No menu items!
27.5 C
Sri Lanka
29 March,2024

රාජපක්ෂ මැරයන් නිසා අසරණ වූ සියනෙතුගම

Must read

 

නිවාස හා ඉදිකිරීම් අමාත්‍යාංශය යටතේ සිදුකරන ලද උදා ගම්මාන නමින් හැඳින්වූ ව්‍යාපෘතියක් හරහා ඉදිවූ 55 වැනි උදා ගම්මානය සියනෙතුගම නම් විය. එය අපේ‍්‍රල් 06 වැනිදා විවෘත කර තිබුණි. එහි නිවාස පවරා තිබුණේ දෘෂ්‍යාබාධවලින් පෙනෙන පවුල් 29 ක් සඳහාය.

ඔක්තෝම්බර් 26 වැනිදා ජනාධිපති මෛත‍්‍රිපාල සිරිසේන හා පාර්ලිමේන්තු මන්ත‍්‍රී මහින්ද රාජපක්ෂ විසින් සිදුකළ ව්‍යවස්ථා විරෝධී කුමන්ත‍්‍රණයෙන් පසුව ශී‍්‍ර ලංකා පොදුජන පෙරමුණට සම්බන්ධ පිරිස් විසින් සිදුකළ මැර ක‍්‍රියා අතරට සියනෙතුගම නම් ගම්මානයේ නාම පුවරුවට හා ගමේ දේපල කිහිපයකට පහරදීමේ සිදුවීමද එක්වී තිබුණි. ඒ පිළිබඳව සමාජ මාධ්‍යවලින්ද වාර්තා විය. දෘෂ්‍යාබාධිතයන්ගේ ගම්මානයකටද පහරදීම බරපතළ ගැටලූ‍වක් බව නොකිවමනාය.
කෙසේ වෙතත් පසුගිය සතියේ අනිද්දා සමග දුරකථනයෙන් කතාබහ කළ ඒ ගම්මානයේ වැසියන් කිහිපදෙනෙකු විසින් පෙන්වාදුන්නේ ඒ ප‍්‍රහාරය සියනෙතුගම ගම්මානයේ වාසය කරන දෘෂ්‍යාබාධිත පවුල්වල ජීවිතය බරපතළ ලෙස අවුල් කරන්නට සමත් ප‍්‍රහාරයක් වී ඇති බවය. ඒ පහරදීමට මුල්වී තිබුණේ ගම්මානයේම අසල්වැසි ගම්මානවල වැසියන්ය.
‘‘අපේ ගම්මානයට මේ පුවරුව ඉතාම වැදගත් එකක්. මේ පුවරුව තියෙන්නේ ප‍්‍රධාන පාර අයිනේ. මේ සලකුණෙන් තමයි ගමට යන එන අය ගමට ඇතුලූ‍වෙන්නේ. අවංකවම කීවොත් මේ ගම්මානයේ ඉන්න බොහෝ දෙනෙක් හරිහමන් රැුකියාවක් නැති අය. එක පැත්තකින් අපට රැකියා අවස්ථා අඩුයි. අනෙකත් පැත්තෙන් අපි මෑත කාලයේ තමයි ගමේ පදිංචියට ආවේ. මේ ප‍්‍රදේශය අඳුනගෙන, රැකියා අවස්ථා හදාගන්න ටික කාලයක් යනවා. නිවාස අමාත්‍යාංශයෙන් අපට රැුකියා හොයාදුන්නෙ නැහැ. ඒ නිසා ගමේ ඉන්න අයට බොහොම පුංචි ආදායමක් තියෙන්නේ. ඒත් කතරගමට යන එන බොහෝ අය යන එන අතරේදී මේ ගමට ඇවිත් ආධාරයක් කරලා යන්න පුරුදුවෙලා තියෙනවා. සමහරවිට කෑමබීම දෙනවා. මුදල් ආධාරයක් දෙනවා. ඒක අපට ලොකු සහනයක් වෙලා තිබුණා. මේ බෝඞ් එක නැති නිසා දැන් අපේ ගමට කාටවත් එන්න විදියක් නැහැ. ඒ නිසා අනෙක් අලාභහානි හැදුවේ නැතත් බෝඞ් එක හදලා දෙන්න කියලා අපි ඉල්ලනවා.’’ ගම්වාසියෙකු කීවේ එසේය.

ලංකාවේ දෘෂ්‍යාබාධිතයන්ට පමණක් නොව තවත් බොහෝ ආබාධ ඇති අයට ස්වාධීනව සමාජ ජීවිතයක් ගත කිරීමට පසුබිමක් නැත. සැබෑ ලෝකයේදී ආබාධිත වීම යනු කිසිවක් කරගත නොහැකිවීම නොවේ. ආබාධිත වීම යනු සිරුරේ යම්කිසි එක් අංගයක පමණක් අඩුපාඩුවක් ඇතිව ඉපදීමය. එහෙත් අනෙක් කිසිදු අංගයක අඩුපාඩුවක් නැත. ආබාධ තිබියදී විවිධ ක්ෂේත‍්‍රවල අතිවිශිෂ්ඨයන් වූ පුද්ගලයන් ඕනෑතරම් සිටියි. කෙසේ වෙතත් ලංකාවේ මේවා පිළිබඳව අවබෝධයක් නැති නිසා ආබාධිත පුද්ගලයන්ට රැකියා සොයාගැනීම ඉතා අසීරු කටයුත්තකි. ඒ නිසාම සියනෙතුගම ගම්මානයේ වාසය කරන බොහෝ දෙනෙක් ජීවත්වෙන්නේ අසීරුවෙනි.

‘‘අපි කාගෙන්වත් අතපාන්න කැමති අය නෙවෙයි. ඒත් මේ සමාජයේ තත්වය නිසා අපට සිද්ධවෙනවා කවුරුන් හෝ ලබාදෙන ආධාර මත යැපෙන්න. අපි අසරණ වෙලා තියෙන්නෙ දෘෂ්‍යාබාධිත වීම නිසා නෙවෙයි, සමාජයේ අපට අවස්ථාව ලැබෙන්නෙ නැති නිසා.’’ ගම්වාසීන් එසේ පවසයි.

සියල්ලට වඩා ගැටලූ‍ව වන්නේ මේ මැර ප‍්‍රහාර නිසා ඔවුන් මත පතිත වි ඇති බියයි. මේ වෙද්දි සියනෙතුගම ගම්මානයේ වාසය කරන්නන්ට ඇතිවී තිබෙන්නේ දැඩි බියකි. අලූ‍තෙන් පැමිණ, ආරම්භ කළ ජීවිතය මත තර්ජනයක් කඩාපාත් වේදැයි ඔවුන් බියෙන් පසුවෙයි.

‘‘අපි දෘෂ්‍යාබාධිතයො. මේ ගැන කතාකළත් අපට ගුටිකන්න වෙන්න පුලූ‍වන්.’’ ගම්වාසියෙක් අනිද්දා සමග කීවේ එසේය. ඒ නිසා ගමට සිදුවි ඇති පහරදීම ගැන බොහෝදෙනෙක් විවෘතව කතාකරන්නට අකැමති බවද අනිද්දා සමග අදහස් පළකල කිහිපදෙනා පවසයි. විශේෂයෙන්ම පහරදීම සිදුකර ඇත්තේ අසල්වැසි ගම්මානවලින් වීමත්, සිදුවීම පිළිබඳව අසල්වැසි ගම්මානයක උදව් ලබාගැනීමට නොහැකි වීමත් ඔවුන්ට මහා ගැටලූ‍වක් වී ඇත.

ස්වශක්ති ආබාධිතයන්ගේ සංගමයේ හම්බන්තොට දිස්ත‍්‍රික් සංවිධානයේ සභාපතිවරයා වන නන්දසිරි වනිගසිංහ මහතා මේ සිදුවීම ගැන අදහස් දක්වමින් මෙසේ කීය. ‘‘මගේ පවුලේ අයත් ඉන්නේ මේ ගම්මානයේ. මම රැකියාව කරන නිසා ගමට පිටින් ඉන්නේ. මේ ගම්මානයේ නිවාස ලබාගනිද්දී මමත් ඇතුළු පිරිසකගේ ඉල්ලීම් සලකලා බැලූ‍වා. ඇත්තටම පවුල් 29 තෝරාගෙන තිබුණේ දේශපාලන පක්ෂ දිහා බලලා නෙවෙයි. මේ ගමේ ඉන්න කිසිම පවුලක් පක්ෂයකට සම්බන්ධවෙලා දේශපාලනය කරන්නෙ නැහැ. එහෙම කරන්න වුවමනාවකුත් නැහැ. හැකියාවකුත් නැහැ. ඒ නිසා මේ ගමේ ඉන්නේ යූඇන්පීකාරයෝ නෙවෙයි. ගම්මානය විවෘත කළේ සජිත් පේ‍්‍රමදාස ඇමතිවරයා වීම පමණයි ගමත් එජාපයත් සම්බන්ධ කරන්න තියෙන එකම ක‍්‍රමය. නැත්නම් මේක ආණ්ඩුවෙන් නිර්මාණය කරපු ගම්මානයක් විතරයි. එහෙත් මෙවැනි ප‍්‍රහාරවලින් පෙනෙන්නේ මේ ගම්මානයේ වෙසෙන අයව යූ.ඇන්.පී.කාරයන් විදියට හඳුනාගෙන ඇති බව. ආබාධිතයන් පිළිබඳව පවා පක්ෂ පාට වෙන්කරලා කල්පනා කිරීම කණගාටුවට කාරණයක්. ගමට සිදුවූ හානි පිළිබඳව නිවැරදිවම කියන්න තවම බැහැ. මම ගමට ගියේත් නැහැ. ගම්වාසීන් අලාභහානි ගැන හරියට කීවේත් නැහැ. සමහරවිට කියන්න එපායැයි තර්ජනය කරලා වෙන්න පුලූ‍වන්.’’

සාමාන්‍යයෙන් මෙවැනි සිදුවීම් පිළිබඳව පුවත්පත්වල ප‍්‍රාදේශීය පිටුවක පුවත් පළවෙන්නේය. ගම්මානවල අඩුපාඩු පෙන්වාදීම සාමාන්‍යයෙන් එවැනි පුවත්පත් පිටුවලින් සිදුකෙරෙන්නකි. එහෙත් සියනෙතුගමේ කතාව පළ කරන්නට පුවත්පත් වලින් පැමිණ තිබුණේද නැත. එය රාජපක්ෂ හිතවාදීන්ගේ මැර ප‍්‍රහාරයක් වූ නිසාය. මෙවැනි සිදුවීම් පිළිබඳව වාර්තා නොකර ඉන්නට තරම් මාධ්‍ය කුහක වී ඇත්තේ මන්දැයි විමසිය යුතුය.

සියනෙතුගම ගම්වාසීන්ගේ අසරණ වීම ලංකාවේ පාදඩ දේශපාලන සංස්කෘතියක හරස්කඩකි. සියනෙතුගම ගම්මානයේ ජීවත්වෙන්නේ පවුල් 29ක් පමණි. සමාජසේවා දෙපාර්තමේන්තුව යටතේ නිවාස ඇතුලූ‍ විවිධාකාර සහන අපේක්ෂාවෙන් ලියාපදිංචිව සිටින, එහෙත් සහන නොලබන ආබාධිතයන් දහස් ගණනක් සිටියි. පහත් මාධ්‍ය භාවිතාවේ හරස්කඩකි. එමෙන්ම දෘෂ්‍යාබාධිතයන්ට සමාජයේ සාධාරණ අවස්ථාවක් ලබා නොදී, අනුන්ගේ පිළිසරණ සොයන තැනට පත් කරවන පහත් සමාජ සංස්කෘතියේ හරස්කඩකි.

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි