No menu items!
27.5 C
Sri Lanka
29 March,2024

අමරවීරගේ රෝ කතාව ශ‍්‍රීලනිපයත් පිළිනොගනී

Must read

කැබිනට් මණ්ඩලයෙහි රෝ සංවිධානයේ ඔත්තුකරුවන් සිටින බවට මහින්ද අමරවීර අමාත්‍යවරයා කළ ප‍්‍රකාශය ඔහුගේ පෞද්ගලික ප‍්‍රකාශයක් පමණක් බවත් තමන්ට එවැන්නක් පිළිබඳව වාර්තා වී නොමැති බවත් අනිද්දා කළ විමසීම්වලදී ශ‍්‍රීලනිපය නියෝජනය කරන කැබිනට් මණ්ඩල සාමාජිකයෝ කිහිපදෙනෙක් පැවසූහ.මහින්ද අමරවීර ඇමතිවරයාගේ ප‍්‍රකාශය පිළිබඳව අදහස් දක්වමින් ශ‍්‍රීලනිප ජාතික සංවිධායක දුමින්ද දිසානායක ඇමතිවරයා ප‍්‍රකාශ කළේ අමරවීර ඇමතිවරයා කළ ප‍්‍රකාශය පිළිබඳ දන්නේ අමරවීර ඇමතිවරයාම පමණක් බවයි. තමන් දන්නා විදියට එවැනි ගැටලූ‍වක් නොමැති බව දුමින්ද දිසානායක ඇමතිවරයා කීය.

තවත් ශ‍්‍රීලනිප ඇමතිවරයෙකු අනිද්දා සමඟ නිර්නාමිකව අදහස් දක්වමින් ප‍්‍රකාශ කළේ අමරවීර ඇමතිවරයා රෝ සංවිධානය හා ඉන්දීය මාධ්‍ය ආයතන පටලවාගෙන ඇති බවයි. අමරවීර ඇමතිවරයා ‘ද හින්දු’ පුවත්පතේ මාධ්‍යවේදීන් සමඟ අදහස් පළකළ ඇමතිවරුන් රෝ සංවිධානයේ ඔත්තුකරුවන් ලෙස වැරදියට හඳුනාගෙන ඇතැයි එම ඇමතිවරයා කීය.

ඔක්තෝබර් 25 වැනිදා ගනේමුල්ලේ පැවති උත්සවයක් අවසානයේ මාධ්‍ය වෙත අදහස් දක්වමින් තවත් ශ‍්‍රීලනිප ඇමතිවරයෙකු වන සරත් අමුණුගම මහතාද ප‍්‍රකාශ කර ඇත්තේ කැබිනට් මණ්ඩලයේ රෝ සංවිධානයෙහි ඔත්තුකරුවන් සිටින බව තමන් විශ්වාස නොකරන බවයි.x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි