19.5 C
Sri Lanka
7 August,2022

ආණ්ඩුවෙන් යන්න මෛතී‍්‍ර කැමතියිලූ

Must read

දැනට රට තුළ උද්ගතවී තිබෙන තත්ත්වය සහ ශ‍්‍රීලනිපයේ වත්මන් අර්බුදය සැලකිල්ලට ගනිමින් ශ‍්‍රීලනිපය ආණ්ඩුවෙන් ඉවත්වීම පිළිබදව ජනාධිපති මෛත‍්‍රිපාල සිරිසේන මහතා බරපතළ ලෙස සිතා බලමින් සිටින බව අනිද්දා වෙත වාර්තා වෙයි.

ජාතික ආණ්ඩුව ඇති කරගැනීම සඳහා වූ අවබෝධතා ගිවිසුමෙහි කාලය ඉකුත් වී ඇති බව පෙන්වාදෙමින් ඉදිරි කාලය තුළදී ශ‍්‍රීලනිපය ආණ්ඩුවෙන් ඉවත් වීමට සූදානමින් බවට ශ‍්‍රී ලංකා නිදහස් පක්ෂයේ ඇමතිවරුන් පිරිසක් ඒකාබද්ධ විපක්ෂ කණ්ඩායම වෙත දැනුම්දී ඇතැයි වාර්තා වෙයි.

ඒකාබද්ධ විපක්ෂයේ පක්ෂ නායකයෙකු අනිද්දා සමඟ අදහස් දක්වමින් ප‍්‍රකාශ කළේ දුමින්ද දිසානායක, මහින්ද සමරසිංහ හා මහින්ද අමරවීර ඇතුළු කිහිපදෙනෙකු හැර ශ‍්‍රීලනිප කණ්ඩායමේ බහුතරය ආණ්ඩුවෙන් ඉවත්වීම සම්බන්ධයෙන් කැමැත්ත පළ කර ඇති බවය. ජනාධිපති මෛත‍්‍රීපාල සිරිසේන තවමත් මේ පිළිබඳව ඒකාබද්ධ විපක්ෂය සමඟ ඍජුවම අදහස් පළ කර නැතත් ආණ්ඩුවේ සිටින ශ‍්‍රීලනිප ඇමතිවරුන් සමඟ ඒ පිළිබඳව එකඟත්වය පළ කර ඇති බවද ඔහු කීය.

ඒ අනුව ආණ්ඩුවෙන් ඉවත්වන ශ‍්‍රීලනිපය ඒකාබද්ධ විපක්ෂ කණ්ඩායම සමඟ එක්ව මහින්ද රාජපක්ෂ මහතා අගමැති ධුරය දරන ආණ්ඩුවක් නිර්මාණය කිරීමට බලාපොරොත්තු වන බව ඒකාබද්ධ විපක්ෂයේ පක්ෂ නායකයා පැවසීය.

සැප්තැම්බර් 05 වැනිදා කොළඹදී පැවති ‘ජනබලය කොළඹට’ උද්ඝෝෂණයට සහභාගි වූ ශ‍්‍රීලනිප මන්ත‍්‍රීවරුන් සම්බන්ධයෙන් පියවරක් ගන්නා බව ශ‍්‍රීලනිප නායකයන් ප‍්‍රකාශ කර තිබුණද එවැනි පියවරක් ගැනීමේ සැබෑ අරමුණක් ශ‍්‍රීලනිප මධ්‍යම කාරක සභාවේ සාමාජිකයන් අතරින් වැඩි පිරිසකට නොමැති බවද අනිද්දා සමඟ අදහස් දැක්වූ ශ‍්‍රීලනිප මධ්‍යම කාරක සභිකයෙක් පැවසීය. ඉදිරි කාලය තුළදී මධ්‍යම කාරක සභාවේ රැුස්වීමක් සඳහා දින නියම කරගැනීමක්ද නැති බව එම සාමාජිකයා කීය. ශ‍්‍රීලනිපයට සහ ජනාධිපතිවරයාට එරෙහිව අදහස් පළ කළ ශ‍්‍රීලනිප මන්ත‍්‍රීවරුන් සම්බන්ධයෙන් ශ‍්‍රීලනිප ව්‍යවස්ථාවට අනුකූලව මෙතෙක් පියවර නොගැනීමට හේතුවද මෙම කණ්ඩායම් දෙක එක්වීමේ බලාපොරොත්තුව ඇති නිසා බව එම සාමාජිකයා කීය.

තරිඳු උඩුවරගෙදර / කේ. සංජීව

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි