ආනයනික අත්‍යවශ්‍ය ආහාර ද්‍රව්‍ය කිහිපයක් මත පනවා තිබූ විශේෂ වෙළෙඳ භාණ්ඩ බද්ද අඩු කර ඇති බව පවසමින් ඒ සඳහා ගැසට් නිවේදනයක් නිකුත් කර තිබේ.
ජනාධිපති අනුර කුමාර දිසානායක මහතා ඊයේ (12) පාර්ලිමේන්තුවට 2027 අයවැය ඉදිරිපත් කරමින් මෙම බදු සංශෝධන ඊයේ මධ්‍යම රාත්‍රියේ සිට ක්‍රියාත්මක වන බව නිවේදනය කළේය.
ඒ අනුව, ආනයනික හාල්මැස්සන් කිලෝග්‍රෑමයක් සඳහා අය කළ විශේෂ වෙළෙඳ භාණ්ඩ බද්ද රුපියල් 100 සිට රුපියල් 10 දක්වා අඩු කර තිබේ.
ආනයනික උම්බලකඩ කිලෝග්‍රෑමයක් සඳහා අය කළ බද්ද රුපියල් 202 සිට රුපියල් 10 දක්වා අඩු කර ඇත.
එමෙන්ම, කැබලි කළ සහ කැබලි නොකළ වියළි මිරිස් කිලෝග්‍රෑමයක් සඳහා පනවා තිබූ විශේෂ වෙළෙඳ භාණ්ඩ බද්ද රුපියල් 50 දක්වා අඩු කර තිබේ.
