ඒකාබද්ධ විපක්ෂයේ මහින්ද හිතවාදී මන්ත්‍රිවරුන් විසින් විසිවැනි සංශෝධනයට ඉදිරිපත් කර ඇති භාරකාර ආණ්ඩුවක් පිළිබඳ යෝජනාව නිල වශයෙන් ඉදිරිපත් කළොත් එයට එකඟ විය හැකි බව ජවිපෙ පාර්ලිමේන්තු මන්ත්‍රී විජිත හේරත් පවසයි.

විසිවැනි සංශෝධනය සම්මත වූ විගස පවතින ආණ්ඩුව ඉවත් වී භාරකාර ආණ්ඩුවක් යටතේ මාසයක කාලයක් තුළදී පාර්ලිමේන්තුව විසුරුවා හැරිය යුතුයැයි විසිවැනි සංශෝධනයට වගන්තියක් එක් කළ යුතු බවට ඒකාබද්ධ විපක්ෂයේ මහින්ද පිළේ සාමාජිකයන්ගේ යෝජනාව වී ඇත.

කෙසේ වෙතත් ඒකාබද්ධ විපක්ෂය විසින් නිල වශයෙන් එවැනි යෝජනාවක් ඉදිරිපත් කර නොමැති බවත්, ඒකාබද්ධ විපක්ෂයේ පාර්ලිමේන්තු මන්ත්‍රීවරුන් පෞද්ගලිකව එම යෝජනා ඉදිරිපත් කර ඇති බවත් විජිත හේරත් මහතා පෙන්වාදුන්නේය.

වැඩිදුරටත් ඔහු පෙන්වා දුන්නේ විසිවැනි සංශෝධනය සම්මත වී මාසයක් තුළ පාර්ලිමේන්තුව විසුරුවා හැරිය යුතුයැයි වගන්තියක් විසිවන සංශෝධන යෝජනාවට එක් කළේද ඒකාබද්ධ විපක්ෂයේ යෝජනා මත පදනම් වීමෙන් බවයි. දැන් යෝජනා කර ඇත්තේ ඒ මාසයක කාලය තුළදී භාරකාර ආණ්ඩුවක් හරහා ඡන්දය පැවැත්වීම නිසා එයට සහයෝගය දීම ගැටලූ‍වක් නොවේයැයි ඔහු කීය.•

ජනතා විමුක්ති පෙරමුණ විසින් ඉදිරිපත් කර ඇති විසිවන සංශෝධන යෝජනාව පිළිබඳව ඒකාබද්ධ විපක්ෂ පක්ෂ නායකයන් කළ සාකච්ඡාවකදී මහින්ද රාජපක්ෂ මහතා ඇතුළුව ඒකාබද්ධ විපක්ෂයේ පක්ෂ නායකයන් කිහිපදෙනෙකු අදහස් ප්‍රකාශ කිරීමෙන් වැළකුණු බව එම සාකච්ඡාවට සහභාගී වූ පක්ෂ නායකයෙක් අනිද්දා සමඟ කීය.

අගෝස්තු 02 වැනිදා කොළඹ විෙජ්රාම මාවතේ පිහිටි මහින්ද රාජපක්ෂ මහතාගේ නිල නිවසේදී එම සාකච්ඡාව පවත්වා ඇත.
මහින්ද රාජපක්ෂ මහතාට හිතවත් ඒකාබද්ධ විපක්ෂ මන්ත්‍රීවරුන් විසිවැනි සංශෝධනයට සංශෝධන එකතු කිරීම පිළිබඳව යෝජනා කර ඇති අතර එම සංශෝධන යෝජනා සඳහා මහින්ද රාජපක්ෂ මහතාගේ ඍජු සහයෝගයක් ලැඛෙන බව එම පක‍ෂ නායකයා කීය.

එම සාකච්ඡාවේදී විසිවැනි සංශෝධනය පිළිබඳ විරුද්ධ මතයක් දරා ඇත්තේ උදය ගම්මන්පිල ඇතුළු ඒ සඳහා විරුද්ධත්වය දක්වන පක්ෂ නායකයන් කිහිපදෙනෙකු පම‚. ගම්මන්පිළ ඇතුළු පිරිස එහිදී යෝජනා කර ඇත්තේ කමිටු අවස්ථාවේදී විසිවැනි සංශෝධනයට බලය ඛෙදීමේ වගන්ති එකතු වනු ඇතැයි ප්‍රචාරය කළ යුතු බවය. ඒකාබද්ධ විපක්ෂයට සිටින 70 දෙනෙකුගේ කණ්ඩායමට අමතරව අතුරලියේ රතන හිමි, ජාතික හෙළ උරුමය ඇතුළු විධායක ජනාධිපති ක්‍රමය අහෝසි කිරීමට විරුද්ධ කණ්ඩායමේ සහයෝගය ලබාගෙන විසිවැනි සංශෝධනය පරාජය කිරීම ගැන එහිදී ඔවුන් වැඩිදුරටත් අදහස් දක්වා ඇත. ඒ මොහොතේ නිහ~ව සිටියත් විසිවැනි සංශෝධනයට තම කණ්ඩායමෙන් ඉදිරිපත් කර ඇති යෝජනාවලට ජවිපෙ එකඟ වුණොත් විසිවැනි සංශෝධනයට පක්ෂව ඡන්දය ලබාදෙන බව අප සමඟ අදහස් දැක්වූ පක්ෂ නායකයා කීය.•

මාධ්‍යවේදී ප්‍රගීත් එක්නැළිගොඩ පැහැරගෙන ගොස් අතුරුදන් කිරීමේ සිද්ධිය පිළිබඳ පරීක්ෂණය කරන රහස් පොලිස් කණ්ඩායම එම පරීක්ෂණවලට අදාළව තවත් හමුදා නිලධාරියෙකු අත්අඩංගුවට ගනු ඇතැයි දැනගන්නට ලැබේ.

ප්‍රගීත් එක්නැළිගොඩ පළමුවර පැහැරගැනීමට සම්බන්ධ ඒඑච්94 යන ආරූඪ නාමයෙන් හඳුන්වනු ලැබූ ගිරිතලේ බුද්ධි කඳවුරට අනුයුක්තව සේවා කළායයි කියන මේජර්වරයෙකු මෙලෙස අත්අඩංගුවට ගනු ඇතැයි වාර්තා වෙයි.

මෙම සිද්ධියේ දෙවන සැකකරු වන කර්නල් සිරිවර්ධනගේ නිවස පරීක්ෂා කිරීමේදී ප්‍රගීත් පළමුවරට පැහැරගැනීමට අදාලව ගිරිතලේ බුද්ධි කඳවුර විසින් සාදනු ලැබූ වාර්තාවක් හමුවී ඇති අතර එම වාර්තාව කොළඹට රැගෙනවිත් අදාළ සම්බන්ධ කිරීම් සිදුකර ඇත්තේ මේ හමුදා නිලධාරියා විසින් බව හඳුනාගෙන ඇත. මෙම නිලධාරියා මෙම පළමු පැහැර ගැනීමේ සිට ප්‍රගීත් අතුරුදන් කිරීම දක්වා සිදුවීම් ජාලයට සම්බන්ධ බව එම පරීක්ෂණවලදී තහවුරු කරගෙන ඇත.

ආරූඪ නාමයෙන් හඳුන්වන එම හමුදා නිලධාරියා කවුරුන්ද යන්න හෙළිකරන්න යැයි රහස් පොලීසිය දිගින් දිගටම යුද්ධ හමුදා බුද්ධි අධ්‍යක්ෂගෙන් අධිකරණය හරහා ඉල්ලීම් කරනු ලැබූවත් එවැනි නාමයකින් හැඳින්වූ හමුදා නිලධාරියෙකු ගිරිතලේ බුද්ධි කඳවුරේ සිට නැතැයි පවසමින් අධිකරණයද පොලිස් පරීක්ෂණ කණ්ඩායමද නොමග යවා ඇත. එහෙත් පසුගිය ජුනි 19 වැනිදා පැවති නඩු දිනයේදී හමුදාව මෙම නිලධාරියා පිළිබද තොරතුරු ලබා දී ඇත.

එම තොරතුරුවලට අදාළව මේ වනවිට පරීක්ෂණ සිදුවෙන අතර ඒ අනුව ඉදිරියේදී අදාළ හමුදා නිලධාරියා අත්අඩංගුවට ගන්නට නියමිතය.•

ඒකාබද්ධ විපක්ෂය විසින් අගෝස්තු 02 වැනිදා කොළඹදී පැවැත්වූ විරෝධතා රැළිය සඳහා ශ්‍රී ලංකාවේ කොමියුනිස්ට් පක්ෂය සහ 16 දෙනාගේ කණ්ඩායමේ පිරිසක් සහභාගි නොවන බව වාර්තා වෙයි.

ඒ සම්බන්ධයෙන් අදහස් දක්වමින් ශ්‍රී ලංකාවේ කොමියුනිස්ට් පක්ෂයේ ප්‍රධාන ලේකම් ඩිව් ගුණසේකර ප්‍රකාශ කළේ විපක්ෂ කණ්ඩායමට පොදු අරමුණක් නොමැති නිසා එම රැළියට සහභාගි නොවන බවයි. පොදු අරමුණක් නිර්මාණය වී නැති නිසා එවැනි වේදිකාවක ඕනෑම අදහසක් ප්‍රකාශ කළ හැකි බවද ඔහු පැවසීය. ජාතිවාදී අදහස් ඇතුළු ශ්‍රී ලංකාවේ කොමියුනිස්ට් පක්ෂය එකඟ නොවන අදහස් එහිදී ප්‍රකාශ කළහොත් එය ගැටලූ‍වක් විය හැකි නිසා පක්ෂය එයට සහභාගි නොවන බවත්, පාක්ෂිකයන් අතර කැමති කෙනෙක් සිටියි නම් එම රැළියට සහභාගි විය හැකි බවත් ඔහු පැවසීය.

වාර්තා වන ආකාරයට ඒකාබද්ධ විපක්ෂය සමඟ මෑතකදී එක්වූ 16 කණ්ඩායමේ ඩිලාන් පෙරේරා, සුදර්ශනී ප්‍රනාන්දුපුල්ලේ, දයාසිරි ජයසේකර ඇතුළු කණ්ඩායමක් එම රැළියට සහභාගි නොවනු ඇතැයි වාර්තා වෙයි. ඒ පිළිබඳව කළ විමසීමකදී සුදර්ශනී ප්‍රනාන්දුපුල්ලේ මන්ත්‍රීවරිය ප්‍රකාශ කළේ තමා විදේශගතව සිට මෑතකදී ලංකාවට පැමි‚ බවත්, තමන් එම රැලියට සහභාගි වීම ගැන නොදන්නා බවත්ය. ඩිලාන් පෙරේරා මන්ත්‍රීවරයා ප්‍රකාශ කළේ 16 කණ්ඩායමේ කොළඹ දිස්ත්‍රික්කයේ මන්ත්‍රිවරුන් පමණක් එම රැලියට සහභාගි වන බවයි. එය කොළඹ දිස්ත්‍රික්කයේ රැළියක් නිසා එලෙස කොළඹ දිස්ත්‍රික්කයේ මන්ත්‍රීවරුන් පමණක් සහභාගි වන බවද ඔහු කීය. •

මහජන බැංකුවේ සාමාන්‍යාධිකාරී වසන්ත කුමාර්ගේ දීමනා සහිත මාසික වැටුප රුපියල් ලක්ෂ 21ක් වැනි ඉතා අධික මුදලක් වීම පිළිබඳව කෝප් කමිටුව විසින් ප්‍රශ්න කර ඇතැයි කෝප් කමිටුවේ සාමාජික පාර්ලිමේන්තු මන්ත්‍රීවරයෙක් අනිද්දා සමඟ පැවසිය.
පසුගිය පාර්ලිමේන්තු සතියේ කෝප් කමිටුව විසින් මහජන බැංකුවේ අධ්‍යක්ෂ මණ්ඩලය කැඳවා ප්‍රශ්න කළ අවස්ථාවේදී මේ පිළිබඳව කෝප් කමිටුව විමසා ඇත.

මහජන බැංකුවේ සාමාන්‍යාධිකාරීවරයාගේ මූලික වැටුප රුපියල් ලක්ෂ 18ක් වන අතර දීමනා සමඟ සමස්ත වැටුප රුපියල් මිලියන 2.1ක් වෙයි. එය ලංකාවේ අනෙක් බැංකුවල සාමාන්‍යාධිකාරිවරුන්ගේ වැටුප්වලට වඩා ඉතා ඉහළ වැටුපක් බව කෝප් කමිටුවේ සභාපති සුනිල් හඳුන්නෙත්ති එම අවස්ථාවේදී පෙන්වා දී ඇත. ඔහු පෙන්වාදී ඇත්තේ ලංකා බැංකුවේ සාමාන්‍යාධිකාරිවරයාගේ මාසික වැටුප රුපියල් ලක්ෂ තුනක් වන බවයි. •

මහජන බැංකුවේ සාමාන්‍යාධිකාරී වසන්ත කුමාර්ගේ දීමනා සහිත මාසික වැටුප රුපියල් ලක්ෂ 21ක් වැනි ඉතා අධික මුදලක් වීම පිළිබඳව කෝප් කමිටුව විසින් ප්‍රශ්න කර ඇතැයි කෝප් කමිටුවේ සාමාජික පාර්ලිමේන්තු මන්ත්‍රීවරයෙක් අනිද්දා සමඟ පැවසිය.
පසුගිය පාර්ලිමේන්තු සතියේ කෝප් කමිටුව විසින් මහජන බැංකුවේ අධ්‍යක්ෂ මණ්ඩලය කැඳවා ප්‍රශ්න කළ අවස්ථාවේදී මේ පිළිබඳව කෝප් කමිටුව විමසා ඇත.

මහජන බැංකුවේ සාමාන්‍යාධිකාරීවරයාගේ මූලික වැටුප රුපියල් ලක්ෂ 18ක් වන අතර දීමනා සමඟ සමස්ත වැටුප රුපියල් මිලියන 2.1ක් වෙයි. එය ලංකාවේ අනෙක් බැංකුවල සාමාන්‍යාධිකාරිවරුන්ගේ වැටුප්වලට වඩා ඉතා ඉහළ වැටුපක් බව කෝප් කමිටුවේ සභාපති සුනිල් හඳුන්නෙත්ති එම අවස්ථාවේදී පෙන්වා දී ඇත. ඔහු පෙන්වාදී ඇත්තේ ලංකා බැංකුවේ සාමාන්‍යාධිකාරිවරයාගේ මාසික වැටුප රුපියල් ලක්ෂ තුනක් වන බවයි. •