ශ්‍රී ලංකා නිදහස් පක්ෂය (ශ්‍රීලනිප) මේ වන විට විධිමත් ලෙස පිළිගත් දේශපාලන පක්ෂයක් ලෙස සැලකිය නොහැකි බව මැතිවරණ කොමිෂන් සභාව එම පක්ෂයේ විවිධ පාර්ශ්ව වෙත දැනුම් දී තිබේ.
ඒ අනුව, ලියාපදිංචි දේශපාලන පක්ෂයක් ලෙස පිළිගැනීම ලබාගැනීම සඳහා අවශ්‍ය නිර්ණායක සපුරාලීමෙන් පසු නව අයදුම්පතක් ඉදිරිපත් කරන ලෙස මැතිවරණ කොමිෂන් සභාව එම පාර්ශ්ව වෙත උපදෙස් දී ඇත. ඒ සඳහා ලියාපදිංචියට අදාළ අවශ්‍ය නිර්ණායකවලට අනුකූලව විධිමත් පක්ෂ නිලවරණයක් පැවැත්වීම ද ඇතුළත් වේ.
