No menu items!
21.4 C
Sri Lanka
3 August,2025
Home Blog Page 357

ශානි වෙනුවෙන් මාධ්‍ය සංවිධාන කළ ඉල්ලීම්වලට පිළිතුරු නැහැ


අපරාධ පරීක්ෂණ දෙපාර්තමේන්තුවේ අධ්‍යක්ෂ ජ්‍යෙෂ්ඨ පොලිස් අධිකාරී ශානි අබේසේකරගේ ස්ථාන මාරුව ගැන පරීක්ෂණයක් පවත්වන ලෙස මාධ්‍ය සංවිධාන කළ ඉල්ලීම පිළිබඳව සාකච්ඡුා නොකර ජාතික පොලිස් කොමිෂන් සභාව ඉවත දමා ඇතැයි වාර්තා වේ.


නොවැම්බර් 28 වැනිදා පොලිස් කොමිසම රැුස්වී මේ පිළිබඳව සාකච්ඡුා කර ඇත. එහිදී එකඟතාවකට පැමිණ ඇත්තේ ශානි අබේසේකර මහතා පිළිබඳව වෙනත් පාර්ශ්වයන් කරන ඉල්ලීම් සම්බන්ධයෙන් ප‍්‍රතිචාර නොදැක්විය යුතු බවය. ශානි අබේසේකර මහතා තමන්ගේ ස්ථාන මාරුව අත්හිටුවන්නයැයි පොලිස් කොමිසමෙන් ඉල්ලීමක් කර නැති බැවින් මෙම කාරණාව පිළිබඳව සාකච්ඡුා කළ නොහැකි බව එහිදී සාකච්ඡුාවට ලක්වී ඇත.


ශානි අබේසේකර මහතා තම ස්ථාන මාරුව සම්බන්ධයෙන් සලකා බලන ලෙස දෙසැම්බර් 08 වන දින පොලිස් කොමිසමට අභියාචනයක් කර ඇත. එහෙත් එය සලකා බලා නැත. එම තත්වය මත ශානි අබේසේකර මහතා දෙසැම්බර් 20 වන දින උක්ත කාරණාව පිළිබඳව ශ්‍රේෂ්ඨාධිකරණයේ මූලික අයිතිවාසිකම් පෙත්සමක් ගොනු කර ඇත.


ශ‍්‍රී ලංකා වෘත්තීය ජනමාධ්‍යවේදීන්ගේ සංගමය, ශ‍්‍රි ලංකා තරුණ ජනමාධවේදීන්ගේ සංගමය සහ නිදහස් මාධ්‍ය ව්‍යාපාරය පොලිස් කොමිසමේ සභාපතිවරයාට ලිපියක් යොමු කරමින් සඳහන් කර තිබුණේ සන්ඬේ ලීඩර් කර්තෘ ලසන්ත වික‍්‍රමතුංග ඝාතනය, මාධ්‍යවේදී ප‍්‍රගීත් එක්නැළිගොඩ පැහැරගෙන ගොස් අතුරුදහන් කිරීම, නේෂන් පුවත්පතේ නියෝජ්‍ය කර්තෘ කීත් නොයාර් පැහැරගෙන ගොස් වධහිංසා පැමිණවීම, රිවිර හිටපු කර්තෘ උපාලි තෙන්නකෝන්ට පහරදී පැහැරගැනීමට උත්සාහ කිරීම ආදි ජනමාධ්‍යයට එරෙහි සිදුවීම් සම්බන්ධ විමර්ශන කටයුතු සිදුකරනු ලැබුවේ ශානි අබේසේකර මහතාගේ උපදෙස් සහ මෙහෙයවීම මත බවත් ඒ නිසා ඔහුට ලබාදුන් ස්ථාන මාරුව පිළිබඳව සලකා බලන ලෙසත්ය

මේ පිළිබඳව අනිද්දා කළ විමසීමකදී පොලිස් කොමිසමේ ලේකම් නිශාන්ත කේ වීරසිංහ පවසා සිටියේ ශානි අබේසේකර මහතාගේ ස්ථාන මාරුව පිළිබඳව මේ වන විට අධිකරණයේ නඩුවක් ගොනු කර ඇති බැවින් ඒ් පිළිබඳව පොලිස් කොමිසමට කතා කළ නොහැකි බවය. මාධ්‍ය සංවිධාන කළ ඉල්ලීම් සම්බන්ධයෙන් පිළිතුරක් නොදුන්නේ ඇයි දැයි කොමිසමේ නිලධාරීන් සමග කතා කළ යුතු බව ඔහු වැඩිදුරටත් කීය.

හැමෝම එකඟ නම් 20 දානවා ලාල් කාන්ත

පාර්ලිමේන්තුවේ අනෙකුත් පක්ෂවල එකඟතාව ලැබෙන්නේ නම් පමණක් 20 වැනි ව්‍යවස්ථා සංශෝධන යෝජනාව පාර්ලිමේන්තුවට ඉදිරිපත් කරන බව ජවිපෙ දේශපාලන මණ්ඩල සභික කේ.ඞී. ලාල්කාන්ත පවසයි.


විධායක ජනාධිපති ක‍්‍රමය අහෝසි කොට පාර්ලිමේන්තු ක‍්‍රමයක් ඇති කිරීම ජවිපෙ ප‍්‍රතිපත්තිය වන නමුත් ආණ්ඩුක‍්‍රම ව්‍යවස්ථා සංශෝධනයක් කිරීමට තුනෙන් දෙකක බලයක් අවශ්‍ය බවත්, ජවිපෙට තුනෙන් දෙකක බලයක් නොමැති නිසා අනෙකුත් දේශපාලන පක්ෂවල සහයෝගය නැතිව 20 වැනි සංශෝධන යෝජනාව පිළිබඳව පාර්ලිමේන්තුවේ ඡුන්ද විමසීමක් සිදුකර පලක් නොමැති බවත් ඔහු කීය.


අනෙකුත් ප‍්‍රධාන දේශපාලන පක්ෂවල එකඟතාව නොමැතිව 20 වැනි සංශෝධන යෝජනාව පාර්ලිමේන්තුවේදී පරාජය වුවහොත්, එය හේතුවක් කොටගෙන විධායක ජනාධිපති ක‍්‍රමය අහෝසි නොකර සිටීමේ අවදානමක් තිබෙන බවද ඔහු පෙන්වාදුන්නේය.
ජවිපෙ 20 වැනි සංශෝධන යෝජනාව පිළිබඳව අනෙකුත් පක්ෂ සමග සාකච්ඡුා කිරීමට සූදානම් බවත්, අනෙක් පක්ෂවල එකඟතාව ලබාගැනීම වෙනුවෙන් 20 වැනි සංශෝධන යෝජනාවේ වෙනස්කම් කිරීම ගැන සලකා බැලිය හැකි බවත් ඔහු කීය.


2015 ජනාධිපතිවරණයේදී ජනතාවගෙන් බහුතරයක් විධායක ජනාධිපති ක‍්‍රමය අහෝසි කිරීමේ පොරොන්දුවට සහාය පළකරමින් ඡුන්දය භාවිත කළ නමුත් බලයේ සිටි ආණ්ඩුව එම පොරොන්දුව ඉටු නොකළ නිසා 20 වැනි සංශෝධන යෝජනාව ඉදිරිපත් කළ බවද ඔහු කීය.
20 වැනි සංශෝධන යෝජනාව ජවිපෙ පාර්ලිමේන්තු මන්ත‍්‍රී විජිත හේරත්ගේ පෞද්ගලික මන්ත‍්‍රී යෝජනාවක් ලෙස ඉදිරිපත් කළ ව්‍යවස්ථා සංශෝධන කෙටුම්පතකි. එය ආණ්ඩුවේ යෝජනාවක් ලෙස ඉදිරිපත් කිරීම සඳහා පෙර ආණ්ඩුවේ කැබිනට් මණ්ඩලයට යෝජනාවක් ඉදිරිපත් වී තිබුණු නමුත්, සජිත් පේ‍්‍රමදාස පාර්ශ්වයේ විරෝධය නිසා එම කැබිනට් යෝජනාව සම්මත වී තිබුණේ නැත. ජවිපෙ පෞද්ගලික මන්ත‍්‍රී යෝජනාව පාර්ලිමේන්තු න්‍යාය පත‍්‍රයේ තිබුණු නමුත් දෙසැම්බර් 02 වැනිදා පාර්ලිමේන්තුවේ වාර අවසාන කිරීමත් සමග එය න්‍යාය පත‍්‍රයෙන් ඉවත් විය. නැවත එය න්‍යාය පත‍්‍රයට ඇතුළත් කළ හැක්කේ පක්ෂ නායක රැුස්වීමක තීන්දුවක් ගැනීමෙන් පසුවය.

අභයතිස්ස හිමි කැමති දරුවන් අසැබි වෙබ් අඩවිවලින් ලිංගිකත්වය ඉගෙනගන්නවාටද?

0

අධ්‍යාපන අමාත්‍යාංශය සහ සෞඛ්‍ය අමාත්‍යාංශය මැදිහත් වීමෙන් පාසල්වල 7 ශ්‍රේණියේ සිසුන්ට බෙදා හැර ඇති ‘හතේ අපේ පොත’ වහාම අවලංගු කළ යුතු බව මහාචාර්ය මැදගොඩ අභයතිස්ස හිමි දෙසැම්බර් 24 වන දින මාධ්‍ය හමුවකදී ප‍්‍රකාශ කර තිබුණි.


එහිදී මැදගොඩ අභයතිස්ස හිමි පවසා සිටියේ එම පොත එම වයසේ දරුවන්ට නොගැළපෙන බවයි. දරුවන්ගේ ගුණධර්මයන්ට බරපතළ ලෙස බලපෑම් එල්ල කරන අයුරින් මෙම පොත සකසා ඇති බව මැදගොඩ අභයතිස්ස හිමි ප‍්‍රකාශ කර තිබුණි. මේ අතර 2019 නොවැම්බර් 8 දිනැති ලිපියක් මගින් ‘හතේ අපේ පොත‘ දරුවන් අතර බෙදා හැරීමෙන් වළකින ලෙස අධ්‍යාපන ප‍්‍රකාශන කොමසාරිස් ඩබ්ලිව්.එම්. ජයන්ත වික‍්‍රමනායකගේ අත්සනින් යුත් ලිපියක් සියලූම විදුහල්පතිවරුන්ට යවා ඇත.


මෙම පොත ජාතික අධ්‍යාපන ආයතනයේ හා සෞඛ්‍ය අමාත්‍යාංශයේ සහයෝගයෙන් අධ්‍යාපන අමාත්‍යාංශය මුද්‍රණය කර ඇති එකකි. පාර්ලිමේන්තුවේ කාන්තාව හා ස්ත‍්‍රී පුරුෂ සමාජභාවය පිළිබඳ ආංශික අධීක්ෂණ කාරක සභාවද ඒ පිළිබඳව අධ්‍යයනය කර තිබුණි. ශ‍්‍රී ලංකාවේ ලිංගික සෞඛ්‍යය ගැන ඉහළම විද්වතුන්ගේ අධීක්ෂණයට එම පොත ලක්වී තිබුණි. එය මුලින්ම බෙදාහැර තිබුණේ බස්නාහිර පළාතේ නියමු ව්‍යාපෘතියක් ලෙසය.


මෙම පොත සකස් කර තිබුණේ ප‍්‍රජා වෛද්‍ය විශේෂඥ අසන්ති ප‍්‍රනාන්දු බලපිටිය මහත්මිය, වෛද්‍ය එස්.වී.ඒ. ගාමිණී සමරවික‍්‍රම හා වෛද්‍ය ජීවරංග ගුණසේකර යන විද්වතුන්ය.
පොතෙහි මූලික වශයෙන් ඇත්තේ වැඩිවියට පත්වෙද්දී සිරුරේ සිදුවන වෙනස්කම් තේරුම් ගැනීම, ප‍්‍රතිවිරුද්ධ ලිංගිකයන් ගැන ඇතිවන හැඟීම් අවබෝධ කරගැනීම, ඔසප් වීම පිළිබඳව අවබෝධ කරගැනීම, ස්වප්න මෝචනය ගැන අවබෝධ කරගැනීම, ස්වයං වින්දනය පිළිබඳව අවබෝධ කිරීම ආදි කාරණා මෙන්ම ලිංගික අතවර යනු මොනවාද යන්නත්, ඒවායින් ආරක්‍ෂාවීම හා ඒවාට විරුද්ධ වීම ගැනත් එම පොතෙහි ඇතුළත් වෙයි.


එහෙත් එම විද්වතුන් ගැන තඹේකට මායිම් නොකර, ලිංගික අධ්‍යාපනය ගැන මළපොතේ අකුරක් නොදත් අයකු මෙන් මැදගොඩ අභයතිස්ස හිමි කියා තිබුණේ එම පොතේ ඇති කරුණුවලින් දරුවන්ගේ මනස විකෘති වන බවය. එහෙත් එම පොත කියැවූ අයෙකුට හිසේ අවිද්‍යාව පුරවාගෙන නැතිනම් කිසිදු ගැටලූවක් පෙනෙන්නේ නැත. ඊටත් වඩා එම කෘතිය දරුවන් ආරක්ෂා කරගැනීමට වැදගත් වන එකක් බව පැහැදිලිිව පෙනෙන්නට ඇත. අනෙක් අතට එහි ඇත්තේ බරපතළ ලිංගික කාරණා නොවේ. එහි ඇත්තේ ලිංගිකත්වය නොතේරෙන කුඩා දරුවෙකුට, නව යොවුන් වයසට එළැඹෙද්දී ඇතිවෙන පොදු කුතුහලයට පිළිතුරුය. වයස අවුරුදු 12ක ළමයෙකුට තේරුම්ගත හැකි ආකාරයට මෙන්ම එම දරුවන්ගේ මනට විකෘති නොවන ආකාරයට ලිංගිකත්වය ගැන කියාදීමට එම කෘතිය ඉතා වැදගත් එකකි. එය මෑතකාලීන ලංකාවේ තිබුණු බරපතළ අඩුවක් සම්පූර්ණ කිරීමකි.


මැදගොඩ අභයතිස්ස හිමි ඇතුළු මෙම පොතට එරෙහිව කතාකරන සියලූදෙනා දැන් අහන්නේ තමන්ගේ පුතාට හෝ දියණිය සමඟ මෙවැනි සංවාදයක් කරනවාට මාපියන් කැමතිද කියාය. ඔවුන්ගේ මොළවලට නොතේරෙන්නේ වැඩිහිටියන් ඒ ගැන කතාකිරීමට ලැජ්ජාවක් දක්වන නිසාම පාසලෙන් මෙම කාරණා ගැන අධ්‍යාපනය ලබාදිය යුතු බවය.


එක්සත් ජාතීන්ගේ ජනගහන අරමුදලේ දත්ත අනුව ලංකාවේ දැරියන්ගෙන් සීයට 66ක් වැඩිවියට පැමිණෙන දිනය දක්වාම ඔසප් වීම යනු කුමක්දැයි නොදන්නා බව අපි මීට පෙරද ලියා ඇත්තෙමු. ලිංගිකත්වය ගැන ලංකාවේ දැනුම තියෙන්නේ එතරම් දුර්වල මට්ටමේය. ජන හා සංඛ්‍යාලේඛන දෙපාර්තමේන්තුවේ දත්ත අනුව ලංකාවේ ගැබ්ගැනීම් අතරින් සීයට 4.6ක් නවයොවුන් වියේදී සිදුවන ගැබ්ගැනීම්ය. එමෙන්ම ලංකාවේ නවයොවුන් දරුදැරියන් කැමැත්තෙන් පොළඹවාගෙන ඔවුන් ලිංගික හිංසනයට ලක්කිරීමේ සිදුවීම් බොහෝ ඇත. එයට හේතුව ඒ දරුදැරියන්ට පාසලේදී ප‍්‍රමාණවත් ලිංගික අධ්‍යාපනයක් නොලැබීමයි. ලිංගිකත්වය ගැන ඔවුන් දන්නේ නැත. ඒ නිසා ඔවුන්ගේ සිත මෙන්ම සිරුරද ලිංගික වශයෙන් කුතුහලයෙන් පිරී ඇත. ඒ නිසාම වැඩිහිටියෙක්ට පහසුවෙන් ඒ දරුවන් රවටාගත හැක.


මෙවැනි පොතක් බෙදාහැරීම වෙනුවට ගුරුවරුන්ට ලිංගිකත්වය ගැන ඉගැන්වීම කළ නොහැක්කේ ගුරුවරුන්ගෙන් බහුතරයක් ලිංගිකත්වය ගැන විවෘතව කතාකිරීමට අකැමැත්තක් දැක්වීම නිසාය. පාසල් තුළදී සෞඛ්‍යය හා ශාරීරික අධ්‍යාපනය විෂය නිර්දේශයෙහි ලිංගිකත්වය පිළිබඳව පාඩම් තිබුණද ඒ පාඩමෙන් ප‍්‍රමාණවත් තරම් විවෘත ලෙස ලිංගිකත්වය ගැන කතා කිරීමක් පාසල තුළ සිදුවන්නේ නැත. ලිංගිකත්වය ගැන විෂය නිර්දේශයේ තිබුණත්, ඒ පාඩම්වල ඇති කරුණු විවෘත ලෙස කතාකරන්නට ගුරුවරුන් ලැජ්ජාවක් දැක්වීම ගැටලූවක්ව තිබුණි. අධ්‍යාපන අමාත්‍යාංශයේ මැදිහත්වීමෙන් මෙවැනි පොතක් බෙදාහැරීමේ අවශ්‍යතාව ගැන සාකච්ඡුා කර තිබුණේ ඒ නිසාය.


මැදගොඩ අභයතිස්ස හිමි කිසිසේත්ම ලිංගික අධ්‍යාපනය ගැන ප‍්‍රමාණික විද්වතෙකු නොවන බව පැහැදිලිය. බෞද්ධ හිමිවරුන් හැම ක්ෂේත‍්‍රයේම විද්වතුන් ලෙස හැසිරෙන්නට පටන්ගැනීම ලංකාවේ අද පවතින දැවැන්ත ගැටලූවකි. එක්සත් ජාතීන්ගේ සංවිධානය පවා දරුවන්ගේ විවිධ මට්ටම්වලට ගැළපෙන ලිංගික අධ්‍යාපනයේ ප‍්‍රමිතීන් ගැන සාකච්ඡුා කර ඇත. ලෝකයේ බොහෝ පසුගාමී ගෝත‍්‍රික රටවල් ආගමික පදනම මත සිටිමින් එම ප‍්‍රමිතීන් අනුව ලිංගික අධ්‍යාපනය දරුවන්ට ලබාදීම ප‍්‍රතික්ෂේප කරමින් සිටී. කතෝලික ආගමික පදනමකින් ලිංගික අධ්‍යාපනයට එරෙහි වන අප‍්‍රිකානු රටවල්ද, ඉස්ලාම් පදනමකින් එයට එරෙහි වන මැදපෙරදිග ආගමික රාජ්‍යයන්ද එවැනි රටවල්ය. දැන් බෞද්ධාගම අල්ලාගෙන මැදගොඩ අභයතිස්ස හිමි ලංකාව ඇදගෙන යන්නට හදන්නේ ඒ රටවල් ගොඩටය.


