ලෝ ක කුසලානයේ දැනට පැවති තරඟ දෙස බලද්දී ඇතැම් කණ්ඩායම් අවසන් පූර්ව තරඟවලට සහභාගී වීමේ අවස්ථාව තහවුරු කරගනිමින් සිටින බව පෙනෙනවා. සටහන ලියන මොහොත වෙද්දී නවසීලන්තය අපරාජිතයි. ඉන්දියාවත් අපරාජිතයි. කෙසේ වෙතත් පුවත්පත පිටවෙද්දී මේ කණ්ඩායම් දෙක එකිනෙකා හමුවී එකක් පරාජය වී තිබේවි. මුල් තරඟ ජයගෙන ලකුණු සටහනේ ඉහළට ගිය මේ කණ්ඩායම් දෙකටම එක් පරාජයක් හෝ දෙකක් දරාගත හැකියි. වර්ෂාවෙන් ඒ තරඟය හේදී යන්නත් ඉඩක් තියෙනවා. තරඟාවලියේ දෙවැනි සතියේදී වර්ෂාවෙන් තරඟ කිහිපයක්ම සේදීයෑම වේදනාවට කරුණක්. ( වර්ෂාව පැවතුණත් තරඟාවලිය මේ කාලසීමාවට යොදාගත්තේ ඉන්දියාවේ වුමනාවට බවත් ක්රිකට් දේශපාලනය ගැන කතාකරන අය කියනවා. *
ඊට අමතරව ඕස්ටේ්රලියාව හා එංගලන්තය පරාජය බැගින් ලැබුවත් ඔවුන්ට මහා අවදානමක් දැනට නැහැ. ඉතිරි තරඟවලින් හැකි තරම් සාර්ථක වුණොත් ප්රමාණවත්. දැනට ඉහළින් සිටින රටවල් හතර ඔවුන්. එහෙත් මේ හතරේ පහළ කෙළවරේ තිබෙන ඕස්ටේ්රලියාව වැනි රටක් බිමට ඇද දමා අවසන් පූර්ව තරඟයකට රිංගාගන්නට පහළ කණ්ඩායමක් සමත් වෙන්නට ඉඩ තියෙනවා.
දැන් රටවල් කිහිපයකට මෙවර තරඟාවලියේ ඉතිරි තරඟ සියල්ලම තීරණාත්මක තරඟ ලෙස සලකමින් ක්රීඩා කරන්නට සිදුව තිබෙනවා. බටහිර ඉන්දීය කොදෙව්, ශ්රී ලංකාව, බංග්ලාදේශය හා පාකිස්ථානය යන කණ්ඩායම් හතරට ඉතිරි තරඟවලදී දක්වන දක්ෂතා අනුව ඊළඟ වටයට පිවිසිය හැකියි. දැනට කොදෙව්වන්, පාකිස්ථානය හා බංග්ලාදේශය දැවැන්ත කණ්ඩායම් බිමට ඇද දැමීමේ හැකියාව තිබෙන බව පෙන්වා තිබෙනවා. පුවත්පත පිටවෙද්දී පාකිස්ථානය හා ඕස්ටේ්රලියාව අතර තරඟයත් අවසන්ව තියේවි.
මෙය ලියද්දීත් හැම කණ්ඩායමක්ම පාහේ තරඟ කර ඇත්තේ තමන්ට මුහුණදීමට තිබෙන තරඟ නවයෙන් තුන බැගින් පමණ. දකුණු අප්රිකාවට ඉදිරියේ හමුවෙන හැම තරඟයක්ම අවසන් තරඟ ලෙස සලකමින් ක්රීඩා කරන්නට සිදුවෙනවා. තරඟ සියල්ලම ජයගත්තොත් ඔවුන්ට ඇතුලට රිංගාගත හැකිවේවි. මතක තබාගත යුත්තේ දකුණු අප්රිකාව පැරදුණු තරඟ තුනෙන් දෙකක් ඉන්දියාවට හා එංගලන්තයට බව. ඒවා විශිෂ්ඨම කණ්ඩායම් දෙකයි. තවමත් ඒ රටවල් මුණ නොගැසුණු අයගේ පරාජයන් ප්රමාණයන් අඩු වුණත්, ඉදිරියේ මොනවා වේදැයි දන්නේ නැහැ. දකුණු අප්රිකාවට මෙවර හොඳම කණ්ඩායමක් ඉන්නවා. බොහෝවිට මේ කණ්ඩායම් පහෙන් එකක් මෙවර තරඟාවලියේ විස්ම පැකේජය බවට පත්වේවි.
එළැඹෙන ඉරිදා මේ තරඟාවලියේ න්යෂ්ඨික බෝම්බය පුපුරායන්න නියමිතයි. ඒ පාකිස්ථානය හා ඉන්දියාව අතර තරඟයයි. එහි ප්රතිඵලය ගැන කතාකරන්න ඉදිරි සතියේදී හැකිවේවි. x
යුග ගැටුම
ඉන්දියාව හා ඕස්ටේ්රලියාව අතර පැවති තරඟය ඉතා රසවත් හා තීරණාත්මක එකක් වනු ඇතැයි බොහෝ දෙනා අනුමාන කළා. ඕස්ටේ්රලියාව යනු ක්රිකට් ක්රීඩාවේ හිටපු රජවරුන්. අයිපීඑල් හා විස්සයි විස්ස ක්රිකට් ජනප්රිය වෙනතුරු තිබුණු ක්රිකට්වල අංක එකේ කණ්ඩායම ඕස්ටේ්රලියාවයි. තාක්ෂණික පිතිහරඹ, ක්රිකට් උපාය උපක්රමවලට වැඩි තැනක් දුන් කාලයේ ඕස්ටේ්රලියාව අංක එකට හිටියා. එහෙත් ඉන්දියාව යනු අයිපීඑල් හා විස්සයි විස්ස ක්රිකට්වලින් පසුව බිහිවූ නව ක්රිකට්වල අංක එකේ කණ්ඩායමයි. ජවය, වේගය මත ගොඩනැඟුණු අලූත් ක්රිකට් හා තාක්ෂණයට තැන දුන් පරණ ක්රිකට් අතර මුහුණට මුහුණ හමුවක් වූ මේ තරඟය ඉතා තීරණාත්මක වුණා.
ඉන්දියාව කාසියේ වාසිය දිනා පන්දුවට පහරදීමේ නිවැරදි තීරණය ගත්තා. ඕස්ටේ්රලියානු පන්දු යවන්නන්ගෙන් ඉන්දියාවට තීරණාත්මක අභියෝගයක් එල්ලවුණේ නැහැ. ආරම්භක පිතිකරුවන් වන රෝහිත් ෂර්මා හා ෂිකර් ධවාන් ලකුණු 127ක දැවැන්ත සම්බන්ධයක් ගොඩනැඟුවා. ඒ පදනම වැටුණාට පසුව ඉන්දීය ඉනිමක් ලකුණු 300ට මෙපිට සීමා කරගැනීම කළ නොහැක්කක්. විරාත් කෝලිත් ධවාන් සමඟ සාර්ථක සම්බන්ධතාවයක් ගොඩනැඟූ පසුව පසුපෙල අධිවේගී පිතිකරු හාර්දික් පාන්ඩ්යාව කලින් පිටියට එවීම හොඳ ක්රිකට් උපක්රමයක් වුණා. ඔහු පන්දු 27ක් තුළ වේගවත් ලකුණු 48ක් රැුස්කරමින් ඉන්දීය ඉනිම අධිවේගී එකක් කළා. 350ට වැඩි ඉලක්කයක් ඕස්ටේ්රලියාවට ලැබුණා.
ඕස්ටේ්රලියානු පිතිකරුවන් මුල සිට පෙන්වුවේ මන්දගාමීත්වයක්. වෝනර් පන්දු 84කින් ලකුණු 56ක් ලබාගැනීම, ෆින්ච් පන්දු 35කින් ලකුණු 36ක් ලබාගැනීම හා ස්මිත් පන්දු 70කින් ලකුණු 69ක් ලබාගැනීම යහපත් බව මතුපිටින් පෙනුණු බව ඇත්ත. එහෙත් මෙවැනි දැවැන්ත ලකුණු පුවරුවක් හඹායද්දි පන්දු 84කට මුහුණදුන් ආරම්භක පිතිකරුවා ශතකයක්වත් රැුස් කර තිබිය යුතුයි. ස්මිත්ගේ පන්දු 70 දීත් ශතකයක්වත් ලකුණු පුවරුවේ දිස්විය යුතුයි. මැදපෙළින් ආ කවාජා, මැක්ස්වෙල් හා කැරේ සටන්කාමීත්වයක් පෙන්නුවත් ඉනිම ගොඩනඟද්දී ඉදිරිපෙළ පිතිකරුවන් පෙන්වූ පසුගාමී පිතිකරණය නිසා ඒ ඉනිම් කිසිවකින් වැඩක් වුණේ නැහැ.
ඕස්ටේ්රලියාව තමන්ගේ ගිනිකෙලි සංදර්ශනකරුවා වන ග්ලෙන් මැක්ස්වෙල්ව ඉදිරිපෙළ පිතිකරුවෙක් ලෙස පිටියට එව්වානම් ඉන්දියාවට අභියෝග කිරීමේ හැකියාවක් තිබුණු බව විස්තර විචාරයේ සිටි ප්රවීණයන් කී කතාව. අවසානයේ ඉන්දීය ලකුණු පුවරුවට අභියෝග නොකරම, ඉන්දීය ක්රිකට් වඩා හොඳ බව පිළිගනිමින් නිහඬ වෙන්නට ඕස්ටේ්රලියාවට සිදුවුණා.
ඉන්දියාවට ලොව හොඳම පන්දු යවන්නා වන ජස්ප්රිට් බුම්රා ඉන්නවා. එහෙත් ඔහුගෙන් පමණක් යැපෙන්නට ඉන්දීය පන්දු යවන බලඇණිය සූදානම් නැහැ. මුල් වට කිහිපයේදී එක් අන්තයකින් බුම්රා මරණයේ පන්දු එවද්දී අනෙක් අන්තයෙන් බුවනේෂ්වර් කුමාර්ද පිතිකරුවන්ව බැඳ තබන්නට සමත්. කලෙක මාලිංගගේ සහායට කුලසේකර සිටියාක් මෙන්. එතැනින් නවතින්නේ නැහැ. ආරම්භක පන්දු යවන්නන්ගේ පන්දු ඕවර අවසන් වූ විගස පිටියට එන දඟපන්දු යවන්නන්ද කඩුලූ ගැනීමට සමත් අය. චාදල් ප්රමුඛ මැදපෙල පන්දු යවන්නන් පසුගිය තරඟ කිහිපයේම කඩුලූ කිහිපයක් තම මලූවලට දමාගත්තා. x
අපේ වාසනාව
ඇත්තෙන්ම මුල් තරඟ හතරක් අවසන් වූ පසුවත් පරාජයන් එකක් පමණක් ලබා ලකුණු සටහනේ පස්වැනි ස්ථානයේ ආරක්ෂා වීම අපේ කොල්ලන්ට වාසනාවක්. අපි විශිෂ්ඨම කණ්ඩායම රැුගෙන නොගිය බව කවුරුත් පිළිගන්නා නිසා අප මෙවර අවසන් පූර්ව තරඟවලට රිංගාගතහොත් ඒ වාසනාව නිසායි. වර්ෂාව ක්රීඩා තරඟාවලියකට හොඳ තත්වයක් නොවුණත්, දැන් තරඟ දෙකක්ම වර්ෂාවට සේදී ගොස් හමාර නිසා අප ඉදිරිය ගැන කල්පනා කළ යුතුයි.
ඇත්තෙන්ම ශ්රී ලංකාවට ලැබුණු පළවැනි තරඟ හතරම අනෙක් තරඟවලට සාපේක්ෂව ජයගැනීමට යම් බලාපොරොත්තුවක් හෝ තිබුණු තරඟ හතරක්. නවසීලන්තය මේ වෙද්දී ලොව හොඳම කණ්ඩායමක් වුව, මීට පෙර නවසීලන්තය සමඟ මුහුණට මුහුණ ගැටී ජයගැනීමේ අත්දැකීම් නිසා ඔවුන්ව කෙසේ හෝ පරාජය කරන්නට යම් අවස්ථාවක් තිබුණා. ඉන්පසුව ආ තරඟ තුන වන අපේ කලාපයේ ඇෆ්ගනිස්ථානය, බංග්ලාදේශය හා පාකිස්ථානය යන කණ්ඩායම් තුන පරාජය කරන්නට හැකිවුණානම් ඉදිරියේදී එන්නට නියමිතව තිබුණු ඕස්ටේ්රලියාව, ඉන්දියාව, එංගලන්තය, බටහිර ඉන්දීය කොදෙව් හා දකුණු අප්රිකාව යන වඩා ප්රබල කණ්ඩායම්වලින් දෙකක් කෙසේ හෝ පරදවා පළවැනි කණ්ඩායම් හතර අතරට රිංගාගන්නට අවස්ථාවක් ශ්රී ලංකාවට තිබුණා. එහෙත් මේ වෙද්දී ඒ සැලසුම් වෙනස් කරගන්නට සිදුවෙනවා.
