නායකත්වය නැත්නම් සජිත් පිළ නොඉල්ලයි



ඉදිරි පාර්ලිමේන්තු මැතිවරණයට තරග කිරීම සඳහා කථානායක කරු ජයසූරියගේ නායකත්වයෙන් යුත් කණ්ඩායමක් පත්කිරීමට එජාප නායක රනිල් වික‍්‍රමසිංහ තීරණය කර ඇතැයි වාර්තා වේ.

මෙම තීරණය ගෙන ඇත්තේ එජාපයේ නායකත්ව ගැටුම සමථයට පත්කිරීම සඳහා දෙපාර්ශ්වයේ නියෝජිතයන්ගෙන් සමන්විතව පත්කරන ලද කමිටුවේ පළමු සාකච්ඡුාව අසාර්ථක වීම හේතුවෙන්ය.
රංජිත් මද්දුම බණ්ඩාර, තලතා අතුකෝරාල, ආශු මාරසිංහ, වජිර අබේවර්ධන, මලික් සමරවික‍්‍රම හා ලක්ෂ්මන් කිරිඇල්ල යන මන්ත‍්‍රීවරු එම කමිටුවට අයත් වූ අතර එම කමිටුවේ පළමු රැුස්වීම දෙසැම්බර් 11 වැනිදා පක්ෂ මූලස්ථානය වූ සිරිකොතදී පවත්වා තිබුණි.

එහිදී සජිත් පේ‍්‍රමදාස පාර්ශ්වය නියෝජනය කළ රංජිත් මද්දුම බණ්ඩාර, තලතා අතුකෝරාළ හා මලික් සමරවික‍්‍රම යන පක්ෂ නායකත්වය සජිත් පේ‍්‍රමදාස මහතාට ලබාදීම හැර වෙන විසඳුමක් නැති බවයි.

රනිල් වික‍්‍රමසිංහ පාර්ශ්වයේ නියෝජිතයන් වන ආශු මාරසිංහ, වජිර අබේවර්ධන හා ලක්ෂ්මන් කිරිඇල්ල යන මන්ත‍්‍රීවරු පෙන්වාදී ඇත්තේ විපක්ෂ නායකත්වය සජිත් පේ‍්‍රමදාස මහතාට ලබාදී ඇති බවත්, ඉදිරි මැතිවරණයේදී අගමැති අපේක්ෂකයා තමා බව සජිත් පේ‍්‍රමදාස මහතා ප‍්‍රකාශ කර ඇති තත්වය හමුවේ පක්ෂ සමගිය පෙන්වමින් පක්ෂ සමගිය පෙන්වමින් එම මැතිවරණ ජයග‍්‍රහණය කිරීම සඳහා සජිත් පේ‍්‍රමදාස මහතා කටයුතු කළ යුතු බවත්ය. ඉන්පසු පක්ෂ නායකත්වය ගැන තීරණයක් ගත හැකි බවත්ය.

මේ අදහස් පළකිරීම් මත එම සාකච්ඡුාවේදී පක්ෂයේ අර්බුදය විසඳීමට තීරණයකට පැමිණ නැති අතර එම කමිටුව සාකච්ඡුාව අවසන් කර ඇත්තේ නැවත හමුවන දිනයන් පිළිබඳ කිසිදු අදහසක්ද නැතිවය.

සජිත් පේ‍්‍රමදාස මහතාගේ ස්ථාවරය පිළිබඳව ඒ මහතාට පක්ෂව කටයුතු කළ එජාප මන්ත‍්‍රීවරයෙකුගෙන් කළ විමසීමකදී ඔහු පැවසුවේ පක්ෂ නායකත්වය සජිත් පේ‍්‍රමදාස මහතාට ලබාදෙන තෙක් ඔහු ප‍්‍රසිද්ධ දේශපාලන කටයුතුවලට සහභාගී නොවී සිටින බවට දැනුම්දී ඇති බවය.

සජිත් පේ‍්‍රමදාස මහතාට පක්ෂ නායකත්වය සහ එළැඹෙන පාර්ලිමේන්තු මැතිවරණය මෙහෙයවීමේ නායකත්වය ලබා නොදෙන්නේ නම් ඔහු සමඟ කටයුතු කරන එජාපය ප‍්‍රබලයන් පිරිසක් මැතිවරණයට ඉදිරිපත් නොවී සිටීමට තීරණය කර ඇති බවද වාර්තා වේ.

ඒ අනුව හරීන් ප‍්‍රනාන්දු, අශෝක් අබේසිංහ, ඉරාන් වික‍්‍රමරත්න, බන්දුලාල් බණ්ඩාරිගොඩ, ඇතුලූ‍ එජාපයේ සැලකිය යුතු පිරිසක් දේශපාලනයෙන් සමුගෙන එම ඡුන්දයේදී නිහඬව සිටින්නට තීරණය කර ඇතැයි අනිද්දා වෙත වාර්තා වේ. මෙම පිරිසට අමතරව වයස නිසා සහ පක්ෂයේ උද්ගතවී තිබෙන මෙම තත්ත්වය සැලකිල්ලට ගෙන ජෝන් අමරතුංග, ගාමිණි ජයවික‍්‍රම පෙරේරා, ලක්ෂ්මන් කිරිඇල්ල ඇතුළු පිරිසක් ද දේශපාලනයෙන් සමුගන්නට තීරණය කර ඇතැයි වාර්තා වේ.

පසුගිය දා විපක්ෂ නායකයා ලෙස සජිත් පේ‍්‍රමදාස මහතාගේ නම යෝජනා කරමින් රනිල් වික‍්‍රමසිංහ මහතා ප‍්‍රකාශ කර ඇත්තේ සති දෙකක් ඇතුලත එක්සත් ජාතික පක්ෂයේ නායකත්ව අර්බුදය විසඳන බවය. මේ අතර සජිත් පේ‍්‍රමදාස මහතා ප‍්‍රකාශ කර ඇත්තේ පක්ෂයේ නායකත්වය ඇතුලූ‍ පක්ෂය මෙහෙයවීමේ සියලූ‍ බලතල තමන් වෙත නොපවරන්නේනම් තමන් ස්ථිර වශයෙන්ම දේශපාලනයෙන් සමුගන්නා බවය.

ලසන්ත රුහුණගේ/ කේ. සංජීව