ලිංගික අධ්‍යාපනයෙන් ඉගැන්විය යුතු ක්ෂේත‍්‍ර 7 යුනිසෙෆ් ආයතනය හඳුන්වා ඇත. තමන්ගේ ලිංගිකත්වය ගැන සහ ප‍්‍රතිවිරුද්ධ ලිංගිකත්වයන් ගැන ඉගෙනගැනීම පළවැනි ක්ෂේත‍්‍රයයි. ලිංගික වටිනාකම්, ලිංගික සංස්කෘතිය හා ලිංගික අයිතිවාසිකම් යනාදිය අවබෝධ කරගැනීම දෙවැනි ක්ෂේත‍්‍රයයි. තෙවැන්නේදී ලිංගිකත්වය අවබෝධ කරගැනීමට ඉගැන්වීම සිදුකළ යුතුය. ලිංගික හිංසනය හා ආරක්ෂිතව සිටීම හතරවැනි විෂය ක්ෂේත‍්‍රයයි. පස්වැනි ක්ෂේත‍්‍රය වන්නේ ලිංගික සෞඛ්‍යය හා යහපැවැත්මට අදාලව වර්ධනය කරගත යුතු වටිනාකම්ය. හයවැන්න වන්නේ මනුෂ්‍ය ශරීරය හා එහි වැඞීමය. හත්වැන්න වන්නේ ලිංගිකත්වය හා ලිංගික හැසිරීම් යන මාතෘකාවයි. ඉහත කී හත ශ්‍රේණිය එම අධ්‍යාපනය සඳහා මූලික පදනම සකසයි.


ලිංගික අධ්‍යාපනයෙන් සිදුවන්නේ දරුවන් වැරදි ලිංගික ක‍්‍රියාවලට පෙළඹීම නොවේ. එයට සම්පූර්ණ ප‍්‍රතිවිරුද්ධ කාරණාවක් බව මැදගොඩ අභයතිස්ස හිමි දන්නේ නැතිවා විය හැකිය. ලිංගික අධ්‍යාපනය ලබාදීමේ පළමු ඉලක්කය වන්නේ දරුවන් ලිංගික අත්හදාබැලීම් සඳහා යොමු නොකිරීමය. ඒ අනුව ලිංගික සම්බන්ධතාවක යෙදෙන වයස දරුවා තරුණ වියට පත්වන තුරු ප‍්‍රමාද කිරීම ලිංගික අධ්‍යාපනයෙහි පළමු අරමුණයි. එමෙන්ම ලිංගික සම්බන්ධතාවල යෙදෙන සහකරුවන් ප‍්‍රමාණය අවම කිරීමද එහි තවත් අරමුණකි. අවදානම් සහගත ලිංගික ක‍්‍රියාවල යෙදීම අවම කිරීමද එහි වැදගත්ම ප‍්‍රතිඵලයකි. ඒ සියල්ලට වඩා වැදගත් ප‍්‍රතිඵලය වන්නේ දරුවන් ලිංගික හිංසනයට ලක්වීමෙන් වැළැක්වීමය. ඉහත කී පොත සකසා ඇත්තේ එම අරමුණු ඉටු කරගැනීම සඳහාය.


ඇත්තෙන්ම දරුවන් අතට මෙවැනි පොතක් ලබාදීමට හේතු වී තිබුණේ ලංකාවේ එන්න එන්නම බරපතළ වෙමින් තිබුණු ළමා අපයෝජන පිළිබඳ තත්වයයි. 2010න් පසුව 2015 දක්වා පොලිස් ළමා හා කාන්තා කාර්යාංශයට වාර්තා වී ඇති කාන්තාවන්ට එරෙහි ලිංගික අපරාධ සංඛ්‍යාව 55ල000ට වැඩිය. ඒ අතරින් වයස අවුරුදු 16ට අඩු දැරියන්ට එරෙහිව වාර්තා වූ අපරාධ ගණන 6000කි. එහි ඇත්තේ පොලිස් ළමා හා කාන්තා කාර්යාංශයට ‘වාර්තා වූ’ අපරාධ ගණන පමණය. එමෙන්ම ඒවා දැරියන්ට එරෙහි අපරාධය. බොහෝවිට එවැනි අපරාධ පොලීසියට වාර්තා කරන තැනට පත්වෙන්නේ දරුණු ශාරීරික හිංසනයක් සිද්ධවූ අවස්ථාවකය. ඉහත කී වාර්තා අනුව වැඩිපුරම සටහන් වන්නේ වයස අවුරුදු 13 හා 16 අතර දැරියන්ට එරෙහි ලිංගික අපරාධ වේ. එම සිදුවීම් අතර පවුලේ සමීපතමයන් අතින් සිදුවූ අපයෝජන සිදුවීම් වැඩිය.


බෞද්ධ හිමිවරුන්ට හෝ ඒ හිමිවරුන්ගේ ප‍්‍රකාශ වාර්තා කරන මාධ්‍ය ආයතනවලට දරුවන් කීයක් ¥ෂණය වුණත් ගැටලූවක් නැති සෙයකි. එහෙත් ඒ හිමිවරුන්ගේ විවේචනයට නිතර ලක්වන පාර්ලිමේන්තු මන්ත‍්‍රීවරුන්ගෙන් සමන්විත කාන්තාව හා ස්ත‍්‍රී පුරුෂ සමාජභාවය පිළිබඳ ආංශික අධීක්ෂණ කාරක සභාව මෙම තත්වය පිළිබඳ විශේෂ වාර්තාවක් සකස් කර තිබුණි. එම කමිටුවේ ප‍්‍රධානත්වය ඉසිලූවේ පාර්ලිමේන්තු මන්ත‍්‍රිනී තුසිතා විජේමාන්නය.


‘ළමා අපයෝජන හා සිදුවීම් පිළිබඳ අවධානය යොමුකළ කාරක සභාව, දරුවන් තුළ ලිංගික හා ප‍්‍රජනන සෞඛ්‍යය පිළිබඳ නිසි දැනුවත්භාවයක් නොමැතිකම මෙම ගැටලූවට බෙහෙවින් බලපා ඇති බවත්, ඒ සම්බන්ධ නිසි අධ්‍යාපනයක් දරුවන්ට ලබාදීමෙන් ඉහත ගැටලූව අවම කරගත හැකි බවත් හඳුනා ගන්නා ලදි.’ යනුවෙන් එම වාර්තාවෙහි පූර්විකාවේ සඳහන්ය. වැඩිදුරටත් එම වාර්තාවෙන් ලිංගික අධ්‍යාපනය ලබාදීමේ වැදගත්කම ගැන විස්තර කර තිබේ.
වාර්තාවේ ඇති භයානකම කරුණක් වන්නේ 2015 වර්ෂයේදී වාර්තා වූ එච්අයිවී ඒඞ්ස් රෝගීන් අතරින් 75 දෙනෙක්ම වයස අවුරුදු 15ට අඩු බවය.


මෙම කමිටුවේ නිර්දේශ මත එක්සත් ජාතීන්ගේ ජනගහන අරමුදලේ ආධාරද ඇතිව ලිංගික අධ්‍යාපනය සඳහා ගුරුවරුන් පුහුණු කිරීම සඳහා අත්පොතක් සකස් කිරීම මුලින්ම සිදුකර තිබුණි. 2018 අපේ‍්‍රල් 05 වැනිදා පැවති සමාලෝචන රැුස්වීමට සහභාගි වූ අධ්‍යාපන අමාත්‍යාංශයේ බී.පී. විතානගේ මහත්මිය හා රේණුකා පීරිස් මහත්මිය ‘හතේ අපේ පොත‘ සහ ‘දොළහේ අපේ පොත‘ නමින් ඒ ඒ මට්ටම්වලට ගැළපෙන අත්පොත් ඉදිරිපත් කර තිබුණි. දැන් ආන්දෝලනයට ලක්වී ඇත්තේ පළමු පොතය. එම පොත් විශේෂඥයන්ගේ නිරීක්ෂණයට ලක් කොට, අවශ්‍ය අනුමැතියට යටත් කර තිබුණි. ලිංගික අධ්‍යාපනය පිළිබඳ ව්‍යාපෘති සඳහා එක්සත් ජාතීන්ගේ ජනගහන අරමුදලෙන් ආධාර ලබාගත යුතු බව යෝජනා කර තිබුණේ පාර්ලිමේන්තු මන්ත‍්‍රිනී සුදර්ශනී ප‍්‍රනාන්දුපුල්ලේ මහත්මියයි.


මෙම කාරක සභාවේ සිටි වත්මන් ආණ්ඩු පක්ෂයේ අනෙක් මන්ත‍්‍රීවරුන්ගේ නම් සඳහන් කර තැබිය හැකිය. ඒ අතර සුමේධා එම්. ජයසේන, පවිත‍්‍රාදේවී වන්නිආරච්චි, සුදර්ශනී ප‍්‍රනාන්දුපුල්ලේ, ශ‍්‍රියානි විජේවික‍්‍රම, සිරිපාල ගම්ලත්, රොෂාන් රණසිංහ, ප‍්‍රසන්න රණවීර යන අය සිටිති. ඔය කියන අන්දමේ ගැටලූ මෙම පොත්පත්වල තිබුණා නම් මීට පෙර ඒ ගැන කතාකරන්නට අවස්ථාව තිබුණි.


ඇත්තෙන්ම ශ‍්‍රී ලංකාවේ ලිංගික අධ්‍යාපනය නිසි පරිදි සිදුවන්නේ නැත. ඉහත කී පොත පවා පසුගිය ආණ්ඩුව සමයේ විධිමත් ලිංගික අධ්‍යාපනයක් සඳහා ගත් මුල් පියවරක් පමණි. එහෙත් එම පොතේ ඇති කරුණු ඉගැන්වීමට ගුරුවරුන්ට නිසි පුහුණුවක් පවා ලබාදුන්නේ නැත.
අභයතිස්ස හිමි නොදන්නා තවත් කාරණයක් වෙයි. නෙදර්ලන්තය දරුවන් ගැබ්ගැනීම අඩුම රටකි. එයට රහස බෞද්ධ සංස්කෘතියක් නෙදර්ලන්තයේ තිබීම නොවේ. එයට හේතුව ඉහත කී පිළිගත් විද්‍යාත්මක ඉගැන්වීම් ක‍්‍රමවේද සඳහා විශේෂයෙන් පුහුණු කළ ගුරුවරුන් නෙදර්ලන්තයේ සිටීමය.


මොනවා කළත් දරුවන් ලිංගික කුතුහලය සංසිඳුවාගැනීමට උත්සාහ ගැනීම වැළැක්විය නොහැකිය. ඔවුන් ලිංගිකත්වය ගැන සෙවීමද නැවැත්විය හොහැකිය. මූලික වශයෙන් ඔවුන් වැඩිහිටි සාහිත්‍යයට යොමුවීම නැවැත්විය නොහැකිය. විවිධාකාර වෙබ් අඩවිවලට ගොස් ලිංගිකත්වය ඉගෙනගන්නට ඔවුන් උත්සාහ කරද්දී, ඒවායේ ඇති සීමාවක් නැති විකෘති ලිංගික හැසිරීම් පවා ඔවුන් අධ්‍යාපනය ලැබීමේ මාධ්‍යය බවට පත්කරගනියි. ඇතැම්විට අභයතිස්ස හිමි කැමති ඒ ක‍්‍රමයට දරුවන් ලිංගිකත්වය ඉගෙනගන්නවාට විය හැකිය. එහෙත් එය දරුවන්ගේ අනාගතයට ඉතා භයානක විය හැකිය. අභයතිස්ස හිමි මේ මාතෘකා ගැන විද්වතෙකු නොවන නිසා, ආණ්ඩුව කළ යුත්තේ මෙවැනි හිමිවරුන්ගේ ප‍්‍රකාශ වලට ප‍්‍රතිචාර දැක්වීම නොවේ. විද්වත් මතය අනුව කටයුතු කිරීමය.


පොතෙන් උපුටාගත් කොටසක්


අපේ සිරුර අපිටම අයිති ඉතා වටින එකක්!
ඒක ආරක්ෂා කරගන්න එක කරන්න පුළුවන් අපිටම විතරයි.
අපේ ඇඟ අල්ලන්න, ලිංගික ප‍්‍රදේශ අතපත ගාන්න
කාටවත් ඉඩ දෙන්න එපා
එහෙම කරන්න යනවනම්
‘එපා! මම කැමති නෑ‘ කියන්න ඔයාලා නිර්භීත වෙන්න ඕනේ.
අකැමති බව කෙලින්ම කියන්න
එතනින් ඉක්මනට පිට වෙලා ආරක්ෂාකාරී තැනකට යන්න
එහෙම කරන්න අමාරු නම්, උදව් ඉල්ලලා කෑ ගහන්න
මේ සිද්ධිය ගැන ඉක්මනටම දෙමාපියන්ට හරි
විශ්වාසවන්ත වැඩිහිටියෙකුට හරි කියන්න
ඔයාලා දන්නවද
ගොඩක් වෙලාවට
මෙහෙම අතවර සිද්ධ කරන්නෙ
ඔයාලා දන්න කියන
ළඟිින් ඇසුරු කරන අයයි
ආස දේවල් තෑගි විදියට දීලා
බොරුවට වර්ණනා කරලා
නොයෙක් උපක‍්‍රමවලින්
ඔයාලත් එක්ක යාළු වෙලා
ඔයාලව වැරදි වැඩවලට
යොදාගන්න හදනවා.
මේවට ඔයාලා රැුවටෙන්න එපා.

https://drive.google.com/file/d/1stP-ocC-6RVWmthIs41oxwgywb4sW0jN/view?fbclid=IwAR3Q0Qe84mPEdhjcnk0QjrxvSrS8kat-uPc32sZHhq4LDsIqweLrViWyXos

හංසි මානවඩු

අන්තර්ජාලය නැති ජීවිතය

0

මහාචාර්ය රොහාන් සමරජීව

2018 දීත් 2019 දීත් මුහුණු පොත ප‍්‍රමුඛ සමාජ මාධ්‍ය වසා දැමීම නිසා ශ‍්‍රී ලංකාව වෙත ජාත්‍යන්තර අවධානය යොමු විය. එසේ වුව ද අන්තර්ජාලය වසා දැමීමත්, ඇතැම් අවස්ථාවල හා ඇතැම් ප‍්‍රදේශවල ජංගම ¥රකථන ජාල වසා දැමීමත් සම්බන්ධයෙන් ලෝක ශුරතාව දිනා සිටින්නේ අපගේ අසල්වැසි ඉන්දියාව යි. ගයනේන්ද්‍ර රජ සමයේ නේපාලයේ සියලූම ආකාරයේ විද්‍යුත් සන්නිවේදන සේවා නවතා දමා තිබිණි. මෙය පැතිර යන ව්‍යාධියකි.


මෙම වසා දැමීම් ගැන කතා කිරීම එක දෙයකි. ඉන්දියාවේ වසා දැමීම් ඍජුව අත්දැකීම ඊට වෙනස් දෙයකි. ඊසාන දිග ඉන්දියාවේ ඇසෑම් සහ මෙඝාලයාහිදී (බංග්ලාදේශ සිමාවේ අනෙක් පැත්තේ* පසුගිය දින කිහිපයේ දී මම එම අත්දැකීමට මුහුණ දුන්නෙමි.


කොල්කටා නගරයෙන් පිටත් වීමට පෙර ට්විටර් පණිවිඩයක මා සටහන් කළේ ”බටහිර බෙංගාලයෙන් මා පිටත්ව යන්නේ අද මධ්‍යම රාත‍්‍රියේ සිට අන්තර්ජාලය වසා තබන ඇසෑමය වෙතට යි. මා සිටින ස්ථානය බලපෑමට ලක් වන්නට පෙර මට මෙඝාලය වෙත ළගා වීමට හැකි වනු ඇතැයි බලාපොරොත්තු වෙමි.”


සයිබර් අවකාශය හා භෞතික අවකාශය


එයාර් ඉන්දියා ගුවන් යානය සුපුරුදු ලෙස පැයක් ප‍්‍රමාද වී ගුවහාටි ගුවන් තොටුපලට පැමිණෙන විට ආතතිය හොඳට ම දැනෙන්නට තිබිණි. සමහරු කීවේ ඒ වන විටත් අන්තර්ජාල සේවා නවතා ඇති බව යි. එසේ වුව ද රෝමින් සේවාව සහිත මගේ ¥රකථනය ක‍්‍රියාත්මක ව තිබිණි. මා හිතුවේ සම්පුර්ණ අවුල තිබෙන්නේ සයිබර් අවකාශයේ බවයි. භෞතික අවකාශයේ ප‍්‍රශ්නයක් පෙනෙන්නට නොතිබිණි. වාහන ගාල් කරන ස්ථානවලත් මාර්ගවලත් බොහෝ වාහන තිබිණි. පැය දෙකකට වැඩි දුරකින් එහා පිහිටි ශිලෝන්ග් නගරය බලා යාමට සගයකු ද සමග මම පිටත් වූයෙමි.


සයිබර් අවකාශයට පෙර භෞතික අවකාශය වසා දමා තිබිණි. මිනිසුන් කණ්ඩායමක් ටයර් පුළුස්සා දමා ප‍්‍රධාන මහා මාර්ගය අවහිර කොට තිබිණි. මගේ මිත‍්‍රයා ඔහුගේ ස්මාර්ට් ජංගම ¥රකථනයෙන් උත්සාහ කළේ විකල්ප මාර්ග සොයා ගැනීමට යි. එය අසාර්ථක වූ විට කළේ රාත‍්‍රිය ගත කිරීමට ස්ථානයක් සෙවීම යි. අපගේ පිහිටට තිබුණේ ගූගල් සිතියම් මෙවලමය. මහ මාර්ගයෙන් ඉවතට පැමිණි අපි කාමර තිබුණු හෝටලයක් සොයා ගත්තෙමු. ස්මාර්ට්ෆෝනය සහ එයින් සැපයුණු මාර්ගෝපදේශ නොතිබුණා නම් ඒ කිසිවක් කර ගන්නට හැකි වන්නේ නැත.

අන්තර්ජාලය නොමැති ලෝකය

අපට පසුව ගුවන් තොටුපොළට ගොඩ බට තවත් කණ්ඩායමක් විය. මෙඝාලය ප‍්‍රාන්තයට යන ප‍්‍රධාන මහා මාර්ගය වසා ඇති බව ඔවුන් දැන ගන්නා විට අන්තර්ජාලය වසා දමා තිබිණි. නවාතැනක් සොයා ගැනීමට ක‍්‍රමයක් ඔවුන්ට නොවීය. සිතියම් නැත. එසේ වුව ද ¥රකථනයෙන් කතා කිරීමට හැකියාව තිබිණි. අපට කතා කර අපගේ රියැදුරකුගේ මග පෙන්වීමෙන් ඔවුහු අපගේ හෝටලයට පැමිණිය හ.


සියල්ල නවතා දමන්නට පෙර ආහාර හා නවාතැන් සොයා ගන්නට නොලැබුණා නම් අප සියලූ දෙනාට සිදුවන්නේ කුමක් ද?

හිමිදිරි පාන්දරම ශිලොන්ග් වෙත පිටත් වීමට අපට හැකි විය. කැරලිකරුවන්ට ද නින්ද අවශ්‍ය ය.

අන්තර්ජාලය වසා දැමීම ඊළඟ දින කිහිපයේ දී ද පැවතිය ද එය ඒකාකාරීව හෝ සම්පූර්ණයෙන් සිදු නො වී ය. රෝමින් පහසුකම් සහිත මගේ ¥රකථනයට ඇතැම් විට 4ජී ජාලයකට සම්බන්ධ වීමට හැකි වුණි. මගේ නවාතැනේ තිබුණු ස්ථාවර සම්බන්ධය හරහා සපයන ලද අන්තර්ජාල පහසුකම ක‍්‍රියාත්මකව තිබුණද එය ක‍්‍රියා කළේ හෙමින් සහ වැරදි සහිතව ය. කෙටි පණිවිඩ යැවීමේ හා ලබා ගැනීමේ හැකියාව මට තිබුණද මගේ ඉන්දියානු මිතුරන්ට එයද නොතිබුණි. කැමරා සහ ෆ්ලෑෂ් ලයිට් සහිත සාමාන්‍ය ¥රකථන බවට ස්මාර්ට් ජංගම ¥රකථන පරිවර්තනය කර තිබිණි.

අන්තර්ජාලය පූර්ව කොන්දේසියකි

ගුවන් ගමන් නැවත සකස් කර ගැනීම සඳහා මා සමග සිටි සමහරු ඔවුන්ගේ කාර්යාල සහ පවුල් හරහා උත්සාහ කළ හ. එසේ වුව ද සෑම උත්සාහයක ම අඩුවක් තිබිණි. අන්තර්ජාලය ක‍්‍රියාත්මකව පවතින පළාතක සිට ටිකට්පතක් මිල දී ගත්ත ද, ගුවන් තොටුපළට ඇතුල්වීම සඳහා එහි මුද්‍රිත පිටපතක් අවශ්‍යය. අන්තර්ජාලයට ප‍්‍රවේශයක් නැති සංචරකයාට ටිකට් පත ලබාදෙන්නේ කෙසේ ද? වෙනත් ක‍්‍රම සඳහා එක වරක් වලංගු රහස් පදයක් ලියාපදිංචි අංක වෙත යැවිය යුතු ය. කෙටි පණිවිඩ සේවා අවහිර කොට තිබිය දී එය ද කළ නො හැකි ය. කිනම් අයුරකින් හෝ ටිකට් පත ලබා ගත්ත ද වර්ජන තර්ජන හමුවේ පාරට බසින්නට සුදානම් කුලී රථ සොයාගන්නේ කොහෙන්ද?

තවමත් රාජ්‍ය අයිතිය සහිත බී එස් එන් එල් සමාගමේ ස්ථාවර සම්බන්ධතා කිහිපයකින් පමණක් අන්තර්ජාල සබඳතා ලබා දී තිබිණි. නවතා දමා තිබුණේ ජංගම ¥රකථන ජාල පමණකි.
සෙනසුරාදා උදයේ කුලී රථ පෙළපාලියකින් මාර්ගයේ ගල් මග හරිමින්, පිළිස්සුණු ටයර්වල සුන්බුන් මතින් ගුවහටි ගුවන් තොටුපළ සමීපයට අපි ළඟා වූයෙමු. භෞතික අවකාශය විවෘතය. ගුවහටි නගරයේ වාහන ගමනාගමනය සිදු වෙමින් තිබිණි. ඇතැම් කඩසාප්පු විවෘතව තිබිණි. එසේ වුව ද තවමත් අන්තර්ජාලය නැත. කෙටි පණිවිඩ සේවාද ඉන්දියානුවන්ට තවමත් වසා දැමූ ගමන්ය. බොහෝ තැන්වල ණය පත් (ජරුාසඑ ජ්රා* මගින් ගෙවීම් කළ නොහැකි විය. ආණ්ඩුව මගින් ප‍්‍රචලිත කරන ලද ජංගම ගෙවීම් ක‍්‍රියාත්මක නොවීය. විද්‍යුත් ගනුදෙනු යන්ත‍්‍ර ක‍්‍රියාත්මක නො වූ නිසා සමහරුන්ට මුදල් හිඟ වී තිබිණි.

හානිය අවම කර ගැනීම

දකුණු ආසියාවේ අපි ඔරොත්තු දෙන පිරිසකි. දුෂ්කරතා අබිබවා වැඬේ කරගැනීම පිළිබඳ විශේෂඥතාවක් අපට ඇත. ඉන්දියානුවන්ට ඒ සඳහා විශේෂ යෙදුමක් ද ඇත. එනම් ජුගාඞ් යන්න යි. එසේ වුවද වක‍්‍ර මාර්ග මගින් වැඬේ කරගැනීම යනු උප විකල්පයක් බව ද සියලූ දෙනා දනිති. එම උත්සාහය නිසා වඩා හොඳින් යොදා ගත හැකි සම්පත් උරා ගැනීමක් සිදු වෙයි.
ඉන්දියානු ආණ්ඩුවේ ක‍්‍රියා මාර්ග හානිකරය. එක පැත්තකින් විද්‍යුත් අනන්‍යතා සහ විද්‍යුත් ගෙවීම් ප‍්‍රවර්ධනය කරනු ලබයි. අනෙක් පැත්තෙන් මෙම භාවිතයන්ට අත්‍යවශ්‍ය යටිතල පහසුකම් හිතුවක්කාර ලෙස අවහිර කරයි. මෙමගින් නවෝත්පාදන පුළුල්ව භාවිතයට ගැනීමට අත්‍යවශ්‍ය විශ්වාසය විනාශ වෙයි. ආණ්ඩුව හිතුමතේ ¥රකථන ජාල දින ගණන් වසා දමන්නේ නම් අන්තර්ජාලයට තහංචි දමන්නේ නම් විද්‍යුත් පසුම්බි, ජංගම ගෙවීම් හෝ හරපත් සහ බැරපත් ගැන පවා විශ්වාසය තබන්නට සුදානම් වන්නෝ කවරහු ද?

මුහුණු පොත වසා දැමීමෙන් කුඩා ව්‍යාපාරවලට හා විදේශගත ශ‍්‍රමිකයන්ට සිදුවන බලපෑම ගැන ශ‍්‍රී ලංකාවේ අපි කනස්සල්ලට පත් වූයෙමු. එසේ වුවද අඩු තරමින් අන්තර්ජාලය හෝ ක‍්‍රියාත්මක වූ අතර කිසිවකු කෙටි පණිවිඩ සේවා නවතා දැමුවේ නැත. විද්‍යුත් සබඳතා කුමන ආකාරයෙන් හෝ නවතා දැමීම නරක ය. එවන් අවහිර කිරීමක් හැකි තාක් දුරට සීමා කිරීම අත්‍යවශ්‍ය ය. ඒ අතින් ගත් විට සම්පූර්ණ අන්තර්ජාලය අවහිර නොකොට විශේෂිත මෙවලම් පමණක් අවහිර කිරීමේ ශ‍්‍රී ලංකාවේ භාවිතය ඉන්දියානුවන්ට වඩා හානියෙන් අඩුය.
අවහිර කිරීම් හෝ ඉවත් කිරීම විශේෂිත පණිවුඩ හෝ මුහුණු පොතේ කණ්ඩායම් වැනි උපකුලකවලට ඉලක්ක කොට සීමා කළ හැකි නම් වඩාත් හොඳය. එසේ නැත්නම් ආණ්ඩුව කරන දේ සාමූහික දඬුවමක් බවට පත් වෙයි. එය අපගේ ඩිජිටල්කරණ ව්‍යාපෘතියේ අරමුණුවලට හානිදායක වනු ඇත.

දැනට මාස හතරකට වැඩි කලක් තිස්සේ කාශ්මීරයේ සිදුවෙමින් තිබෙන්නේ මෙයයි. මූලික ¥රකථන සබඳතා තවමත් නිදහස් කොට නැති ඇසෑමයේ හා මෙඝාලයේ ජනයා දිගින් දිගට මුහුණ දෙන අපහසුතා සමග සසඳන විට දින කිහිපයක් මා මුහුණ දුන් අපහසුතා ගණන් නොගත යුතු තරම් ය. කාශ්මීරයේ හා ඉරානයේ අන්තර්ජාලය දිගින් දිගට වසා දැමීම මේ සියල්ලට වඩා ජනතා විරෝධීය.

අලූත් ආණ්ඩුවේ තීරණයක් පළමු වරට නීතිය ඉදිරියේ අභියෝගයට ලක්කෙරෙයි

0

අසාධාරණ ලෙස තමා අපරාධ පරීක්‍ෂණ දෙපාර්තමේන්තුවේ සිට ගාල්ල දිසාව බාර නියෝජ්‍ය පොලිස්පතිගේ පෞද්ගලික සහකාර හැටියට මාරුකර යැවීමෙන් තමාගේ මූලික අයිතිවාසිකම් කඩකළේයැයි කියමින් අපරාධ පරීක්‍ෂණ දෙපාර්තමේන්තුවේ හිටපු අධ්‍යක්‍ෂ ජ්‍යෙෂ්ඨ පොලිස් අධිකාරි ඥානේන්ද්‍ර ශානි අබේසේකර ශ්‍රේෂ්ඨාධිකරණය ඉදිරියේ පසුගිය දෙසැම්බර් 20 වැනිදා මූලික අයිතිවාසිකම් පෙත්සමක් ගොනු කළේය.


පෙත්සමේ පළමුවැනි වගඋත්තරකරුවා වන්නේ වැඩබලන පොලිස්පති සීඞී වික‍්‍රමරත්නය. තුන්වැනි වගඋත්තරකරු ජාතික පොලිස් කොමිසමේ සභාපති කේඩබ්ලිව්ඊ කරලියැද්දය. කොමිසමේ අනෙක් සාමාජිකයන් වන, සාවිත‍්‍රි ඞී විජේසේකර, වයිඑල්එම් සවාහිර්, තිලක් කොල්ලූරේ, ගාමිණී නවරත්න, අශෝක විජේතිලක, ජි ජෙයකුමාර් හා පොලිස් කොමිසමේ ලේකම්ද වගඋත්තරකරුවෝය. ඊට අමතරව, මැතිවරණ කොමිෂන් සභාවේ සභාපති මහින්ද දේශප‍්‍රිය හා අනෙක් සාමාජිකයන් වන ජනාධිපති නීතිඥ එන්ජේ අබේසේකර, මහාචාර්ය රත්නජීවන් හූල්ද වගඋත්තරකරුවෝ වෙති. ශානි අබේසේකරගෙන් පසු අපරාධ පරීක්‍ෂණ දෙපාර්තමේන්තුවේ අධ්‍යක්‍ෂ ලෙස පත්කරන ලද ඩබ්ලිව් තිලකරත්න හා ආරක්‍ෂක අමාත්‍යාංශයේ ලේකම්ද වගඋත්තරකරුවන් කර ඇත.


පළමුවැනි වගඋත්තරකාර වැඩබලන පොලිස්පතිවරයා විසින්, තමා ඉතාමත් අසාධාරණ ලෙස, අත්තනෝමතික ලෙස, හිතුවක්කාර ලෙස, සාධාරණ හේතුවක් නැතිව, නීත්‍යනුකූල නොවන හා නීති විරෝධී ලෙස තමා ස්ථාන මාරු කරන ලද බවත්, එම තීරණයට ජාතික පොලිස් කොමිසමේ අනුමැතිය හිමිවුණු බවත්, ඊට සමගාමීව මැතිවරන කොමිෂන් සභාවේද එකඟතාව හිමිවුණු බවත් ශානි අබේසේකර මහතා සිය පෙත්සමෙන් කියයි.


ශානිගේ අතීතය


පෙත්සමේ කියැවෙන පරිදි, ශානි අබේසේකර වූකලි පොලිසියේ අවුරුදු 33ක අතිශය කීර්තිමත් සේවා වාර්තාවකට හිමිකම් කියන්නෙකි.
1986 පෙබරවාරි 10වැනිදා ඔහු පොලිසියට බැඳුණේය. උපපොලිස් පරීෂකවරයකු හැටියටය. කළුතර පොලිස් විදුහලෙන් පුහුණුව අවසන් කළේ 1986 මැයි 30දාය. ඉන්පසු උපපොලිස් පරීක්‍ෂකවරයකු හැටියට කුරුඳුවත්ත පොලිසියේ සේවය කරද්දී පොලිස් විශේෂ කාර්ය බලකායට ඔහු බඳවාගන්නා ලදි. ඒ 1986 ජුලි 1වැනිදාය. කටුකුරුන්ද අභ්‍යාස විදුහලෙන් පැරා මිලිටරි පුහුණුව ලැබුවේය. විශේෂ කාර්ය බලකායේ සේවය කරන අතරතුර ශානි යුද මෙහෙයුම් කලාප ඇතුළුව ලංකාවේ බොහෝ ප‍්‍රදේශවල සේවය කෙළ්ය. ඒ 1990 වනතුරුය. 1991 ජනවාරි 1වැනිදා, පොලිස් පරීක්‍ෂකවරයකු හැටියට උසස්වීමක් ලද ඔහු පොලිස් විශේෂ කාර්ය බලකායේ විශේෂ ප‍්‍රභූන් සඳහා වන ආරක්‍ෂක ඒකකයට අනුයුක්ත කරනු ලැබිණ. ඉතාම වැදගත් පුද්ගලයන්ගේ ආරක්‍ෂාව සම්බන්ධ විශේෂ පුහුණුවක්ද ඔහු ලබා තිබේ. ඒ අනුව, ඔහු අතිවිශේෂ පුද්ගලයන්ගේ සමීප ආරක්‍ෂකයකු හැටියට කාලයක් සේවය කෙළ්ය.


1995 ජනවාරියේ සිට නැවතත් සාමාන්‍ය පොලිස් රාජකාරියට යොදවන ලදුව, නාරාහේන්පිට පොලිසියේ අපරාධ අංශය බාර නියෝජ්‍ය ස්ථානාධිපති විය. ඉන්පසු ග‍්‍රෑන්ඞ්පාස් පොලිසියේද, මරදාන පොලිසියේද සේවය කළේය. 2003 ජනවාරි 1වැනිදා ප‍්‍රධාන පොලිස් පරීක්‍ෂක හැටියට උසස්වීමක් ලද හේ, එය ලබාගත්තේ තමා කළ විශේෂ පෙන්නූ විශේෂ දස්කම්වලට ලද සම්මාන උසස්වීමක් හැටියටය.


1999 ජනවාරි 10 වැනිදා, ශානි අබේසේකර අපරාධ පරීක්‍ෂණ දෙපාර්තමේන්තුවට බඳවාගන්නා ලදි. ඒ එවකට පොලිස්පතිවරයාගෙන්, අපරාධ පරීක්‍ෂණ දෙපාර්තමේන්තුව බාර නියෝජ්‍ය පොලිස්පතිවරයා කළ ඉල්ලීමක් නිසාය. 2007දී ඔහු සහකාර පොලිස් අධිකාරිවරයකු හැටියට උසස් කෙරිණි. ඉන්පසු ඔහු යාපනෙයේ (දිස්ත‍්‍රික් අංක 1* භාර සහකාර පොලිස් අධිකාරිවරයා ලෙස පත්කර යැවිණ. 2009 දී නැවත අපරාධ පරීක්‍ෂණ දෙපාර්තමේන්තුවට කැඳවන ලද්දේය. 2010දී ඔහු හෝමාගෙම දකුණ දිස්ත‍්‍රික් භාර නිලධාරි හැටියට යෙදවිණ. 2010 ජුලි මාසයේදී නැවතත් අපරාධ පරීක්‍ෂණ දෙපාර්තමේන්තුවට කැඳවිණි.


අඟුලාන පොලිසියේ ස්ථානාධිපති ඇතුළු කිහිප දෙනකු වරදකරු කරන ලද කුප‍්‍රකට අඟුලාන පොලිස් ඝාතන නඩුවේදී අපරාධ පරීක්‍ෂකවරයකු හැටියට ඔහු කළ දායකත්වය ගැන එම නඩුව විභාග කළ විනිසුරු ශිරානි තිලකවර්ධන මහත්මිය කළ විශේෂ ඇගැයීමකට ශානි අබේස්කර පාත‍්‍ර විය. ඒ මත, එවකට පොලිස්පති එන්කේ ඉලංගකෝන් විසින් කරන ලද නිර්දේශයක් හේතුවෙන්, ජාතික පොලිස් කොමිෂන් සභාව ඔහුට විශේෂ උසස්වීමක් ප‍්‍රදානය කරන ලදි. 2016 අගෝස්තුවේදී පොලිස් කොමිසම විසින් ඔහු ජ්‍යෙෂ්ඨ පොලිස් අධිකාරි නිලයට උසස්කරන ලදි. ඒ පොලිස් අධිකාරිවරයකු හැටියට ඊට පෙර අවුරුදු පහක කාලය තුළ ඔහු කළ විශිෂ්ට සේවාව ඇගැයීමක් හැටියටය.


2017 සැප්තැම්බරයේදී ශානි අබේසේකර අපරාධ පරීක්‍ෂණ දෙපාර්තමේන්තුවේ අධ්‍යක්‍ෂවරයා හැටියට පත්කරන ලදි. ඒ අපරාධ පරීක්‍ෂණ දෙපාර්තමේන්තුව භාර ජේ්‍යෂ්ඨ නියෝජ්‍ය පොලිස්පති රවි සෙනෙවිරත්න විසින් එවකට පොලිස්පතිවරයා වෙත කරන ලද නිර්දේශය මතය.
ඔහුගේ පොලිස් සේවා කාලය අවුරුදු 33කි. අද දක්වා එම කාලය කිසිදු ආකාරයකින් කිලිටි නොවූ, කිසිදා සේවා අත්හිටුවීමකට භාජනය නොවූ, කිසිදු චෝදනාවක් නොලද සේවා කාලයකි. සමහර මූලික අයිතිවාසිකම් පෙත්සම්වල ඔහු වගඅත්තරකරුවකු ලෙස නම් කර ඇති නමුත්, ඒ ඔහුගේ පෞද්ගලික වගකීමක් නිසා නොව, අපරාධ පරීක්‍ෂණ දෙපාර්තමේන්තුවේ අධ්‍යක්‍ෂවරයා හැටියට නිලයේ නාමයෙනි.


සිය සේවා කාලය තුළ ඔහු සේවා ඇගැයීම්, ත්‍යාග හා විශේෂ වැටුප් වර්ධක රාශියක් ලබාගෙන තිබේ. සිය සේවය විශිෂ්ට ලෙස ඉටුකිරීම සඳහා අවශ්‍ය වන දැඩි පුහුණුවීම්වලටද ඒ කාලය තුළ ශානි අබේසේකර සහභාගිවී තිබේ.


1999දී චන්ද්‍රිකා බණ්ඩාරනායක ජනාධිපතිවරිය ඝාතන ප‍්‍රයත්නය, 2001 කටුනායක ගුවන්තොටුපළට කරන ලද එල්ටීටීඊ ප‍්‍රහාරය, 2005 ඉවෝන් ජොන්සන් ඝාතනය හෙවත් රෝයල් පාර්ක් ඝාතනය, 2006 ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ ඝාතන ප‍්‍රයත්නය, 2008 තරුණයන් පස්දෙනෙකු ඇතුළු 11 දෙනකු නාවික හමුදා බුද්ධි අංශයේ නිලධාරීන් විසින් පැහැරගනු ලදුව අතුරුදහන්කිරීම, 2009 අඟුලාන පොලිසියේ ද්විත්ව මිනීමරුම, 2010 ප‍්‍රගීත් එක්නැලිගොඩ පැහැරගෙන ගොස් අතුරුදහන් කිරීම වැනි ප‍්‍රකට ගණයේ අපරාධ ඇතුළු අපරාධ රාශියක් සම්බන්ධයෙන් අපරාධ පරීක්‍ෂණවලට ශානි අබේසේකර නායකත්වය දී තිබේ.


ස්ථාන මාරුව


ජනාධිපතිවරණය 2019 නොවැම්බර් 16 වැනිදා පැවැති අතර, 17 වැනිදා අවසන් ප‍්‍රතිඵල නිකුත් කරන ලදි. එයින් දින හතරකට පසුව, එනම් 21වැනිදා, වැඩබලන පොලිස්පතිවරයා දුන් ¥රකථන පණිවුඩයක් මගින්, ශානි අබේසේකර වහාම ක‍්‍රියාත්මක වන පරිදි අපරාධ පරීක්‍ෂණ දෙපාර්තමේන්තුව වෙතින් ඉවතට මාරුකර ඇති බව දන්වන ලදි. ඒ ගාල්ල දිසාව භාර නියෝජ්‍ය පොලිස්පතිවරයාගේ පෞද්ගලික සහකාර හැටියටය. එම ¥රකථන පණිවුඩය මෙසේය.
‘ජාතික පොලිස් කොමිෂන් සභාවේ 2019.11.21 දිනැති අංක.. ලිපියේ සඳහන් අනුමැතිය පරිදි හා මැතිවරණ කොමිෂන් සභාවේ 2019.11.20 හා … අංකය දරන ලිපියේ සඳහන් එකඟතාව අනුව පහත ස්ථාන මාරු කිරීම් වහාම ක‍්‍රියාත්මක වන පරිදි මෙයින් නියෝග කරමි.

ජ්‍යෙෂ්ඨ පොලිස් අධිකාරී ජීඑස් අබේසේකර මහතා-අපරාධ පරීක්‍ෂණ දෙපාර්තමේන්තුවේ අධ්‍යක්‍ෂ තනතුරේ සිට ගාල්ල කොට්ඨාසය වෙත (නිපොප ගාල්ල දිසාවගේ පුද්ගලික සහකාර ලෙස*


එම ¥රකථන පණිවුඩයම අනුව, ඩබ්ලිව් තිලකරත්න මහතා අපරාධ පරීක්‍ෂණ දෙපාර්තමේන්තුවේ අලූත් අධ්‍යක්‍ෂවරයා හැටියට පත්කර තිබිණ. ඔහු ඊට පෙර පොලිස් පරිසර ආරක්‍ෂණ අංශයේ අධ්‍යක්‍ෂවරයා විය.


මෙය පොලිසියේ එදිනෙදා කරන සාමාන්‍ය ස්ථාන මාරුවක් නොවේ. එවැනි මාරුවක් ලැබෙන බවට කිසිම පූර්ව දැනුම්දීමක් ශානි අබේසේකරට ලැබී තිබුණේ නැත. එම ස්ථාන මාරුව සඳහා කිසිම හේතු දැක්වීමක් කෙරුණේද නැත. ඒ නිසා, අද වන තුරුත් පෙත්සම්කරු තමාට ස්ථාන මාරුවක් ලබාදුන්නේ කුමන හේතු නිසාදැයි නොදනියි. ඒ නිසා තවමත් එම ස්ථාන මාරුව හේතුවක් නොමැතිව කරන ලද්දක් හැටියට සැලකිය හැකිය.


කෙසේ වෙතත්, තමාගේ නිල ලිපිගොනු හා ලේඛන අදාළ නිලධාරීන්ට ලබාදීමෙන් පසුව, නොවැම්බර් 25වැනිදා ශානි අබේසේකර ගාල්ල දිසාව බාර නියෝජ්‍ය පොලිස්පතිවරයා යටතේ රාජකාරි සඳහා වාර්තා කළේය.


පෙත්සම්කරු විසින් පසුගිය කාලයේ කරන ලද ඉතාම සංවේදී හා සංකීර්ණ අපරාධ පරීක්‍ෂණ හේතුවෙන් ඔහුට ඇති ආරක්‍ෂාව පිළිබඳ අවදානම නිසා, 2008දී පමණ, හිටපු පොලිස්පති එන්කේ ඉලංගකෝන්, ශානි අබේසේකරගේ පෞද්ගලික ආරක්‍ෂාව සහතික කරනු පිණිස, අංක කේඑක්ස් 5303 දරන අතිරේක වාහනය යොදවන ලදි. ඊට අමතරව, ඔහු නිවසේ සිට කාර්යාලයටත්, කාර්යාලයේ සිට නිවසටත් යන එන අතරමග ආරක්‍ෂාව සපයන ලද අතර, රාත‍්‍රියේ ඔහුගේ නිවෙසට විශේෂ කාර්ය බලකායේ ආරක්‍ෂාව සපයා තිබිණ.


එහෙත් ශානි අබේසේකර ස්ථාන මාරු කළ දිනයේම ඒ සියලූ ආරක්‍ෂක පියවර ඉවත් කර තිබිණ.
නොවැම්බර් 22 වැනිදා, තමාගේ ආරක්‍ෂාව සඳහා සපයා තිබුණු කේඑක්ස් 5303 දරන වාහනය ගාල්ලට ගෙනයාමට අවස්ථාව දෙන ලෙස ශානි අබේසේකර, අපරාධ පරීක්‍ෂණ දෙපාර්තමේන්තුව බාර නියෝජ්‍ය පොලිස්පති රවි සෙනෙවිරත්නගෙන් ඉල්ලීමක් කෙළේය. ඊට අවසර දෙමින් සෙනෙවිරත්න මහතා සිය නිර්දේශය වැඩ බලන පොලිස්පතිවරයා වෙත ඉදිරිපත් කෙළේය. එහෙත් මේ වන තුරුම ඔහුගේ ඉල්ලීම සම්බන්ධයෙන් වැඩ බලන පොලිස්පතිවරයාගෙන් ප‍්‍රතිචාරයක් ලැබි නැත. පෙත්සම්කරුගේ ජීවිත ආරක්‍ෂාව සම්බන්ධ ඇති බිය එලෙසම පවතියි.
පොලිසියේ මේ වන විට සිටින 101ක් වන ජ්‍යෙෂ්ඨ පොලිස් අධිකාරිවරුන් අතරින් ජ්‍යෙෂ්ඨත්වයෙන් ශානි අබේසේකර සිටින්නේ 13වැනි තැනය. ඒ 101ක්වූ ජ්‍යෙෂ්ඨ පොලිස් අධිකාරිවරුන් අතරින්, නියෝජ්‍ය පොලිස්පතිවරයකුගේ පෞද්ගලික සහකාර හැටියට යොදවන ලද එකම ජ්‍යෙෂ්ඨ පොලිස් අධිකාරිවරයා ඔහුය.


නියෝජ්‍ය පොලිස්පතිවරයකුගේ පෞද්ගලික සහකාරවරයකුට නිශ්චිත රාජකාරි ලැයිස්තුවක් නැත. පෙත්සම්කරුගෙන් දැන් වැඩ හැටියට බලාපොරොත්තු වන්නේ, නියෝජ්‍ය පොලිස්පතිවරයාට ලැබෙන ලිපි විවෘත කිරීම, එම ලිපි ලේඛනගත කිරීම, නියෝජ්‍ය පොලිස්පතිවරයාගේන් අනිකුත් නිලධාරීන්ට හා ඔවුන්ගෙන් නි. පොලිස්පතිවරයාට පණිවුඩ හුවමාරු කිරීම, නියෝජ්‍ය පොලිස්පතිවරයා කාර්යාලයේ නැති අවස්ථාවලදී ඔහුට එන ¥රකථන ඇමතුම්වලට පිළිතුරු දීම ආදියයි. ඒ නිසා, අපරාධ පරීක්‍ෂණ දෙපාර්තමේන්තුවේ තනතුරේ සිට නියෝජ්‍ය පොලිස්පතිවරයකුගේ පෞද්ගලික සහකාර තනතුර දක්වා යෙදවීම තනතුරෙන් පහළ දැමීමකි.


පෙත්සම්කරු අධ්‍යක්‍ෂවරයාව සිටියදී, අපරාධ පරීක්‍ෂණ දෙපාර්තමේන්තුව විසින් ඉහළ මට්ටමේ අපරාධ ගණනාවක් ගැන විමර්ශන සිදුකළේය. එවැනි සමහර විමර්ශන තවමත් අවසාන වී නැත. ඒ නිසා, අපරාධ පරීක්‍ෂණ දෙපාර්තමේන්තුවෙන් ශානි අබේසේකර ඉවත් කිරීම වූකලි, එම විමර්ශන සම්බන්ධයෙන් අධීක්‍ෂණය කිරීම, මෙහෙයවීම හා පාලනය ඔහුගෙන් ඉවත් කිරීමකි.
එවැනි සමහර විමර්ශන ආරක්‍ෂක හමුදාවල විවිධ සාමාජිකයන්ට හා දේශපාලකයන්ට එරෙහිව ලද පැමිණිලි මත කළ ඒවාය. පෙත්සම්කරු විශ්වාස කරන්නේ, සිය ස්ථාන මාරුව පොලිසියේ රාජකාරි අවශ්‍යතා හා සේවා හුවමාරු සඳහා හෝ හදිසි රාජකාරි අවශ්‍යතාවකට කළ දේකට එහා ගිය හේතුවක් නිසා කළ එකක් බවයි. ඒ වාගේම පෙත්සම්කරු සිතන්නේ තමාගේ ස්ථාන මාරුව, බාහිර බලපෑමක් නිසා හෝ ඊට සමගාමී හේතු මත, අපරාධ පරීක්‍ෂණ දෙපාර්තමේන්තුවේ අධ්‍යක්‍ෂ හැටියට පෙග්සම්කරුගේ අධීක්‍ෂණය යටතේ් මෙතෙක් පවත්වාගෙන එන ලද ඉතා සංවේදී, සංකීර්ණ හා ඉහළ ගණයේ විමර්ශන කඩාකප්පල් කිරීම සඳහා කරන ලද්දක් බවයි.
ඉහත කරුණු මත පෙත්සම්කරු කියන්නේ, සිය ස්ථාන මාරුව මගින් කිසිදු නීත්‍යනුකුල හෝ යුක්තිසහගත හේතුවක් හෝ යුක්තිසහගත කිරීමක් නැතිව කරන ලද්දක් බවයි. සේවා අවශ්‍යතා මත හෝ විනය හේතු මත කරන ස්ථාන මාරුවක් නොවන්නට, අපරාධ පරීක්‍ෂණ දෙපාර්තමේන්තුවේ තනතුර දිගටම දැරීමට පෙත්සම්කරුට සාධාරණ හා නීත්‍යනුකූල බලාපොරොත්තුවක් තිබිණ. එහෙත් මේ ස්ථාන මාරුව එවැනි කිසිම හේතුවක් නොදක්වා කරන ලද්දකි.


නොවැම්බර් 26 වැනිදා, මාධ්‍ය වාර්තා හරහා පෙත්සම්කරුට දැනගන්නට ලැබුණේ, අපරාධ පරීක්‍ෂණ දෙපාර්තමේන්තුවට අනුයුක්ත නිලධාරීන් 704 දෙනකුට විදේශ ගමන් තහනමක් පනවා ඇතිි බවයි. තමා අපරාධ පරීක්‍ෂණ දෙපාර්තමේන්තුවෙන් මාරුකර යවා තිබුණද, තමාගේ නම එම ලැයිස්තුවේ තිබෙන බව ශානි අබේසේකරට දැනගන්නට හැකිවිය.


දෙසැම්බර් 3වැනිදා, විශේෂ විමර්ශන අංශයේ අධ්‍යක්‍ෂවරයා, දකුණු දිසාව භාර නියෝජ්‍ය පොලිස්පතිවරයාට කළ දැනුම්දීමක් අනුව, දෙසැම්බර් 6 වැනිදා උදේ 9ට එම අංශය වෙත පැමිණෙන ලෙස දන්වන ලදි. ඒ වැඩ බලන පොලිස්පතිවරයාගේ නියමය පරිදි එම අංශය විසින් පවත්වන ‘හදිසි විමර්ශන’ දෙකක් සඳහා පෙත්සම්කරුගෙන් ප‍්‍රකාශ සටහන් කරගැනීමට අවශ්‍යයැයි කියමිනි. ඒ අනුව දෙසැම්බර් 6 වැනිදා පෙත්සම්කරු එම අංශයට ගියේය. එම අංශය ඔහුගෙන් ප‍්‍රශ්න කර තිබුණේ, පොලිස් පරීක්‍ෂක නිශාන්ත සිල්වා විදේශගත වීම හා විශ‍්‍රාමලත් නියෝජ්‍ය පොලිස්පති පාලිත සිරිවර්ධන, මාවනැල්ලේ බුදුපිළිම කිහිපයකට හානි කිරීම ගැන කර තිබුණු පැමිණිල්ලක් සම්බන්ධයෙනි.


දෙසැම්බර් 8 වැනිදා තමාගේ ස්ථාන මාරුවට එරෙහිව ශානි අබේස්කර පොලිස්පතිවරයාට අභියාචනයක් කළේය. අද වන තුරුත් ඒ ගැන ප‍්‍රතිචාරයක් නැත.


පෙත්සම්කරු කියන්නේ, සිය ස්ථාන මාරුව, සිය රාජකාරි අවශ්‍යතාවලට පටහැනි බවයි. එසේම මහජනයා අතර මෙන්ම සහෝදර පොලිස් නිලධාරීන් අතර තමා අවමානයට සහ අපහසුතාවට ලක්කරන බවයි.


මේ ස්ථාන මාරුව, කිසිම යුක්තිසහගත හේතුවක් නැතිව, හිතුවක්කාර ලෙස, අසාධාරණ ලෙස, අයුක්තිසහගත ලෙස හා තර්කානුකූල පදනමක් නැතිව කරන ලද්දකි. බාහිර වුවමනාවන් වෙනුවෙන්, අදාළ නොවන කරුණු මත පදනම්ව කරන ලද්දකි. කිසිම නීතිමය පදනමක් නැතිව කරන ලද්දකි. පෙත්සම්කරුගේ නීත්‍යනුකූල අපේක්‍ෂාවන්වලට එරෙහිව කරන ලද්දකි. අසද්භාවයෙන් කරන ලද්දකි. නීත්‍යනුකූල බලය ඉක්මවා කරන ලද්දකි. නීති විරෝධීය. නීතියට පටහැණිය. ස්වාභාවික යුක්තියේ මූලධර්මවලට පටහැණිව කරන ලද්දකි. පෙත්සම්කරුට වෙනස් ලෙස සැලකීමකි.


ඒ නිසා, වගඋත්තරකරුවන් විසින්, ආණ්ඩුක‍්‍රම ව්‍යවස්ථාවේ 11 ව්‍යවස්ථාවෙන් දක්වා ඇති, අවමන් සහගත සැලකිල්ලක් හෝ දඬුවමක් නොලැබීමට ජ්‍යෙෂ්ඨ පොලිස් අධිකාරි ශානි අබේසේකරට ඇති අයිතිය කඩ කර තිබේ. 12(1* යටතේ සහතික කර ඇති, නීතිය ඉදිරියේ සමාන සැලකිල්ලක් හා ආරක්‍ෂාව ලැබීමට ඇති අයිතිය කඩ කර තිබේ. 12(2* යටතේ සහතික කර ඇති, වර්ගය, කුලය, ආගම, භාෂාව, ලිංගිකත්වය, දේශපාලන මතය, උපන් ස්ථානය යනාදිය මත වෙනස්කොට සැලකුම් නොලැබීමට ඇති අයිතිය කඩකර තිබේ. 14(1* යටතේ ඇති, ඕනෑම නීත්‍යනුකූල රැුකියාවක, වෘත්තියක, වෙළඳාමක, ව්‍යාපාරයක හෝ ව්‍යවසායකත්වයක යෙදීමට ඇති අයිතිය කඩකර තිබේ.

රාජ්‍යයේ තනතුරු හමුදාවෙන් පුරවා මේ කොහි යන්නේ

0


ජනාධිපති ගෝඨාභය රාජපක්ෂ බලයට පත්වීමෙන් පසු කරන ලද ප‍්‍රථම පත්වීම් කිහිපයෙන් එකක් වූයේ ආරක්ෂක අමාත්‍යාංශ ලේකම්වරයා වශයෙන් විශ‍්‍රාමික මේජර් ජෙනරාල් කමල් ගුණරත්න පත්කිරීමය.


මෙය ඊට පෙර මහින්ද රාජපක්ෂ ආණ්ඩු සමයේදී ලූතිනන් කර්නල්වරයෙකු වශයෙන් පමණක් අත්දැකීම් තිබූ (ඇමෙරිකාවේදී ඔහු කළේ මොනවාදැයි නිශ්චිත නැත.* ගෝඨාභය රාජපක්ෂ මහතා ආරක්ෂක අමාත්‍යාංශ ලේකම්වරයා වශයෙන් පත්කිරීම හා සමානකමක් දරයි.
මීට දශක කිහිපයකට පෙර රටේ අමාත්‍යාංශයක ලේකම්වරයෙකු ලෙස පත්කිරීමේ පිළිගත් හා සාමාන්‍ය සම්ප‍්‍රදාය වූයේ පරිපාලන සේවයේ සුදුසුකම් ලත් ජ්‍යෙෂ්ඨ නිලධාරියෙකු ඒ සඳහා පත්කිරීමය. ඉන් බාහිරව අමාත්‍යාංශ ලේකම්වරුන් පත්කිරීම විටින් විට සිදුවූවත් එතෙක් පත්කරන ලද පුද්ගලයෝ පෞද්ගලික අංශයේ හෝ ව්‍යාපාරික ක්ෂේත‍්‍රයේ අත්දැකීම් සහිත අය වූහ. හුදු හමුදා නිලධාරීහු නම් නොවූහ.


එමෙන්ම වෙනත් රජයේ ආයතනවලට හා රජයේ පරිපාලනයට අදාළ තනතුරුවලට හමුදා සාමාජිකයන් පත්කිරීම සිදුනොවූ තරම්ය. එම අත්දැකීම අපට අමුවෙන්ම අත්දකින්නට මුලින්ම ලැබුණේ පසුගිය මහින්ද රාජපක්ෂ ආණ්ඩු සමයේදීය.


එම ආණ්ඩු සමයේදී නැගෙනහිර පළාතේ ආණ්ඩුකාරවරයා වශයෙන් රියර් අද්මිරාල් මොහාන් විජේවික‍්‍රම පත්කරනු ලැබීය. උතුරු පළාත් ආණ්ඩුකාරවරයා ලෙස මේජර් ජෙනරාල් ජී.ඒ. චන්ද්‍රසිරි පත්කරනු ලැබීය. ඔහු ආණ්ඩුකාරධුරයට ප‍්‍රථම යාපනය යුද හමුදා ආඥාපති වශයෙන්ද කටයුතු කළේය. එමෙන්ම ත‍්‍රිකුණාමලය දිස්ත‍්‍රික් ලේකම්වරයා වශයෙන් මේජර් ජෙනරාල් ටී.ටී.ආර්. සිල්වා පත්කරනු ලැබීය.


තවද සක‍්‍රිය හමුදා සේවයේ සිටින හමුදා සාමාජිකයන් ජාත්‍යන්තර සංවිධානවල ශ‍්‍රී ලංකා නියෝජිතයන් ලෙස මෙන්ම තානාපති කාර්යාලවල මිලිටරි ඇටෑච්ලා ලෙස පත්කිරීමද සිදුවූයේ මහින්ද රාජපක්ෂ ආණ්ඩු සමයේදීය. එහිදී විශේෂම පත්කිරීම වූයේ වත්මන් යුද හමුදාපති ශවේන්ද්‍ර සිල්වා එක්සත් ජාතීන්ගේ සංවිධානයේ ප‍්‍රධාන කාර්යාලයේ දෙවන නිත්‍ය නියෝජිතයා ලෙස පත්කිරීමය.


වත්මන් ගෝඨාභය රාජපක්ෂගේ ජනාධිපති සමයද එම පෙර අත්දැකීමෙන් වෙනස් නොවන බව දැනටමත් පෙන්වා ඇත. ඒ පෙර සඳහන් කළ විශ‍්‍රාමික මේජර් ජෙනරාල් කමල් ගුණරත්න ආරක්ෂක අමාත්‍යාංශ ලේකම්වරයා වශයෙන් පත්කිරීම නිසාම නොව ඒ ආකාරයේ තවත් පත්කිරීම්ද නිසාය.


හිටපු නාවික හමුදාපතිවරයෙකු වූ අද්මිරාල් ජයනාත් කොළඹගේ ජනාධිපතිවරයාගේ විදේශ කටයුතු පිළිබඳ අතිරේක ලේකම්වරයා වශයෙන් පත් කර තිබේ. විශ‍්‍රාමික මේජර් ජෙනරාල් ජී.ඒ. චන්ද්‍රසිරි සිවිල් ගුවන් සේවා අධිකාරියේ සභාපතිවරයා වශයෙන් පත්කර තිබේ. හිටපු යුද හමුදාපතිවරයෙකු වූ ජෙනරාල් දයා රත්නායක ශ‍්‍රී ලංකා වරාය අධිකාරියේ සභාපතිවරයා වශයෙන් පත්කර තිබේ. ආරක්ෂක අමාත්‍යාංශ ලේකම් විශ‍්‍රාමික මේජර් ජෙනරාල් කමල් ගුණරත්න එම අමාත්‍යාංශ ලේකම් ධුරයට අමතරව විදුලි සංදේශ නියාමන කොමිසමේ සභාපතිවරයා වශයෙන්ද පත්කර තිබේ.


තවද ජාතික බුද්ධි ප‍්‍රධානී ලෙස විශ‍්‍රාමික මේජර් ජෙනරාල් ජගත් ද අල්විස් පත්කර තිබේ. යහපාලන ආණ්ඩුවේ එම තනතුරේ කටයුතු කළේ විශ‍්‍රාමික නියෝජ්‍ය පොලිස්පති සිසිර මෙන්ඩිස්ය. වඩාත් බරපතළම පත්කිරීම වූයේ රාජ්‍ය බුද්ධි සේවාවේ ප‍්‍රධානියා ලෙස සක‍්‍රිය හමුදා නිලධාරියෙකු වන බි‍්‍රගේඩියර් සුරේෂ් සලේ පත්කිරීමය. රාජ්‍ය බුද්ධි සේවාව යනු පොලිස් දෙපාර්තමේන්තුව යටතේ ඇති පොලිස් නිලධාරීන්ගෙන් සමන්විත රජයේ බුද්ධි සේවයය. එහි ප‍්‍රධානියා ලෙස ඉතිහාසයේ කවරදාකවත් පොලිස් දෙපාර්තමේන්තුවෙන් පිට කිසිවෙකු පත්කර නැත. නීතිය අනුව නම් එසේ පත්කිරීමේ හැකියාවක්ද නැත. මන්ද පොලීසිය යනු දෙපාර්තමේන්තුවක් වන බැවිනි.


රාජ්‍ය ආයතනවලට ප‍්‍රධානීන් පත්කිරීමද තවම අවසන් නැත. දැනටමත් ප‍්‍රධානීන් පත්කර ඇත්තේ රාජ්‍ය ආයතන කිහිපයකට පමණි. ඉදිරියේදී තවත් රාජ්‍ය ආයතනවලටත්, රජයේ තනතුරුවලටත් විශ‍්‍රාමික හා සක‍්‍රිය හමුදා නිලධාරීන් පත්කළ හැකිය. විදේශ සේවය සඳහා තවම අලූත් පත්කිරීම් කර නැත. දැනට විදේශ සේවයේ සිටින බොහෝ අය ආපසු කැඳවා ඇත. ඒ අනුව විදේශ සේවයේ තනතුරුවලටද මහින්ද රාජපක්ෂ ආණ්ඩු සමයේදී මෙන් සක‍්‍රිය හා විශ‍්‍රාමික හමුදා නිලධාරීන් පත්කරනු ඇතැයි අනුමාන කළ හැකිය.


රාජ්‍ය ආයතනවලට සුදුසු පුද්ගලයන් පත්කිරීම සඳහා ජනාධිපතිවරයා කමිටුවක් පත්කළේය. අප මීට පෙර පෙන්වාදී ඇති පරිදි එම කමිටුවේද නාලක ගොඩහේවා වැනි රාජ්‍ය මුදල් අවභාවිතය ගැන අධිකරණයේ නඩු තිබෙන නුසුදුස්සෝ සිටිති.


එම කමිටුවේ සාමාජික සුසන්ත රත්නායක මහතා ආයෝජන මණ්ඩලයේ සභාපති ලෙස පත්කර ඇත. එම කමිටුවේ තවත් සාමාජිකයෙකු වන වෛද්‍ය ප‍්‍රසන්න ගුණසේන රාජ්‍ය ඖෂධ සංස්ථාවේ සභාපති ලෙස පත්කර ඇත. කමිටු සාමාජිකයන් දෙදෙනාගේ එම පත්වීම් දෙක එම කමිටුව නිර්දේශ කළාදැයි දන්නේ නැත.


කෙසේ වෙතත් එම කමිටු සාමාජිකයන් දෙදෙනාට තවදුරටත් එම කමිටුවේ කටයුතු කළ හැකිද යන ප‍්‍රශ්නයද පැනනගී. එමෙන්ම ජනාධිපතිවරයාගේ රාජ්‍ය ආයතන ප‍්‍රධානීන් පත්කිරීමේ එම කමිටුව නීති මගින් විෂයභාර අමාත්‍යවරුන්ට පැවරී තිබූ බලතල නීති විරෝධී ආකාරයට ජනාධිපතිවරයා අත්පත් කරගැනීමක් බවද අප අමතක නොකළ යුතුය.


19 වැනි සංශෝධනය අහෝසි කරනවායැයි හා 13 වැනි සංශෝධනයේ ඇති බලතල පවා ක‍්‍රියාත්මක කිරීමට නොදෙනවායැයි ජනාධිපතිවරයා දැනටමත් කියා ඇත. ඒ අනුව පෙනෙන්නේ නීතිය අබිබවා ඔහුට ඕනෑ ආකාරයට රට පාලනය කිරීම සඳහා ජනාධිපතිවරයා උත්සාහ දරන බවය. එම උත්සාහය සාක්ෂාත් කරගැනීම සඳහා රාජ්‍යයේ වැදගත් තනතුරුවලට විශ‍්‍රාමික හා සක‍්‍රිය හමුදා සාමාජිකයන් පත් නොකරාවියැයි සිතිය නොහැකිය.


එම සිතීමට අප බලකරන්නේ කරුණු දෙකක්ය. එකක් මහින්ද රාජපක්ෂ ආණ්ඩු සමයේ ඔහු රාජ්‍ය බලය නොමැතිව රජයේ තනතුරු හමුදා සාමාජිකයන්ගෙන් පිරවීමේ උදාහරණයය. දෙවැන්න ඔහුගේ රාජ්‍ය බලය යටතේ මේ වන විටත් කර ඇති හමුදා පත්කිරීම්ය.

ජාතික ගීය දෙමළෙන් අහන්නවත් බැරිනම්..

මීළඟ නිදහස් දින උත්සවය 2020 පෙබරවාරි 04 වැනිදා නිදහස් චතුරස‍්‍රයේදී පැවැත්වීමට රජය තීන්දු කර ඇත. ඒ පිළිබඳව රාජ්‍ය පරිපාලන අමාත්‍යාංශයේ දෙසැම්බර් 23 වැනිදා සාකච්ඡුාවක් පවත්වා තිබුණි. එහිදී ගෙන තිබුණු එක් තීන්දුවක් වන්නේ ජාතික ගීය සිංහලෙන් පමණක් ගායනා කිරීමය.

2015 සිට මේ දක්වා නිදහස් උත්සවවලදී ජාතික ගීය සිංහලෙන් ගායනා කර තිබුණි. ඒ යහපාලන ආණ්ඩුව පත්වූ විගස පාලනය පිළිබඳව සාකච්ඡුා කිරීමේ පහසුව සඳහා ඇති කරගත් ජාතික විධායක සභාව නම් ආයතනයේදී ඇති කරගත් එකඟතාවක් අනුවය. එහි සාමාජිකත්වය දැරූ මනෝ ගනේෂන් මහතා එහිදී ශ‍්‍රී ලංකාවේ ජාතික ගීය සිංහල හා දෙමළ භාෂාවලින් තිබුණත්, ලංකාවේ රාජ්‍ය භාෂාවක් ලෙස දෙමළ භාෂාව සැමරුවත් ජාතික ගීය සිංහලෙන් පමණක් ගායනා කරන බව කියා තිබුණි. එවකට අතිශය ප‍්‍රගතිශීලී ස්ථාවරයන්හි සිටි ජනාධිපති මෛත‍්‍රීපාල සිරිසේන මහතා කියා තිබුණේ ජාතික ගීය දෙමළෙන් ගායනා කිරීමට කිසිදු බාධාවක් නැති බවයි. නිදහස් උත්සවය ඇතුළු ජාතික උත්සවවලදී ජාතික ගීය භාෂා දෙකෙන්ම ගායනා කිරීමේ සම්ප‍්‍රදායක් ඇතිවුණේ ඒ අනුවය.


එය ලංකාවේ ජනවර්ග අතර සමානාත්මතාව පිළිබඳ හැඟීම වර්ධනය කළ අවස්ථාවක් විය. තමන්ගේ භාෂාව අනෙක් ජනවර්ග මත පැටවීම වෙනුවට අනෙක් ජනවර්ගවල භාෂා අයිතිය පිළිගැනීම වැදගත් කාරණයකි.


යුද්ධය සමග ජනවර්ග අතර ඇතිවූ ගැටුම් නිසා අභියෝගයට ලක්වුණු නමුත් ලංකාවට ජාතික ගීයක් ලැබුණු කාලයේ පටන්ම ලංකාවේ දෙමළ ජාතික ගීයක් තිබුණි. ලංකාවේ ආණ්ඩුක‍්‍රම ව්‍යවස්ථාවට ජාතික ගීය ඇතුළත්ව තිබෙන අතර එහි දෙමළ ජාතික ගීයද ඇත. 1978 දී සම්මත වූ ආණ්ඩුක‍්‍රම ව්‍යවස්ථාව අනුව ජාතික භාෂා ලෙස දෙමළ හා සිංහල භාෂා පිළිගැනුණි. ලංකාවේ සියලූ ව්‍යවස්ථා සහ අණපනත්වල දෙමළ පිටපත් ඇත. ආණ්ඩුක‍්‍රම ව්‍යවස්ථාවේ පස්වෙනි වගන්තියෙහි ශ‍්‍රී ලංකා ජාතික ගීය පිළිබඳව සඳහන්ව තිබේ.


තුන්වැනි උපලේඛනයෙහි ජාතික ගීයෙහි පදමාලාව සහ සංගීතය සඳහන්ව ඇත. ව්‍යවස්ථාවේ සිංහල පිටපතෙන් ජාතික ගීය ලෙස සිංහලෙන් ‘ශ‍්‍රී ලංකා මාතා අප ශ‍්‍රී ලංකා’ යනුවෙන් ජාතික ගීය සඳහන් වන අතර එහි දෙමළ පිටපතෙහි එම සංගීතයට අදාළ එම ජාතික ගීයම දෙමළ භාෂාවට පරිවර්තනය වී සඳහන් වන අතර ‘ශ‍්‍රී ලංකා තායේ’ යනුවෙන් එම පරිවර්තනය ආරම්භ වේ. ආණ්ඩුක‍්‍රම ව්‍යවස්ථාවේ දෙමළ පරිවර්තනය සලකා බලන අයකුට මෙම ව්‍යවස්ථාවේ අවුල ලිහාගත හැකිවනු ඇත. ජාතික ගීයේ පදමාලාව එකමය. සංගීතය එකමය. ගායනා කරන විට දැනෙන හැඟීමද එකමය.


වත්මන් ආණ්ඩුව ගෙන ඇති පියවර අනුව සිදුවන්නේ සිංහල භාෂාව නොදන්නා අයට ශ‍්‍රී ලංකාව තමන්ගේ මව බවට හැඟීමක් නොදැනීමය. නොදන්නා සිංහල බසින් කියන අර්ථයක් නොදන්නා හුදු වචන ටිකක් පමණක් අසන්නට සිදුවීමය.


මීට පෙර මහින්ද රාජපක්ෂ මහතාගේ ආණ්ඩුව සමයේ ජාතික ගීය දෙමළෙන් ගැයීම පිළිබඳව වාසුදේව නානායක්කාර මහතා පාර්ලිමේන්තුවේදී අදහස් දැක්වූ අවස්ථාවක ඊට විරුද්ධ වෙමින් විමල් වීරවංශ මහතා කියා තිබුණේ ඉන්දියාවේ වැඩි පිරිසක් කතා කරන භාෂාව වන හින්දි භාෂාවෙන් වෙනත් භාෂා කතා කරන බහුතර ජනතාවක් ජාතික ගීය ගයන බවත් ලංකාවේ රටේ බහුතරය සිංහල භාෂාවෙන් දෙමළ ජනතාවද ජාතික ගීය ගායනා කළ යුතු බවත්ය. එදා විමල් වීරවංශ ඇමතිවරයා කී කතාව සම්පූර්ණ බොරුවකි. ඉන්දියාවේ ජාතික ගීය රබීන්ද්‍රනාත් තාගෝර් විසින් ලියා ඇත්තේ සුළුතර භාෂාවක් වන බෙංගාලි භාෂාවෙන්ය. එම බසින් ඇති ජාතික ගීය ගයන්නට බහුතර ජනතාවට විනයක් තිබුණි.


එම කතාවේදී විමල් වීරවංශ කියා තිබුණේ මෙවන් විකාර වැඩ ලෝකයේ කොහේවත් නොවන බවය. එහෙත් දකුණු අප‍්‍රිකාවේ ජාතික ගීය භාෂා පහකින් ගයන බවත්, කැනඩාව, නවසීලන්තය, කැමරන්, අයර්ලන්තය, ස්විට්සර්ලන්තය ඇතුළු රටවල් විශාල ප‍්‍රමාණයක් ජාතික ගීය එකකට වැඩි භාෂා ගණනකින් ගයන බවත් ඔහු දැන සිටියේ නැත.


1948 පැවති පළමු නිදහස් උළෙලේද ජාතික ගීය භාෂා දෙකකින් ගායනා කර තිබුණි. ඒ වත්මන් ජාතික ගීය නොවේ. 1951දී ආනන්ද සමරකෝන් මහතා ලියූ වත්මන් ජාතික ගීය භාවිතා කිරීම අරඹා තිබුණි. එම කාලයේදීම එම්. නල්ලතම්බි නමැති ශ‍්‍රී ලාංකිකයා විසින් එම ජාතික ගීය දමිළ භාෂාවට පරිවර්තනය කර තිබුණි. ඒ සිංහල කතා කරන පුරවැසියෙක් ජාතික ගීය ගයද්දී දැනෙන හැඟීම දෙමළ පුරවැසියෙකුටද ඇතිවනු පිණිස ය. දෙමළ පෙළපොත්වල පවා ජාතික ගීයේ දෙමළ පරිවර්තනය තිබුණි. දෙමළ ශිෂ්‍ය ශිෂ්‍යාවෝ් අභිමානයෙන් ජාතික ගීය ගැයූහ. අවබෝධ කරගත්හ.
‘ශ‍්‍රී ලංකා මාතා’ යනුවෙන් ආරම්භ වී ‘එක මවකගේ දරු කැල බැවිනා-යමු යමු වී නොපමා’ යනුවෙන් අර්ථාවබෝධයද සමග සිංහල නොදන්නා දෙමළ කතාකරන දරුවන් ජාතික ගීය ගායනා කිරීම වත්මන් ආණ්ඩුවේ බියට හේතුවනවාදැයි අපි නොදන්නෙමු. මෙවැනි ක‍්‍රියාවලින් ලංකාවේ අනෙකුත් ජනවර්වලට යන පණිවුඩය කුමක්දැයි අප කල්පනා කළ යුතුය. ආණ්ඩුව රට හැදීම යැයි කියන්නේ මේ ජාතීන් එකතු කොට ශ‍්‍රී ලාංකික ජනවර්ගයක් ගොඩනැඟීම නොවේදැයි අප කල්පනා කර බැලිය යුතුය.


ජාතික ගීය දෙමළින් ගායනා කළහොත් සිදුවන හානිය කුමක්ද, රිදෙන්නේ කාටද, මොහොතකට දෙමළ භාෂාවට ඇහුම්කන් දෙන්නට බැරි තරම් අප‍්‍රියතාවක් ආණ්ඩුවේ නායකයන්ට තිබෙනවාද වැනි ප‍්‍රශ්න අපට මතුවෙයි. පෙනෙන විදියට නිදහස් දිනයේදී අමතර විනාඩි කිහිපයක් වැයකොට දෙමළෙන් ජාතික ගීය ගැයීම වැනි සුළු දෙයක්වත් ජනවර්ග අතර සමගිය වෙනුවෙන් කළ නොහැකි ආණ්ඩුවක් දැන් අපට ඇත.

චම්පිකට අත්අඩංගුවට ගනිද්දී තිබුණු චෝදනාවක් පසුව හැලිලා

පාර්ලිමේන්තු මන්ත‍්‍රී චම්පික රණවක අත්අඩංගුවට ගත්තේ දෙසැම්බර් 18 වැනිදාය. අත්අඩංගුවට ගැනීම සාධාරණය කරමින් ඔහුට එල්ල කළ චෝදනා අතර 2016 පෙබරවාරි මාසයේදී රිය අනතුරක් සිදුකිරීම, පලායෑම, ඉන්පසුව වෙනත් රියදුරෙකු ඉදිරිපත් කොට පරීක්ෂණ කටයුතු මඟහැරීම යන කාරණාවලට අමතරව පොදු දේපළක් වන රජයේ නිල රථයට හානි කිරීම පිළිබඳ චෝදනාවක්ද විය. එම රිය අනතුර පිළිබඳව මීට පෙර අධිකරණ විමර්ශනයක් පවත්වා එම ජීප් රියේ රියදුරා වන තුසිත දිලූම් කුමාරට දඩ මුදලක්ද නියම කර තිබුණි.


දෙසැම්බර් 24 වැනිදා චම්පික රණවක මන්ත‍්‍රීවරයාගේ නඩු විභාගය කොළඹ අතිරේක මහේස්ත‍්‍රාත් කාංචනා නෙරංජනී සිල්වා ඉදිරියේ කැඳවූ අවස්ථාවේදී ඉහත කී පොදු දේපළ පනතේ චෝදනාව පිළිබඳව වැදගත් කාරණාවක් හෙළිවිය. ඒ පිළිබඳව මාධ්‍යවලින් එතරම් උනන්දුවක් නැතිව වාර්තා කර තිබුණි. එහෙත් චම්පික රණවක මන්ත‍්‍රීවරයාට එරෙහි පරීක්ෂණය හදිසියේ කළ එකක් බව පොදු දේපළ පනතේ කතාවෙන් පැහැදිලි වෙයි.


චම්පික රණවක මන්ත‍්‍රීවරයා අත්අඩංගුවට ගැනීමට හේතු වූ කරුණ වන්නේ 2016 පෙබරවාරි මාසයේදී රාජගිරියේදී සිදුවූ රිය අනතුරකට ඔහු සම්බන්ධ වී අධිකරණය මඟහරින ලද බවට එල්ලවන චෝදනාවයි. ජීප් රියේ රියැදුරාට චෝදනා එල්ල කළද අනතුර සිදුවූ මොහොතේ රිය පැදවූයේ එම රියැදුරා නොවන බව චෝදනා කර තිබුණි. බැලූ බැල්මට එවැනි චෝදනාවක් එල්ලකිරීමට සාධාරණ බව කෙනෙකුට කල්පනා කළ හැකිය. බලවත් අමාත්‍යවරයෙකු එවැනි ක‍්‍රියාවක් සිදුකළායැයි සැකකිරීමත් ගැටලූවක් නොවේ. සාමාන්‍යයෙන් දේශපාලන බලය හිමි පුද්ගලයන් මෙවැනි අවස්ථාවල හැසිරෙන ආකාරය පිළිබඳව සමාජය තුළ කුකුසක් පැවතීම පුදුමයට කාරණාවක් නොවේ.


එහෙත් මෙම පරීක්ෂණය ආරම්භ කළ අවස්ථාවේ සිට එය හදිසියේ කළ ආකාරයත්, රියැදුරාගේ පවුලේ සාමාජිකයන් කොළඹ අපරාධ කොට්ඨාසයෙන් පැහැරගැනීමත් ආදි කාරණා රැුසක් මෙම පරීක්ෂණය හුදු දේශපාලන වෛරය මත හදිසියේ සැලසුම් කොට සිදුකරමින් පවතින එකක්ද යන සැකය මුල සිටම ඇති කිරීමට හේතු වී තිබුණි. විශේෂයෙන්ම මීට පෙර රිය අනතුර සම්බන්ධයෙන් දඬුවම් ලද රියැදුරාගේ පවුලේ සාමාජිකයන් බලහත්කාරයෙන් රැුගෙන යෑමෙන් රියැදුරාට බලපෑම් කර ඔහුගේ කටඋත්තරයක් ලබාගැනීමට කරන ලද්දක් දැයි බරපතළ සැකයක් ඇති කළේය.


ඒ සියල්ල මැද්දේ දෙසැම්බර් 18 වැනිදා රාත‍්‍රියේ පැමිණ එක්වරම චම්පික රණවක ඇමතිවරයා අත්අඩංගුවට ගැනීමෙන් සැකය වඩාත් තීව‍්‍ර විය. චම්පික රණවක ඇමතිවරයාට තිබුණු චෝදනා කොළඹ අතිරේක මහේස්ත‍්‍රාත් අධිකරණයට ඉදිරිපත් කර තිබුණේ අත්අඩංගුවට ගැනීමෙන් පසු දිනය වන දෙසැම්බර් 19 වැනිදාය.


දණ්ඩ නීති සංග‍්‍රහයේ 102, 113(අ*, 190, 198, 202, 329 සහ 400 යන වගන්ති සහ මෝටර් වාහන පනතේ වගන්ති යටතේ චෝදනා ගොනු කර තිබුණි. ඊට අමතරව පොලීසිය දෙසැම්බර් 19 වැනිදා අධිකරණයට වාර්තා කර තිබුණේ පොදු දේපළ පනත යටතේ විමර්ශන සිදුකරන බවයි. එයට හේතුව ලෙස ඉදිරිපත් කර තිබුණේ චම්පික රණවක හිටපු ඇමතිවරයා පැදවූ ජීප් රියට රුපියල් 917244ක අලාභයක් සිදුවී තිබීමයි.


එහෙත් දෙසැම්බර් 24 වැනිදා මහේස්ත‍්‍රාත්වරිය චම්පික රණවක මන්ත‍්‍රීවරයාට ඇප ලබාදුන් අවස්ථාවේ කියා තිබුණේ, දණ්ඩ නීති සංග‍්‍රහයේ සහ මෝටර් වාහන පනතේ වගන්ති සලකා බලමින් ඇප ලබාදීම සිදුකරන බවයි. එම චෝදනා යටතේ ඇප ලබාදීම කළ හැකි බව ඇය කියා තිබුණි. පොදු දේපළ පනත යටතේ විමර්ශන කරන බව පොලීසිය කීවත්, එම චෝදනා චම්පික රණවක මන්ත‍්‍රීවරයාට එරෙහි බී වාර්තාවට ඇතුළත් ව ඇත්තේ නීතිපතිවරයාගේ උපදෙස් නැතිව බව පොලිස් නිලධාරීන් කර ඇති ප‍්‍රකාශවලින් පෙනී යන බවත්, එම නිසා එම චෝදනා සලකා බලන්නේ නැති බවත් ඇය කියා තිබුණි.


මන්ත‍්‍රීවරයාට රුපියල් 25000ක මුදල් ඇප සහ රුපියල් ලක්ෂ 5 බැගින් වූ ශරීර ඇප ඒ අනුව නියම කර තිබුණි. සෑම මසකම අවසාන ඉරිදා දිනයේදී කොළඹ අපරාධ කොට්ඨාසයට වාර්තා කළ යුතු බවටද මහේස්ත‍්‍රාත්වරිය වැඩිදුරටත් නියෝග කර තිබුණි.


පොදු දේපළ පනත පිළිබඳ විශේෂයෙන් සඳහන් කිරීමට හේතුවක් ඇත. එම පනත යටතේ යම් පුද්ගලයෙකුට නඩු පැවරුවහොත් මහේස්ත‍්‍රාත් අධිකරණයකදී ඇප ලබාගත නොහැකිය. එමෙන්ම එම පනත යටතේ අත්අඩංගුවට ගැනීමටද ක‍්‍රමවේදයක් ඇත. එවැනි අවස්ථාවකදී ඇප ලබාගැනීම සඳහා නීතියෙන් විශේෂ විධිවිධාන සලසා ඇති අතර ඇප ලබාගත යුත්තේ මහාධිකරණයකින්ය. චම්පික රණවක මන්ත‍්‍රීවරයා වෙනුවෙන් පෙනී සිටි නීතිඥවරයෙකු නිර්නාමිකව සිටීමට කැමැත්තෙන්, ඒ පිළිබඳව මෙසේ පැවසීය.


‘දිගින් දිගටම අපි විමසුවා පොදු දේපළ පනත යටතේ චෝදනා දාලා තියෙනවාද කියලා. මුලින්ම අත්අඩංගුවට ගත් මොහොතේ ඉඳන්ම ඒ ගැන විමසුවා. චම්පික රණවක මහතා අත්අඩංගුවට ගත් මොහොතේත් යාන්තමට තමයි පොදු දේපළ පනත ගැන සඳහන් වුණේ. අපි දිගින් දිගටම නීතිපතිවරයාගෙන් උපදෙස් ලැබිලා තියෙනවාද කියලා අහද්දී මඟහැරියා. මොකද ඔවුන් හදිස්සියට පොදු දේපළ පනත ගැන චෝදනා දැම්මාට ඒ පනතේ පසුබිම ගැන දැනගෙන හිටියේ නැහැ. පොදු දේපළ පනත යටතේ අත්අඩංගුවට ගැනීමක් කරද්දී ඒ.එස්.පී. කෙනෙකුගෙන් ඉහළ පොලිස් නිලධාරියෙක් ඒක කරන්න ඕනෑ. නීතිපති උපදෙස් ලැබෙන්න ඕනෑ. ඒවා හරිහැටි සිද්ධවුණේ නැති හින්දා පසුව ඒ චෝදනා මඟහැරලා තියෙන බව පේනවා. මේකෙන් පැහැදිළි වෙන්නේ හුදු අත්අඩංගුවට ගැනීමේ වුවමනාවක් මිසක් මේ සිදුවීම ගැන හරි පරීක්ෂණයක් මෙහෙයවීමේ වුවමනාවක් නොතිබුණු බව. ඔවුන් හදිස්සියට තමයි මේක කරලා තිබුණේ.‘


පසුගිය සතියේ ආණ්ඩු හිතවාදී මාධ්‍යවලින් චම්පික රණවක ඇමතිවරයාට එරෙහි ලිපි ලියැවෙද්දී පොදු දේපළ පනත යටතේ ඇති චෝදනාද ඉහළට ගෙන තිබුණි. පොදු දේපළ යටතේ චෝදනා ගොනුකිරීම බරපතළ ලෙස සැලකීමත්, මෙවැනි හදිසි අත්අඩංගුවට ගැනීමක් පොදු දේපළ පනත යටතේ චෝදනා එල්ලකිරීමෙන් සාධාරණීකරණය කළ හැකි බවත් ඒ මොහොතේ සලකන්නට ඇත. එහෙත් මෙම පරීක්ෂණයේ අවිධිමත් බව සනාථ කරමින් පසුව ඒ චෝදනා ඉවත් කර ඇත.
මීට අමතරව දෙසැම්බර් 24 වැනිදා රියදුරු තුසිත දිලූම් කුමාර ජනවාරි 06 වැනිදා දක්වා රක්ෂිත බන්ධනාගාරගත කිරීමටත්, දෙසැම්බර් 24 වැනිදා ඔහුගේ ප‍්‍රකාශයක් ගැනීමටත් මහේස්ත‍්‍රාත්වරිය නියෝග කර තිබුණි. මෙයද චම්පික රණවක මහතාගේ පාර්ශ්වයේ නීතිඥයන් ජයග‍්‍රහණයක් ලෙස සලකයි. එයට හේතුවක් ඇත. මීට පෙර තුසිත දිලූම් කුමාර හදිසියේ අත්අඩංගුවට ගැනීමට පොලීසිය උත්සාහ කර තිබුණි. දෙසැම්බර් 18 වැනිදා ගාල්ල ඉම¥වේ ඔහුගේ නිවසට කඩාවැදී තිබුණේත් ඒ වෙනුවෙනි. ඉන්පසුව පවුලේ සාමාජිකයන් රැුගෙනවිත් තිබුණි. මේ වෙද්දී තුසිත දිලූම් කුමාරගේ බිරිඳ වන ඉරේෂා ලක්මාලි මහත්මිය පොලීසිය හේතු විරහිතව තමන්ව, දරුවා සහ සැමියාගේ මව බලහත්කාරයෙන් රඳවා තබාගැනීම පිළිබඳව මූලික අයිතිවාසිකම් පෙත්සමක්ද ගොනු කර ඇත.


එම සිදුවීම් නිසා තුසිත දිලූම් කුමාරට බලපෑම් කර ප‍්‍රකාශයක් ලබාගනු ඇතිදැයි සැකයක්ද පැවතුණි. ඔහු සැඟවී සිටින බවට මාධ්‍යවලින් සිතාමතා මතයක් නිර්මාණය කර තිබුණේද ඔහු අධිකරණයට ඉදිරිපත් නොකර අත්අඩංගුවට ගැනීමේ වුවමනාව නිසා බවට සැකයක් ඇත. කෙසේ වෙතත් දෙසැම්බර් 24 වැනිදා තුසිත දිලූම් කුමාර අධිකරණයට ඉදිරිපත් වීමත්, දැන් ඔහු රක්ෂිත බන්ධානාගාරය යටතේ සිටීමත් නිසා ඔහුගේ ප‍්‍රකාශය ලබාගැනීමට අනවශ්‍ය බාධා එල්ල නොවනු ඇතැයි විශ්වාස කළ හැකිය.


ඒ සියල්ල මැද මාධ්‍යවලින් නඩුවේ තීන්දුව ලියන්නන් පිරිසක්ද බිහිව සිටී. ඒ අතර බෞද්ධ හිමිවරුන් පිරිසක්ද සිටින අතර පාර්ලිමේන්තු මන්ත‍්‍රී උදය ගම්මන්පිල මන්ත‍්‍රීවරයාද සිදුවීම ගැන මාධ්‍යවලට අදහස් දක්වා තිබුණි. සිදුවීම ගැන අදහස් දැක්වීමේ අයිතියක් සියලූදෙනාට තිබෙන බව සැබෑය. එහෙත් ඔවුහු ජංගම ¥රකථන දත්ත ඉදිරිපත් කරමින් සමාජයට යමක් කියන්නට උත්සාහ කරමින් සිටිති. ඔවුන් කියන්නේ චම්පික රණවක හිටපු ඇමතිවරයාගේ ජංගම ¥රකථනයක් වාහනයේ තිබුණු බව සංඥා කුලූනුවලින් සනාථ වෙන බවයි.


යම් පුද්ගලයෙකු යම් ස්ථානයක සිටියාද නැද්ද යන්න පිළිබඳව සොයාගැනීම සඳහා ජංගම ¥රකථන දත්ත පාවිච්චි කළ හැකි වුණත්, එම දත්ත පමණක් සාක්ෂ්‍ය ලෙස පාවිච්චි කරමින් යම් පුද්ගලයෙකු ස්ථානයක සිටියාද නැද්ද යන්න තහවුරු කළ නොහැකිය. ඕනෑම කෙනෙකුගේ ජංගම ¥රකථනය වාහනයක හෝ වෙනත් තැනක තිබිය හැකිය. චම්පික රණවක මන්ත‍්‍රීවරයාගේ පැත්තෙන් පවසන්නේ ඔහු අමාත්‍යවරයෙකු ලෙස කටයුතු කිරීමේදී ඔහු සම්බන්ධ කරගැනීම සඳහා ජංගම ¥රකථන 5ක් තිබුණු බවයි. උක්ත ජංගම ¥රකථනය ඒ අතරින් එකක් බවත්, එය සෑම මොහොතකම වාහනයේ තිබුණු බවත් ඔවුන් පවසයි. ඒ අනුව ඉදිරියේදී චම්පික රණවක මන්ත‍්‍රීවරයාට එරෙහි චෝදනා සනාථ කරන්නට නම් ඇසින් දුටු සාක්ෂි තිබිය යුතුය. දැනට ඉදිරිපත්ව සිටින සාක්ෂ්‍යකරුවන් දෙදෙනා කියන්නේ අනතුර වූ මොහොතේ චම්පික රණවක මහතාව තමන් හඳුනාගත් බව නොවේ. ‘මම චම්පික රණවක‘ යැයි වාහනයේ සිටි රියැදුරා කී බව පමණි. ඒ අනුව වෙනත් පුද්ගලයෙකු වුව ඒ මොහොතේ තමන් චම්පික රණවක යැයි කියා තිබීමේ ඉඩක් පවතින්නේ නැද්ද? ඒ අනුව ඉදිරියේදී කෙබඳු සාක්ෂ්‍යකරුවන් ඉදිරිපත් වේද, නඩුව කෙලෙස ඉදිරියට යනු ඇතිද යන්න බලාසිටීමට අපට සිදුවනු ඇත.

පක්ෂයේ ප‍්‍රශ්නවලට විසඳුම් ලැබිලා

එක්සත් ජාතික පක්ෂ මහලේකම් අකිල විරාජ් කාරියවසම්



නව ආණ්ඩුවේ ආරම්භය ගැන දකින්නේ කොහොමද?
අපට පෙනෙන විදියට පටන්ගැනීමම අවුල් සහගතයි. ආණ්ඩුව බලයට පත්වුණේ බොහොම ප‍්‍රගතිශීලී දේවල් කරනවා කියලයි. දේශපාලනිකව පළිගන්නේ නැහැ කියලා ඔවුන් කිව්වා. එහෙත් දැනටමත් පළිගැනීම් කරලා. අධ්‍යාපන අමාත්‍යාංශයේ පත්වීම් පෝෂණ සහකාර සේවකයන් එළියට දාලා. පුරාවිද්‍යා දෙපාර්තමේන්තුවේ වැටුප් ගෙවන්නේ නැහැ අවුරුදු ගාණක් වැඩකරපු අයට. පෙට්‍රෝලියම් එකේ සේවකයන් එළියට දාලා.


ඊට අමතරව මැති ඇමතිවරුන් දඩයම් කරන්න පටන් අරගෙන. අතීතයේ විසඳුණු නඩුවක් නැවත ඇදලා අරගෙන ඒවා සම්බන්ධයෙන් චම්පික රණවක මන්ත‍්‍රීවරයා හිරබාරයට ගත්තා. එහෙත් ඒ අත්අඩංගුවට ගැනීම ආණ්ඩුව නොසිතූ පැත්තට කැරකුණා. අසාධාරණයට එරෙහිව ජන බලවේගය මතුවුණා. ඒ අතර අධිකරණය ඔහුට ඇප නියම කිරීම සතුටට කාරණාවක්. රාජිත සේනාරත්න මහතා පසුපස මේ දවස්වල එළවනවා. ඔය අතරේ ආණ්ඩුව ආර්ථිකය හසුරුවන්නේ කොහොමද කියලා හිතාගන්න බැරිව ඉන්නවා. අද ආර්ථිකය කඩවැටිලා. අපි වැඩිකරපු වැටුප් වර්ධක නොගෙවන්න තීන්දු කරලා තියෙනවා. දීමනා නවත්වලා තියෙනවා. ආණ්ඩුවට සම්බන්ධ ස්වාමීන් වහන්සේලා පවා කියනවා පිටරටවල ඉන්න ලාංකිකයන්ට ආණ්ඩුව ගෙනියන්න උදව් කිරීමට කණකර බඩු ගෙනැල්ලා දෙන්න කියලා. ඔබ අප මේ අත්දකින්නේ මහමැතිවරණයක් එන්නත් කලින්, බලයට පත්වූ විගස ආණ්ඩුවේ ක‍්‍රියාකාරීත්වය.


ඔබ හිතන ආකාරයට ඉදිරියේදී කෙබඳු තත්වයක් ඇතිවේවිද?
අපි ඉතිහාසයේ පළවැනි වතාවට ලක්ෂ 15ක රාජ්‍ය සේවකයන්ට වැටුප් වැඩිකරලා රටේ ආර්ථිකය ගෙනිච්චේ. එහෙත් ඔවුන් අපේ ආණ්ඩුව අවස් කරන්නට එම්සීසී බිල්ලෙක්ව ගෙනාවා. නොයෙකුත් රකුසන් මැව්වා. උපවාස කළා. දැන් ඒ එම්සීසී ගිවිසුමේ සීයට හැත්තෑවක් හොඳයි කියලා තියෙනවා. ගිවිසුම ඉරලා විසිකරනවා කියපු අය කමිටු දාලා තියෙනවා. ඔය තමයි මේ ආණ්ඩුවේ සංදර්ශන සහ සැබෑව පිළිබඳ හොඳම උදාහරණය. එන්න එන්නම මිනිස්සුන්ට ඒවා තේරුම් යනු ඇති. අපි ටොන් මිලියන 10,000ක් වී ගබඩා කරලා තිබුණා. ඒ ටික බෙදාගන්නවත් බැරිවුණා. හාල් මිල ඉහළ ගියා.


ආණ්ඩුව ඇතුළේත් බරපතළ අර්බුද තියෙනවා. මේ තමයි ආණ්ඩුවේ ඇත්ත ස්වරූපය. දැනටමත් මාසයයි ගියේ. පාර්ලිමේන්තු මැතිවරණයක් නියමිතව තිබියදීත් ආර්ථිකය පාලනය කරගන්න බැරි නම්, ප‍්‍රතිවාදීන්ව දඩයම් කරනවා නම්, ඡුන්දය දින්නොත් කරන්නේ මොනවාද කියලා අමුතුවෙන් විග‍්‍රහ කරන්න දෙයක් නැහැ. මේ ආණ්ඩුවේ නායකයන් හරිම බුද්ධිමත් කාර්යශූර පිරිසක් කියලා හිතන අයත් ඇති. ඒ අයට සැබෑ තත්වය වැටහේවි.


එම්සීසී ගිවිසුම අත්සන් කිරීම සඳහා ආණ්ඩුව කාලසීමාව දීර්ඝ කරගෙන තිබෙන බවත් පෙනෙනවා නේද?
එයින් පැහැදිලි වෙන්නේ වෙන කිසිවක් නෙවෙයි. ගිවිසුම අත්සන් කරන්න ආණ්ඩුවට වුවමනාවක් තියෙන බව. කාලය දික් කරලා තියෙන්නේ ඒකයි. ආණ්ඩුව බලයට පත්වෙද්දී කරපු තවත් දෙයක් තමයි ජාතිවාදය ඇවිස්සීම. බොරු විශාල ප‍්‍රමාණයක් කියලා, ජනතාව නොමඟ යැව්වා. ඒ හැම එකකම ඇත්ත නැත්ත දැන් ඔප්පු වෙමින් පවතිනවා. අපි ජනතාවට කියනවා මහ මැතිවරණයේදීවත් ඔවුන්ට අධික බලයක් දීලා මේවා වළපල්ලට ඇදලා දාන්න එපා කියලා. මේ ආණ්ඩුවේ ක‍්‍රියාකාරීත්වය නැවැත්වීමට හෝ පාලනය කිරීමට අපට පාර්ලිමේන්තු මැතිවරණයේදී බලය දෙන්න කියලා.


මේ අතර එක්සත් ජාතික පක්ෂයේ අභ්‍යන්තර ගැටුම් ගැන චෝදනා එල්ලවෙනවා නේද?
අපේ පක්ෂයේ තිබුණු දේවල් සියල්ල අපි ප‍්‍රජාතන්ත‍්‍රවාදීව විසඳාගන්නවා. දැනටමත් පක්ෂයේ ප‍්‍රශ්නවලට විසඳුම් ලැබිලා තියෙනවා. සජිත් පේ‍්‍රමදාස මහතා විපක්ෂ නායක විදියට පත්කළා. අනෙකුත් ඔක්කෝම නායකයන් සාකච්ඡුා කරලා තීන්දු ගත්තා. ඇතුළේ මතවාද තියෙනවා නම් අපි ඒක ඇතුළේ විසඳාගන්නවා. සමහර දේශපාලනඥයන් එළියේ කරන ප‍්‍රකාශවලින් යම් යම් වගකීම් රහිත තත්වයක් ඇතිවෙනවා තමයි. එහෙත් පක්ෂයට හානි ගෙන දෙන ආකාරයේ ප‍්‍රකාශ වළක්වන්න උත්සාහ කරනවා.


එක්සත් ජාතික පක්ෂයේ කෘත්‍යාධිකාරී මණ්ඩලයේ කාලසීමාව දෙසැම්බර් 31 වැනිදායින් අවසන් වෙනවා. එය නැවත පත්කිරීම සහ පක්ෂ නායකත්වය වෙනස්කිරීම ජනවාරි මුල් සති කිහිපයේදීවත් සිදුකළ යුතු බව ඇතැම් අය කියනවා නේද?
සාමාන්‍යයෙන් එවැනි තීන්දු ගැනීම සඳහා පක්ෂ අභ්‍යන්තරයේ ක‍්‍රමවේදයක් තියෙනවා. අපි පක්ෂ නායකත්වය සඳහා පක්ෂ සම්මේලනයේදී රනිල් වික‍්‍රමසිංහ මහතාව පත්කළා. ජනාධිපතිවරණ අපේක්ෂකයා වශයෙන් සජිත් පේ‍්‍රමදාස මහතාවත් පත්කළේ ඒ මොහොතේ. ඒ සුගතදාස ක‍්‍රීඩාංගණයේ පැවති පක්ෂ සම්මේලනයකදී කරපු දෙයක්. එහි වෙනසක් වෙනවා නම් පක්ෂ සම්මේලනයක් කැඳවලා ඒක කළ යුතුයි. පක්ෂ සම්මේලනයක් කැඳවන්නත් ක‍්‍රමවේදයක් තියෙනවා. ඒක නිකන්ම කරන්න පුළුවන්කමක් නෑ. කෘත්‍යාධිකාරී මණ්ඩලය නම් හැම වසරකම දෙසැම්බර් 31 වැනිදායින් පස්සේ පත්කරනවා. ඒක සම්ප‍්‍රදාය සහ ව්‍යවස්ථාවේ තියෙන තත්වය.


ඉදිරි මැතිවරණයට ඉදිරිපත් වෙන ආකාරය ගැන එක්සත් ජාතික පක්ෂය තීන්දු කළාද?
එක්සත් ජාතික පක්ෂය තීරණය කරලා නැහැ. එක්කෝ තනිවම ඉදිරිපත් වෙනවා. නැතිනම් ඔක්කෝම එකඟතාවය මත සන්ධානයකින් ඉදිරිපත් වෙනවා. අපි තවම සාකච්ඡුා කරලා, නෑ.
ඉදිරියේදී ආණ්ඩුව ඉදිරිපත් කරන පනත් ආදියට සහයෝගය දෙනවාද?

අපි ආණ්ඩුවේ ජනවරම අනුව බලය දීලා හොඳ දේවල්වලට සහයෝගය දෙන්න තමයි ස්ථාවරය තියෙන්නේ. යන විදිය බලලා පක්ෂයක් විදියට තීන්දු ගන්නවා. කෙසේවෙතත් කවුරු අණපනත් ගෙනාවත් කටයුතු කරන්න වෙන්නේ පක්ෂයේ බහුතරයේ එකඟතාවය හා කැමැත්ත මත. ඉදිරියේදී ඉදිරිපත් වන පනත් ආදිය සම්බන්ධයෙන් අපි නිරීක්ෂණයෙන් ඉන්නවා. මධ්‍යස්ථව හා ප‍්‍රවේශමෙන් තීන්දු ගන්නවා. අපි දන්නේ නැහැ කෙබඳු පනත් ඉදිරිපත් වේවිද කියලා. ඇතැම් ඒවා පෞද්ගලික මන්ත‍්‍රී යෝජනා වෙන්න පුළුවන්. සියල්ල ගැන තීන්දු ගන්නේ බහුතරයේ එකඟතාවය මත.


නැවත වාරාවසාන කිරීමේ උත්සාහයක් තියෙන බව කියනවා නේද?
සමහරවිට ඒගොල්ලන් පාර්ලිමේන්තුව වහන්න උත්සාහ කරයි. ආණ්ඩුවට බහුතරය නැති හින්දා. පාර්ලිමේන්තුව කල් තබමින් ආණ්ඩුව ගෙනියන්න උත්සාහ කරයි.


මේ වෙද්දී වෝහාරික විගණන වාර්තාව එළියට දානවාද නැද්ද කියන එක ගැනත් සංවාදයක් මතුවෙලා නේද?
ආණ්ඩුවේ වගකීමක් තමයි ඒ වාර්තාව එළියට දාන එක. බැඳුම්කර හොරු කියලා හැමදාම අපට කීවා. එහෙම හොරකමක් තියෙනවා නම් වාර්තාව එළියට දාලා ඒ ගැන කටයුතු කරන්න පුළුවන්. ඇත්තටම මේ වාර්තාවෙන් 2002 ඉඳලා බැඳුම්කර ගනුදෙනු සම්බන්ධයෙන් තොරතුරු තියෙනවා. ඒ අනුව අපේ ආණ්ඩුව කාලයේත්, කලින් ආණ්ඩුව කාලයේත් තොරතුරු තමයි එහි තියෙන්නේ. ඒවා ජනතාවට දාන එක බොහොම හොඳයි. අපි ඒ ගැන කැමැත්තෙන් ඉන්නේ.


හිටපු ජනාධිපතිවරයා පත්කරපු වංචා ¥ෂණ විමර්ශන කොමිෂන් වාර්තාවකුත් තියෙනවා නේද?
ඒ වාර්තා ඕනෑ එකක් එළියට දාන්න පුළුවන්. ඒත් ඔවුන් දාන්නේ නැහැ. අපට කරපු චෝදනාවල හිස් බව හෙළිවෙනවා. දේශපාලන පළිගැනීමේ අරමුණෙන් අපට කරනවා නම් වැරදියි. පදනම් සහගතව කරුණු ඉදිරිපත් කරනවා නම් ඒක වෙනම කාරණයක්. මම දැක්කා ඒ කොමිසමේදී ඇත්තටම සොයාබැලූවේ මොනවාද කියලා. කොමිෂන් සභාවට මමත් ගියා. ඒකෙදී ඇහුවේ පාසල් නිල ඇඳුමට වවුචරය දුන්නේ ඇයි, අච්චු පොතට පණිවුඩයක් දැම්මේ ඇයි කියලා. ඇතැම් දේවල් ඒ විදියටම ඉතිහාසයේත් කරලා තියෙන දේවල්. අනෙක වවුචරය මේ ආණ්ඩුවෙනුත් ක‍්‍රියාත්මක කළා. ඒත් ඒවා ගැන කරපු විමර්ශන වෙනුවෙන් අපි දවස් ගණන් රස්තියාදු වුණා. අපේ ආණ්ඩුවේ කවුරු හරි වැරැුද්දක් කරලා තියෙනවා නම් ඇත්ත වශයෙන්ම දඬුවම් කරන්න. තනතුරු තියෙන අයව ඉලක්ක කරන්න බලාපොරොත්තු වෙනවා නම් ඒක පිළිකුලට ලක්වෙන කාරණයක්.

ජමාල් කෂෝගී කුලී ඝාතකයන්ට මරණ දඬුවම මහමොළකරුවන් නිදැල්ලේ

0

සවුදි අරාබි රජයේ දරුණු විවේචකයෙකු වූ මාධ්‍යවේදී ජමාල් කෂෝගි 2018 ඔක්තෝබර් මාසයේදී තුර්කියේ ඉස්තාන්බුල් නගරයේ පිහිට සවුදි තානාපති කාර්යාලයේදී ඝාතනයට ලක්වුණා. පසුගිය සතියේදී සවුදි රජය නිවේදනය කර තිබුණේ එම ඝාතනයට සම්බන්ධ සැකකරුවන් පස්දෙනෙකු වරදකරුවන් කරමින් මරණ දඬුවම ලබාදුන් බව. තවත් සැකකරුවන් කිහිපදෙනෙක්ට සිරදඬුවම් ලබාදී තිබුණා.


එහෙත් එම ඝාතනය කිරීමට සම්බන්ධ මහමොළකරුවන් ආරක්ෂා කිරීමෙන් යුක්තියට අවමන් කර ඇතැයි සවුදි අරාබි රජයට එරෙහිව ජාත්‍යන්තර පාර්ශ්ව ගණනාවකින් චෝදනා එල්ලවෙනවා. ජමාල් කෂෝගි ඝාතනය කිරීමේ සිදුවීම සම්බන්ධයෙන් චෝදනා ලද සවුදියේ පාලක මොහොමඞ් බින් සල්මාන් කුමරුත්, ඔහුගේ සමීපතමයන්වත් එම ඝාතනය පිළිබඳව පැවැත්වූ නඩු විභාගයේදී ආරක්ෂා කරගෙන තිබුණු බව පැහැදිලිව පෙනෙනවා. චෝදනා එල්ලවෙන්නේ ඒ නිසායි.
ඇසූ විට ඇඟ කිළිපොළන අන්දමේ ඝාතනයක් ලෙස ජමාල් කෂෝගී ඝාතනය පිළිගැනෙනවා. ඝාතනයෙන් පසු සවුදි අරාබිය සමඟ හිතවත්ව කටයුතු කරමින් සිටි බටහිර මිත‍්‍රයන්ගේ මිත‍්‍රත්වය විශාල අභියෝගයකට ලක්ව තිබුණා. බැලූ බැල්මට තනි මාධ්‍යවේදියෙකු ඝාතනය කිරීමක් වුව 2001 සැප්තැම්බර් 11 ත‍්‍රස්ත ප‍්‍රහාරයෙන් පසු සවුදි අරාබියේ ජාත්‍යන්තර සබඳතාවලට වැඩිම බලපෑමක් එල්ලකළ සිදුවීම ලෙස සලකනවා.


ජමාල් කෂෝගී ඝාතනය සිදුවූ ආකාරය ගැන ඒ වෙද්දීත් පැහැදිලිවම හෙළිදරව් කර තිබුණා. ගවේෂණාත්මක මාධ්‍යවේදීන්, එක්සත් ජාතීන්ගේ සංවිධානය, තුර්කි රජය මෙන්ම සීඅයිඒ සංවිධානය ඇතුළු කණ්ඩායම්වල මැදිහත්වීම නිසා සිදුවීම් මුල සිට අගටම පැහැදිලිව සිදුවීම හඳුනාගෙන තිබුණා. එය මෑත ඉතිහාසයේ පුළුල්තම ඝාතන විමර්ශනය ලෙස සැලකිය හැකියි. එවැනි පසුබිමක ඝාතකයන්ට පලායෑමේ හැකියාවක් තිබුණේ නැහැ. ඔවුන් කවුදැයි පැහැදිලිව ලෝකයම දැන සිටියා.


සවුදි රජයේ මෙහෙයවීමෙන් ඉහත කී නඩු විභාගය සිදුවුණේ එම පසුබිමේදී. සවුදියේ නීතිපති දෙපාර්තමේන්තුවේ දෙවැනි ප‍්‍රධානියා වන ෂාලාන් බින් රාජිහ් ෂාලාන් අන්තර්ජාතික මාධ්‍ය වෙත නඩු විභාගයේ ප‍්‍රතිඵලය දෙසැම්බර් 23 වැනිදා කියා තිබුණා. ඒ අනුව නඩු විභාගයේදී චෝදනා ලද 11 දෙනාගෙන් 5 දෙනෙු්ට මරණ දඬුවම හිමිවුණා. තවත් තිදෙනෙකුට වසර 24ක සිරදඬුවම් ලැබුණා. තිදෙනෙක් නිදහස් වුණා. සිදුවීමට සම්බන්ධ යැයි විශ්වාස කෙරෙන 16 දෙනෙක් හිටියා. ඒ අතරින් 15 දෙනෙකු ඝාතන සැලසුම් ඇතිව ඉස්තාන්බුල් නගරය වෙත පැමිණ සිටි බව හඳුනාගෙන තිබුණා. 16 දෙනා අතරින් 5 දෙනෙක්ට චෝදනා ගොනු කිරීමක්වත් හරිහැටි සිදුවුණේ නැහැ.


මෙම ඝාතනයේ සැලසුම්කරුවා ලෙස අන්තර්ජාතික වශයෙන් පැහැදිලිවම පිළිගෙන තිබුණු සවුද් අල් කටානි චෝදනාවලින් නිදහස් කර තිබුණා. කටානි යනු සවුදි කුමරු මොහොමඞ් බිල් සල්මාන්ගේ සමීපතම උපදේශකයෙක්. තුර්කි රජය, සීඅයිඒ ඇතුළු ලෝකයේ ඉහළම පෙළේ ඒජන්සි හා එක්සත් ජාතීන්ගේ සංවිධානයේ විශේෂ නියෝජිතවරියගේ පරීක්ෂණයෙන් පසුව ඉහත කී නිගමනයට පැමිණියා. එයිනුදු පසුව සීඅයිඒ සංවිධානය කියා තිබුණේ මෙම ඝාතනය සඳහා සවුදි කුමාරයා කෙළින්ම නියෝග දී ඇතැයි තහවුරු වූ බව. එහෙත් එම චෝදනා සවුදි රජය ප‍්‍රතික්ෂේප කර තිබුණා.


කෙසේ වෙතත් සවුදි විමර්ශකයන් මෙම ඝාතනයේ මහමොළකරුවන් සොයායන්නට උත්සාහ කර තිබුණේ නැහැ. එමෙන්ම විමර්ශනයෙන් පසු ඔවුන් කියා තිබුණේ මෙවැනි ඝාතනයක් කිරීම සඳහා ඝාතකයන් කලින් සැලසුම් කර නොතිබුණු බව. ඝාතනය කිරීමේ මුල් සැලැස්මක් නොතිබුණු බව ඔවුන් කියා තිබෙනවා. එහෙත් පෙර කී පරිදි කණ්ඩායමක් ඝාතන සැලසුමක් සමඟ ඉස්තාන්බුල් වෙත ගමන් කර ඇතැයි සාක්ෂි තිබියදී එසේ කීම පුදුම සහගතයි.
බින් සල්මාන් කුමරුගේ පියා වන සල්මාන් රජු සවුදියේ ඉහළ ආරක්ෂක නිලධාරීන්ගේ පුටු මාරුවක් කර තිබුණා. එය කෂෝගිගේ ඝාතනයෙන් පසු කළ වෙනසක්. එහෙත් එම පුටු මාරුව විවේචනයට ලක්වී තිබුණේ සවුදියේ ඔටුන්න හිමි කුමාරයා ආරක්ෂා කරගැනීම සඳහා කරන ලද ව්‍යාජ වෙනසක් බව පෙන්වාදෙමින්.


ප‍්‍රතිචාර


මෙම ඝාතනය සම්බන්ධයෙන් සොයාබලන්නට පත්කළ එක්සත් ජාතීන්ගේ සංවිධානයේ විශේෂ නියෝජිතවරියගේ නම ඇග්නස් කැලමාඞ්. ඇය පත්කර තිබුණේ ඝාතනය ගැන විමර්ශනයක් කරන්නටත්, එයට යුක්තිය ඉටුවන බව තහවුරු කිරීම සඳහාත්. කෙසේ වෙතත් ඇගේ පරීක්ෂණයට සවුදි රජයෙන් සහයෝගය ලැබුණේ නැහැ. සවුදි රජය දඬුවම් ලබාදීමේ පුවත ගැන ඇය අදහස් දක්වා තිබුණා. ඇය කියා තිබුණේ මෙම නඩු තීන්දුව යුක්තිය යන්නට සම්පූර්ණයෙන්ම ප‍්‍රතිවිරුද්ධ බවයි.


‘අන්තර්ජාතික මානව හිමිකම් නීතිය අනුව මාධ්‍යවේදී ජමාල් කෂෝගි ඝාතනය කිරීම අධිකරණයට පිටින් සිදුකරන ලද මරණ දඬුවම් ලබාදීමක්. එසේ අධිකරණයට පිටින් මරණ දඬුවම් ලබාදීම පිළිබඳව සවුදි රජයම වගකිව යුතුයි.‘ ඇය ට්විටර් පණිවුඩයක් මගින් ඒ අදහස නිකුත් කර තිබුණා.


‘දැන් කුලී ඝාතකයන් වරදකරුවන් ලෙස නම්කර තිබෙනවා. ඔවුන් මරණ දඬුවමට යොමුකර තිබෙනවා. එහෙත් මහමොළකරුවන් නිදැල්ලේ සැරිසරනවා. ඔවුන් පිළිබඳව පරීක්ෂණයේදී හා නඩු විභාගයේදී යාන්තමින් ස්පර්ශ කර තිබෙනවා මිසක්, ප‍්‍රමාණවත් තරම් ඔවුන් ගැන පරීක්ෂා කර තිබුණේවත් නැහැ. එය යුක්තියට ප‍්‍රතිවිරුද්ධ ක‍්‍රියාවක්. එය යුක්තියට නිගාවක්.‘ කැලමාඞ් වැඩිදුරටත් කියා තිබුණා.


කැලමාඞ් ඇතුළුව අන්තර්ජාතික මානව හිමිකම් ක‍්‍රියාකාරිකයන් හා සංවිධාන බොහොමයක් මෙම සිදුවීම සම්බන්ධයෙන් ස්වාධීන අන්තර්ජාතික විමර්ශනයක් ඉල්ලා සිටිනවා. ඇම්නෙස්ටි ඉන්ටර්නැෂනල් සංවිධානයේ නිවේදනයකින් සවුදි රජයේ පරීක්ෂණය හඳුන්වා තිබුණේ කිසිදු යුක්තියක් හෝ සත්‍යයක් නොදුටු සුදුහුණු ගෑමක් ලෙසයි.


තුර්කියේ විදෙස් ඇමතිවරයාද කියා ඇත්තේ මෙම පරීක්ෂණය යුක්තිය පිළිබඳ බලාපොරොත්තුවලින් බොහෝ ඈත බවයි. තුර්කි ජනාධිපති තයියීප් එර්දෙගොන්ගේ මාධ්‍ය ප‍්‍රකාශකවරයෙකු ලෙස ක‍්‍රියාකරන ෆහ්රෙටින් අල්තුන් ට්විටර් පණිවුඩයකින් පරීක්ෂණය ගැන අදහස් දක්වා තිබුණා. ඔහු කියා ඇත්තේ ලෝවැසියන්ගේ බුද්ධියට නිග‍්‍රහ කිරීම සඳහා සවුදි රජයේ විශාල පිරිසක් බුද්ධිය මෙහෙයවා ඇති බවයි.


‘වොෂිංටන් පෝස්ට්’හි ප‍්‍රධාන විධායක ෆ්‍රෙඞ් රයන්ද මෙම සිදුවීම ගැන අදහස් දක්වා තිබුණා. ජමාල් කෂෝගි සේවය කළේ වොෂිංටන් පෝස්ට් පුවත්පතට. ෆ්‍රෙඞ් රයන් කියා තිබුණේ මෙය සම්පූර්ණයෙන්ම විනිවිදභාවයෙන් තොර විමර්ශනයක් බව. සවුදි රජය අන්තර්ජාතික වශයෙන් සාමකාමී විමර්ශකයන්ට සහයෝගය පළ නොකළ බව ඔහු කියා තිබුණා. මෙය ව්‍යාජ නඩු විභාගයක් බව ඔහු අදහස් දක්වා තිබුණා.


මෙම තීන්දුව පිළිගත නොහැකි බව කෂෝගිගේ පෙම්වතියත් කියා තිබුණා. ‘අප ඔබ කිසිදා අමතක කරන්නේ නැහැ. අප ඔබේ ඝාතකයන් කිසිදා අමතක කරන්නේ නැහැ. ඒ වගේම ඔබේ ඝාතනය යටගසන්නට උත්සාහ කළ අය අමත කරන්නේත් නැහැ.‘ ඇය ට්විටර් අඩවියේ ලියා තිබුණා.


එහෙත් කෂෝගිගේ පුතුන් සිව්දෙනා අතරින් කෙනෙකු වන සාලාහ් කෂෝගි කියා තිබුණේ තමන්ගේ පවුලට යුක්තිය ඉටුවූ බවයි. කෙසේ වෙතත් වොෂිංටන් පෝස්ට් පුවත්පත මීට පෙර හෙළිදරව් කර තිබුණේ කෂෝගිගේ වැඩිමහල් පුතුන් සවුදියේ රජ පවුලෙන් විශාල ත්‍යාග මුදලක් ලබාගෙන තිබෙන බවයි. පියා ඝාතනය කොට සති කිහිපයකින් පසු සාලාහ් කෂෝගි සහ මොහොමඞ් බින් සල්මාන් කුමරු සවුදි රජ පවුලේ රියාද්හි පිහිටි රජ මැදුරේදී අත් පටලාගෙන සිටින ඡුායාරූපයක් මීට පෙර ප‍්‍රසිද්ධ වී තිබුණා. එය අන්තර්ජාතික වශයෙන් විවේචනයට ලක්වී තිබුණා.


ට‍්‍රම්ප් රජය


මේ තීන්දුවට යුක්තිය පතන උදවියගෙන් එතරම් විරෝධයක් එල්ලවී තිබුණත් පුදුම සහගත ලෙස ඇමෙරිකා එක්සත් ජනපදයේ ඩොනල්ඞ් ට‍්‍රම්ප් රජයෙන් කිසිවක් නිල වශයෙන් නොකීමත්, නිර්නාමික ප‍්‍රකාශකයෙක් පරීක්ෂණය ගැන සුබ පතා තිබීමත් අප සැලකිල්ලට ගත යුතුයි. ට‍්‍රම්ප් රජයේ ප‍්‍රකාශකයෙන් නිර්නාමිකව රොයිටර් වෙත අදහස් දක්වමින් කියා තිබුණේ මෙම විභාගය ඉතා වැදගත් පියවරක් ලෙස ට‍්‍රම්ප් ජනාධිපතිවරයා ප‍්‍රමුඛ රජය සලකන බව.


ඇමෙරිකානු ජනාධිපති ඩොනල්ඞ් ට‍්‍රම්ප් මුල සිටම ඝාතනය හෙළාදකින බව කීවත්, චූදිතයෙක් වන සවුදියේ සල්මාන් කුමාරයා ආරක්ෂා කරමින් කටයුතු කළා. තමන්ගේම රටේ ඔත්තු සේවය වන සීඅයිඒ සංවිධානයෙන් සල්මාන් කුමරුගේ සම්බන්ධය ගැන කීවත්, ඩොනල්ඞ් ට‍්‍රම්ප් ජනාධිපතිවරයාගේම පක්ෂය එම ඝාතනයට විරුද්ධව සවුදි රජය විවේචනය කරමින් අදහස් දැක්වුවත් ඔහුට එය අදාළ වුණේ නැහැ. ඩොනල්ඞ් ට‍්‍රම්ප් ජනාධිපතිවරයා සවුදි රජය හා මෙම ඝාතනය අතර කිසිදු සම්බන්ධයක් ඇතැයි සැලකූ බව පෙනෙන්නේ නැහැ.


ට‍්‍රම්ප් ජනාධිපතිවරයාගේ මැද පෙරදිග සම්බන්ධතාවලදී සවුදි රජය ප‍්‍රධාන තැනක් ගන්නවා. විශාල තෙල් සම්පතක් ඇති, දැනටමත් ඇමෙරිකානු රජය සමඟ විශාල ආර්ථික ගනුදෙනු කරන සවුදි රජය සමග කටයුතු කිරීමේදී කුමන වරදක් කළත් සවුදිය ආරක්ෂා කරමින් කටයුතු කරන්නට ජනාධිපතිවරයා දෙවරක් සිතා ඇති බවක් පෙනෙන්නේ නැහැ. එහෙත් ජනාධිපති ට‍්‍රම්ප් මේ වෙද්දීත් දෝෂාභියෝගයට ලක්වූ කෙනෙක්. ඇමෙරිකානු රජයේ ආයතන දැඩිව සවුදි අරාබිය ගැන මැදිහත් වෙනවා. ඇමෙරිකානු රාජ්‍ය ආයතන ජනාධිපතිවරයාගේ අනවශ්‍ය ඇඟිලි ගැසීම්වලට ලක්වන්නේ නැහැ. එමෙන්ම ජාත්‍යන්තර සමාජය සවුදි අරාබියේ හැසිරීම් ප‍්‍රශ්න කරනවා.


සැබෑ සිදුවීම


ඝාතනයට ලක්වූ ජමාල් කෂෝගි සවුදියේ ඉහළම පැළැන්තියේ සාමාජිකයෙක්ව සිටියා. ඔහු කලෙක සවුදි රජ පවුලේ හිතවතෙක් වුණා. එහෙත් 2017 දී ඔහු ඇමෙරිකාවේ පදිංචියට ගොස් තිබුණා. ඉන්පසුව සවුදි රජය දරුණු ලෙස විවේචනය කරමින් වොෂිංටන් පෝස්ට් පුවත්පතේ තීරු ලිපියකින් හඬ නඟන්නට පටන්ගෙන තිබුණා. 2018 ඔක්තෝබර් 02 වැනිදා ඔහු තුර්කියේ පිහිටි සවුදි තානාපති කාර්යාලයට ගොස් තිබුණේ ඔහුගේ විවාහයට අදාල ලියකියවිලි ලබාගැනීම සඳහායි. සිය තුර්කි ජාතික පෙම්වතිය සමඟ ඔහු එහි ගොස් තිබුණත් පෙම්වතිය පිටත තබා ඔහු තානාපති කාර්යාලයට ඇතුල්වී තිබුණා. ඉන්පසුව ඔහු දකින්නට ලැබුණේ නැහැ.


ඝාතනය සිදුවූ විගස සවුදි රජය එම ඝාතනය ගැන කිසිවක් නොදන්නා බව කියා තිබුණා. කෂෝගිගේ අතුරුදන්වීමට තමන්ගේ කිසිදු සම්බන්ධයක් නැතැයි කියමින් ඔවුන් එය ප‍්‍රතික්ෂේප කර තිබුණා. ඇත්තෙන්ම සවුදි රජයේ මුල් සැලසුමට අනුව කෂෝගී තානාපති කාර්යාලයෙන් පිටවූ බව කියාපාන්නට ඔවුන් සිතා සිටියා. කෂෝගි ඝාතනයෙන් පසුව ඔහුගේ ඇඳුම් ඇඳගත් ඔහුගේ සිරුරට සමාන සිරුරක් ඇති පුද්ගලයෙකු සවුදි තානාපති කාර්යාලයෙන් පිටව ගොස් තිබුණේ සීසීටීවී කැමරාවලට පෙනෙන අන්දමටයි.


එහෙත් සිදුවීම යටගැසීම පහසු වුණේ නැහැ. කෂෝගි කිසිදා පණපිටින් තානාපති කාර්යාලයෙන් එළියට නොගිය බව පැහැදිලි වුණා. සවුදි රජය ප‍්‍රතිචාර දැක්විය යුතු වුණා. ඒ අතර විමර්ශකයන් ක‍්‍රම ක‍්‍රමයෙන් ඝාතනයේ සුලමුල හෙළිකරන්නට පටන්ගත්තා. ඒ අනුව සවුදි රජය මෙම ඝාතනයට විරුද්ධ බවත්, ඒ ගැන පරීක්ෂණ සිදුකරන බවත් කීවා. ඒ අතර ඝාතනය ගැන එකිනෙකට වෙනස් ප‍්‍රකාශ රජයෙන් නිකුත් කරන්නට පටන්ගත්තා.


කෂෝගිගේ සිරුර ලී ඉරන කියතකින් කපා ඇසිඞ්වල ගිල්වා විනාශ කර ඇති බව හෙළිවුණා. ඇග්නස් කැලමාඞ් කළ විමර්ශනයේ වාර්තාව 2019 ජුනි මාසයේදී එළිදැක්වුවා. 15 දෙනෙකුගේ කණ්ඩායමක් කෂෝගි ඝාතනය වෙනුවෙන් සවුදියේ සිට තුර්කියට ගමන්කර ඇති බව හෙළිවුණා. ඝාතනයෙන් පසු සිරුර කැපීම සඳහා අධිකරණ වෛද්‍ය නිලධාරියෙකුද සිටි බව එයින් වාර්තා කෙරුණා. කෂෝගිගේ සිරුර කපා පිටතට ගෙනියන ආකාරය ගැන දෙදෙනෙකු සාකච්ඡුා කරන ආකාරය රැුගත් හඬපටයක් පවා හෙළිවුණා.


සවුදි පාලකයන් කියා තිබුණේ ඝාතනය කළේ නියෝගවලට පිටින් ගිය රජයේ නිලධාරීන් පිරිසක් බව. ජමාල් කෂෝගි ප‍්‍රශ්න කොට නැවත සියරටට ගෙනඒම සඳහා දුන් නියෝගයක් එම නිලධාරීන් වැරදි ආකාරයට ක‍්‍රියාත්මක කර ඇති බව රජය ප‍්‍රකාශ කළා. එහෙත්, අධිකරණ වෛද්‍යවරයෙක් එවැනි ප‍්‍රශ්න කිරීමකට ගෙනයන්නේ කුමටදැයි ඔවුන් පැහැදිලි කළේ නැහැ. ලෝකයටම සැබෑව පැහැදිලි වුණා.


නඩු තීන්දුව


දැනට නිමකර ඇති පරීක්ෂණයෙන් පසු සවුදි අධිකරණය ලබාදුන් තීන්දුවෙන් හිටපු රාජකීය උපදේශක කටානි සහ තවත් ජ්‍යෙෂ්ඨ නිලධාරීන් දෙදෙනෙක් නිදහස් කර තිබුණා. හිටපු බුද්ධි නිලධාරියෙකු වන අහ්මඞ් අල් අසිරිට චෝදනා ගොනු කළත් ඔහුට එරෙහිව සාක්ෂි නැති බව කියමින් නිදහස් කර තිබුණා. ඝාතනය සිදුවූ මොහොතේ තුර්කියේ සවුදි තානාපතිවරයා වූ මොහොමඞ් අල් අටෙයිබිද නිදහස් කර තිබුණා.


කැලමාඞ්ගේ විමර්ශනයෙන් හඳුනාගත් පස්දෙනෙකුට මරණ දඬුවම් ලබාදී තිබුණත් ඔවුන් ඝාතන නියෝගය ක‍්‍රියාත්මක කළ අය පමණයි. ඒ අතර අධිකරණ වෛද්‍ය සාලාහ් මොහොමඞ් ටුබේගිද ඉන්නවා. සංගීතයට සවන්දෙමින් කෂෝගිගේ සිරුර කොටස් කර ඇත්තේ ඔහු.


මෙම සිදුවීම සම්බන්ධයෙන් සවුදි රජය 21 දෙනෙකු අත්අඩංගුවට ගෙන තිබුණා. තවත් 10 දෙනෙකු ප‍්‍රශ්න කිරීම සඳහා කැඳවා තිබුණා. එහෙත් ඉතා රහසිගතව ඉහත කී නඩු විභාගය විමසා තිබුණා. මෙම රහසිගත නඩු විභාගය සැසිවාර නවයකින් සමන්විත වුණා. එම සැසිවාර එක්සත් ජාතීන්ගේ සංවිධානයේ නිරීක්ෂකයන් ඇතුළු බොහෝදෙනෙකුට තහනම් කෙරුණා. ජාත්‍යන්තර නියෝජිතයන් ඉතා සුළු පිරිසකට හා කෂෝගි පවුලේ සාමාජිකයන්ට සැසිවාර සඳහා සහභාගි වීමට අවසර ලැබුණා.


මරණ දඬුවම ලැබූ අය හිස ගසා දැමීම මගින් මරණයට පත්කිරීමට නියමිතයි. ඊට පෙර ඔවුන්ට තීන්දුව පිළිබඳ අභියාචනා ඉදිරිපත් කළ හැකියි.


සමස්තයක් ලෙස අප තේරුම් ගත යුතු කාරණයක් තිබෙනවා. එක් මාධ්‍යවේදියෙක් නිහඬ කිරීමට උත්සාහ කළ නිසා සවුදි රජයට ජාත්‍යන්තර වශයෙන් මෙන්ම අභ්‍යන්තර වශයෙන්ද විශාල පාඩුවක් සිදුවී ඇති බව. විශාල ආර්ථික බලයක් තිබෙන සවුදියේ 2025 දැක්ම නමින් නම් කළ අනාගත සැලසුම මාධ්‍යවේදියෙකුට අත තැබීමෙන් පසු සම්පූර්ණයෙන්ම විනාශ වී තිබුණා.

අනුරංග ජයසිංහ