ශ්රී ලංකාවට මෙවර තරඟාවලියේදී බලාපොරොත්තුවක් තබන්නට නම් ඕස්ටේ්රලියාව, ඉන්දියාව, එංගලන්තය, බටහිර ඉන්දීය කොදෙව්, දකුණු අප්රිකාව යන තරඟ පහෙන් දෙකක් හෝ තුනක් ජයගන්නට සිද්ධවෙනවා. ශ්රී ලංකා ක්රිකට් කණ්ඩායමට එය කළ නොහැක්කක් නොවන බව ලියුම්කරුට දැඩි විශ්වාසයක් තියෙනවා. ලංකාවට නැත්තේ එයට අවශ්ය දක්ෂතාවය නොවෙයි. ජයගැනීමේ රිද්මයකුයි. ජයගැනීමේ වුවමනාවකුයි. පසුගිය තරඟ දෙස බලද්දී ඒ වුවමනාව තිබෙන්නේ මාලිංගට හා කරුණාරත්නට පමණක් බව පෙනෙනවා. කුසල් ජනිත් පෙරේරා තමන්ට උපතින් ලැබුණු ක්රිකට් ක්රීඩා කරමින් සිටිනවා.
කොහොම වුණත් ඇෆ්ගනිස්ථානයට එරෙහි තරඟය නම් ශ්රී ලංකාවට ලැජ්ජාවක්. තරඟාවලියේ දුර්වලට එරෙහි තරඟයේදී මෙසේ කඩාවැටීම කණගාටුවක්. දිමුත් කරුණාරත්න හා කුසල් පෙරේරා ඉනිමට සාර්ථක ආරම්භයක් ගනිමින් පළමු කඩුල්ලට ලකුණු 92ක සම්බන්ධයක් ගොඩනැඟුවා. ඉන්පසුව ආ තිරිමාන්න ලකුණු 25කට දැවීගියා. එය අංක තුනට පැමිණෙන කණ්ඩායමේ හොඳම පිතිකරුවාගේ හැටියට පුංචි ලකුණු ප්රමාණයක් වුණත් අනෙක් පිතිකරුවන්ට සාපේක්ෂව විශාල ලකුණු ප්රමාණයක් වුණා. ඉන්පසුව පැමිණි කුසල් මෙන්ඩිස්, ඇන්ජලෝ මැතිව්ස්, ධනංජය ද සිල්වා, තිසර පෙරේරා යන පිතිකරු ලැයිස්තුවේ සියලූදෙනාම ලකුණු දෙකක් හෝ ඊට අඩුවෙන් ලබා දැවීගියේ ලැජ්ජා සහගතම තත්වයකට ඉනිම ඇද දමමින්. කුසල් පෙරේරා පමණක් තනිව පිටියේ රැුඳී සිට අටවැනි කඩුල්ල ලෙස දැවී ගියේ මැදපෙළ එක් පිතිකරුවෙකුගේ හෝ සහාය අනෙක් අන්තයෙන් ලැබුණානම් ශතකයක් ලබන්නට තිබුණු අවස්ථාව අත්හැර දමමින්. ශ්රී ලංකාවට ඉදිරියේදී විස්ම පැකේජයට බවට පත්වෙන්නට නම් පිතිකරුවන්ගේ මේ විකාර දැවීයෑම් අත්හැර තමන්ගේ සැබෑ හැකියාව පෙන්වන්න සිදුවෙනවා. x
මරණයෙන් අවදිවීම
ඕස්ටේ්රලියාව හා බටහිර ඉන්දීය කොදෙව්වන් අතර තරඟය මෙවර ලෝක කුසලානයේ මෙතෙක් පැමිණි හොඳම ත්රිලර් වර්ගයේ තරඟය ලෙස හැඳින්විය හැකියි. තරඟයේ පළමු පන්දුවාර දහය අවසන් වෙද්දී ඕනෑ අයෙකුට කැට තබා යමක් කිව හැකි වුණා. ඒ කොදෙව්වන් ජයගනු ඇති බවයි.
නැවතත් කොදෙව් වේගපන්දු යවන්නන්ගේ වික්රමය දැකිය හැකි වුණා. වෝනර්, ෆින්ච්, කවාජා, මැක්ස්වෙල් යන පිතිකරුවන් සිව්දෙනාව පළමු පන්දුවාර 8 ඇතුලත පේ්රක්ෂකාගාරයට යවන්නට කොදෙව්වන් සමත්වුණා. ස්මිත් හා ස්ටොයින්ස් අත මන්දගාමී වූ ඕස්ට්රලෙියාවට නැවත අභියෝග කළ 16 වැනි ඕවරයේදී තවත් කඩුල්ලක් දවාගනිමින් ලකුණු 19ක් ලැබූ ස්ටොයින්ස්වත් හරවා යවන්නට සමත්වුණා. ඒ වෙද්දී තිබුණේ ලකුණු 79ට කඩුලූ 5ක් ලෙසයි. පන්දුවාර 16කුත් අවසාන වූ පසුව යම් ඉනිමක් මෙතැනට ඇදවැටීම මරණයට පත්වීමක් බඳුයි. මෙවැනි ඉනිමක් අසීරුවෙන් ගොඩගත්තද උපරිමයෙන් ලකුණු 250 ආසන්නයට පණ අදිමින් යා හැකිවේවි. ඒ ලකුණු ප්රමාණය කොදෙව්වන් වැනි දැවැන්ත පිතිකරු පිලකට එරෙහිව රැුකගැනීම පහසු වික්රමයක් නොවෙයි.
එහෙත් ඉන්පසුව ඕස්ටේ්රලියානු නායක ස්ටීව් ස්මිත්, ඇලෙක්ස් කැරේ හා නේතන් කොල්ටර් නීල් යන පිතිකරුවන් තිදෙනා ඉනිම මරණයෙන් ගොඩගත්තා. ලකුණු 79ට කඩුලූ 5ක් වූ ඕස්ට්රලෙියානු ඉනිමේ හත්වැනි කඩුල්ල ඇදවැටුණේ ඕස්ට්රලෙියානු ඉනිම ලකුණු 248කට 7ක් දක්වා ඇදගෙන යමින්. නේතන් කෝල්ටර් නීල් පසුපෙල පිතිකරණයෙහි යෙදෙන තුන් ඉරියව් ක්රීඩකයන්ගේ වටිනාකම කියාපාමින් ලකුණු 92ක් රැුස්කළා. ඔහුට ශතකය ලැබීමට නොහැකි වීම අවාසනාවක්. කෙසේ හෝ අවසානයේදී ඕස්ට්රලෙියාව ලකුණු 289ක ඉලක්කයක් කොදෙව්වන්ට ලබාදුන්නා.
කොදෙව්වන්ට ඒ ඉලක්කය හඹායෑම අසීරු නැහැ. ඔවුන්ගේ සම්පූර්ණ පිතිකරු බලඇණිය අංක නවය දක්වාම දිවයනවා. ඕනෑ වෙලාවක දැවැන්ත හයේ පහරක් ශක්තිමත් කොදෙව් පිතිකරුවන්ගේ සාක්කුවෙහි තියෙනවා. එහෙත් පැට් කමින්ස් හා මිචෙල් ස්ටාර්ක් කොදෙව් ඉනිම සම්පූර්ණයෙන්ම වනසන්නට සමත්වුණා. අන්තිමේ මිචෙල් ස්ටාර්ක්ගේ නම ඉදිරියෙන් කඩුලූ 5ක් ලියැවෙද්දී කොදෙව්වන් ලකුණු 278කට සීමාවුණා. සාර්ථකව ලෝක කුසලාන ගමන ඇරඹූ කොදෙව්වන් ඕස්ට්රලෙියාවට එරෙහිව අතට ගත් ජය කටට දමාගන්නට අසමත් වුණා. x
අපි කවුරුද
ඉන්දියානු එක්දින ක්රිකට් කණ්ඩායම අයිපීඑල් නිසා මාසයකට වැඩි කාලයක් තිස්සේ අන්තර්ජාතික තරඟයකට සහභාගී වී තිබුණේ නැහැ. අවසන් වරට ඉන්දියාව සහභාගී වූ තරඟාවලිය පරාජය වී තිබුණා. ඒ නිසා ලොව ප්රබලම කණ්ඩායමක් වුව ඉන්දියාව ශක්තිමක් දකුණු අප්රිකාවට එරෙහි පළමු තරඟය ජයගැනීමේ අභියෝගයක සිටියා. ඉන්දියාව දකුණු අප්රිකාවට එරෙහි තරඟය ජයගත්තේ තමන් කවුදැයි පෙන්වමින්. තමන්ගේ පිතිකරුවන්ගේ ශක්තියත්, පන්දු යවන්නන්ගේ ශක්තියත් ඒ තරඟයේදී ඉන්දියාව නිවේදනය කළා.
අප පෙර සතියේදී කීවේ ඉන්දියාව අන්තර්ජාතික ක්රිකට් නාටකයේ දුෂ්ඨයන් බවයි. හැකියාවෙන් පිරි විශිෂ්ඨ දුෂ්ඨයන්ගේ චරිතයට මනාව පණ පොවමින් ඉන්දියාව සාර්ථක ආරම්භයක් ගත්තා. මුලින් පන්දුවට පහරදුන් දකුණු අප්රිකාව බිඳ දමන්නට ඉන්දියානු පන්දු යවන්නන් සමත්වුණා.
ඉන්දියාව නූතන ඉතිහාසයේ පළවැනි වරට තරඟාවලියේ හොඳම පන්දු යැවීමේ බලඇණිය ලෝක කුසලානයකට රැුගෙන ආවා. මෙවර ඔවුන්ට ඉන්නේ සහීර් ඛාන්ලා හර්බජන් සිංලා නොවෙයි. දරුණු මරණීය පන්දු යවන්නන්. ඇත්තෙන්ම දැනට පැවති තරඟ දෙස බලද්දීත් ඉන්දීය බලඇණියට මුහුණදෙන පිතිකරුවන්ට කුමන මොහොතේ හෝ පේ්රක්ෂකාගාරයට හැරී යන්නට සිදුවේයැයි බියකින් පසු පාදයේ පිතිකරණයෙහි යෙදෙන්නට සිදුවූ අයුරු පෙනෙනවා. ජස්ප්රිට් බුම්රා යවන හැම පන්දුවක්ම දවාගැනීමකට ආසන්න පන්දුවක් බඳුයි. ඉන්දීය පන්දු යැවීමේ බලඇණිය ලොව පිතිකරු කණ්ඩායම් පරීක්ෂණයට ලක්කරන පරීක්ෂණ වැඩබිමක් වගෙයි.
බුම්රාගේ හැම පන්දුවක්ම එක්කෝ යන්තමින් පිත්තේ වැදී නොවැදී කඩුල රකින්නා වෙත ගියා. නැතිනම් පිත්තේ වැරදි තැනක වැදුණා. බුම්රා සිය පළමු පන්දු සැසිය අවසන් කළේ දැඩි අසීරුවෙන් පන්දුවලට මුහුණදෙමින් සිටි හෂීම් අම්ලාගේ හා ක්වින්ටන් ඩිකොක්ගේ කඩුලූ දවාගෙනයි. ආරම්භක පන්දු සැසියේදී බුම්රා ගෙනදුන් ආරම්භය දෙවැනි පන්දු සැසියේදී දඟපන්දු යවන යුල්වේන්ද්ර චාදල් සම්පූර්ණ කළා. චාදල් මැදපෙල කඩුලූ තුනක් දවාගත්තා. එයින් පසුව භයානක ඩුමිනිගේ කඩුල්ල කුල්දීප් යාදව් දවා ගත්තා. ඒ විදියට දකුණු අප්රිකානු ඉනිමට යන්තමින්වත් බලාපොරොත්තුවේ හිස ඔසවන්නට ඉඩ නොදී ලකුණු 227 සිර කර තබන්නට ඉන්දීය පන්දු යවන්නන් සමත්වුණා. එයින් පසුව පිටියට ආ ඉන්දීය පිතිකරුවන් කළේ පන්දු යවන්නන්ගේ කාර්යභාරය සම්පූර්ණ කිරීම පමණයි. ඕනෑම කුසලානයක ඉන්දියාව එක දෙයක් ගැන ප්රකටයි. ඒ විශිෂ්ඨම පිතිකරු කණ්ඩායමක් රැුගෙන ඒම ගැනයි. මෙවරත් ඔවුන්ට ඒ ශක්තිය තිබෙන බව පිතිකරුවන් පෙන්වුවා. කඩුලූ 4ක් පමණක් දැවි ඔවුන් තරඟය ජයගත්තා. රෝහිත් ෂර්මා පහසුවෙන්ම ලකුණු 122ක් රැුස්කළා. ඔහුට පුංචි ලකුණු ප්රමාණවලින් දෝනි, ලෝකේෂ් රාහුල්, කෝලි, පාන්ඩ්යා ඇතුලූ පිතිකරුවන් සහාය දුන්නා. x
