ජනාධිපති මෛත‍්‍රීපාල සිරිසේන විසින් අයවැය ඡන්දයේදී ආණ්ඩුව පරාජය කොට නව භාරකාර ආණ්ඩුවක් නිර්මාණය කිරීම පිළිබඳව යෝජනාවක් ඉදිරිපත් කර ඇති බව බැසිල් රාජපක්ෂ මහතා විසින් භාරකාර ආණ්ඩුවක් පිළිබඳ ඔක්තෝබර් 09 වෙනිදා මහාචාර්ය ජීඑල් පීරිස්ගේ නිවසේ පැවති සාකච්ඡාවකදී ප‍්‍රකාශ කර ඇත.
ජනාධිපතිවරයාගේ එම යෝජනාව පිළිබඳව කුමක් කළ යුතුද යන්න එහිදී බැසිල් රාජපක්ෂ මහතා විමසා ඇත. එහිදී එම සාකච්ඡුාවට සහභාගී වූ බොහෝ පිරිසක් ප‍්‍රකාශ කර ඇත්තේ ජනාධිපතිවරයා විශ්වාස කළ නොහැකි බවය.
මීට පෙර අගමැතිවරයාට එරෙහිව විශ්වාසභංගය ඉදිරිපත් කළ අවස්ථාවේදීද අගමැතිවරයා පරාජය කිරීමට ආණ්ඩු පක්ෂයේ සිටින ශ්රීලනිප කණ්ඩායමේ සහයෝගය ලබාදෙන බවත්, එක්සත් ජාතික පක්ෂයෙන් පිරිසකගේ සහයෝගය ලබාගැනීමට කටයුතු කරන බවත් ජනාධිපතිවරයා ඒකාබද්ධ විපක්ෂයට පොරොන්දු වී තිබුණි. එම පොරොන්දුව කඩ කළ බවද ඒකාබද්ධ විපක්ෂයේ මන්ත‍්‍රීවරුන් පෙන්වා දී ඇත. ඒ අනුව ජනාධිපතිවරයා සමග එකට කටයුතු කිරීමට නම් කොන්දේසි දෙකට ජනාධිපතිවරයා එකඟ කරවාගත යුතු බව ඒකාබද්ධ විපක්ෂයේ මන්ත‍්‍රීවරුන් විසින් අදහස් පළ කර ඇත.
ශ‍්‍රීලනිපය සහ ඒකාබද්ධ විපක්ෂය එක්ව භාරකාර ආණ්ඩුවක් ඇති කරන්නේ නම් මෛත‍්‍රීපාල සිරිසේන ජනාධිපතිවරයා විසින් ඉටුකළ යුතු කොන්දේසි දෙකක් වශයෙන් ඉදිරිපත් වී ඇත්තේ ප‍්‍රථමයෙන් ශ‍්‍රීලනිපය ආණ්ඩුවෙන් ඉවත් විය යුතු බවත්, භාරකාර ආණ්ඩුවෙහි තීරණ ගැනීමේ බලය සම්පූර්ණයෙන් මහින්ද රාජපක්ෂට ලබාදිය යුතු බවත් ය.
ඒකාබද්ධ විපක්ෂයේ පාර්ලිමේන්තු මන්ත‍්‍රීවරුන් සහභාගි වී ඇති මෙම සාකච්ඡුාවෙහි නායකත්වය ගෙන ඇත්තේ හිටපු ජනාධිපති මහින්ද රාජපක්ෂය.
අනුරංග ජයසිංහ
