23.7 C
Sri Lanka
7 July,2022

ඩඞ්ලි, චතුරිකා දේශපාලනයට

Must read



ඩඞ්ලි සිරිසේන මහතා හා චතුරිකා සිරිසේන මහත්මිය ඉදිරි කාලයේදී ක්‍රියාකාරී දේශපාලනයෙහි නිරත වීමේ ඉඩකඩක් ඇතැයි වාර්තා වෙයි.
ජනාධිපති මෛත්‍රීපාල සිරිසේනගේ සහෝදරයා වන ඩඞ්ලි සිරිසේන 2019 වර්ෂය උදාවීම නිමිත්තෙන් පොලොන්නරුවේ පැවති උත්සවයකදී, ලංකාව කොටස් නවයකට බෙදීමේ උත්සාහයක් ඇති බවත් එයට එරෙහි සටනට නායකත්වය දෙන බවත් පවසා තිබුණි. ජනාධිපතිවරයාගේ දියණිය වන චතුරිකා සිරිසේනද ‘චතුරිකා මීළඟ පාර්ලිමේන්තුවට’ යන නමින් ෆේස්බුක් පිටුවක් ආරම්භ කර තිබේ.
ඩඞ්ලි සිරිසේන හා චතුරිකා සිරිසේන යන දෙදෙනාම 2018 වර්ෂයේදී තිරය පසුපස සිට ක්‍රියාකාරී දේශපාලනයට එක්ව තිබුණි. පසුගි ය කාලයේ චතුරිකා සිරිසේන මහත්මිය රාජ්‍ය මාධ්‍ය ආයතන කිහිපයකට ඇතුළුවීමට උත්සාහ කර තිබුණු අතර ජාතික රූපවාහිනියට ඇය විසින් තමන්ගේ නියෝජිතයෙක්ද පත් කරනු ලැබ තිබුණි. ඊට අමතරව ජනාධිපති මාධ්‍ය අංශයේ චතුරිකා සිරිසේන මහත්මිය වෙනුවෙන් මාධ්‍ය අංශයක්ද ක්‍රියාත්මක කර තිබුණි.
ජනාධිපතිවරයාගේ සහෝදරයා වන ඩඞ්ලි සිරිසේන ඔක්තෝබර් 26 වැනිදා මහින්ද රාජපක්ෂ නීතිවිරෝධී ලෙස අගමැතිධුරයට පත්කිරීමෙන් අනතුරුව, මහින්ද රාජපක්ෂට පාර්ලිමේන්තුවේ බහුතර මන්ත්‍රීධුර සංඛ්‍යාව ලබාගැනීම සඳහා මන්ත්‍රීවරුන් මිලදී ගැනීමට මැදිහත්වී තිබුණු බවට මාධ්‍ය වාර්තා පළවිය. ඊට අමතරව පසුගිය කාලයේ මෛත්‍රීපාල සිරිසේන හා ගෝඨාභය රාජපක්ෂ මහත්වරුන් අතර සම්බන්ධතාවක් ඇති කිරීම සඳහාද ඔහු මැදිහත්වී තිබුණි.■

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි