24.9 C
Sri Lanka
15 August,2022

රනිල්ගේ ආණ්ඩුවකට දෙමළ සන්ධාන සහාය දැනටත් 117ක්

Must read

 

 

 

ඉදිරි කාලය තුළ එක්සත් ජාතික පක්ෂ ආණ්ඩුවක් පිහිටුවීම සඳහා පසුබිම සැකසුණහොත් එවැනි ආණ්ඩුවකට එක් නොවී පාර්ලිමේන්තුව තුළ සහයෝගය ලබාදෙන බව දෙමළ ජාතික සන්ධානය ජනාධිපති මෛත්‍රීපාල සිරිසේන වෙත ලිපියක් යවමින් දැනුම් දී ඇත.

නොවැම්බර් 29 දින සහිතව ජනාධිපතිවරයා වෙත මෙම ලිපිය යවා ඇත. ඉලංකෙයි තමිල් අරසු කච්චි පක්ෂය නියෝජනය කරමින් පාර්ලි මේන්තුවට තේරී පත් වූ මන්ත්‍රීවරුන් 14 දෙනෙකු එම ලිපියට අත්සන් තබා ඇත.

ඔක්තෝබර් 26 වැනිදා ජනාධිපතිවරයා විසින් පත්කරන ලද ආණ්ඩුවට පාර්ලිමේන්තුවේ බහුතර බලයක් නැතැයි විශ්වාසභංග යෝජනාවක් පාර්ලිමේන්තුවේ මන්ත්‍රීවරුන් 122 කගේ සහයෝගයෙන් සම්මත වීම නිසා තහවුරු වී ඇතැයි එම ලිපියෙන් පෙන්වා දී ඇත. ඒ අනුව ඔක්තෝබර් 26 වැනිදාට පෙර තිබුණු තත්ත්වයට යා යුතු බවත්, එක්සත් ජාතික පෙරමුණ විසින් අගමැති ධුරයට නම් කරනු ලබන තැනැත්තාට තම පක්ෂයේ සහයෝගය ලබාදීමට බලාපොරොත්තු වන බවත් දෙමළ ජාතික සන්ධානය එම ලිපියෙන් දැනුම් දී ඇත. ඒ අනුව එක්සත් ජාතික පෙරමුණෙන් නම් කරන පුද්ගලයාට පාර්ලිමේන්තු මන්ත්‍රීවරුන් 117කගේ සහාය  හිමිවන නිසා  අගමැතිවරයා ලෙස ඔහු පත් කිරීමට බාධාවක් නැතැයිද ඔවුන් පෙන්වා දී ඇත.  පසුගියදා රැස්වූ එක්සත් ජාතික පෙරමුණේ පාර්ලිමේන්තු කණ්ඩායම එම පෙරමුණේ අගමැති අපේක්‍ෂකයා ලෙස රනිල් වික්‍රමසිංහ  මහතාගේ නම යෝජනා කර ස්ථිර කර තිබුණි.

අනුරංග ජයසිංහ

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි