කේ. සංජීව
එළඹෙන ජනාධිපතිවරණයේදී එක්ව තරග කරනවාද, වෙන් වෙන්ව තරග කරනවාද, එක්ව තරග කරන්නේ නම් ජනපති අපේක්ෂකයා කවුරුන්ද, අගමැති අපේක්ෂකයා කවුරුන්ද, වෙන්වෙන්ව තරග කර ජයගන්නට පුළුවන් වේවිද ආදි ප‍්‍රශ්න ගණනාවක් නිසා ශ‍්‍රී ලංකා පොදුජන පෙරමුණද, ශ‍්‍රී ලංකා නිදහස් පක්ෂයද, ඒ වටා එකතු වී සිටින කුඩා පක්ෂ ද බරපතළ ගැටලූ රැුසකට මුහුණ පා ඇතැයි අනිද්දා වෙත වාර්තා වෙයි.
පසුගිය 12 වැනි දා සවස හිටපු ජනපති මහින්ද රාජපක්ෂ මූලිකව ඒකාබද්ධ විපක්ෂයේ කණ්ඩායම හමුවී ඇති අතර එහිදී එක් එක් පක්ෂවල යෝජනා සහ ප‍්‍රබලයන්ගේ යෝජනා අනුව අපේක්ෂකයන් 4 දෙනෙකු පිළිබඳව සාකච්ඡුාවී ඇත. ඒ ගෝඨාභය රාජපක්ෂ, බැසිල් රාජපක්ෂ, චමල් රාජපක්ෂ සහ දිනේෂ් ගුණවර්ධනය. එහෙත් අවසන් තීරණයකට පැමිණ නැති අතර ඒකාබද්ධ විපක්ෂයේ වාමාංශික පක්ෂවල නායකයන් චමල් රාජපක්ෂ ඒ සදහා සුදුසු යැයි ප‍්‍රකාශ කර ඇත. සුළු පක්ෂවල සාමාජිකයන් මේ සඳහා ගෝඨාභය රාජපක්ෂගේ නම යෝජනා කර තිබේ.
මේ අතර වෙන්ව තරග කර ජයග‍්‍රහණය කිරීම අසීරුයි යැයි සිතන දෙපාර්ශ්වයේම ප‍්‍රබලයන් හිටපු අමාත්‍ය ජෝන් සෙනෙවිරත්න වැනි අයෙකුගේ මූලිකත්වයෙන් නැවත ශ‍්‍රීලනිපය සමග සාකච්ඡුා කළ යුතු බවට මතයක් නිර්මාණය කරමින් සිටිතැයිද, එයට කුමාර වෙල්ගම වැනි ශ‍්‍රී ලංකා පොදුජන පෙරමුණ කෙරෙහිම විශ්වාසය තබා තිබෙන සාමාජිකයන්ගේ බලවත් විරෝධයක් ඇතැයිද දැනගන්නට ලැබෙයි.
මේ අතර එළැඹෙන ජනපතිවරණයේදී ජනපති අපේක්ෂකයා මෛත‍්‍රීපාල සිරිසේන මහතා විය යුතු බවත් අගමැති අපේක්ෂකයා හිටපු ජනපති මහින්ද රාජපක්ෂ මහතා විය යුතු බවත් යෝජනාවක් ශ්රීලනිප පාර්ශ්වයෙන් ඒකාබද්ධ විපක්ෂයට යොමුවී ඇති බවද දැනගන්නට ලැබෙයි. කෙසේ හෝ මේ සියලූ අදහස් සමග මෙම දෙපාර්ශ්වයම බරපතළ දේශපාලන අර්බුදයක සිටින බව දැනගන්නට ලැබෙන්නේය.
පසුගියදා මාධ්‍ය හමුවක් තබමින් වාසුදේව නානායක්කාර මහතා පැවසුවේ තම කණ්ඩායමට පොහොට්ටුවේ පාපුවරුවේ යාමට නොහැකි බැවින් ඉක්මනින්ම පුළුල් ජනතා සන්ධානයක් සැදිය යුතු බවය. එහිදී ඔහු බැසිල් රාජපක්ෂගේ පාර්ශ්වයට චෝදනා කරමින් පැවසුවේ ජනතා අරගලවලට පොහොට්ටුව තවමත් සක‍්‍රියව දායක නොවන බවය.
