අධිකරණ නියෝග නොතකා අනුරාධපුර ඓතිහාසික රුවන්වැලි මහා සෑය අසල මාරාන්තික උපවාසයක නිරත වීම හේතුවෙන් පූජ්‍ය බලංගොඩ කස්සප හිමියන් ඇතුළු පුද්ගලයන් හත්දෙනෙකු ලබන නොවැම්බර් 26 වැනිදා දක්වා රක්ෂිත බන්ධනාගාරගත කිරීමට අනුරාධපුර මහේස්ත්‍රාත් අධිකරණය නියෝග කර තිබේ.
අදාල පිරිස අතර තවත් හිමිවරු තිදෙනෙක් සිටින බවත් සැකකරුවන් මත්ද්‍රව්‍ය භාවිත කර තිබේද යන්න තහවුරු කර ගැනීම සඳහා ඔවුන් මානසික සෞඛ්‍ය පරීක්ෂණයකට සහ වෛද්‍ය පරීක්ෂණවලට යොමු කරන ලෙස ද මහේස්ත්‍රාත්වරයා නියෝග කර තිබේ. පසුගිය 12 වැනිදා රාජාංගණයේ සද්ධාරතන හිමියන්ගේ නායකත්වයෙන් යුත් පිරිසක් සමඟ ඇති වූ ගැටුමකින් අනතුරුව බලංගොඩ කස්සප හිමි ඇතුළු පිරිස පොලිස් භාරයට ගෙන තිබිණි.
