No menu items!
29.7 C
Sri Lanka
29 March,2024

ගෝඨාභය හමුදාව දාලා ගියේ බිරිඳ අයෝමා බලපෑම් කළ නිසා

Must read

 

1990 ජුනි දෙවැනි ඊළාම් යුද්ධය පටන් ගත් පසු, යුද ගැටුම් භයානක වෙද්දී, එවකට ලෙෆ්ටිනන්ට් කර්නල්වරයකු වූ, ගෝඨාභය රාජපක්‍ෂ මහතා යුද හමුදාව අතහැර අමෙරිකාවට ගියේ, හමුදාවෙන්් ඉවත්වන ලෙස ඔහුගේ බිරිඳ අයෝමා රාජපක්‍ෂ දිගින් දිගටම කළ දැඩි බලපෑම නිසාය.

මේ බව සඳහන් වන්නේ, 2013දී, එවකට ආරක්‍ෂක අමාත්‍යාංශ ලේකම් ගෝඨාභය රාජපක්‍ෂ සමග ‘දි අයිලන්ඞ්’ පුවත්පතේ ශමීන්ද්‍ර ෆර්ඩිනැන්ඩු කළ සම්මුඛ සාකච්ඡුාවකදීය. එම සම්මුඛ සාකච්ඡුාව දි අයිලන්ඞ් පුවත්පතේ 2013 ජූනි මස 30 දා පළවී තිබේ.
1990 මාර්තු මාසයේ ඉන්දියානු සාමසාධක හමුදාව ලංකාවෙන් පිටත්ව ගිය පසු, ජුනි මාසයේ දෙවැනි ඊලාම් යුද්ධය ආරම්භ වීමත් සමග යුද්ධයේ තත්ත්වය ඉතාම නරක වීම හේතුවෙන් අමෙරිකාවේ සිටින තම දෙමාපියන් වෙත යා යුතුයැ’යි අයෝමා රාජපක්‍ෂ මහත්මිය ගෝඨාභයට දිගින් දිගටම දැඩි බලපෑම් කර තිබේ. ගෝඨාභය හමුදාවෙන් ඉවත්වීමට එතරම් කැමැත්තක් දැක්වූයේ නැති තත්ත්වයක් යටතේ, දන්නා කියන හමුදාවේ ඉහළ නිලධාරීන් ලවා ගෝඨාභය හමුදාවෙන් ඉවත්කරගන්නටද බිරිඳ අයෝමා වෑයම් කර තිබේ. විශේෂයෙන් ඔවුන් එවකට පදිංචිව සිටි තිඹිරිගස්යායේ සමිට් නිවාසය ඉදිරිපිට පදිංචිව සිටි බි‍්‍රගේඩියර් විජය විමලරත්න ලවා මේ කාර්යය කරගන්නටත් ඈ උත්සාහ දරා තිබේ.

‘යුද්ධය දරුණු වෙමින්, රජයේ හමුදාවට දැඩි ප‍්‍රහාර එල්ල වෙද්දී, අනෙක් බොහෝ හමුදා නිලධාරීන්ගේ බිරින්දෑවරුන් වගේම අයෝමාත් දරදඬු විදියට, හමුදාවෙන් අයින්වෙලා රට අතහැර ගොස්, වෙන රස්සාවක් සොයාගත යුතුයැයි මට බලකළායැ’යි එම සම්මුඛ සාකච්ඡුාවේදී ගෝඨාභය රාජපක්‍ෂ මහතා මාධ්‍යවේදී ශමීන්ද්‍ර ෆර්ඩිනැන්ඩුට කියා තිබේ.

1990 ජුනි මාසයේදී ඒ9 මාර්ගයේ බලය හමුදාවය අහිමි විය. මේ නිසා, උතුරේ හමුදා සේනාංකවලට අත්‍යවශ්‍ය ද්‍රව්‍ය සැපයීමට ඇති ප‍්‍රධාන මාර්ගය වැසී ගිය අතර, ඒ වෙනුවට ගුවන් යානා මගින් හා මුහුදෙන් එම භාණ්ඩ සැපයීමට සිදුවිය. ඒ, එවකට හමුදාපති ලෙෆ්ටිනනන්ට් ජෙනරල් හැමිල්ටන් වනසිංහගේ කාලයේ ලත් බලවත් යුද පරාජයන්ගෙන් එකකි.

සම්මුඛ සාකච්ඡාවේදී ගෝඨාභය තවදුරටත් මෙසේ කියා තිබේ.

‘1990 ජුනියේදී එල්ටීටීඊ නැවතත් ගැටුම් පටන්ගත්තා. 1990 අවසන් භාගයේ අපි සමිට් ෆ්ලැට්ස්වල විවාහකයන්ගේ නිවාසයකට මාරු වුණා. මගේ නිවස තිබුණේ බි‍්‍රගේඩියර් විජය විමලරත්නගේ නිවස ඉදිරිපිටයි. අපේ පවුල් ඉතාම සමීපයි. මේ කාලයේ විමලරත්න මහතා ඒකාබද්ධ හමුදා මෙහෙයුම් කාර්යාලයේයි වැඩකළේ. විජය විමලරත්න මහතා එවකට සිටි පාලකයන් කෙරෙහි විශාල බලපෑමක් කළ හැකිව තිබුණු කෙනෙක්.’

මේ අතර, සන්ඬේ අයිලන්ඞ් පුවත්පතේ පළවුණු ප‍්‍රවෘත්තියක් දැක එවකට රාජ්‍ය ආරක්‍ෂක ඇමති රංජන් විජේරත්න කෝපයට පත්විය. එහි සඳහන් වුණේ ගෝඨාභය රාජපක්‍ෂ හමුදාවෙන් විශ‍්‍රාම ගැනීමට සූදානම් වන බවයි. රංජන් විජේරත්න මහතා කල්පනා කළේ, ගෝඨාභයගේ මේ විශ‍්‍රාම යෑම පිටුපස සිටින්නේ එවකට හම්බන්තොට දිස්ත‍්‍රික් මන්ත‍්‍රී මහින්ද රාජපක්‍ෂ බවයි. රංජන් විජේරත්න, ගෝඨාභය රාජපක්‍ෂ හමුදාවෙන් ඉවත්කරගන්නට හදන්නේ ඇයිදැයි මහින්ද රාජපක්‍ෂ ගෙන් විමසා තිබුණි. රංජන්ගේ අදහස ප‍්‍රතික්‍ෂෙප කළ මහින්ද රාජපක්‍ෂ මහතා, ගෝඨාභයගේ තීරණ සම්බන්ධයෙන් තමාගේ වගකීමක් නැතැ’යි කියා තිබේ.

ගෝඨාභය රාජපක්‍ෂ: ‘මම පසුව දැනගත්තා, සන්ඬේ අයිලන්ඞ් ප‍්‍රවෘත්තිය පළකරවා තිබුණේ බි‍්‍රගේඩියර් විජය විමලරත්න විසින් බව. මගේ බිරිඳ දිගින් දිගටම අමෙරිකාවට යෑමට කළ බලපෑමට විමලරත්න මහතා ප‍්‍රතිචාර දක්වමින් කර ඇත්තේ එයයි. ඒ ප‍්‍රවෘත්තිය ආණ්ඩුව දැනගෙන මට ගැටුම් කලාපයේ සිට කොළඹට මාරුවක් හදාදෙන්නට කටයුතු කරාවියැයි බි‍්‍රගේඩියර් විමලරත්න කල්පනා කර තිබුණා.’
මේ කාලයේ ගෝඨාභය රාජපක්‍ෂගේ හමුදා සේනාංකය -ගජබා 1 සේනාංකය- ස්ථානගතව සිටියේ වැලිඔයේය.

තමා වැලිඔය ප‍‍්‍රදේශයේ රාජකාරියේ යෙදී සිටින අවස්ථාවක රංජන් විජේරත්න අමාත්‍යවරයා එවකට උතුරු ආඥාපති මේජර් ජනරාල් ඩෙන්සිල් කොබ්බෑකඩුව සහ බි‍‍්‍රගේඩියර් ජානක පෙරේරා සමග තමා හමුවීමට පැමිණි ආකාරයත් ගෝඨාභය මේ සම්මුඛ සාකච්ඡුාවේදී මතක් කළේය.

විජයරත්න අමාත්‍යවරයාගේ මැදිහත්වීමෙන් 1990 අගභාගයේදී ගෝඨාභය රාජපක්‍ෂ කොතලාවල ආරක්‍ෂක විදය‍ාලයේ නියෝජ්‍ය ප‍‍්‍රධානී ලෙස පත්වීමක් ලැබීය. 1991 නොවැම්බර් මස 1 වැනි දින ගෝඨාභය රාජපක්‍ෂ හමුදාවෙන් ඉවත්වීමට මාස කීපයකට පෙර, එනම්, 1991 මාර්තු 2 දින රංජන් විජේරත්න අමාත්‍යවරයා කොළඹදී ඝාතනය විය. අමාත්‍යවරයා ගමන් කළ රථය එදින පෙරවරුවේ තිඹිරිගස්යායේ හයිලෙවල් පාරේදී බෝම්බයකට හසුවිය.

ගෝඨාභය රාජපක්‍ෂ 1971 අපේ‍‍්‍රල් 26 දින යුද හමුදාවට බැඳී තිබුණේ දෙවැනි ලූතිනන්වරයකු ලෙසය. පුහුණුවෙන් පසු නිත්‍ය හමුදා සේවයට සම්බන්ධ වන්නේ 1972 මැයි 26 දිනය. ඔහු අනුයුක්ත කරන ලද්දේ සංඥා බලකායටය. සංඥා බලකායේ සිට පළමුවන සිංහ රෙජිමේන්තුවට එකතු වූ අතර පසුව අලූතින් පිහිටුවූ රජරට රයිෆල්ස් බලකායට එකතු විය. රජරට රයිෆල්ස් සහ විජයබා රෙජිමේන්තුව එකතු කර පළමුවැනි ගජබා බලකාය පිහිටුවද්දී ගෝඨාභය ඊට ඇතුළත් විය.

යුද්ධයේ තත්ත්වය උත්සන්නව තිබුණු අවධියකදී, දිගින් දිගටම කළ බිරිඳගේ දැඩි බලපෑමට යටත්ව, 1991 නොවැම්බර් හමුදාවෙන් ඉවත්වී අමෙරිකාවට යන තුරු ගෝඨාභය රාජපක්‍ෂ සේවය කර ඇත්තේ ගජබා බලකායේය.

(තොරතුරු උපුටා ගත්තේ, 2013 ජුනි 30 වැනිදා සන්ඬේ අයිලන්ඞ් පුවත්පතට ශමීන්ද ෆර්ඩිනැන්ඩු සැපයූSRI LANKA: WAR ON TERROR REVISITED, Ayoma wins the day ලිපිය වෙතිනි.)

අරුණ ජයවර්ධන

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි