20.5 C
Sri Lanka
19 August,2022

සුළු පක්ෂවලට පොහොට්ටුවෙන් තර්ජන

Must read

බැසිල් රාජපක්ෂට හා ශ‍්‍රී ලංකා පොදුජන පෙරමුණට එරෙහිව අදහස් දැක්වූ ඒකාබද්ධ විපක්ෂයේ සුළු පක්ෂ නායකයන් කිහිපදෙනෙක්ට නාමයෝජනා ලබානොදෙන බවට පොදුජන පෙරමුණේ ප‍්‍රබලයන් විසින් තර්ජනය කර ඇතැයි වාර්තා වේ.

විමල් වීරවංශ, උදය ගම්මන්පිළ හා වාසුදේව නානායක්කාර අතුළු මන්ත‍්‍රීවරුන් පිරිසක් විසින් පසුගිය සතියේදී බැසිල් රාජපක්ෂ ඇතුළු පොදුජන පෙරමුණේ නියෝජිතයන්ට එරෙහිව අදහස් දක්වා තිබුණි.

ශ‍්‍රී ලංකා පොදුජන පෙරමුණේ සාමාජිකත්වය ගෙන සිටින මන්ත‍්‍රීවරුන් විසින් අභ්‍යන්තර සාකච්ඡුාවලදී මේ ප‍්‍රකාශයට විරෝධය පළ කරමින්, මෙලෙස බැසිල් රාජපක්ෂට විරුද්ධව අදහස් පළ කරන පක්ෂ නායකයන්ගේ පක්ෂවලට නාමයෝජනා ලබා නොදෙන බව පවසා තිබේ.

මොරටුව නගරාධිපති සමන්ලාල් ප‍්‍රනාන්දු  හා කොළඹ නාගරික මන්ත‍්‍රී දයාකාන්ත පෙරේරා ඇතුළු පිරිසක් පෙබරවාරි 20 වැනිදා මාධ්‍ය සාකච්ඡුාවක් කැඳවා පොහොට්ටුව විවේචනය කොට පොහොට්ටුවෙන් ඡුන්දය බලාපොරොත්තු නොවෙන ලෙසද අනතුරු හඟවා තිබුණි.

ශ‍්‍රී ලංකා පොදුජන පෙරමුණේ නිල නොවන නායකයා වන බැසිල් රාජපක්ෂ අනිද්දා සමඟ සම්මුඛ සාකච්ඡුාවකදී ප‍්‍රකාශ කළේ උදය ගම්මන්පිළ ඇතුළු මන්ත‍්‍රීවරුන්ගේ ප‍්‍රකාශවලට තමන් පිළිතුරු නොදෙන බවයි. එසේ වුව පොදුජන පෙරමුණ විවේචනය කොට පොදුජන පෙරමුණේ ඡුන්දදායකයන්ගේ ඡුන්ද බලාපොරොත්තු නොවිය යුතු බවද ඔහු ප‍්‍රකාශ කළේය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි