පාස්කු ඉරිදා ප්රහාරයට ලක්වූ මීගමුව කටුවාපිටිය දේවස්ථානයේ ජුලි 21 වැනි ඉරිදා පැවති දේවමෙහෙයේදී කොළඹ අගරදගුරු කාදිනල් මැල්කම් රංජිත් හිමි කළ දේශනාව හෙවත් කථාව දැඩි කතාබහකට ලක්වී තිබේ.
එම පාස්කු ඉරිදා ප්රහාරයට ප්රධාන වශයෙන් වගකිවයුතු රටේ පාලකයන් බවත්, ප්රහාරය පිළිබඳව රජයට කලින් තොරතුරු ලැබී තිබුණු බවත් එසේ තිබියදී ප්රහාරය වළක්වා ගන්නට රජය කිසිවක් නොකළ බවත් කාදිනල් හිමියන් කියා තිබුණි.
ව්යවස්ථාදායකය හා විධායකය අතර බල අරගලය හේතුවෙන් ආරක්ෂක මණ්ඩලය නොකැඳවූ බවද, අනතුරු ඇඟවීම තුට්ටුවකට ගණන් නොගත් බවද, එම නිසා අහිංසක ජීවිත තුන්සීයක් විනාශ වූ බවද ප්රතිපත්තියක් නැති නායකයන් නිසා එය සිදුවූ බවද, එම නායකයන් ගෙදර ගොස් රට කරන්න පුළුවන් අයෙකුට බාරදිය යුතු බවද කාදිනල් හිමි ඒ සම්බන්ධයෙන් වැඩිදුරටත් ප්රකාශ කර තිබුණි.
විශේෂයෙන්ම කාදිනල් හිමි එහිදී ප්රකාශ කර තිබුණේ මේ පාස්කු ඉරිදා ප්රහාරය ජාත්යන්තර ක්රමන්ත්රණයක් බවය. විදේශීය බලවේගවලට රටට අත පොවන්නට ඉඩ නොදිය යුතු බවය. ඒ සඳහා රටේ නායකයන්ගේ කොන්ද පණ නැති බවය. එක්සත් ජාතින්ගේ සංවිධානය ඇත්ත නැත්ත කරන නැත්ත ඇත්ත කරන සංවිධානයක් බවය.
ඉරිදා දේව මෙහෙයන්වලදී පමණක් නොව පන්සල් හා වෙනත් ස්ථානවලට ගොස් මාධ්ය ඉදිරියේ කාදිනල් හිමි කරන ප්රකාශ ජේසුස් වහන්සේගේ කන්ද උඩ දේශනාව වැනිදෝ සිතන තරම්ම ඒවායින් බොහෝ කතෝලිකයන්ට ලැබෙන්නේ උත්තේජනයන්ය. කතෝලිකයන්ටත් වඩා එම දේශනා කථාවලදී සිංහල බෞද්ධ ජාතිකවාදී බලවේග උත්තේජන ලබන බවට සැක නැත.
කාලයක් තිස්සේ සිටම කාදිනල් හිමිට බටහිර විරෝධයක් තිබේ. එය ජේසුස් වහන්සේ කුරුසියේ ඇණ ගසා සිටියදී වතුර ඉල්ලූ විට දුන්නායැයි කියන තිත්ත කාඩිය වැනි තිත්තක්ය. සිංහල බෞද්ධ සංස්කෘතිය යැයි කියනු ලබන දෙය තුළ දියවුණු කතෝලික ආගමක් ගැන ඔහු කියයි. එහිදී සිහිවන්නේ ලතින් භාෂාවෙන් දිව්ය පූජා පැවැත්විය යුතු බවට පසුගිය කාලයේ ඔහු දුන් උපදෙස්ය.
කතෝලික දහම ලංකාවට ආවේ පෙරදිගින් නොව බටහිරින්ය. එහි මූලස්ථානය අද ඇත්තේ බටහිරය. ශ්රී ලංකාවේ කතෝලික සභාව යනු වතිකානුවේ සිට ක්රියාත්මක වන පාප්තුමන් මුල් කරගත් කතෝලික සභාවේම ශාඛාවකි. කතෝලික පූජකයන්ට පදවි තානාන්තර ලැබෙන්නේ වතිකානුවේ අනුදැනුම මතය. කාදිනල් හිමිගේ කාදිනල් පදවියද එසේ පාප්තුමන්ගෙන් ලැබුණු එකක්ය.
බටහිර ප්රතික්ෂේප කරනවා නම් බටහිරෙන් ලැබුණු ආගමද, තානාන්තරද අත්හළ යුතුය. එපමණක් නොව බටහිරින් ලැබෙන ආධාරද ප්රතික්ෂේප කළ යුතුය. එසේ නොකර දෙසන බණ වැදි බණ මිස වෙන කුමක් කියා හඳුන්වමුද?■
කන්ද උඩ දේශනාව : ආමේන්!
ඉන්දියාව සලකා බලන්න හදන අප අතහැර දැමූ මහේල
මහේල ජයවර්ධන, කුමාර් සංගක්කාර, ටීඑම් ඩිල්ෂාන් වැනි ක්රීඩකයන් සමුගත් පසු අපේ ක්රිකට් හැල්මේ පහළට වැටෙන්නට විය. එයට ප්රධානම හේතුව ලෙස කිව හැක්කේ කණ්ඩායමට නිරන්තරව සිදුවූ දේශපාලන බලපෑම් මැඬ සාර්ථකත්වයට යන්නට මෙම ක්රිකට් දැවැන්තයන්ට පසුව බිහිවූ නායක උපනායක යන තනතුරුවලට නොහැකි වීමය. මෙනිසා මැතිව්ස්ගේ නායකත්වය මෙන්ම දිනේෂ් චන්දිමාල් වැනි යොවුන් ක්රීඩකයෙකුගේ නායකත්වය ගෙඟ් ගහගෙන ගියේය. මේ දෙදෙනාම ක්රිකට් දේශපාලනයට යටවූ බව පොදු පිළිගැනීමය. මෙම තත්ත්වය තුළ කණ්ඩායමට අත්වූ සෝචනීය ඉරණමට විරුද්ධව සටන් කළේ ලසිත් මාලිංග පමණි. එම සටනට ඔහුට පෙරළා ලැබුණේ කැපිලි කෙටිලිය. එම කැපිලි කෙටිලි කෙතරම් දැයි පෙනුණේ ඔහුගේ නායකත්වය යටතේ සමහර ක්රීඩකයන් ක්රීඩා කරන්න අකමැති වීමය. ලෝකයේ වෙනත් රටවල ක්රිකට් කණ්ඩායම්වල මෙවැනි ප්රශ්න ඇතිවෙනවාදැයි සැක සහිතය. ඒ මන්ද විනය නීතිරීති ඒ තරම්ම ඒ රටවල ප්රබල නිසාය.
මෙලෙස ක්රිකට් අර්බුදය එන්න එන්නම උත්සන්න වන විට අප කළේ කවදත් කරන ලෙස හිසේ රුදාවට කොට්ටය මාරු කිරීමය. එසේ මාරු කළ එක කොට්ටයකි හතුරුසිංහ. චන්දික හතුරුසිංහ පුහුණුකරු ලෙස පත්කළ පසුව ඔළුව කැක්කුම සුවවෙනු ඇතැයි ක්රිකට් ගොඩවෙදුන් කොච්චර කීවත් අන්තිමට සිදුවුණේ ඔළුවේ කැක්කුම ඉරුවාරදයක් වීමය. දැන් ඉතිං මොළයේ සැත්කමකින් තොරව මේ ඔළුවේ කැක්කුම නැතිකරනවා බොරුය.
මේ ඔළුවේ කැක්කුම නතර කරගන්නට බෙහෙත් යෝජනා කළ එක් අයෙකි මහේල ජයවර්ධන. ඒ 2015 තරම් ඈතකදීය. ඒ සිදත් වෙත්තමුණි අන්තර් පාලන සභාපති ලෙස සිටින කාලයේය. එහෙත් ලංකාවේ ක්රිකට් පණ්ඩිතයෝ මහේලගේ යෝජනා කුණු කූඩයට විසි කළෝය. දැන් මහේල ජයවර්ධනට ඉන්දියානු ජාතික කණ්ඩායමේ ප්රධාන පුහුණුකරුධුරය ලැබෙන්නට යනවා යැයි කතාවක් තිබෙන්නේය. ඒ අප තවත් පුහුණුකරුවෙකු සොයන ඇසිල්ලකය. දැනගන්නට තිබෙන ලෙස ඔහු එම පුහුණුකරුධුරයට අයැදුම්කර තිබේ. ඉන්දියානු ක්රිකට් පාලක මණ්ඩලය තමන්ගේ ජාතික කණ්ඩායමේ පුහුණුකරු ලෙස පත්කරගන්නා පුද්ගලයාට තිබිය යුතු සුදුසුකම් ගොන්නක් ගැන සඳහන් කරයි. එම ගොන්නට අනුව මහේල ජයවර්ධන ඉහළින්ම සුදුසුය.
ඊටත් වඩා සිත්ගන්නා කතාව වන්නේ එම ධුරයට අයැදුම් කර ඇති අනෙක් පුද්ගල නාමාවලිය සහ ඔවුන්ගේ සුදුසුකම් දෙස බලන විට මහේල එම ගොනුව තුළද ඉදිරියෙන්ම සිටීමයි. අයිපීඑල් තරගාවලිය තුළ මුම්බායි ඉන්ඩියන්ස් කණ්ඩායමේ පිතිකරණ පුහුණුකරු වීමද මහේලට අමතර සුදුසුකමක් වෙනු ඇත. මහේලට මෙම තනතුර ලැබුණා නොලැබුණා, මහේල පිළිබඳව අලූත් වූ මේ කතාබහ තුළ මහේලගේ ක්රිකට් ගොඩනැගීමේ යෝජනාවලිය නැවත සංවාදයට විවෘත කිරීම හොඳ දෙයකි. ලෝක කුසලානයෙන් පසුව ලංකාවේ ක්රිකට් උඩුයටිකුරු කරනවා යැයි කෑගැසූ ක්රීඩා අමාත්ය හරීන් ප්රනාන්දුට වුවත් ඕනෑ නම් මේ යෝජනා පිළිබඳව සලකා බලන්නට හැකිය. අනික් පැත්තෙන් අප දැන් පුහුණුකරුවෙකු සොය සොයා සිටින තත්ත්වය තුළ ඕනෑ නම් මහේල ජයවර්ධන පිළිබඳවද සලකා බැලිය හැකිය.
මහේලගේ යෝජනා
අවුරුදු 24 න් පහළ පළාත් තරගාවලියක් පැවැත්වීම. ඊට එම පළාත් නියෝජනය කරන අවුරුදු 20න් පහළ ක්රීඩකයන් දෙදෙනකු හෝ තිදෙනෙකු ඇතුළත් විය යුතුය.
දැනටත් පවත්වාගෙන යන අන්තර් සමාජ එක්දින, තුන්දින තරගාවලි තවදුරටත් පැවැත්වීම. මීට අමතරව අන්තර් පළාත් සිවු දින, එක්දින සහ විස්සයි විස්ස තරගාවලි පැවැත්වීම. මෙම තරගාවලි සඳහා ශ්රී ලංකාව පළාත් 05 කට වෙන්කර, එම එක් එක් කණ්ඩායම ස්ථිර ක්රීඩාංගණයක් කේන්ද්රගත කර පිහිටුවා, වාර්ෂිකව නිශ්චිත කාලසීමාවකදී එම තරග පැවැත්විය යුතුය. ඔහු මෙහිදී ශ්රී ලංකාවේ ජාත්යන්තර ක්රීඩාංගණ පහක් වටා මෙම කණ්ඩායම් ගොඩනගා තරග පැවැත්වීමට යෝජනා කරන්නේය. මෙම සෑම පළාතකටම අන්තර් සමාජ කණ්ඩායම් දෙකක් හෝ තුනක් සමග එම පළාත්වල තිබෙන කණ්ඩායම් මෙන්ම එම පළාත්වල පාසල් කණ්ඩායම් ද අනුයුක්ත කළ යුතුය. මෙම යෝජනාවලට අමතරව ඔහු ක්රීඩකයන්ට ගෙවීම් කළ යුතු ආකාරය පිළිබඳවද යෝජනා ගෙන එයි.
ශ්රී ලංකාවේ ජාතික කණ්ඩායමේ කොන්ත්රාත් ක්රීඩකයන්ගේ සංඛ්යාව 30කට සීමා කළ යුතු බව කියන මහේල එම ක්රීඩකයන් ඒ බී සී ඞී ලෙස වර්ග කරමින් කොන්ත්රාත් ලබා දිය යුතු යැයි යෝජනා කරයි.. ‘ඒ‘ – වසර දහයකට වැඩි කාලයක් ක්රීඩා සමාජ තරගවලට ක්රීඩා කිරීම හෝ ශ්රී ලංකාව නියෝජනය කළ ක්රීඩකයකුට වාර්ෂිකව රුපියල් ලක්ෂ 4ක් ගෙවිය යුතු බවද, ‘බී‘ – වසර පහකට වැඩි කාලයක් ක්රීඩා සමාජ තරගවලට ක්රීඩා කරන ලද ක්රීඩකයකුට වාර්ෂිකව ලක්ෂ 3 ක මුදලක් ගෙවිය යුතු බවද, ‘සී‘ – වසර තුනකට වඩා ක්රීඩා සමාජ තරගවලට ක්රීඩා කළ ක්රීඩකයකුට වාර්ෂිකව රුපියල් ලක්ෂ 2 ක් ගෙවිය යුතු බවද, ‘ඞී‘ – අනෙකුත් ක්රීඩකයකුට වාර්ෂිකව රුපියල් ලක්ෂයක මුදලක් ගෙවිය යුතු බවද යෝජනා කරයි.
මෙම මුදලට අමතරව ක්රීඩකයකු ක්රීඩා කරන සිවුදින තරගයකට රුපියල් 80,000ක්, එක්දින තරගයකට රුපියල් 25,000ක් සහ 20-20 තරගයකට රුපියල් 15,000ක් බැගින් ගෙවීමට ද ඔහු යෝජනා කරන්නේය. ශ්රී ලංකාවේ පාසල් ක්රීඩාව දියුණු කළ යුතු බව කියන මහේල ජයවර්ධනගේ එම යෝජනාවලිය, ඒ සඳහා ශ්රී ලංකාවේ පාසල් ක්රිකට් ක්රීඩාව ප්රතිව්යුහ ගත කළ යුතු බව සඳහන් කරයි. එහිදී පාසල් ක්රිකට් තරග වයස අවුරුදු 20න් පහළ දක්වා පැවැත්විය යුතුය. මෙමගින් ක්රීඩා සමාජවලට ඇතුළු වීමට අවස්ථාව නොලැබෙන ක්රීඩකයන්ට තවත් වසරක් තරගකාරී ලෙස ක්රිකට් ක්රීඩා කිරීමට අවස්ථාව ලැබෙනු ඇත. පාසල් තරග ප්රමාණය තරග 16කට සීමා කිරීම, අවුරුදු 20න් පහළ තෙදින හෝ සිවුදින පළාත් තරගාවලියක් සහ එක්දින තරගාවලියක් පැවැත්වීම ආදිය ඔහු කරන අනික් යෝජනාය.
ශ්රී ලංකා ක්රිකට් ආයතනයේ පරිපාලනය වෙනස් විය යුතු බවත්, ශ්රී ලංකා ක්රිකට් ආයතනයේ කටයුතු නිරීක්ෂණයට පස් දෙනෙකුගෙන් යුත් කමිටුවක් පත් කළ යුතු බවත් ඔහු යෝජනා කරයි. ඔහු යෝජනා කරන එම නිරීක්ෂණ කමිටුවට දේශපාලනයට හෝ ක්රිකට් පරිපාලනයට සම්බන්ධ නොවූ ස්වාධීන පුද්ගලයන් ඇතුළත් කළ යුතුය. එම නිරීක්ෂණ ආයතනයට ශ්රී ලංකා ක්රිකට් ආයතනයේ ප්රතිපත්තිමය තීරණ නිරීක්ෂණය කිරීමට ද ක්රිකට් විධායක කමිටුවේ තීරණ සම්බන්ධයෙන් නිශේධ බලයද ලැබිය යුතුය.
මෙම යෝජනාව ඉතාමත් හොඳ මෙන්ම කාලෝචිත බව අපගේද හැඟීමයි. මෙතනින්ද ඉදිරියට ගොස් ඔහු කියන්නේ ශ්රී ලංකා ක්රිකට් විධායක කමිටුව සාමාජිකයන් 10දෙනෙකුට පමණක් සීමා කළ යුතු බවය. ඊට අමතරව ශ්රී ලංකා ක්රිකට්හි සභාපති ධුරය දෙවසරකට වරක් වෙනස් කිරීමටද, කමිටු සාමාජිකයන්ට වසර අටකට වඩා විධායක කමිටුව නියෝජනය කරන්නට බැරිවෙන ලෙසද ශ්රී ලංකා ක්රිකට් ආයතනයේ නීති වෙනස් කළ යුතු බව ඔහු යෝජනා කරන්නේය. මෙලෙස ඉතාමත් හොඳ යෝජනා රැුසක් ඉදිරිපත් වුණත් ශ්රී ලංකා ක්රිකට් අතුරු කමිටුවේ පරිපාලනය අහවරවී 2016 වසරේදී ශ්රී ලංකා ක්රිකට් ආයතනයේ සභාපති ධුරයට තිලංග සුමතිපාල මහතා ප්රමුඛ නව නිලධාරි කණ්ඩායමක් පත්වූ පසුව මහේල ජයවර්ධනගේ යෝජනා ගියේ කුණු කූඩයට ය. දැන් නැවත හරීන් ප්රනාන්දු ඇමතිවරයා මෙම යෝජනා පාර්ලිමේන්තුවට ගෙන එන බව දැනගන්නට ඇත. එය එසේ වෙනවා නම් හොඳය. ශ්රී ලංකා ක්රිකට් පරිපාලනය වෙලාගෙන තිබෙන කුණු දේශපාලනය සෝදා පිරිසිදු කළ හැක්කේ මෙවැනි යෝජනාවලියක් ක්රියාත්මක කිරීමෙන් පමණි.x
සිංහල භාෂාව ඉස්සරහාට ගෙනියන්න කවුරුත් නැහැ
පරිගණකය සඳහා අකුරු මෝස්තර නිර්මාණය කරන්නේ කොහොමද? ඔබ ඒ සඳහා යොමුවුණේ කොහොමද කියන තැනින් අපි මේ සංවාදය පටංගම්මු…
පරිගණය සඳහා අකුරු මෝස්තර නිර්මාණය කිරීමට විශේෂයෙන් හදපු මෘදුකාංග තියෙනවා. අකුරු මෝස්තර නිර්මාණ කිරීම කලාවට අයිති කාරණයක් වුණත් පරිගණකය ඇතුළෙදි ඒක තාක්ෂණික ප්රයෝගයක් බවට පත්වෙනවා. නමුත් ආධුනිකයෙකුට වුණත් ලොකු අපහසුවක් නැතුව මේ මෘදුකාංග සමඟ වැඩකරන්න පුළුවන්. මම භාවිත කළේ ෆොන්ට්ෆෝර්ජ් කියන මෘදුකාංගය. එය අන්තර්ජාලයෙන් නොමිලේ බාගත කරගන්න පුළුවන් මෘදුකාංගයක්. ඒ වගේම ඒ මෘදුකාංගලින් වැඩකරන හැටි පැහැදිලි කරන උපකාරක වීඩියෝ බොහෝ ප්රමාණයක් යූටියුබ්වල තියනවා.
මම ලියමින් ඉන්න නවකතාවක් සඳහා මට අවශ්ය වුනා අත්අකුරු ෆොන්ට් එකක්. නමුත් මගේ අවශ්යතාවට ගැළපෙන එකක් හමු නොවුණු නිසා මගේම අත්අකුරු යොදාගෙන ෆොන්ට් එකක් නිර්මාණ කරන්න හිතුවා. ඒ අනුව තමයි ‘වැලිකල’ අකුරු මෝස්තරය බිහිවෙන්නේ. එය පහුගිය මැයි මාසෙ අන්තර්ජාලයට නොමිලේ මුදා හැරියා.
භාෂාව ගැන මගේ තිබූ ඇල්ම නිසාම මේ වැඬේ මට ඉතා රසවත් අත්දැකීමක් වුණා. තාක්ෂණික දැනුම මඳකම මැඬගෙන වුණත් මේ තරම් දුරකට එන්න හැකිවුණේ ඒ ඇල්ම නිසායි.
සිංහල භාෂාව ගත්තොත් ක්රමික විකාශනයක් තමයි තිබෙන්නේ. අකුරුවල හැඩයනුත් එහෙමයි. නුවර යුගයේ අකුරු නෙවෙයි ඊට පසු යුගයේ තිබෙන්නේ. හැබැයි සිංහල අකුරු මූලිකවම රවුම් හැඩතියි. මේ අදහසත් එක්ක අපි සිංහල පරිගණක අකුරේ පරිණාමය ගැන කතා කරමු.
සිංහල අක්ෂර සකස් වෙන්නේ බ්රාහ්මී අක්ෂර ඇසුරෙන්. කෝණාකාර හැඩ සහිතව තිබුණු බ්රාහ්මී අක්ෂර ගල්වල කෙටීම පහසුයි. මුල් යුගයේ සෙල්ලිපි සියල්ලම පාහේ ලියවෙන්නෙ බ්රාහ්මී අක්ෂරවලින්. නමුත් 3 වන සියවසෙන් පමණ පසුව පුස්කොළ භාවිතාව ප්රචලිත වුණාට පස්සෙ සිංහල අක්ෂර ක්රමානුකූලව ලතාකාර හැඩයකට ළං වෙනවා. මොකද පුස්කොලේ ඉරෙන නිසා එහි කෝණාකාර හැඩ අඳින්න බැහැ. මේ ලතාකාර අක්ෂර මුද්රණ යන්ත්රයට පහසු විදියට සකස් කරනකොට තමයි වර්තමාන අපි භාවිත කරන වෘත්තාකාර හැඩයට සකස් වෙන්නේ.
ඉස්සර මොකක් හරි දැන්වීමක් ගහන්න ඕනෑ වුණාම ෆිල්ම් එකක කටවුට් එකක් ගහන්න ඕනෑ වුණාම අකුරු අඳින එක තමයි කළේ. දැන් මේ දේවල් ගොඩාක් වෙලාවට පරිගණකය තුළින් තමයි කරන්නේ ඒ තත්ත්වය තුළ සිංහල අකුරු මෝස්තර මේ විදිහට නිර්මාණය වීම කොච්චර වැදගත්ද?
පරිගණක තාක්ෂණය ඇසුරෙන් අක්ෂර නිර්මාණය වීම නිසා වාසි ගොඩක් වගේම එක ලොකු අවාසියකුත් වුණා. ඒ තමයි, අතින් ඇඳපු යුගයේ තිබුණු ඉතාමත් අලංකාර අකුරු මෝස්තර ඉබේම වියැකී ගිහින් සීමිත අකුරු මෝස්තර කිහිපයක් පමණක් සුලබ වීම. සිංහල පරිගණක අක්ෂර නිර්මාණය වෙන්න පටන් අරගෙන අවුරුදු 20ක් විතර ගතවෙලා තිබුණත් සිංහල අකුරු මෝස්තර තාමත් 200කට වඩා නෑ. එයිනුත් බොහෝමයක් අපි හැමදාම දකින ඉතාම සාමාන්ය අකුරු මෝස්තර. ඒ නිසා තමයි පොත් කවරෙකට හෝ වෙනයම් කටයුත්තකදී ඊට සරිලන අකුරු වෙනමම නිර්මාණ කරගන්න සිද්දවෙන්නේ. එකකට එකක් වෙනස් අකුරු රටා බහුල වීම එවැනි නිර්මාණ කටයුතුවලට පහසුවක්.
මම හිතන්නේ අපිට දැන් ඔබගේ මතක අකුරු ගැන කතාකරන්න පුළුවන්.. කොහොමද මේ අකුරු මෝස්තර ත්රිත්වය නිර්මාණය වෙන්නේ..
මගේ පළවෙනි අකුරු මෝස්තරය වූ වැලිකල අකුරු මෝස්තරය මේ වන විට දසදහසකට වැඩි බාගත කිරීම් ප්රමාණයක් සම්පූර්ණ කරලා තියනවා. ඒ වගේම එයට ඉතාමත් හොඳ ප්රතිචාර ලැබුණා. ප්රධාන පෙළේ බැංකු සහ ව්යාපාරික සමාගම් රැුසකම ෆේස්බුක් පෝස්ට් සඳහා ඒ අකුරු යොදා ගත්තා. ඒ හරහා ලැබුණු උත්තේජනය ඔස්සේ තමයි ‘මතක අකුරු’ ෆොනුරූ ත්රිත්වය නිර්මාණ වෙන්නේ. ඒ සඳහා මං යොදා ගත්තේ යුග තුනක ජනප්රිය සිංහල අකුරු රටා තුනක්. ඉන් පළමුවැන්න ‘සෙල්ලිපි’ අකුරු මෝස්තරය. ඒ සඳහා යොදාගත්තේ ක්රි.ව. 3වන සියවසේ සිට 15වන සියවස පමණ දක්වා කාලය තුළ ලියැවුණු සෙල්ලිපි රැුසක අක්ෂර. සෙල්ලිපිවලට අමතරව පනාකඩුව තඹ සන්නස වැනි මූලාශ්රයනුත් මේ සඳහා යොදා ගත්තා. සෙල්ලිපි යුගයේ නොතිබූ මහාප්රාණ සහ ‘ෆ’ වැනි අකුරු අලූතින් නිර්මාණ කළා.
දෙවැනි අකුරු මෝස්තරය ලෙස මම තෝරගත්තේ 1800 ගණන්වල අවසාන භාගයේ පමණ සිට ලංකාවේ මුද්රණාලවල ජනප්රියව පැවති අච්චු අකුරු රටාවක්. එය නම් කළේ ‘ ඕල්ඞ් ප්රෙස්’ නමින්. තෙවැන්න ටයිප්රයිටර් අකුරු මෝස්තරය. 1956න් පමණ පසුව සිංහල භාෂාවෙන් පරිපාලන කටයුතු කිරීම සඳහා හඳුන්වාදුන් සිංහල ටයිප්රයිටර් යන්ත්රයේ භාවිත වූ අකුරු තමයි ‘ටයිප්රයිටර්’ නම් අකුරු මෝස්තරය සඳහා යොදා ගැනුණේ. මේ අකුරු මෝස්තර ත්රිත්වය ෆොනුරු එහෙමත් නැත්නම් ෆොන්ට්ස් විදියට https://akurufoundry.org/ යන වෙබ් අඩවියෙන් දැන් නොමිලේ බාගත කරගන්න පුළුවන්.
ඔබ අකුරු මෝස්තර නිර්මාණ කරුවෙකු විතරම නෙවෙයි. ඔබගේ අනිකුත් කලා භාවිතාවන් සහ මේ නිර්මාණ ලෝකය අතර සම්බන්ධය කොහොමද?
මම නාට්ය ක්ෂේත්රයේ කලක් තිස්සේ වැඩ කරමින් ඉන්න කෙනෙක්. පිටපත් රචකයෙකු සහ වේදිකා පරිපාලකයෙකු විදියට රාජ්ය සහ යෞවන සම්මාන කිහිපයකුත් දිනාගෙන තියනවා. ඊට අමතරව පුවත්පත් කිහිපයකට නිදහස් ලේඛකයෙකු විදියට කලා විචාර ලියමින් ඉන්නවා. ඉඳහිට කවියක් දෙකක් ලියවෙනවා. වෘත්තියෙන් වෙළඳ දැන්වීම් නිර්මාණ රචකයෙකු වීම සහ කොළඹ ආශ්රිතව ජීවත් වීම නිසා නිරන්තරයෙන් කලාව ස්පර්ශ කරන්නත් ඒ හා ගනුදෙනු කරන්නත් අවස්ථාව ලැබීම ගොඩක් හොඳ අවස්ථාවක්. අකුරු නිර්මාණ කිරීම පිළිබඳ අදහස පවා පිළිසිඳ ගත්තේ එවැනි පරිසරයක ජීවත් වීම නිසයි.
පරිගණක ලෝකයට තවම සිංහල භාෂාව ආගන්තුකයි කියලා තමයි ඉංග්රීසි භාෂාව ගැන එහෙම කල්පනා කරනකොට හිතෙන්නේ. ඇයි අපේ භාෂාව එහෙම වේගයෙන් සංවර්ධනය නොවෙන්නේ? ඒක භාෂාවෙ අවුලක්ද නැත්තං නිර්මාණකරුවන්ගේ අවුලක්ද?
ලෝකයේ තාක්ෂණය සහ එහි ඉදිරි ගමන සම්බන්ධයෙන් සියලූ තීන්දු තීරණ ගැනීමේ බලය තියෙන්නේ ඇමරිකාවට. ගූගල්, ඇපල්, මයික්රොසොෆ්ට් වැනි ජනප්රිය සමාගම් සියල්ලම පාහේ ඇමරිකානු සමාගම්. ඔවුන්ගේ අනාගත ඉලක්ක ඉතාමත් ඉදිරිගාමීයි. එවැනි පසුබිමක ලංකාව වැනි පරිධියේ රටවල් හෝ ඒ රටවල භාෂාවට ඉඩක් සැලසීම කියන එක ඔවුන්ට ඒ තරම් වැදගත් කාරණාවක් නෙවෙයි. බිලියන 8කට ආසන්න ජනගහනයක් ජීවත්වන ලෝකයක මිලියන 15ක පමණ භාෂක සමාජයකට වැදගත්කමක් හිමි වේ යැයි විශ්වාස කරන්න අමාරුයි. නමුත් එහෙම කියලා අපිට භාෂාවේ සංවර්ධනය වෙනුවෙන් මැදිහත් නොවී ඉන්න බැහැ. සිංහල ජාතිය, බුද්ධාගම බේරගන්න ඊනියා සංවිධාන සහ මැර කල්ලි ඕනෑ තරම් තියනවා. නමුත් සිංහල භාෂාව හෙට දවසේ තාක්ෂණයත් එක්ක ගළපාගෙන ඉස්සරහට ගෙනියන්න කවුරුත් නෑ. ඉතාමත් සුළු පිරිසක් විතරක් හුදෙකලා සටන්වල නිරත වෙලා ඉන්නවා. භාෂාවේ අනාගත අභියෝග එක්ක බලනකොට ඒ මැදිහත් වීම කොහෙත්ම ප්රමාණවත් නෑ.
ඔබ දැන් මේ අකුරු මෝස්තර ත්රිත්වය නොමිලේ ලබාදෙනවා. මෙතනින් එහාට ඔබ මේ කලාව එක්ක කොහොමද ගනුදෙනු කරන්න හිතාගෙන ඉන්නේ?
සිංහල භාෂාවේ අත්යවශ්ය සංස්කරණ සම්බන්ධයෙන් යම් මැදිහත් වීමක් කළ යුතුයි කියා මං හිතනවා. සිංහල භාෂාවට කලක පටන් අවශ්යව තිබුණු සෙඞ් අකුරක් :’* මගේ ෆොනුරු සියල්ලටම ඇතුළත් කරන්න තීරණය කළේ ඒ නිසයි. සෙඞ් අකුර සඳහා දැනට යෝජනා කිහිපයක්ම ඉදිරිපත් වී තිබුණත් ඉන් බොහෝ යෝජනා ප්රායෝගික නැහැ. අනෙක් අතට යෝජනා කොපමණ තිබුණත් ඒවා ෆොන්ට්ස්වලට ඇතුළත් නොවුණොත් ඒවා පොදු භාවිතාවට එන්නේ නැහැ. ඒ නිසා ඉදිරිපත් වූ යෝජනා අතරින් වඩාත් සාධනීය යැයි හිතුණු අක්ෂරයක් මගේ ෆොන්ට්වලට ඇතුළත් කළා. තාලූජ ශ හැඩයට බොහෝදුරට සමාන මේ අක්ෂරයට පිල්ලම් යෙදීමත් අපහසු නැහැ. එය සිංහල අකුරක රුවගුණ ලක්ෂණ හොඳින්ම දකින්න පුළුවන් අකුරක්.
ඊට අමතරව මතක අකුරු තුළින් එළිදැක්වූ ෆොනුරු ත්රිත්වය හෙළකුරු යෙදවුම හරහා ඇන්ඩ්රොයිඞ් ¥රකථනවල පාවිච්චියට ගැනීම සම්බන්ධයෙන් ‘භාෂා’ ආයතනය සමඟ කතාබහ කරගෙන තියෙනවා. දැනට ඒ සඳහා තාක්ෂණික බාධාවක් තිබුණත් වෙනත් ආකාරයකින් ඒ අකුරු ළඟදීම ජංගම ¥රකථනය ඔස්සේ පරිහරණය කළ හැකි ආකාරයට ගෙන එන්න හැකිවේ යැයි විශ්වාස කරනවා.
ඒ වගේම පරිගණක අකුරු මෝස්තර පැමිණීමත් එක්ක යටපත් වී ගිය පැරණි අකුරු සහ අත්අකුරු මෝස්තර කිහිපයක් ෆොනුරු විදියට ජනගත කිරීමේ අදහසක් තියෙනවා.
භාෂාව කියන්නෙත් කලාවටම අයිති කොටසක්. ඒ නිසා මේ මොහොතේ කලාව දිහාට වගේම භාෂාව දිහාටත් බුද්ධිමතුන්ගෙ අවධානය යොමු වීම ඉතාමත් අවශ්යයි.
කේ. සංජීව
භාෂාව කියන්නෙත් කලාවටම අයිති කොටසක්. ඒ නිසා මේ මොහොතේ කලාව දිහාට වගේම භාෂාව දිහාටත් බුද්ධිමතුන්ගෙ අවධානය යොමු වීම ඉතාමත් අවශ්යයි.
කේ. සංජීව
මුස්ලිම් වාර්තාකරු අස්ගිරියෙන් දොට්ට
ගුවන් හමුදාපති එයාර් මාර්ෂල් සුමංගල ඩයස් අස්ගිරි මහානාහිමි හමුවීමට ගිය අවස්ථාව වාර්තා කිරීමට ගිය ලේක්හවුස් වාර්තාකරුට ඔහු මුස්ලිම් ජාතිකයෙකු වීම නිසා ඒ සඳහා අවස්ථාව ලබා දී නැතැයි වාර්තා වේ.ගුවන් හමුදාපතිවරයා ජුලි 21 වැනි ඉරිදා අස්ගිරි මහානාහිමි බැහැදැකීම සඳහා ගොස් ඇති අතර සුපුරුදු ලෙස මහනුවර ප්රදේශයේ කටයුතු කරන සියලූම මාධ්ය ආයතන වාර්තාකරුවන් එය ආවරණයට ගොස් ඇත’ එයට ලේක්හවුස් ආයතනයේ මහනුවර මාණ්ඩලික වාර්තාකරු එම්’ඒ’ අමිනුල්ලා ගොස් ඇති අතර අස්ගිරි විහාරයේ ආරක්ෂකයන් ඔහු මුස්ලිම් ජාතිකයෙකු බැවින් එම ආවරණය සඳහා ඔහුට ඉඩ ලබාදිය නොහැකි බව පවසා ඇත’
ඒ පිළිබඳව එම වාර්තාකරු ඔහු අනුයුක්තව සිටින මහනුවර ලේක්හවුස් කාර්යාලය දැනුවත් කර ඇති අතර එම කාර්යාලය කොළඹ ප්රධාන කාර්යාලය දැනුවත් කර ඇත’ ඉන්පසු කොළඹ කාර්යාලය ඒ පිළිබඳව ගුවන් හමුදා මාධ්ය අංශයෙන් විමසා ඇති අතර එහිදී ගුවන් හමුදා මාධ්ය අංශය කියා ඇත්තේ අස්ගිරි විහාරයේ ආරක්ෂකයන් මිස තමන් ඊට විරුද්ධ නොවූ බවයි’x
ජනාධිපති සම්මාන උළෙලට නොයන්න කලාකරුවෝ තීන්දුවක
රේඛා නිලූක්ෂි හේරත්
මරණ දඬුවම ක්රියාත්මක කිරීම සහ ප්රකාශන නිදහසට තහංචි පැනවීමට විරෝධය දක්වමින් ජනාධිපති මෛත්රීපාල සිරිසේන මහතාගේ ප්රධානත්වයෙන් පැවැත්වීමට නියමිත, 2019 ජනාධිපති සිනමා සම්මාන උළෙලට සහභාගි නොවීමට එම උත්සවයට ආරාධනා ලද කලාකරුවන් පිරිසක් තීරණය කර ඇතැයි වාර්තා වේ.සිනමාවේදී අශෝක හඳගම, සිනමාවේදී විමුක්ති ජයසුන්දර, කැමරා අධ්යක්ෂ කුලරුවන් ගමගේ” නිෂ්පාදන කළමනාකාරිනී මනෝහාරි හේවාවසම් ඇතුළු පිරිසක් දැනට ඒ සම්මාන උළෙලට නොයෑමට තීන්දු කර ඇති අතර එම පිරිස තවදුරටත් වැඩිවනු ඇතැයි දැනගන්නට ලැබේ’ සම්මාන ලැබීමට නියමිත කලාකරුවන් සම්මාන ප්රතික්ෂේප කිරීමට සූදානමින් සිටින බවද වාර්තා වෙයි’
ජූලි 26 වන දින සවස 6ට කොළඔ නෙළුම් පොකු රඟහලේදී සම්මාන උළෙල පැවැත්වීමට නියමිතය’ අග්රාමාත්ය රනිල් වික්රමසිංහ සහ සංස්කෘතික කටයුතු අමාත්ය සජිත් පේ්රමදාසද මෙම උළෙලට සහභාගි වීමට නියමිතය’x
සජිත් පිල රහස් ඡන්දයක් ඉල්ලයි
එක්සත් ජාතික පක්ෂයේ ජනාධිපති අපේක්ෂකයා සඳහා සජිත් පේ්රමදාසගේ නම කෘත්යාධිකාරී මණ්ඩලයට යෝජනා කරමින් එම අපේක්ෂකත්වය සඳහා තවත් අපේක්ෂකයන් ඉදිරිපත් වන්නේ නම් ඔවුන් අතරින් කෙනෙකු තෝරාගැනීම සඳහා රහස් ඡුන්දයකට යෑමට අවස්ථාවක් ලබාගැනීමට එජාපයේ සජිත් පාර්ශ්වයේ ප්රබලයන් පිරිසක් උත්සාහ කරමින් සිටින බව වාර්තා වේ.
පසුගිය 21වැනි දා එජාපෙ පාර්ලිමේන්තු කණ්ඩායම අරලියගහ මන්දිරේදී රැුස්වූ අතර එහිදී කබීර් හෂීම් යෝජනාවක් ගෙන එමින් පවසා ඇත්තේ යෝජිත සන්ධානය ගොඩනැගීමට ප්රථම එජාපය සිය අපේක්ෂකයා නම් කළ යුතු බවය. එම යෝජනාවට එදින එජාප නායක රනිල් වික්රමසිංහගෙන් සාධනීය ප්රතිචාරයක් ලැබී නැත. මෙම හමුවට විදෙස්ගතව සිටීම නිසා මංගල සමරවීර මහතා සහභාගිවී නැත. මෙම මන්ත්රී කණ්ඩායමේ හමුවට පසුව සජිත් පේ්රමදාස ජනාධිපති අපේක්ෂකයා කිරීම සඳහා මෙම යෝජනාව ඉදිරිපත් වී ඇත. එහිදී එම කණ්ඩායමේ අදහස වී ඇත්තේ මලික් සමරවික්රම” රංජිත් මද්දුමබණ්ඩාර” තලතා අතුකෝරළ” මංගල සමරවීර” හර්ෂ ද සිල්වා” ඉරාන් වික්රමරත්න” හරීන් ප්රනාන්දු වැනි පක්ෂයේ ප්රබලයන් රැුසක් මෙවර සජිත් වටා සිටින නිසා රහස් ඡුන්දයක් දිනාගැනීම අමාරු නොවනු ඇති බවයි’
ගොඩනැගෙන නව සන්ධානයේ සුළු පක්ෂවල නායකයන් සජිත් පේ්රමදාසට අකමැති වුවත් ඔහු අපේක්ෂකයා ලෙස ඉදිරිපත් කර ජයග්රහණය කිරීම අසීරු නොවනු ඇති බව සජිත් පේ්රමදාස පාර්ශ්වයේ ප්රබලයන්ගේ මතය වී ඇත’x
අධිකරණ කොමිසමෙන් මහේස්ත්රාත්ට පරීක්ෂණ
වෛද්ය සාෆි ෂියාබ්දීන් එල්ල වී ඇති චෝදනා සම්බන්ධයෙන් විභාග කරන කුරුණෑගල මහේස්ත්රාත් සම්පත් හේවාවසම්ගේ ක්රියාකලාපය සම්බන්ධයෙන් පරීක්ෂණයක් පවත්වන ලෙස ඉල්ලමින් අධිකරණ සේවා කොමිෂන් සභාවට කරන ලද පැමිණිලි තුනක් සම්බන්ධයෙන් අධිකරණ සේවා කොමිෂන් සභාව පරීක්ෂණයක් ආරම්භ කර ඇති බව වාර්තාවේ’
මහේස්ත්රාත්වරයා සම්බන්ධයෙන් පරීක්ෂණයක් කරන ලෙස අපරාධ පරික්ෂණ දෙපාර්තමේන්තුව” ශ්රී ලංකා තරුණ ජනමාධ්යවේදීන්ගේ සංගමය සහ වෛද්යවරයාගේ බිරිඳ වන වෛද්ය නසීර් ෆාතීමා ඉමාරා පැමිණිලි කර තිබේ’
ජුනි මස 27 වැනි එම නඩුව කැඳවු අවස්ථාවේදී නඩුවේ ප්රධාන පාර්ශ්වයක් නොවන කුරුණෑගල ශික්ෂණ රෝහලේ අධ්යක්ෂ සරත් වීරබණ්ඩාරට විවෘත අධිකරණය තුළ කරුණු දැක්වීමට අවස්ථාව ලබා දීම” දන්ත වෛද්යවරයකු වූ ඔහුගෙන් පැලෝපීය නාල පිළිබඳ කරුණු විමසා ඒවා මත තීන්දු ගැනීම ආදි කරුණු පිළිබඳව පරීක්ෂණයක් කරන ලෙස එම පැමිණිලිවලින් ඉල්ලා තිබුණි‘ ඊට අමතරව මහේස්ත්රාත්වරයාගේ බිරිඳ කුරුණෑගල ශික්ෂණ රෝහලේ වෛද්යවරියක වීම ගැනද එම පැමිණිලිවල සඳහන්ව තිබී ඇත’
වෛද්ය ෆාතිමා නසීරා ඉමාරා සිය පැමිණිල්ලෙන් අදාල මහේස්ත්රාත්වරයා ඉවත් කර වෙනත් මහේස්ත්රාත්වරයෙකු හමුවේ නඩුව විභාගයට ගන්නා මෙන් ඉල්ලා ඇත’ x
https://news.gettopten.com/%e0%b7%83%e0%b7%8f%e0%b7%86%e0%b7%92-%e0%b6%85%e0%b6%ad%e0%b7%8a%e0%b6%85%e0%b6%a9%e0%b6%82%e0%b6%9c%e0%b7%94%e0%b7%80%e0%b6%a7-%e0%b6%9c%e0%b6%ad%e0%b7%8a%e0%b6%ad%e0%b7%9a-%e0%b6%b8%e0%b7%99/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92%e0%b6%9c%e0%b7%9a-%e0%b6%af%e0%b7%9a%e0%b6%b4%e0%b7%85/ https://news.gettopten.com/%e0%b6%85%e0%b6%b0%e0%b7%92%e0%b6%9a%e0%b6%bb%e0%b6%ab-%e0%b6%9a%e0%b7%9c%e0%b6%b8%e0%b7%92%e0%b7%83%e0%b6%b8%e0%b7%99%e0%b6%b1%e0%b7%8a-%e0%b6%b8%e0%b7%84%e0%b7%9a%e0%b7%83%e0%b7%8a%e0%b6%ad%e2%80%8d/ https://news.gettopten.com/%e0%b6%b4%e0%b6%bb%e0%b7%93%e0%b6%9a%e0%b7%8a%e0%b7%82%e0%b6%ab-%e0%b6%b1%e0%b7%80%e0%b6%ad%e0%b7%8a%e0%b7%80%e0%b6%b1%e0%b7%8a%e0%b6%b1-%e0%b6%85%e0%b6%b8%e0%b7%8a%e0%b6%b8%e0%b6%bd%e0%b7%8f/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/ https://news.gettopten.com/tag/%E0%B7%80%E0%B7%9B%E0%B6%AF%E0%B7%8A%E2%80%8D%E0%B6%BA-%E0%B7%83%E0%B7%8F%E0%B7%86%E0%B7%92/
සන්ධාන තීන්දුවට මහින්ද මෛත්රී හමුවේ
ශ්රීලනිපය සහ ශ්රීලපොපෙ අතර සන්ධානයක් ඇති කරගන්නවාද, එය කරන්නේ කෙසේද යන්න පිළිබඳව අවසන් තීන්දුවක් ගැනීම සඳහා ජනාධිපති මෛත්රීපාල සිරිසේන හා විපක්ෂ නායක මහින්ද රාජපක්ෂ අතර සාකච්ඡුාවක් පැවැත්විය යුතු බව ජුලි 24 වැනිදා පැවති ශ්රීලනිප මධ්යම කාරක සභාව තීන්දුවක් ගෙන තිබේ’ ඒ අනුව ජනාධිපතිවරයා ඉදිරියේදී විපක්ෂ නායකවරයා සමඟ සාකච්ඡුාවක් පැවැත්විය යුතු බවට තීන්දු කර ඇත’ හැකි ඉක්මනින් එම සාකච්ඡුාව සිදුකරන බව ජනාධිපතිවරයා ශ්රීලනිප මධ්යම කාරක සභාවට ප්රකාශ කර තිබේ’
ශ්රීලනිප කණ්ඩායම මීට පෙර මධ්යම කාරක සභා රැුස්වීමකදී තීන්දුවක් ගෙන තිබුණේ මීළඟ ජනාධිපතිවරණයට ශ්රීලනිපයෙන් අපේක්ෂකයෙකු ඉදිරිපත් කළ යුතු බවය’ එම තීන්දුව ගත් අවස්ථාවේදී ශ්රීලනිපයෙන් මෛත්රීපාල සිරිසේන ජනාධිපතිවරයා නැවත ජනාධිපතිවරණයට ඉදිරිපත් කළ යුතු බව එකඟතාවක්ද ඇති කරගෙන තිබුණි‘
ඒ අනුව මහින්ද රාජපක්ෂ මහතා සමඟ ජනාධිපතිවරයා සාකච්ඡුා කොට ශ්රීලපොපෙ සමඟ එක්වීමට ඉඩක් තිබේදැයි සොයා බැලිය යුතු බවත්” එසේ නොමැති නම් ශ්රීලනිපය ජනාධිපතිවරණයට තනිව අපේක්ෂකයෙකු ඉදිරිපත් කළ යුතු බවත් ජුලි 24 සාකච්ඡුාවේදී එකඟතාවක් ඇති කරගෙන තිබේ’
ශ්රීලනිපය හා ශ්රීලපොපෙ අතර සාකච්ඡුා තවමත් අවසන් වී නොමැති නමුත්” එම සාකච්ඡුා ජනාධිපතිවරණය දක්වාම ඇදී යනු ඇති බවත් එයින් අවසන් තීන්දුවක් ගත නොහැකි බවත් ශ්රීලනිප කණ්ඩායමේ මතය වී තිබේ’
කෙසේ වෙතත් ජනාධිපති මෛත්රීපාල සිරිසේන ශ්රීලනිපය තනිව ජනාධිපතිවරණයට ඉදිරිපත් වෙනවාද නැද්ද යන්න පිළිබඳව මෙම මධ්යම කාරක සභා සාකච්ඡුාවේදීද පැහැදිලි මතයක් ප්රකාශ නොකළ බව අනිද්දා සමඟ අදහස් දැක්වූ ශ්රීලනිප මන්ත්රීවරයෙක් කීය’ ඒ පිළිබඳව සාකච්ඡුා කරන අවස්ථාවලදී ජනාධිපති මෛත්රීපාල සිරිසේනගේ හැසිරීම අනුව ඔහු ජනාධිපතිවරණයට ඉදිරිපත් වීම ගැන දෙගිඩියාවක සිටින බව පෙනීයන බව ඔහු පැවසීය’
මේ අතර ජනාධිපතිවරයාට සමීප තවත් ආරංචි මාර්ගයක් ප්රකාශ කළේ ඇතැම් විට මහින්ද රාජපක්ෂ ආණ්ඩුවක අගමැතිකම නැතිනම් ප්රබල ඇමතිකමක් හෝ ලබාගැනීමේ එකඟතාව මත පොදුජන පෙරමුණ සමඟ සන්ධානයක් ඇති කරගැනීමට ජනාධිපතිවරයා එකඟ වීමේ ඉඩක්ද ඇති බවය’x
සැඟවුණු අපේක්ෂිකා ශිරන්තිද?
ශ්රී ලංකා පොදුජන පෙරමුණ ප්රමුඛ කණ්ඩායමේ මීළඟ ජනාධිපති අපේක්ෂකත්වයට සුදුස්සන් ලෙස නම් කර ඇතැයි කියන පුද්ගලයන් පස්දෙනා අතරින් සිව්දෙනෙකුගේ නම් මොනවාදැයි විවිධ තැන්වලදී එම කණ්ඩායමේ සාමාජිකයන් සාකච්ඡුා කර ඇතත්, යෝජිත නම් අතරින් එක් නාමයක් ප්රකාශයට පත් නොකර ඉතා තදින් ආරක්ෂා කිරීමේ ප්රතිපත්තියක ඒකාබද්ධ විපක්ෂයේ නායකයන් සිටින බව වාර්තා වෙයි. එය ශිරන්ති රාජපක්ෂගේ නම විය හැකි බවට මත පළවී තිබේ.ඒකාබද්ධ විපක්ෂයේ පක්ෂ නායකයන් අතර පැවති රැුස්වීමකදී ජනාධිපති අපේක්ෂකත්වය සඳහා සුදුස්සන් පස්දෙනෙකුගේ නම් යෝජනා වී තිබුණි. ඒ අතරින් එක නමක් මහින්ද රාජපක්ෂ තෝරාගත යුතු බවට එකඟ වී තිබුණි‘ මීට පෙර සිටම ප්රසිද්ධියේ කතාබහට ලක්වී ඇති පුද්ගල නාමයන් වන ගෝඨාභය රාජපක්ෂ” චමල් රාජපක්ෂ” දිනේෂ් ගුණවර්ධන හා කුමාර වෙල්ගම ඒ අතර සිටින බව මේ වනවිට ඒකාබද්ධ විපක්ෂයේ මන්ත්රීවරුන්ගේ කතාබස්වලදී කියැවී ඇත’
ඉහත කී නම් හතරම දැඩි එකඟතාවකින් රහසක් ලෙස ආරක්ෂා කරගත යුතු නොවන” ජනාධිපති අපේක්ෂකත්වයට අදාලව සමාජයේ කතාබහට ලක්වී ඇති පුද්ගයන්ගේ නම් වන නිසා” දැඩි එකඟතාවට හේතුව පස්වැනි පුද්ගල නාමය විය හැකි බව ඉහත රැුස්වීමට සහභාගි නොවූ ඒකාබද්ධ විපක්ෂ මන්ත්රීවරුන්ගේ අදහස වී ඇත’
එම පස්වැනියා ලෙස ඒකාබද්ධ විපක්ෂ මන්ත්රීවරුන් වැඩි පිරිසක් අනුමාන කරන්නේ විපක්ෂ නායක මහින්ද රාජපක්ෂගේ බිරිඳ වන ශිරන්ති රාජපක්ෂයි’x
අනුරංග ජයසිංහ
අපේක්ෂක තීන්දුව එජාප සන්ධානයෙන්
එක්සත් ජාතික පෙරමුණ බිහි කරන බව කියන සන්ධානයෙන් ඉදිරිපත් කරන ජනාධිපති අපේක්ෂකයා කවුද යන්න තීන්දු කිරීම එම සන්ධානය කළ යුතු බවත්, නමක් යෝජනා කිරීම පමණක් එක්සත් ජාතික පක්ෂය කළ යුතු බවත් එම පෙරමුණේ සාමාජික පක්ෂවල අදහස වී ඇතැයි වාර්තා වෙයි.
එම පෙරමුණ හා එහි ආකෘතිය ප්රකාශයට පත්කොට, ප්රතිපත්ති සකසාගැනීමෙන් පසුව ජනාධිපතිවරණය ආසන්නයේදී අපේක්ෂකයා කවුදැයි තීන්දුවක් ගත යුතු බව ඔවුන්ගේ අදහස වී ඇත. අපේක්ෂකයා තෝරාගන්නා අකාරය පිළිබඳව තවමත් නිල තීන්දුවක් ගෙන නැතත්” එක්සත් ජාතික පක්ෂයේ සාමාජික පක්ෂ අතර ඒ පිළිබඳ එකඟතාවක් ඇති බවත්” එජාප නායක රනිල් වික්රමසිංහ ඉහත යෝජනාවලට සහාය පළකරන බවත් අනිද්දා සමඟ අදහස් දැක්වූ එක්සත් ජාතික පක්ෂයේ සාමාජික පක්ෂයක ප්රබල ඇමතිවරයෙක් කීය’
එක්සත් ජාතික පෙරමුණේ සාමාජික පක්ෂවල සාමාජිකත්වයෙන් ජාතික ප්රජාතන්ත්රවාදී පෙරමුණ නම් සන්ධානයක් අගෝස්තු 05 වැනිදා එළිදක්වන බව මේ වනවිට එක්සත් ජාතික පක්ෂයේ නායක අගමැති රනිල් වික්රමසිංහ ප්රකාශ කර තිබේ’
අනිද්දා සමඟ සම්මුඛ සාකච්ඡුාවකදී අදහස් දැක්වූ ජාතික හෙළ උරුමයේ සභාපති නියෝජ්ය අමාත්ය කරුණාරත්න පරණවිතාන ප්රකාශ කළේ එක්සත් ජාතික පක්ෂයට තනිවම ලබාගත හැකි ඡුන්ද පදනම ලක්ෂ 30ක් පමණ වන බවත්” ජනාධිපතිවරණයක් ජයගන්නට නම් ඡුන්ද ලක්ෂ 65ක් පමණ අවශ්ය වන බවත්ය’ එම ඡුන්ද ප්රමාණය ලබාගැනීම සඳහා මුලින්ම පුළුල් පෙරමුණක් හදාගෙන” ඉන්පසුව එහි ප්රතිපත්ති තීරණය කොට” තෙවැනි පියවර ලෙස අපේක්ෂකයා තීන්දු කළ යුතු බවට ඔහු එහිදී අදහස් පළ කළේය’
අනිද්දා සමඟ අදහස් දැක්වූ නිර්නාමිකව සිටිමට කැමති එක්සත් ජාතික පෙරමුණේ සාමාජික පක්ෂයක නායකයෙකු ප්රකාශ කළේ එජාපයට තවම සන්ධාන දේශපාලනය පුරුදු නැති නිසා අපේක්ෂකයා පිළිබඳව දැන් ප්රකාශ සිදුකරමින් සිටින බවයි’ සන්ධානයක තීන්දු ගැනීම කළ යුත්තේ තනි දේශපාලන පක්ෂයක් නොවන බවත්” සන්ධානයේ සියලූ පක්ෂවල එකඟතාවෙන් බවත් ඔහු කීය’x