No menu items!
19.9 C
Sri Lanka
29 March,2024

රනිල් කළා නම්..

Must read

 

1925 වසරේදී එංගලන්තයේ වෙස්මිනිස්ටර් ඇබේ දේවස්ථානයේදී ෆෙඞ්රික් ඩොනල්ඞ්සන් නමැති පූජකවරයා සමාජීය පාපකර්ම 7ක් පළිබඳව දේශනාවක් පවත්වන ලදි. වැඩක් නොකර ධනය ඉපැයීම, හෘදය සාක්ෂියෙන් තොර සතුට, චරිතවත් බවෙන් තොර දැනුම, මනුෂ්‍යත්වයෙන් තොර විද්‍යාව, කැපවීමකින් තොර ආගම හා ප්‍රතිපතියක් නැති දේශපාලනය ඒවාය. පසු කලෙක ගාන්ධිතුමාද එම කරුණු අවධාරණය කර ඇත.

මේ දිනවල රටේ සිදුවෙමින් පවතින ක්‍රියාදාමය වනාහි සාමාන්‍ය මහජනයා, නායක කාරක ආදින් පමණක් නොව පූජක ප්‍රජාවද ඉහත කී සමාජීය පාප කර්මයන්හි යෙදීමේ ප්‍රතිඵලයක්ය.

අපේ සමහරු රැකියාවක් සොයන විට බලන්නේ නිකං ඉන්නට පුළුවන්ද කියාය. මේ රටේ නෙට්වර්ක් මාකටින් ප්‍රචලිත වන්නේත් සුළු ආයෝජනයකින් නිකං සිට මහා ලාභයක් ලැබීමේ පරමාර්ථය නිසාය. ෆෙංශූයි වැනි අලුත් අලුත් විශ්වාසයන් රට තුළ පැළ කිරීමටද මෙම නිකං මානසිකත්වය බලපායි. ලොකු මිනිස්සු කොමිස් මහාපරිමාණ සොරකම් ආදිය කරන්නේද නිකං සිට ධනවතුන් වන්නටය. පොඩි මිනිහා ද නායක කාරක ආදීන් කරන මෙවැනි විශාල වංචා වැරදි හැටියට නොදකින්නේ තමන්ද එවැනි මානසිකත්වයක සිටින නිසාය. මේ අයට බයියෝ කියා කියන්නට පුළුවන.
හෘදය සාක්ෂියක් නොමැති උගතුන් සෑහෙන පිරිසක්ද තම චරිතය හෝ පෞරුෂය පිළිබඳව කල්පනා නොකරන දැනුමැති පිරිසක්ද ඉහත කී ලෙස ජනමාධ්‍ය, නීති, විශ්වවිද්‍යාල වැනි ක්ෂේත්‍රයන්හි සිටින වග මේ දිනවල අපට දක්නට ලැබේ. එවැන්නෝ සිරිසේන මහින්ද කුමන්ත්‍රණය සාධාරණීකරණය කරති. ඒ සඳහා අපූරු කෙස් පැලෙන තර්ක ඉදිරිපත් කරති. ඒ අරභයා විවිධ ක්‍රියාකාරකම් සංවිධානය කරති. මොවුන්ට තම දැනුම හෝ පෞරුෂය පිළිබඳව අභිමානයක් නම් ඇතැයි නොපෙනේ. එතරම් උගත්කමක් නොමැති ඔවුගේ හා/හෝ දේශපාලකයන්ගේ ගැත්තෝ ඒ අයගේ පුහු තර්ක සාධාරණීකරණය කරති. මේ දෙගොල්ලටම ගැති බයියලා නොකියා වෙන මොනවා කියන්නද? ඔවුන් මේ අවස්ථාවේ තම හෘදය සාක්ෂියට ද පයින් ගසා රටට සිදු කර ඇති හානිය පිළිබඳව නොසිතා තම මාස්ටර්ලා ආණ්ඩුව මංකොල්ල කෑම පිළිබඳව සතුටු වෙති. විද්‍යාවේ තාක්ෂණයේ දියුණුව ද සමහර විටක ඉතාම අමානුෂිකව අනෙකා පාගා දමා සම මාස්ටර්ලාව ඔසවා තබන්නට භාවිත කරනු පෙනේ.

කිසිදු ප්‍රතිපත්තියක්, සදාචාරයක් හෝ ශාස්තෲවරයාගේ දේශනාවන් කෙරෙහි කැප වීමක් නොමැතිව පූජක පක්ෂය දේශපාලකයාගේ අරමුණු වෙනුවෙන් ආගම ගණිකා වෘත්තියේ යෙදවීමද සුලබය. එවැනි පූජ‍ක කාරකාදීනුත්, අනුගාමිකයෝත් ආගමේ ජාතියේ නාමයෙන් මෙම ජාතිද්‍රෝහී කුමන්ත්‍රණය සාධාරණය කරති. එවැන්නෝද බයියලාය.
බයි මානසිකත්වයෙන් බලන රාජපක්ෂ ගැත්තන්ට සිංගප්පූරු ගිවිසුම, පාලිමේන්තුවේ යකා නැටීම, එල්ටීටීඊ සිරකරුවන් නිදහස් කිරීම, උතුරේ හමුදා කඳවුරු ඉවත් කිරීම යනාදි කටයුතු රනිල් කළොත් නරකය. මහින්ද කළොත් හොඳය. රාජපක්ෂලා හා ඔවුනගේ ඥාති හිතමිත්‍රාදීන් කරන ලද රුපියල් බිලියන ටි්‍රලියන ගණන්වල සොරකම් ද මිනීමැරුම් ද කමක් නැත. අවසානයේ සිරිසේන මහතා සමඟ කුමන්ත්‍රණය කර ආණ්ඩුව මංකොල්ල කෑවාටද කමක් නැත. වැරදිලාවත් රනිල් විපක්ෂයේ සිට මේ වැඩය කළා නම් අද වෙනකොට රටේ තත්වය කොහොම හිටීද? ■

ප්‍රියදර්ශනී ආර්යරත්න

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි