No menu items!
27.4 C
Sri Lanka
29 March,2024

රටක් ශෝකී වෙද්දී නරියාකන්දේ රේස් පැද්ද හමුදාව

Must read



පසුගිය පාස්කු ඉරිදා රටේ කතෝලික දේවස්ථාන හා හෝටල් කිහිපයකට එල්ලකළ මරාගෙන මැරෙන බෝම්බ ප්‍රහාර ගැන සොව පලකරමින් ප්‍රංශයේ පැරිස් නුවර පිහිටි අයිෆල් කුළුණ රාත්‍රියේදී එහි විදුලි බුබුළු නිවා දමා තිබුණි. අයිෆල් කුළුණ ඒ ආකාරයට විදුලි බුබුළු නිවා දමමින් ශෝකය පළකරන්නේ ඒ රට වශයෙන් හෝ ජාත්‍යන්තර වශයෙන් විශේෂ වූ ශෝකී අවස්ථාවකදී පමණය.


එමෙන්ම රට තුළ ඇතිවූ මෙම ම්ලේච්ඡ ප්‍රහාරය සම්බන්ධයෙන් ක්‍රීඩා සමාජ මට්ටමේ ජාත්‍යන්තර පාපන්දු තරඟයකදීද සොව පළකර තිබුණි. ඒ ස්පාඤ්ඤයේ ලා ලීගා තරඟාවලිය යටතේ රියල් මැඩ්රිඩ් පාපන්දු කණ්ඩායම හා ඇත්ලටික් බිල්බාවෝ කණ්ඩායම අතර පැවති තරඟය ආරම්භයට පෙරයග එහිදී එම තරඟය පැවැත්වූ රියල් මැඩ්රිඩ් මව් ක්‍රීඩාංගනය වන බර්නඩයෙන් පිටියේ තණපිටි සකස් කළ ඔගස්ටීන් හොරයින්ගේ මරණය සම්බන්ධයෙන්ද ගෞරවය දක්වා තිබුණි.


මේ ම්ලේච්ඡ ප්‍රහාරය දින රට පුරා බක්මහ අසිරිය වෙනුවෙන් සූදානම් කර තිබූ අවුරුදු උත්සාව සියල්ලද අවලංගු කර දැමුණු අතර වෙනත් උත්සව අවස්ථාවන්ද අවලංගු කරනු ලැබීය. ඒ රටම ශෝකී වන එම අවස්ථාවේ ශෝකය අභිබවා යන ප්‍රීතියක් භුක්ති විඳිය යුතු නැති බවට වූ සාමාන්‍ය මිනිස් හැඟීම ඉස්මතුවීම නිසායග අමතරව ආරක්ෂාව පිළිබඳව පැන නැඟි අවිනිශ්චිතභාවය නිසාය.


එහෙව් රටක ශෝකය පිළිබඳ සාමාන්‍ය මිනිස් හැඟීම් ඉස්මතු නොවුණු හා ආරක්ෂාව පිළිබඳවද අවිනිශ්චිතභාවය පැන නොනැගුනු සිදුවීමක් දියතලාව ප්‍රදේශයේදී සිදුවී තිබුණි. ඒ ෆොක්ස්හිල් සුපර්ක්‍රොස් 2019 මෝටර් රථ ධාවන තරඟාවලියයග එම මෝටර් රථ ධාවන තරඟාවලියේ අවසන් දින හෙවත් අවසන් තරඟ අප්‍රේල් 21 වැනිදා එනම් පාස්කු ඉරිදා දින පෙරවරුවේ සිට සවස දක්වා පවත්වන්න නියමිතව තිබුණු අතර නියමිත වූ පරිදිම ශෝකී හැඟීම් හෝ අවිනිශ්චිතභාවයකින් තොරවම එම තරඟ එදින පවත්වා තිබුණිග මෙම තරඟ පැවැත්වීම පිළිබඳව ශ්‍රී ලංකා යුධ හමුදාවේ අභ්‍යන්තර තොරතුරු මූලාශ්‍රදල එම තරඟ ආවරණය ගිය මාධ්‍යවේදීන්ද තහවුරු කරනු ලැබීය.


කොළඹ කතෝලික දේවස්ථානයකත්, හෝටල් තුනකත්, මඩකලපුව හා මීගමුව කතෝලික දේවස්ථාන දෙකකත්,සි දුවූ අවාසනාවන්ත සිදුවීම් පිළිබඳව දියතලාව ෆොක්ස්හිල් හෙවත් නරියා කන්දට මුලු රටටම වාගේ විනාඩි කිහිපයකින් පණිවුඩයක් ලැබී තිබේ.


එහිදී මෝටර් රථ ධාවන තරඟකරුවන් මෙම අවාසනාවන්ත සිදුවීම හමුවේ තරඟ කරන්නට බැහැ යැයි ප්‍රකාශ කර තිබේ. එහෙත් තරඟ සංවිධායකයන් වූ ශ්‍රී ලංකා යුධ හමුදාව කෙසේ හෝ එම තරඟාවලිය පවත්වාගෙන යා යුතු බව ප්‍රකාශ කර තිබේ. ඊට හේතුවක්ද ප්‍රකාශ කර තිබේ. ඒ යුද්ධය පැවති කාලයේදීවත් මෙම නරියාකන්ද තරඟ නොනැවැත්වූ බව පවසමින්යග නරියාකන්ද මෝටර් රථ ධාවන තරඟ මෙවර පවත්වා තිබුණේ 27 වැනි වතාවටය.


ශ්‍රී ලංකා යුධ හමුදාව ඔවුන්ගේ සුපුරුදු භාෂාවෙන් ආයාචනා කළාද වන්නට බැරිය. කෙසේ හෝ අවසානයේ තරඟකරුවන් අකැමැත්තෙන් වුවත් තරඟ කර තිබේ. මරාගෙන මැරෙන බෝම්බ ප්‍රහාර සිද්ධිවලින් පසු එම තරඟ නවත්වන්නැයි ආරක්ෂක රාජ්‍ය අමාත්‍ය රුවන් විජේවර්ධන පවා උපදෙස් දී ඇතැයි පැවසේ. එහෙත් හමුදා සංවිධායකයන් අඩියක්වත් පස්සට ගන්නට සූදානම් වී නැතග එහි ඇති අනෙක් උත්ප්‍රාසවත් කතාව වන්නේ එම අවසන් දින තරඟ ආරම්භයට ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්නත්ල ශ්‍රී ලංකා යුධ හමුදා මාණ්ඩලික ප්‍රධානී මේජර් ජෙනරාල් ශවේන්ද්‍ර සිල්වාත් සහභාගී වී තිබීමය. ඔවුන් මරාගෙන මැරෙන බෝම්බ ප්‍රහාරය සැලවූ සැණින් කොළඹ බලා පිටත් වී තිබේ. එහෙත් එම තරඟාවලිය නැවැත්වීම පිළිබඳව උපදෙස් දුන් බවක් අසන්නට නැත.


එදින පෙරවරුවේ 11ට පමණ සිදුවී ඇති එකම දෙය වන්නේ නරියාකන්ද තරඟ සඳහා ලබාදුන් සජීවී රූපවාහිනී විකාශය තරඟ සංවිධායකයන් නවත්වා දැමීම පමණය.

සජීවී රූපවාහිනී විකාශය නවතා දැමුවද තරඟ පැවැත්වීම සුපුරුදු පරිදි එදින සිදු කර තිබේ. තරඟ ආවරණයට එහි ගිය මාධ්‍යවේදීන් ප්‍රකාශ කරන්නේ සියළුම තරඟ එදින පැවැත්වූ බවය. එහෙත් අපගේ හමුදා ආරංච් මාර්ග පවසන්නේ පැවැති වැසි සහිත අයහපත් කාලගුණය හේතුවෙන් සවස් වන විටත් පවත්වන්නට හැකි වුයේ නියමිත තරඟ 24 න් 16 ක් පමණක් බවය.


රූපවාහීනී විකාශය නැවැත්වීම ල කාලගුණය හරස් වීම වැනි හේතූ නිසා නියමිත තරඟ සියල්ලම පැවැත්වීමට නොහැකි වුවද නරියා කන්ද සුපර් ක්‍රොස් ධාවන තරඟය එදින රටේ පැවැති තත්වය අනුව අත්හිටවු බවට සාධක නොවේ.


නරියා කන්ද සුපර් ක්‍රොස් 2019 විස්තර පත්‍රිකා අනුව එහි සංවිධායකයන් ලෙස කටයුතු කර ඇත්තේ ශ්‍රී ලංකා මිලිටරි ඇකඩමි හෙවත් දියතලාව හමුදා පුහුණු ආයතනයයි. ඒ ශ්‍රී ලංකා යුධ හමුදා මෝටර් ධාවන ක්‍රීඩා කමිටුව ල ශ්‍රී ලංකා ඔටෝ මොබයිල් ස්පෝර්ට්ස් හා මෝටර් සයිකල් ස්පෝර්ට්ස් පෙඩරේෂන් යන සංවිධාන හා ඒකාබද්ධවය. මෙහි සංවිධායක කමිටුවේ සභාපතිත්වය දරා තිබෙන්නේ දියතලාව හමුදා පුහුණු ආයතනයේ අණ දෙණ නිලධාරි බ්‍රිගේඩියර් එස් . කේ . ඊ්ශ්වරන්ය. එමෙන්ම තරඟාවලිය සදහා සැකසූ සමරු කළඔට ඔහුට අමතරව ශ්‍රී ලංකා ඔටෝ මොබයිල් ස්පෝර්ට්ස් සභාපති විශ්‍රාමික මේජර් දිල්හාන් ජයවර්ධන ද ,යුධ හමුදා මෝටර් ස්පෝර්ට්ස් කමිටුවෙි සභාපති මේජර් ජෙනරාල් ඩී . ඩී . යූ . කේ .හෙට්ටිආරච්චිද සිය අදහස් දැක්වීම් සංවිධායක මණ්ඩලය ලෙස ලබා දී තිබේ.

මෙහි ප්‍රධාන සංවිධායකයන් වූ ශ්‍රී ලංකා යුධ හමුදාව වූ කලි රාජ්‍ය ආයතනයකි. රටේ ආරක්ෂාව භාර ප්‍රධාන ආරක්ෂක ආයතනයකිග රටට වි්‍යසනයක් වු විටක ඉදිරිය විත් කටයුතු කල යුතු ආයතනයකිග විශේෂයෙන් මෙවැනි මරාගෙන මැරෙන බෝම්බ ප්‍රහාර මාලාවකදී රටේ ආරක්ෂාව සදහා පෙරට විත් කටයුතු කල යුතු ආයතනයකි. එවන් ආයතනයක් මේ මහා විනාශය සිදු වූ අවස්ථාවේදී ඊ්ට සංවේදී වෙමින් කටයුතු නොකර නරියා කන්දේ මෝටර් රථ තරඟ පැවැත්වීම ඇත්තෙන්ම ගැටළු සහගතය. තවද නරියා කන්දට ආ මෝටර් රථ ධාවන තරඟකරුවන් හා ඔවුන්ගේ ආධාරකරුවන් යන විශාල පිරිසකගේ ආරක්ෂාව ගැන ඒ මොහොතේදී සංවිධායකයන් නොසිතුවේ ඇයිද යන්න ගැටළුවකිගමන්ද මෙවැනි මරාගෙන මැරෙන ප්‍රහාර රැලක් ක්‍රියාත්මක වීමේදී මහ ජනතාව විශාල වශයෙන් ඒකරාශි වන ක්‍රියා කාරකම් ආරක්ෂාව සම්බන්ධයෙන් නුවණැති කටයුත්තක් නොවන නිසාය.


රටක් ශෝක වු එම අවස්ථාවේ ඉහත කී මේ සියළුම කොන්දේසී නරියා කන්දේ යුධ හමුදා සංවිධායකයන් විසින් කඩ කර තිබුණි. එසේ වුයේ ඇයි ? ආරක්ෂාව භාර ප්‍රධානීන් ඒ සම්බන්ධයෙන් සොයා බැලිය යුතු නොවේද ?

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි