මහින්ද රාජපක්ෂ කොටින්ට රිදෙන්න ගසා කොටි මෙරටින් තුරන්කළ රාජ්‍ය නායකයා ය. ඔහු ඒසදහා ම ඉපදුණ පුද්ගලයෙක්ය. ඔහු අගමැති වෙන්නේද ඉනාතුරුව ජනාධිපති වෙන්නේද වෙන කිසිවෙකට නොව මේ ඉතිහාසගත අවශ්‍යතාවය සදහාමය. මේ අනුව 2005දී ඔහු මෙරට ජනපති වෙන්නේ යුද්ධ කරන්නටමය. ලංකාවේ බහුතරයක් සිංහල ජනතාව සිතන්නේ එලෙසින්ය. රාජපක්ෂ නරුමකම වැසෙන සේ ශුක්ෂමව තැවරූ අයිසින් තට්ටුව එයයි. මේ අයිසින් තට්ටුව දියකර සැබෑ රාජපක්ෂවරුන් යනු කවරහුද යන්න මතුකරන නඩුකරයක් දැන් කොළඹ මහාධිකරණයේ විභාග වෙමින් තිබේ. රාජපක්ෂවරුන්ට තවමත් කඬේ යන හිට්ලර් පන්නයේ රාජපක්ෂ කෙනෙක් බලයට ගෙනෙන්න දතකට මදිමින් සිටින පුද්ගලික මාධ්‍ය වියාපරවලට මෙන්ම සමහර රාජ්‍ය මාධ්‍යවල සිටින ඒ සිහිනයම දකින මාධ්‍යවේදීන්ට ද මගහැරෙමින් තිබෙන මේ නඩුව පිළිබදව අප මෙසේ ලියන්නට සිතුවෙමු. මේ අන්කිසිවක් නොව ටිරාන් අලස්ට විරුද්ධව ඇසෙන රාඩා නඩු විභාගයයි.

රාඩා යනු කුමක්ද?
මෙහි දිගු නම උතුරු නැගෙනහිර ප‍්‍රතිසංස්කරණ හා සංවර්ධන ඒජන්සිය යන්නයි. 2005/11/28 හිටපු ජනපති මහින්ද රාජපක්ෂ ගේ විධානයක් අනුව මෙම ආයතනය පිහිටුවා එහි සභාපතිවරයා ලෙස ටිරාන් අලස් මහතා පත්කර ඇත. මේ ආයතනය පිහිටුවීමේ මූලික අරමුණ සේ දැක්වෙන්නේ සුනාමියෙන් විනාශවූ උතුරු නැගෙනහිර නිවාස නැවත ගොඩනැගීමය. එහෙත් මේ අරමුණ බොරුවක්ය. ඇත්තටම මේ ආයතනය අරඹන්නේ කොටි සංවිධානයට මුදල් ආධාර ලබාදීම සදහාය. ඒ විදිමත් ක‍්‍රමයකට රාජ්‍ය අරමුදල් උතුරට පොම්පකර අතපිස දමාගැනීම සදහා ය. දැන් හෙළිවී තිබෙන්නේ නිවාස 1200ක් හදනබව කීවත් ඒ සදහා රජය මුදල් වෙන්කර මුදා හැරියත් කිසිදු නිවසක් හදා නැති බවය. ඒ අනුව ඒ මුදල්වලින් කොටසක් කොටි සංවිධානයට ද තවත් කොටසක් ටිරාන් අලස් මහතාගේ සාක්කුවටද ගොස් ඇත.

කතාවේ මුලට යමු
ටිරාන් අලස් සහ නැසීගිය හිටපු අමාත්‍ය දොස්තර ජයලත් ජයවර්ධන හිතවතුන්ය. 2002-2004 ආණ්ඩුවේ පුනුරුත්ථාපනය පිළිබදව කටයුතු කළ අමාත්‍යවරයා ඔහුය. එවක සටන්විරාමය ක‍්‍රියාත්මක අවධියේ කොටි බුද්ධි අංශයේ සිටි එමිල් කාන්තන් නැමැත්තා දොස්තර ජයලත් ජයවර්ධන ළග වැඩකර ඇත. ඒබව අදාළ අමාත්‍යවරයාම ත‍්‍රස්තවිමර්ෂණ අංශයට ප‍්‍රකාශයක් ලෙස පසුකාලයේ ලබාදී ඇත. මේ එමිල් කාන්තන් දොස්තර ජයලත් ජයවර්ධන මහතා විසින් ටිරාන් අලස් මහතාට හදුන්වා දෙන්නේ ඔහුගේ වියාපාරික කටයුතු උතුරේ දියත් කිරීම සදහා කොටි සංවිධානය සමග අවශ්‍ය සම්බන්ධතාවයන් ගොඩනගා ගැනීම සදහා ය. ඒ ටිරාන් අලස් මහතාගේ සී බී ඊ නම් 1988 දී සේවකයින් 10 දෙනෙකුගෙන් පමණ ආරම්භ කළ සන්නිවේදන උපකරණ වෙළදාමේ නියුක්ත වූ සමාගම ඩයලොග් ආයතනය සමග එකතුවී සන්නිවේදන අංශයේ වියාපාරික කටයුතු උතුරේ වියාප්ති කරලීම සදහා ය. මෙලෙස ගොඩනැගෙන එමිල් ටිරාන් සම්බන්ධතාවය දිගටම වැඩි වර්ධනය වනාතර 2002- 2004 ආණ්ඩුව බිදවැටෙන අතර ඊළග ආණ්ඩුවේ අගමැතිවරයා වන්නේ මහින්ද රාජපක්ෂය. සිවිල් ගුවන්සේවා අමාත්‍යවරයා වන්නේ මංගල සමරවීරය. මංගල සමරවීර සහ ටිරාන් අලස් අතර තිබුණු බැදියාව මත ඔහු ගුවන් තොටුපළ සහ ගුවන් සේවා අධිකාරියේ සභාපති ලෙස පත්කරන්නේය. මෙලෙස කාලය ගතවෙනාතර 2005 ජනපතිවරණය පැමිණෙයි. එම මැතිවරණයේදී මහින්ද රාජපක්ෂ මහතා දිනවීමේ ඡුන්ද වියාපාරයේ කැපීපෙනෙන චරිතයක් වූ මංගල සමරවීර විසින් ටිරාන් අලස් මහතා මැතිවරණ ප‍්‍රචාරණ කමිටුවේ සාමාජිකයෙක් ලෙස නම්කරන්නේය. එම කමිටුව රැුස්වී එක අවස්ථාවක කොටි සංවිධානය සමග සම්බන්ධයක් සාදාගැනීමට කෙනෙකු සිටින්නේදැයි මහින්ද රාජපක්ෂ විසින් ටිරාන් අලස් ගෙන් අසා ඇත. එහිදී ඔහු එමිල් කාන්තන් පිළිබදව මහින්ද රාජපක්ෂ දැනුවත් කර ඇති අතර එහිදී එමිල් කාන්තන් බැසිල් රාජපක්ෂට හදුන්වා දෙන්න යැයි මහින්ද රාජපක්ෂ ටිරාන්ට පවසා ඇත. ඒ අනුව ටිරාන් එමිල් කාන්තන් සහ බැසිල් රාජපක්ෂ එකදිගට බොරැුල්ලේ ටිරාන්ගේ වියාපාරික ස්ථානයේදී මුණගැසෙන ගැසෙති. මේ පිළිබඳව ටිරාන් අලස් ද පසු අවස්ථා කිහිපයකදීම මාධ්‍යට පවසා ඇත. මෙලෙස කොටි සංවිධානය සහ රාජපක්ෂ පවුල අතර සම්බන්ධය වැඩි වර්ධනය වනාතර එහිදී රාජපක්ෂ පාර්ශවය එමිල් කාන්තන් හරහා කොටි සංවිධානයට යෝජනා කරන්නේ හොද හිත සහ අන්‍යොන්‍ය බැදීම තවත් වර්ධනය කරගන්නට අවශ්‍යතා තිබේනම් ඉල්ලන්න කියාය. එහිදී කොටි සංවිධානය බෝට්ටු ලබාගැනීමට මිලියන 180ක මුදලක් ඉල්ලා ඇත. එම ඉල්ලීමට එකහෙළාම කැමැත්ත පලකරන බැසිල් රාජපක්ෂ පසු අවස්ථාවකදී එම මුදල ඇමරිකානු ඩොලර් සහ ශ‍්‍රී ලංකා රුපියල් වලින් ට‍්‍රැවලින් බෑග් කිහිපයක දමා ටිරාන් අලස්ගේ ස්ථානයේදී ඔහු ඉදිරිපිටදීම එමිල් කාන්තන් හට ලබා දී ඇත

2010/01/22 වැනි දින ටිරාන් අලස් ගේ බොරැල්ල නිවසට බෝම්බ ප‍්‍රහාරයක් එල්ල වූ අවස්ථාවේ එම බෝම්බය පිපිරී ගිය ස්ථානයේ මාධ්‍ය හමුවක් පවත්වමින් ටිරාන් අලස් මහතා බැසිල් රාජපක්ෂ විසින් එමිල් කාන්තන් හට මෙම මුදල් දුන් සිද්ධිය ප‍්‍රසිද්ධියේ පවසා ඇත. ඊට ප‍්‍රථම ඔහු මේ පිළිබදව ත‍්‍රස්තවිමර්ෂණ ඒකකයටද ප‍්‍රකාශයක් ලබා දී ඇත. ඉන්පසුව කොටි සංවිධානය දිගින් දිගටම මුදල් ඉල්ලා ඇති අතර රාජපක්ෂ පාර්ශ්වයෙන් කොටි සංවිධානයෙන් ඉල්ලීම් දෙකක් ඉල්ලා ඇත. ඒ 2005 ඡුන්දය වර්ජනය කරන ලෙස උතුරු නැගෙනහිර ප‍්‍රජාවට නියෝගයක් ලබා දෙන ලෙස සහ රාජපක්ෂ පවුලට කිසිදු ප‍්‍රහාරයක් එල්ල නොකරන ලෙසය. කොටි සංවිධානය එහිදී මේ ඉල්ලීම් දෙකටම එකගවී ඇතිඅතර එහි ප‍්‍රතිපලය ලෙස උතුරේ මිනිසුන් ඡුන්දය වර්ජනය කරන්නෝය. ඒ අනුව මහින්ද රාජපක්ෂ ජනපති පදවියට පත්වෙන අතර ඉන්පසුව දිගටම කොටි සංවිධානයට මුදල් ආධාර ලබාදීමට මෙම ආයතනය පිහිටුවා එහි ප‍්‍රධානියා ලෙස ටිරාන් අලස් පත්කරන්නේය. රාඩා ආයතනය ඇරඹීමේ ඉතිහාස කතාව මේකය.

රාඩා ගණුදෙනු
ඉහත විස්තර කළ අයුරින් ඇරඹි රාඩා ආයතනයට 2006 අගෝස්තු 2 වැනි දින කැබිනට් පත‍්‍රිකාවක් මගින් රුපියල් 757,166,000ක මුදලක් වෙන්කරන්නේ උතුරු නැගෙනහිර ග‍්‍රාමසේවක වසම් 42ක සුනාමියෙන් විනාශ වූ නිවාස ගොඩනැගීම සදහා නිවාස වියාපෘතියක් ඇරඹීමට ය. ඒ මේ මුදලින් නිවාස 1200ක් ගොඩනැගී ම සදහා ය. gs builders and consultants of vavuniva යන ආයතනය මෙම නිවාස වියපෘතියේ උපදේශන සේවාව සදහා තෝරාගත් බවද නොම් බර 437A , 3 පටුමග, හිරුනව්කුලම් තාන්ඩිකුලම් වව්නියා යන ලිපිනයේ බී ඇන්ඞ් කේ හෝල්ඩින්ග් ස් යන ආයතනය ත‍්‍රිකුණාමලයේ නිවාස 400ක් සෑදීම සදහා ද තවත් නිවාස 400ක් මඩකළපුවේ සෑදීම සදහා 113/1, මීල් පාර, උකුලම්කුලම්, වව්නියා යන ලිපිනයේ ලියාපදිංචි එවරස්ට් සිවිල් ඉන්ජිනේරින් සර්විස් සමාගමද තෝරාගෙන ඇතිබව එම කැබිනට් පත‍්‍රිකාවේ සදහන් කර ඇත. දැන් හෙළිවී තිබෙන්නේ මේ ආයතන තුනම මේ ගනුදෙනු සදහාම රාජපක්ෂ හිතවතුන් විසින් ගොඩනැගු වියාජ සමාගම් බවය. ඒ අනුව මේ මුදල් වෙන්කිරීමේ ඇත්ත උවමනාව අන්යමක් නොව කොටි සංවිධානයට මුදල් ලබා දීමය. එය සක්සුදක් සේ පැහැදිලිය. මෙහිදී චෙක්පත් 9යක් මගින් රුපියල් මිලියන 124ක මුදලක් ආණ්ඩුව ගෙවා ඇත. ඉන් චෙක්පත් දෙකකට ටිරාන් අලස් මහතා අත්සන් තබා ඇතිබවද දැනගන්නට ලැබේ. මෙහිදී මෙම ව්‍යාපෘතිය ටිරාන් අලස් එමිල් කාන්තන් සහ සාලිය වික‍්‍රමසුරිය යන අය රාඩා ආයතනය මගින් කරගෙන ගොස් ඇත. ඉන්පසුව මෙලෙස කොටි සංවිධානයට යවන්නට රාඩා ආයතනයට ලබා දුන් මුදල් නිසිපරිදි කොටි සංවිධානයට ලබා දී නැත. ඒ අනුව කොටි සංවිධානය සහ රාජපක්ෂවරුන් අතර තිබූ මූලික එකගතාවය රාජපක්ෂවරුන් බිද දමා ඇතැයි කොටි සංවිධානය සැකකර ඇත. ඉන්පසුව එවක හමුදාපති සරත් ෆොන්සේකාට ප‍්‍රහාරයක් එල්ල කිරීමද ආරක්ෂක ලේකම් ගෝටාභය රාජපක්ෂ හට පිත්තල හන්දියේදී ප‍්‍රහාරයක් එල්ල කිරීමද මාවිලාරු වසාදැමීමද අනතුරුව යුද්ධයද මෙම එකගතාවය බිදදැමිම නිසා හටගත් තත්ත්වයන් බව සිතීම අසාධාරණ නැත. කොටි සංවිධානය මාවිල් ආරු සොරොව්ව වසාදැමූ පසුව මහින්ද රාජපක්ෂ පාර්ශවය එය නැවත විවර්ත කරගැනීම සදහා එමිල් කාන්තන් හරහා නොයෙක් උත්සාහයන් අවසන් මොහොත දක්වා ගත්බවද දැන් හෙළිවී තිබෙන තොරතුරුය.

රාඩා නඩුව
රාජපක්ෂවරුන් බලයෙන් පහකිරීමෙන් පසුව රාඩා ආයතනය නමින් සිදුවූ මේ ගනුදෙනු පිළිබඳව සොයා බලන්න යැයි දුෂණ විරෝධී පෙරමුණ පොලිස්පතිවරයාට පැමිණිලි කරන්නේය. ඒ 2015 පෙබරවාරි 25 වැනි දිනය. ඉන් අනතුරුව පොලිසිය මේ පිළිබදව පරීක්ෂණ කරන අතර එහි ප‍්‍රතිඵලය ලෙස නීතිපති දෙපාර්තමේන්තුව ටිරාන් අලස්, එමිල් කාන්තන්, ජාලිය වික‍්‍රමසුරිය යන අයවලූ‍න්ට රුපියල් මිලියන 124ක මුදලක් සාවද්‍ය ලෙස පරිහරණය කිරීමට එරෙහිව අධිචෝදනා ගොනුකරනු ලැබිණි. මේවනවිට එම නඩුවේ පැමිණිල්ලේ සාක්ෂි විභාගයන් සිදුවෙමින් තිබෙන්නේය. ඒ කොළඹ මහාධිකරනයේදීය. ඒ අනුව මේ දුෂිත ගනුදෙනුවේද ඊට මුල්වූ ගනුදෙනු වලද සත්‍ය තොරතුරු අනාවරණය වනු ඇත. ඒ අනුව දේශපේ‍්‍රමයේ සළුපිළි දවටාගෙන සිටින මහින්ද රාජපක්ෂ ප‍්‍රමුඛ රාජපක්ෂ පවුලේ වහන්තරාව ගැලවී යනු ඇත.

ඔහුගේ නිවසේ ගෝනිවල සම්මාන, පදක්කම්, සහතික ගොඩගසා ඇත. ඔහුගේ ගරාජයට හෝ නිවසට පැමිණෙන අයට පෙනෙන සේ නිවසෙහි ඒවා ප‍්‍රදර්ශනය කරන්නටවත් ඔහුට වුවමනාවක් නැත. ඒවා දිරාපත්වෙමින් පවතින්නේය.

‘‘ඒ කියන්නෙ දැන් රේස් පදින්න ආසා නැද්ද?’’ අපි අසන්නෙමු.
‘‘ආසයි. ඒත් අපට සාධාරණ අවස්ථාවක් නැත්නම් නිකම් කාලය, මහන්සිය, සල්ලි වියදම් කරගෙන යන්නෙ මොකටද.’’ ඔහු කියයි.
ඔහු ලංකාවේ කලෙක සිටි දක්ෂතම මෝටර් රථ ධාවකයෙකි. දැනුදු ඔහුට හැකියාව ඇතත් දැන් ඔහු ක‍්‍රීඩාවෙන් ඈත්ව සිටින්නේය. ඔහුගේ නම ඇනෙස්ලි පෙරේරාය. සැබෑ මෝටර් ධාවන තරග රසිකයන්ට ඇනෙස්ලි ජයගත් තරග ඉසව් කිහිපයක්ම මතකයට නැගෙනු ඇත. එහෙත් එක් කලෙක ඔහු එකවරම ධාවන තරග පිටියෙන් අතුරුදන් විය. වත්තල ඇති ඔහුගේ ගරාජයේදී අපට ඔහු මුණගැසුණි. ලංකාවේ මෝටර් රථ ධාවන තරග ලෙස අප හඳුන්වන්නේ රැුලි මෝටර් තරගය. ත‍්‍රිවිධ හමුදාව සතුව ඇති මෝටර් රථ ධාවන පථ කිහිපයක් ආශ‍්‍රිතව හමුදාව විසින් වාර්ෂිකව සංවිධානය කරන ජනප‍්‍රිය මෝටර් ධාවන තරගාවලි කිහිපයක් වෙයි. ලංකාවේ ක‍්‍රිකට් හැරුණුකොට සාපේක්ෂව ඉහළම පේ‍්‍රක්ෂක ඉල්ලූ‍මක් ඇති ක‍්‍රීඩා කිහිපයක් අතර රග්බි, වොලිබෝල් සහ මෝටර් රථ ධාවන තරඟ වෙයි. මේ ක‍්‍රීඩාව අනුග‍්‍රහයක් සහ මුදල් විශාල වශයෙන් ගැවසෙන ක‍්‍රීඩවකි.

ඇනෙස්ලි පෙරේරා මේ ක‍්‍රීඩාවට යොමුව ඇත්තේ අහම්බයකිනි. ‘‘මම මෝටර් තරගවලට ආවේ අහම්බයෙන්. අනූව දශකයේ අග විතර ටි‍්‍රප්් එකක් ගිහින් දියතලාවේ ගිය මොහොතකදී තමයි ෆොක්ස් හිල් ට‍්‍රැක් එක දැක්කේ. ඒ අවුරුද්දේ ට‍්‍රැක් එකට ගිය මම ට‍්‍රැක් එක බලාගෙන පුහුණු වට කිහිපයක් ගියා. මගේ මිතුරු හමුදා කර්නල්වරයෙක් හරහා තමයි මම ට‍්‍රැක් එකට ගියේ.’’

‘‘ඊට පස්සෙ අවුරුද්දේ මම ජීප් ටර්බෝ කියන අංශයෙන් රේස් එකකට ගියා. එතකොට මට රේස් ගැන ලොකු දැනුමක් තිබුණේ නැහැ. පළවැනි රේස් එකේදී අන්තිමයා නොවී බේරුණා.’’

ඒ පරාජය පුහුණුව ලබන්නට අවස්ථාවක් විය. ඒ පුහුණුව ඉන්පසුව එළැඹුණු 2001 වර්ෂයේ ෆොක්ස්හිල් තරගාවලියේදී ඇනෙස්ලි පෙරේරා සලකුණ තබන්නට උදව් විය.

‘‘මම පුරුදු වුණා. එතැන ආයෙමත් ප‍්‍රැක්ටිස් වුණා. රේස් එක මම පැද්දේ ෆෝඞ් ලේසර් කාර් එකක්. එදා මම ඇක්සිඩන්ට් වෙලා කකුල කැඩුණා.’’ පාදයක් බරපතළ ආබාධයකට ලක්විය. රෝහලට ඇනෙස්ලි ගෙන ගොස් තිබුණි. එහෙත් ඒ අනතුර විසින් මෝටර් රථ ධාවන තරග ඔහුට එපා වී නොතිබුණි. ඔහුගේ ආශාව දෙගුණ වී තිබුණි. පසුදිනම නැවත ධාවන පිටියට යන්නට ඔහුට ඕනෑවිය.

‘‘මට කකුලේ වේදනාව දැනුණේ නෑ. මට ඊළඟ රේස් එක පදින්න ඕනෑ වුණා. අන්තිමේදී මාව ජීප් එකට උස්සගෙන ගිහින් තිබ්බා. තරගයෙන් මම දෙවැනියා වුණා.’’ ඇනෙස්ලි එදා ෆොක්ස්හිල් ධාවන පථයේ අසීරුම වංගුවක වේගය වැඩිකරමින් තවත් ජීප් රියක් පසුකළ අන්දම මෝටර් රථ ධාවන ඉතිහාසයේ සුන්දරම අවස්ථාවක් ලෙස සැබෑ රසිකයන්ගේ මතකයන්හි රැඳී ඇතිවා නිසැකය.

එලෙස ක‍්‍රීඩාවට පැමිණි ඔහු 2003 වර්ෂය පසුවෙද්දී ධාවන තරග අතර නිතරම මුල් ස්ථාන අතර සිටි තරගකරුවෙක් විය. ක‍්‍රමයෙන් ඔහුගේ නම ඉදිරියෙන් ලියැවෙන්නට විය. ඔහුට ක‍්‍රීඩාව එපා වෙන්නේද එලෙස ඉදිරියට පැමිණෙද්දීය. මෝටර් රථ ධාවකයන් හොඳින් දන්නා ‘‘ජනප‍්‍රිය ධාවකයන්ගේ’’ අවධානයට ඔහු ලක්විය. මේ ‘‘ජනප‍්‍රිය ධාවකයන්’’ මාධ්‍යවල මිතුරෝ වූහ. පරිපාලකයන්ගේ මිතුරෝ වූහ. ඔවුන් පසුකර යෑම ධාවකයන්ට අසීරු විය. ඇත්තෙන්ම විනෝදාංශය උදෙසා ධාවන තරගවලට පැමිණෙන ‘‘ඇනෙස්ලි’’ වැන්නන් තරගවල සහභාගිත්වයෙන් සෑහීමට පත්විය යුතු විය.

ඇනෙස්ලි 2009 දී ෆොක්ස්හිල් ෆෝඞ් ලේසර් අංශයෙන් පළවැනි ස්ථානය ලබන්නේය. ඉන්පසු වර්ෂය වෙද්දී ඔහුට ධාවන තරගවලට සහභාගී වීම සඳහා මෝටර් රථ ක‍්‍රීඩා සංගමයේ (ස්ලාස්) ලියාපදිංචි වීම අසීරු වන්නේය. ඔහු පාවිච්චි කරන නම පිළිබඳ ගැටලූ‍ පැමිණියේය.
ඇනෙස්ලිට තමන්ට වුවමනා තරග ඉසව්වලට සහභාගී වීමද නොහැකි වී ඇත. තරගයක් පටන්ගන්නට පෙර වාද විවාද ගණනකට මුහුණදෙන්නට සිදුවිය. මෙය ඇනෙස්ලි, සුසන්ත ගුණවර්ධන ඇතුළු දක්ෂ ධාවකයන් කිහිපදෙනෙකුටම මුහුණදෙන්නට සිදුව ඇති අත්දැකීමක් විය.

‘‘මම කැමති කැටගරිය වෙනුවට වෙනත් කැටගරිවලින් මට රේස් එක පදින්න දුන්නා. එයාලා කොහොමද මම පදින්න ඕනෑ රේස් එක තීරණය කරන්නේ. මම කැමති නම්, මට හැකිවෙන්න ඕනෑ ඕනෑම කැටගරියකින් රේස් පදින්න. ලයිසන් එක දෙන්නේත් සංගමය. ක‍්‍රීඩා කරන අය, ක‍්‍රීඩා කරන අයගේ තාත්තලා සංගමයේ ඉද්දී අපි පදින්න ඕනෑ කැටගරිය එයාලා තීරණය කරන්නේ කොහොමද.’’
ඇනෙස්ලි කියන්නේ මෝටර් රථ ක‍්‍රීඩා සංගමයේ යන්ත‍්‍රණයම සියලූ‍ ක‍්‍රීඩකයන්ට සමාන සැලකිලි නොදක්වන බවයි. උදාහරණයක් ලෙස උපුල්වන් සේරසිංහ සංගමයේ උපභාණ්ඩාගාරික ලෙස කටයුතු කරද්දී ධාවකයෙකු ලෙස තරඟවලටත් සහභාගි විය. සේරසිංහ මහතාගේ පුත් කෙවින් සේරසිංහද තරගකරුවෙක් විය. එවැනි පසුබිමක සංගමය සියලූ‍ ක‍්‍රීඩකයන්ට මධ්‍යස්ථ ලෙස සලකන්නේදැයි ක‍්‍රීඩකයන් තුළ කුකුසක් ඇතිවීම වැළැක්විය නොහැකි විය.

‘‘මම රේස් ගිය කාලයේදී රුපියල් පන්දාහක් ගන්නවා රේස් එකකට. පස්සේ ඒක රුපියල් හත්දාහක් වෙලා. එතකොට රියැදුරෙක් රේස් එකකට සහභාගී වෙනවා නම් රුපියල් හත්දාහක් ගෙවන්න ඕනෑ.’ ඇනෙස්ලි තරගයකට එක් ක‍්‍රීඩකයෙකු ගෙවන මුදල ගැන කියන්නේ එසේය. මෝටර් රථයක් තරගයකට සහභාගී කරවන්නට අලූ‍ත්වැඩියා කටයුතු සහ ප‍්‍රවාහන කටයුතු ඇතුළු සියලූ වියදම් රුපියල් ලක්ෂ දෙකක් පමණ දරන්නට සිදුවන බව ඔහු කියයි. ඇනෙස්ලි තමන්ට ගරාජයෙන් ලැබෙන ආදායම කෝටි ගණනාවක් මෙතෙක් මෝටර් ධාවන තරග සඳහා යට කර ඇත. ඒ ආශාව නිසාය.

‘‘ක‍්‍රීඩකයන්ට අසාධාරණ වෙනවා. ඒත් අසාධාරණ ගැන කියන්න තැනක් නෑ. ස්ලාස් එකට අපි පැමිණිල්ලක් කළොත් අපි පැමිණිල්ල කරන්නේ අපට අසාධාරණය කරපු කෙනාටමයි. උදාහරණයක් විදියට, අපි පදින රේස් එකකට සහභාගී වුණ වෙනත් කාර් එකක තාක්ෂණික දෝෂයක් තියෙනවා කියලා අපට හිතුණොත් අපට පුළුවන් පැමිණිලි කරන්න. පැමිණිලි කරලා චෙක් කරන්න කියලා ඉල්ලන්නට රුපියල් 50,000ක් ගෙවන්න ඕනෑ. හැබැයි අපි පැමිණිලි කළාම එතැනම කාර් එක ගලවන්නේ නැහැ. ස්ලාස් එකෙන් කාර් එක සීල් කරනවා. ඊට පස්සේ ජර්මන් ටෙක් වගේ තැනකට ගෙනියලා තමයි කාර් එක පරීක්ෂා කරන්නේ. ට‍්‍රැක් එකෙන් කාර් එක අරගෙන ජර්මන් ටෙක් එකට යන අතරේ මොකක් වෙනවාද කියලා අපි දන්නේ නැහැ. ඊළඟට එන්ජිම ගලවන පුද්ගලයාව තීරණය කරන්නෙත් ඒ අයමයි. ඉතින් එයාලා පදින කාර් සාධාරණ ඒවාද කියන විශ්වාසයත් අපට නැහැ. ’’

ක‍්‍රීඩාවේ බලවතුන් එසේ අසාධාරණ වෙද්දී රටේම බලවතුන් කෙලෙස රඟනු ඇතිද. පසුගිය පාලනයේදී බලය හිමිව තිබුණු පුද්ගලයන්ගේ පුතුන් මේ තරගවලට පැමිණීම නිසා ක‍්‍රීඩකයන්ට සිදුවුණේද අසාධාරණකම්ය. වක‍්‍රාකාර තර්ජන, නීතිවිරෝධී මෝටර් රථ සමඟ එවැනි බලවත් ක‍්‍රීඩකයෝ තරග දින්නෝය. ඒවා ගැන අද වුව කතාකරන්නට ඇනෙස්ලි වැන්නෝ අදිමදි කරන්නෝය. ඒ බිය නිසාය. ඒ අසාධාරණකම්ද ඇනෙස්ලි වැනි දක්ෂයන්ට ක‍්‍රීඩාව ගැන කළකිරීමට පසුබිම හැදුවේය. ඒ කළකිරීම ක‍්‍රීඩකයන් ක‍්‍රීඩාවෙන් අතුරුදන් කර දැමීය. ඇනෙස්ලිද ඒ අතර සිටින අතුරුදන්වූවෙකි.