා ජන සහභාගිත්වයකින් යුතු කුරිරු-රංග ආකෘතියෙන් කළ රියැලිටි වැඩසටහන්.
කුරුණෑගල ඉස්පිරිතාලේ ප‍්‍රසව සහ නාරි වෛද්‍ය සාෆිගේ ‘වඳ සැත්කම්‘ නාටකය මේවා අතරින් බිහිසුණුම ප‍්‍රබන්ධය ලෙස හඳුනාගන්නට පුළුවන්. එහි කූටප‍්‍රාප්තිය වූ රතන සාදුගේ උපවාසය ප‍්‍රහසනයක්ව අවසන් වුණේ, රංගයේ වීරයන් ජෝකරයන් බවට පත් කරමින්.


සුසාධිත වේදිකා රංගනයක යෙදෙන රංගන ශිල්පියෙකු අවිවාදයෙන් පිළිපැදිය යුතු කොන්දේසියක් තමයි, පේ‍්‍රක්ෂක ප‍්‍රතිචාරවලට අනුව රංගය වෙනස් නොකිරීම. පේ‍්‍රක්ෂක ප‍්‍රතිචාර අනුව රංගය වෙනස් කරගන්නා විට භුමිකාවේ ස්වභාවය වෙනස්ව කතාව විකෘතියක් විය හැකියි. වඳ සැත්කම් නාටකය ඉදිරියට ගලාගෙන යද්දී සිදුවුණේ එහෙම දෙයක්. මෙය රියැලිටි ආකෘතියේ රංගයක් නිසා කාර්යාලයේ, කඩමණ්ඩියේ, පන්සලේ, පල්ලියේ පාසලේ හැමෝම එකවිට මේ රංගයේ නරඹන්නන් මෙන්ම පාත‍්‍රවර්ගයා ද වුණා. දවසින් දවස විවිධ භූමිකාවන්, රංගයන් එයට එකතු වුණා. රංග භුමිය වෙනස් වුණා. කුරුණෑගල ඉස්පිරිතාලේ වූ විරෝධතා රංගය, මහනුවර දළදා මාලිගාවට විස්ථාපනය වුණා. එකම නාට්‍යයක පිටපත රචකයන් කිහිප දෙනෙකු අතින් ලියවුණු බවක්, අධ්‍යක්ෂකලා කිහිප දෙනෙකු අතින් මෙහෙයවුණු බවක් පෙනෙන්නට ගත්තා. රියලිටි නාටකයේ ‘හීරෝ’ (වීරයා* කවුද, ‘විලන්’ (දුෂ්ටයා* කවුද පැහැදිලිව අඳුරගන්න බැරි තරමට සියල්ල සංකීර්ණ ලෙස කලවම් වෙන්නට පටන් ගත්තා. රංගයේ පාලනය ගිලිහුණා.


පිටපත උඩු යටිකුරු වුණේ සිය තනතුරුවලින් අස්කර දමන්නැයි නම් කර සිටි අය වෙනුවට සියලූම මුස්ලිම් ඇමතිවරුන්, රාජ්‍ය ඇමතිවරුන් තම තනතුරුවලින් ඉල්ලා අස්වෙන බව ප‍්‍රකාශ කිරීමත් සමඟයි. ඒ පිටපතේ තිබූ ජවනිකාවක් නෙවෙයි. සයිමන් නවගත්තේගමගේ ‘දඩයක්කාරයා’ ගැමි තරුණිය ¥ෂණය කරන්නට සැරසෙද්දී, ඇය දඩයක්කාරයා ඉදිරියේ ඇඳිවත කඩා පෑවා වගේ වැඩක්. ¥ෂණයේ තෘප්තිය දඩයක්කාරයාට අහිමි වෙනවා විතරක් නෙවෙයි, ඔහු සම්පූර්ණයෙන්ම අවුල් ද වෙනවා.


සියලූ සමාජ දේශපාලන අකටයුතුකම් ජයගනිමින් දේශපාලන ප‍්‍රබන්ධ සුඛාන්තයක වීරයෙක් වෙනවා වගේ නෙවෙයි, ඇත්ත දේශපාලන වීරයෙක් වෙන එක. පුද්ගලයන් විසින් පවතින දේශපාලන රටාව වෙනස් කරනවා වෙනුවට දේශපාලනය විසින් පුද්ගලයන් වෙනස් කරන සම්භාවිතාව වැඩියි. ආර්ථික විද්‍යාව සඳහා නොබෙල් ත්‍යාගය දිනූ අමර්ත්‍යා සෙන් සිය ‘යුක්තිය පිළිබඳ අදහසක්’ පොතේ හැඳින්වීමේ කියනවා වගේ, කිසිවිටෙක ප‍්‍රශස්ත මට්ටමේ යුක්තිය රජයන සමාජයක් නිර්මාණය කරගන්න කිසිම සමාජයකට බැරි වෙයි. ඒත් ප‍්‍රායෝගිකව අයුක්තිය අවම කරගත් සමාජයක් නිර්මාණය කරගැනීමට කටයුතු කළයුතුය කියන එක කාටත් ප‍්‍රතික්ෂේප කළ නොහැකි සමාජ එකඟතාවක්. ඒ නිසා ? වැටුණු වලේම දවල්ද වැටීමට කොයිතරම් ඉඩ තිබුණත්, මේ බිම ශීලාචාර මිනිස් වාසයට සුදුසු බිමක් වන සිහිනය දැකීමේ සහ ඒ සිහිනය සැබෑ කරගැනීමේ සාමූහික අරගලයකට දායක වීමේ අනුරාගය සිඳගැන්මට අපට පුළුවන්කමක් නැහැ.x

x අශෝක හඳගම

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි